Marzo 2007: Trieste in fiore

[Nona Picia]

Ogi go visto un bel cactus e go avù anche la sorpresa:

[Nona Picia]

ancora una foto de "Trieste in fiore", no le xe un granchè, ma mi no son zoomy!

[sum culex]

In viale xè la fiera 'Trieste in fiore': la va dai portici de Chiozza a via Rossetti.
Tantissimi gazebi con fiori de tute le qualità, ma ghe xè anche altre tiplogie de articoli che coi fiori no ga gnente cossa spartir.
Come al solito tante foto (xè un mio difeto, ma no son bon de far de meno); go evità, dato l'argomento, de meter, salvo qualche eccezion, foto che no sia de fiori. Manca un poco de brilanteza, ma, come che savè, in Viale no bati el sol.
De tantre piante, me dispiasi, ma no so o no son sicuro dei nomi, al caso chi che sa più de mi pol coreger o agiunger: grazie in anticipo.

Eco l'ingresso dal lato de via Rossetti



Dala parte bassa del Viale se vien acolti de questa composizion



La fontana col mascheron tra le palme

[sum culex]

Cassete e cassete de begonie




Maree de viole del pensiero

[sum culex]

Dalie de tuti i colori



Un vecio caro tuto adobà con due figure vestide de foie de laverno e de mus'cio

[sum culex]

Soto e rente al caro altri fiori



Fiorissi luganighe e salami (no so se xè zime o se i ga za radise)

[sum culex]

Questa xè una de quele che no so el nome



Limoni

[sum culex]

El mandarin cinese: Kumquat o qualcossa de simile



Un'altro nome che no so

[sum culex]

I prodoti dele piante: peperoncino, caperi, olive, ecc.



Fruti disidratai: sempre de roba vegetale se trata



Una aquilegia un poco diversa del solito come colori

[sum culex]

Convolvolo perenne, almeno cussì xè scrito



Xè un ibrido de gerbera o xè altro???



No so, roba che no go mai visto e che no trovo sui libri

[sum culex]

Bouganvillea: brattee colorate con piìci fioreti coor avorio

[sum culex]

Gerbere???

[sum culex]

Sto fior qua ga un nome dificile che no me ricordo



Con tanti polini che gira vien le alergie e bisogna sufiarse el naso: giustamente i ga messo una bancherela coi fazoleti (iera anche tovaie e bambole ma no importa)



Rododendri e/o azalee

[sum culex]

[sum culex]

Cactus. Xè una dele tante mamillarie



Stenocereus marginatus (iera scrito)

[sum culex]

El cussin per la suocera!
Echinocactus grusonii



Volessi veder qua le suocere sentade anche se nona picia xè suocera do volte



??? Xè due oci come quei dele cagoie ma senza i corni. Chissà cos' che xè! No steme dir un fior. percè fin qua ghe rivavo de solo.

[sum culex]

E per ultimi i fiori più bei, più strani e più apariscenti: le orchidee

Un Cymbidium






El suo nome doveria esser Phalenopsis

[sum culex]

No stè nasar perchè no le ga profumo! (e anche se le gavessi....)

ciao
zoom culex

[babatriestina]

[MOD]domando scusa, ma za NonaPicia ga messo un per de foto de Trieste in fiore nela sezion "flora", che a mi me paressi meo in attualità, podemo unificar i do topic? e metterli là??[MOD]

[sum culex]

[MOD]domando scusa, ma za NonaPicia ga messo un per de foto de Trieste in fiore nela sezion "flora", che a mi me paressi meo in attualità, podemo unificar i do topic? e metterli là??[MOD]

Mi go messo qua come manifestazion odierna (come che gavevo a suo tempo messo el 'sardon day'). No me pareva giusto in 'flora': là metessi fiori spontanei e anche roba de giardini, ma sempre locale. Attualità: sì poderia andar anche se mi 'atualità' la vedo de più come informazion per avenimenti artistici o per esempio progeti de ristruturazion e robe simili.
Comunque se a ti te par più giusto meter in 'atualità' e riunir i due sogeti (=topic), fa pur, mi no go gnente in contarrio.
Go tradoto 'topic' in italian guardando sul vocabolario, perchè a mi, se esisti una parola italiana col significato giusto, me da fastidio doprar parole straniere, che purtropo ogi ghe ne vien fato un uso smodado.
ciao
sum culex