Bolletta acegas

Foto, anche strane, de cuel che se vedi in giro per Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Bilbo
Site Admin
Messaggi: 2268
Iscritto il: dom 25 dic 2005, 20:51
Località: Trieste

Re: Bolletta acegas

Messaggio da Bilbo »

mi me riva regoalare.... con letture stimade a cazzo, ma regolari....anche perchè no go domiciliazion.....

ai miei ghe riva anca.....

ai tui vicini ghe riva? se anca lori xe senza bolete da tempo, forsi una segnalazion in hera andaria fata....


Bye '73 de Roby.-
Ciancele
no montar in scagno
no montar in scagno
Messaggi: 4472
Iscritto il: gio 28 lug 2011, 22:30

Re: Bolletta acegas

Messaggio da Ciancele »

Noi gavemo una specie de contrato. E gavemo un contator. Che sia aqua, luce, gas o petes no conta. Conta i numeri. Indiferente se te ga solo una cantina de do metri o un grataciel. Conta i numeri. I numeri xe el consumo. El prezo per kilowatt o metro cubo xe ... meio no parlar. El se componi de un fiso, che va a seconda de quel che se consuma, un costo e spese de aministrazion. Chi che consuma poco ga un fiso basso e costo alto, chi che consuma ‘sai ga un fiso alto e un costo baso. Una volta a l’ano i disi quanto che se devi pagar ogni mese de anticipo. L’ano pasà i me ga tornà soldi indrio, parchè gavevo pagà tropo, e i me ga aumentà l’anticipo che iera tropo baso. Ghe go scrito e domandà se i fa de cassa de risparmio. Speto la risposta. ‘sto ano repete. No scrivo. Anca parchè coi soldi che i me ga tornà paso un bel fine setimana in albergo in qualche bel posto.
Se per visura catastale se intendi un toco de carta con la posizion e i metri quadrati, ‘sta roba servi a tuti meno che a quei de l’aqua. I metri quadrati servi par la tassa sui imobili. Ma chi che la manda ga za tuti i dati e no ocori dirgheli ogni giorno. La posizion xe per i scovazini che scova le strade. I paroni de casa paga un tanto per ogni metro lineare de marciapie. Ma chi manda la tasa ga za tuti i dati. Vedi sopra.
Qua i la conta che el costo dela luce e del gas cambia ogni tanto, ma che automaticamente i lo adata al costo più bon pal cliente. Ve gavè inacorto che go scrito i la conta e no i conta? Ogni tanto i ofri un contrato con condizioni più o meno bone. Mi ghe go scrito che no ocori, tanto i adata automaticamente ecc. ecc. I me ga risposto che bisogna far un novo contrato.
Se pol anca cambiar le fornitor. Ma anca ‘sto qua l’ano dopo el aumenta e te devi cambiar de novo. Un mio vizin cambia ogni giorno. Mi no, parchè el vantagio xe minimo e no so se merita far tanta fadiga par un soldo.
Ogni casa ga un contator centrale e ogni quartier un proprio. La somma dei contatori dei quartieri xe de solito de poco inferior al contator centrale. ‘sta diferenza va divisa tra i inquilini come luce scale ecc. Sia quartieri in afito sia condomini ga el steso problema: divider per numero de gente o per metro quadrato? Qualchedun disi: Mi go setanta metri, ma son solo. Quel sora de mi ga anca setanta metri ma i xe in oto. E tuti se lava e i consuma aqua per cusinar patate o pasta. ‘lora i dividi la spesa in do parti: una per metro quadrato e una per gente. Cusì se zerca de far contenti un poco tuti.


Avatar utente
sono piccolo ma crescero
Cavalier del Forum
Cavalier del Forum
Messaggi: 7847
Iscritto il: ven 11 mag 2007, 14:08
Località: Trieste

Re: Bolletta acegas

Messaggio da sono piccolo ma crescero »

Per la luce noi gavemo una quota fissa, una quota per energia impegnada (mi posso conumar fin a 3 kilowatt; se voio poder consumar fin a 5 pago de più) e po te paghi i consumi, che xe divisi in trasporto, oneri di sistema e energia. Perché te digo questo? Perché se te coverzi la casa de panei fotovoltaici e te produsi più corente de quel che te consumi, i te paga la corente, un poco meno de quel che i te la vendi, ma trasporto e sistema te li paghi anche su quei. E se te provi a venderghe quel che te produsi in più a quel del pian de sora ... multa o forsi anche preson, no so. Pensa che me par che nela mia boleta pago anche ... per chi che no paga.

I costi unitari cambia ogni mese, ma deso i vol che se cambi e che femo contrati a prezi fissi.

Insoma i ga sempre ragion lori. Go un amico che se ga fato la casa che no consuma gnente. El se ga meso un paco de baterie per cui de note el dopra la corente che el ga prodoto de giorno, e ghe riva isteso una boleta de no so quanti euro (me par 40 ma no voleria sbagliar) ... per no ver consumà gnente.

Però el mio problema deso xe l'aqua: gavemo, come che te disi ti, un contator in porton e tanti contatori nei quartieri. Per far i conti bisogna legerli tuti insieme: a ognidun el suo e al condominio (lavar le scale, aqua dei caloriferi, ...) la differenza. Ma leger i contatori costa e quindi no i vien. Qualchedun a casa ga provado a far l'autolettura, ma gnente. Ogi provo a telefonarghe, ma un altro che lo ga fato i ghe ga ridù drio...

E dopo ne riverà una boleta de 1000 euro.


Non sono abbastanza giovane da sapere tutto. (J.M. Barrie - The admirable Crichton)
Avatar utente
sono piccolo ma crescero
Cavalier del Forum
Cavalier del Forum
Messaggi: 7847
Iscritto il: ven 11 mag 2007, 14:08
Località: Trieste

Re: Bolletta acegas

Messaggio da sono piccolo ma crescero »

Un poco de tempo fa i me xe vignui a cambiar el contator del gas, supermoderno e me par de ver capido, in grado de far la telelettura.

Ogi me riva una mail: "Caro cliente te podesi far l'autolettura del gas cusì te metemo giusto quel che te ga consumado?" Insomma l'automatismo xe che ghe devo mandar mi i dati dopo verli leti?

No basta: i me disi che poso andar sul sito o mandarghe un sms. Vado sul sito e in grando vedo "Il servizio di autolettura con sms non funziona"!

Ahi serva acegas di dolore ostello
nave sanza nocchiere in gran tempesta

Me par che Dante scrivi propio cusì o me sbaglio?


Non sono abbastanza giovane da sapere tutto. (J.M. Barrie - The admirable Crichton)

Torna a “Atualita` triestine”