In via Revoltella ghe iera una transenna de quele che i meti per dir "Ocio che el marciapie xe dissestà". Penso che la fusi de comun. El maltempo de un'ora fa ga ciapado sta tranenna e la ga gentilmente portada in mezo a via Revoltella, davanti al semaforo. L'aqua che vigniva zo dela via ghe bateva contro e fazeva un schizon alto alto. E tuti i aiuti che vigniva zo, e i autobus, se doveva tirar sula corsia de sinistra per pasar. File che no ve digo.

Un sior xe smontado de un furgon, el ga ciapado la transenna e el la ga butata sotonal muro. Lui iera senza ombrela e el xe andado nel'aqua fin al zenocio, credo che ala fine el fusi veramente slavazà. E cusì el ga liberado le due corsie e el trafico xe andado via de novo svelto.

Mi penso che sto sior, quasi sicuramente, no legi sto forum, ma isteso me par giusto dirghe bravo.

Anche i vigili xe rivadi, ma un quarto d'ora dopo e i ga sistemado meio i tochi.

Bravo, sì sì, ...el suo senso civico xe sta più forte del fatto che el podeva eser multado per aver camina' in mezzo a la strada senza giuboto catarifrangente e sposta'una proprietà no sua. A le volte no se ghe pensa, ma saria anche podudo suceder.