Sul sito http://www.sondaggipoliticoelettorali.it/ dove chi fa un sondagio politico per la publicazion devi meter i risultati go trovado un sondagio fato el 18 dicembre dala IPSOS. Se scarighè el pdf vedè che oltre ale domande de politica ghe ne xe una che par meno importante.

"Cosa farè dela tredicesima?"

600 italiani ga risposto (6301 ghe ga serà el telefono in muso). Vedemo le risposte:

La spenderà soprattutto per le feste di Natale 17%
la spenderà soprattutto per saldare dei debiti 15%
la spenderà soprattutto per pagare le tasse 9%
la spenderà soprattutto per la salute sua o dei suoi familiari 6%
la metterà da parte con i suoi risparmi 16%
(non sa, non indica) 6%
(non riceverà la tredicesima) 31%
TOTALE 100%

Go pensado alora: e el forum cosa gaveria risposto? E go fato sto sondagio. Sicome son bon go meso che se pol risponder a do domande e ghe ne go zontada anche un'altra. Ve garantiso che el sondagio xe anonimo, perché anche se, forsi, podesimo 'ndar a veder chi che ga dà una risposta, no xe facile e sopratuto no ne interessa.

Funziona i botonzini rossi? Ve fazo comunque i auguri che la tredicesima vegni in bona nel 2019.

mai distinto fra stipendio e tredicesima, i va insieme sul conto corente e co ocori per casa e magnar se spendi, se vanza, se salva... mo credo che per magnar un mesi me vadi una tredicesima intiera..

Piereto ha scritto: ↑lun 31 dic 2018, 11:24 Funziona i botonzini rossi? Ve fazo comunque i auguri che la tredicesima vegni in bona nel 2019.

No xe i botonzini rossi che bisogna fracar, ma i quadratini grigetti che xe in fianco.

vi seguo sempre con piacere

ne fa piazer

babatriestina ha scritto: ↑lun 31 dic 2018, 11:47 mai distinto fra stipendio e tredicesima, i va insieme sul conto corente e co ocori per casa e magnar se spendi, se vanza, se salva... mo credo che per magnar un mesi me vadi una tredicesima intiera..

La pension no ga tredicesima. La tredicesima la ciapo solo cola pension taliana, che xe poca, parchè go lavorà solo 9 ani, dal 1944 al 1953. La go spesa par la salute: trapa e vin nero che 'basa la presion.