San Nicolò: una canzon dei Sardoni barcolani vivi

Foto, anche strane, de cuel che se vedi in giro per Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

San Nicolò: una canzon dei Sardoni barcolani vivi

Messaggio da sono piccolo ma crescero »

Nel cd che che xe vegnù fora per Nadal 2015 ghe xe una canzon che me ga piaso sia come musica che come parole, perché me par che la pituri sai ben l'ategiamento che xe a Trieste da darghe sempre ai altri la colpa de tute le disgrazie e de no riconoser che un poco (o bastanza) xe colpa anche nostra.

La go tirada zo scoltando. Ve laso el testo per meditazion.

Che senso ga meterse a bazilar
far e disfar xe tuto un lavorar
perché propio mi dovesi impegnarme
de fadiga podesi malarme

Sicuro che noi no gavemo la colpa
se la zità iera meio una volta
tanto savemo che riverà
chi porta regali e felicità

Rit
Ormai son grando xe vero però
ghe credo sempre a san Nicolò
no so ancora cos che farò
ma mi ghe credo a san Nicolò

San Nicolò san Nicolò
iera quel che spetava Godot
mi speto ancora san Nicolò

I disi "a Trieste semo ale fiepe
per via e de l'Austria e de Ceco Beppe
ma vegnerà a salvarne i'Taliani
bobane per tuti za per domani"

I disi "a Trieste xe tuto morto
de l'Austria noi altri no semo più'l porto
sti Savoiardi ne ga spompà
ma riva chi porta prosperità"

Rit.
Ormai son grando xe vero però
ghe credo sempre a san Nicolò
no so ancora cos che farò
ma mi ghe credo a san Nicolò

San Nicolò san Nicolò
iera quel che spetava Godot
mi speto ancora san Nicolò


Coi Americani qua no se sbaia
se canta se bala xe tuto una fraia
ma se tornasi de novi i'Taliani
saria più lavor nei prosimi ani

I disi a Trst je tuto fermo
colpa di Jugo e di comunismo
noi no volemo e tignimo duro
staremo de luso co cascherà 'l muro

Rit.
Ormai son grando xe vero però
ghe credo sempre a san Nicolò
no so ancora cos che farò
ma mi ghe credo a san Nicolò

San Nicolò san Nicolò
iera quel che spetava Godot
mi speto ancora san Nicolò


I disi a Trieste xe grosa crisi
che dura magnar solo risi e bisi
ma co la cità metropolitana
pila per tuti e vita mondana

Vegnerà a Trieste un bel domani
l'importante xe star fermi e spetar
che un regalo i te vegni a portar

(e qui interviene san Nicolò)
Per chi me gavè ciapado no so
no salta el macaco se fraco el boton
cosa pensè che ve dago no so
più che nosele e mandarini no go

San Nicolò san Nicolò
In tacuin no go un per far do
e ala befana ghe scriverò

Recitato
E fe i bravi fioi, senò ve riva
una zaia de carbon
ho ho ho!


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)

Torna a “Atualita` triestine”