Riscaldamento

[Nona Picia]

Pareria che anche noi doveremo ridur la temperatura in casa a 18° per via del'inquinamento. Ma no saria meio che tuti quei che pol lassassi a casa la machina?

[babatriestina]

Xe un INVITO del sindaco, insiema a doprar poco la machina. Per via del inquinamento... Che i lavi le strade e che i tegni piutosto de ocio quei tant negzi che scalda col porton averto sula strada. No parlemo dela feriera... e per el traffico, mi che giro a pie per el centro diria che de diversi mesi se vedi meno machine de quando che iera la benzina agevolata..

[sum culex]

Metè pur el termostato a 18°; dipendi de dove che el xè (no parlemo de riscaldamenti centralizai ma autonomi). Mi lo go in coridoio e el se studa co riva i 18° se la porta dela veranda xè serada ma se la xè verta, nele camere e in cusina la và circa a un grado più su. Questo in piano tera; in primo pian, meno che in camerta de leto, la se alza un poco de più, d'altro canto se sà che l'aria calda tendi a spostarse verso l'alto.
Per dir la verità, de note lo tignimo a 17°, ma co xè basse temoperature e sopratuto bora la caldaia fà el suo lavor.
Devo anche dir che semo veci e semo, data l'età, diventai bastanza fredolosi e anche se se vestimo de più spesso no basta....
ciao
sum culex

[Piereto]

BT ga dito che i lavi le strade. Xe vero per eliminar le polveri provocade da tuti i sistemi che brusa gasolio e combustibili solidi come carbon e pellet, che se deposita e che po le entra de novo in circolo, ma anche e sopratuto i marciapie per eliminar la pipì dei cani ( più de diecimila che fa 10000 litri) de miasmi poco igienici. '

[babatriestina]

e anche pipì no solo de cani, in centro...