Però podesi verzer una sezion dedicada all'automobilismo e no solo sport vari.

Comunque, visto che gavevo za meso do mesagi sui Go-Kart dal vecio forum, li riporto anche qua con l'intero topic de quela volta, visto che ghe iera anche altro.

-----------------------------

Da SnowLeopard on Fri, 14 Feb 2003 18:42

Dato che Sergio ga menzion la pista de Go-Kart de Prosecco, ecco qua una mia foto su quella pista. No gavevo ancora la patente per la macchina, allora dovevo accontentarme de qualunque roba che gaveva un motor e un volante!

Snow Leopard motorizzada

-------------------------

Da SnowLeopard on Fri, 14 Feb 2003 18:47

Questa invece la iera sul Piccolo e xe nel piazzal del Castel de S. Giusto. Da quando gavevo 12 anni me iero abbonada a Quattroruote e facevo parte della Esso Junior che ogni tanto i organizzava qualche garetta de Go-Kart. Ierimo in 56 a partecipar, iero la sola mula e me son piazzada abbastanza ben, nei primi 20.

---------------------

Da Kasteliz on Sun, 16 Mar 2003 10:05

In pole position

----------------------------

Da Kasteliz on Sun, 16 Mar 2003 10:07

sorpasso

----------------

Da Kasteliz on Sun, 16 Mar 2003 10:08

ultimo

-----------------------

Da Kasteliz on Sun, 16 Mar 2003 10:10

Da quando che go scoverto che per ogni argomento ghe xe più pagine, son andà a zercar indrio nel Forum se xe altre robe interesanti e tra l'altro go visto le foto de SnowLeopard in go-kart a San Giusto e a Proseco.

Bon, qualchedun se ricorda ancora che la prima pista la iera in una campagneta a rente del stradon de Basoviza, più o meno dove ogi xe la strada per el sincrotrone?

Iera el 1961 e iera sta fondà el Karting Club de Trieste, mi gavevo la tesera no.48 de socio ordinario (in Triestin sona mal, ma no poso farghe niente).

La prima gara xe stada fata quarantadue ani fa, proprio in Marzo e mi go avu l'incontestado onor de eser el primo Triestin a gaver perso una gara de go-kart.

Capisso che no xe una gran roba, ma xe sempre meio che gnente, o no?

Più sora go provà a mandar le foto storiche:

1) In pole position son in vantagio
2) El mato de drio, con un colpo de reni, el scominzia a rimontar
3) Sorpaso efetuato, intanto che mi zerco ancora de capir qual che xe el pedal de l'acelerator e quel dela frizion. Bisogna pensar che quela volta, l'unica esperienza che gavevo de corse a quatro riode, iera limitada ai careti cole baliniere.


----------------------------------

Da Kasteliz on Sun, 16 Mar 2003 22:28

No xe che poso contar asai.

Anche a Trieste iera rivada la notizia che in America i gaveva scominzià a corer su careti motorizai con i motori dei taiaerba, cusì un ciapo de muli con a capo un personagio, che saria diventà asai importante nei primi ani '90 per po' finir malamente (ma no economicamente), e un garagista de via Fabio Severo alta, i se ga meso insieme e i ga comprà due careti.

El garagista iera anche el paron dela campagneta sula Basovizana e cusì se ga scominzia a corer con ste trapole. Un rumor che no ve digo. Quela volta ecologisti, verdi vari e wwf no iera ancora de moda, cusì nisun ga protestà per i poveri caprioi, levri e useleti che sarà scampadi chi sa dove.

No go idea quanti che se gavesi iscrito ma tuta la storia no ga durà per sai tempo dopo la prima gara storica, a baterie de due piloti a eliminazion.

Comunque anca el Picolo iera presente e no ve digo che casin che ga fato mio papà col ga visto el nome onorato dela sua famiglia sule pagine de un giornal.

Secondo lui sul giornal, morti a parte, finiva solo i politici e i mascalzoni, pertanto mai el se saria aspetà una roba del genere da un suo erede.

Mia mama inveze me ga dà solo un per de papini: uno per i pericoli che gavevo corso, secondo ela, e uno perché ghe gavevo dito che iero andà a studiar de un amico.

Cusì un futuro promettente pilota de formula 1 xe stà stroncà sul naser.

Altri tempi.

Pista a Prosecco ? Dove ?

Quela de Proseco iera là dove xe la Coca Cola o la Telit (forsi la Telit), se ricordo ben.

rofizal ha scritto:Iera el 1961 e iera sta fondà el Karting Club de Trieste

El Piccolo de oggi, riportado dal 1961, scrivi

È stato costituito ieri il Karting club Adriaticum Trieste. Presidente del nuovo club kartistico è stato nominato il signor Giuseppe Bellizzi jr.
Nel programma sociale, vi è la costruzione di scuderie per l’attività agonistica, fra cui una Dame.

Qualcuno mi riesce a dare delle info in più su questa ex pista di prosecco? dove si trova di preciso? al momento è totalmente abbandonata?
Grazie mille a chiunque mi risponderà!

lary90 ha scritto:Qualcuno mi riesce a dare delle info in più su questa ex pista di prosecco? dove si trova di preciso? al momento è totalmente abbandonata?
Grazie mille a chiunque mi risponderà!

questo è quanto mi risponde un amico che ne sa di più, a cui giro i mille ringraziamenti:

La seconda pista de go-kart a Trieste la iera sula strada che va ala Stazion de Proseco.

La iera a sinistra, dopo de la Coca-Cola (Telit) e dopo de l’hotel Week-End, anche quel ogi un rudere abandonado. Chisà perchè no el ga avu fortuna. In quei anni almeno el bar el iera abstanza frequentado.


Dopo, sul teren dela pista, Hausbrandt gaveva costruido un capanon, che ogi, dopo vari cambiamenti, par che sia un deposito dei Mobili Elio.