El cinghial....:)

[Nona Picia]

iera un cinghial.....e xe anche la rima!

[babatriestina]

più che el cinghial ( adomesticado, i disi) colpissi la strage de bestie fatta de un un tantin fora de testa, che za altre volte gaveva copado bestie. Oviamente no nome, perchè el xe assistido dei centri de igiene mentale. come quelc he col tubi ga danegiado la Fama dea fontana in piazza. E po se vantemo che Basaglia ga molado i mati, Va ben tratarli ben e no maltratarli serandoli a vita. ma me par che semo finidi nel eccesso oposto... e come sempre lu no paga perchè xe mato.. e ala fin fine paghemo tuti noi, imagino

[sum culex]

No xè tanto un sbaglio de Basaglia, anche se el ga fato una roba tropo completa senza gaver una progression nela aplicazion dele regole. Per mi el sbaglio xè anche e sopratuto de quei che gavessi dovudo proveder a quel che voleva Basaglia fazendo le robe con più tutela per i ex degenti in manicomio. Xè anche de tignir conto che dopo che i ga serà l'ospedal psichiatrico senza tutela dei ex degenti, se me ricordo ben, ghe xè stai anche diversi suicidi: e ogi sucedi le robe de cui sentimo parlar e che no dovessi suceder se i conroli ecc. ecc. fussi eseguidi con una magior assistenza a quei che xè fora de testa.
Ciao
sum culex

[Ciancele]

El fato xe che tuti vol ciapar madaia e 'lora i combina le monade che tuti savemo. Anca qua i lasa fora de preson ladri (che 'pena fora i ruba), violentatori (che 'pena fora i ghe salta 'doso a qualche putela) ecc. La gente se lamenta e lori i rispondi che in preson i se ga sempre comportà ben e che no se podeva creder che 'pena fora i gavaria continuà. I ghe ga spiegà che xe logico che in preson no i ruba e no i violenta. Ma ben 'pena fora. E penso che la stesa roba xe stada con San Giovani. I ga dito: Ma varda povareti. Contar saseti de inverno co'la zima. Li lasemo fora, i se crompa un computer e i conta meio. Bisognaria mandar a conta saseti chi che ga 'vù l'idea. Mi son sta a San Giovani nel 1948/49? e in un manicomio qua nei ani setanta. Qua go visto el diretor e go pensà che no iera diferenza tra lu e i altri. Qualchedun contava che 'sta povara gente vien ligada in leto parchè che no i rompi. E anca in qualche ospizio per veci. Ma questo xe l'altro estremo. Per far controli ben fati, più che controli bisognaria poder tender 'sta gente come che se devi, se devi gaveer manodopera. Insoma gente, gente e gente.

[Piereto]

La mancanza de controlli ? Xe nel dna delle genti italiche. E mancando i controlli tuti e nisun se fida un de l'altro e per questo se xe anche tuti litigiosi. Xe una cadena de manchevolezze che ne fa diventar maestri de arangiarse. Xe che se resta sempre in superficie e no se aprofondisi mai. Almeno mi cusì me spiego el tran tran de le riforme e el mar ve ciacole dela politica.