17 marzo

Chi me sa dir perché i autobus ogi gaveva le bandierine? Che festa xe? Secondo Wikipedia xe el giorno che Cesare ga sconfito definitivamente Labieno nela bataglia de Munda, ma me par improbabile...

sono piccolo ma crescero ha scritto: ↑dom 17 mar 2019, 20:43 17 marzo

Chi me sa dir perché i autobus ogi gaveva le bandierine? Che festa xe? Secondo Wikipedia xe el giorno che Cesare ga sconfito definitivamente Labieno nela bataglia de Munda, ma me par improbabile...

Dovessi esser una festa del tricolor.
https://it.wikipedia.org/wiki/Anniversa ... d%27Italia

Nb a Munda oltre che Labieno xe morto anche Gneo Pompeo, el fio de Pompeo. ghe xe un romanzo storico, de pura fantasia,, ovviamente, che conta che Labieno fa solo che finta de passar a Pompeo e in realtà el lavora per Cesare, fazendoghe perde a Pompeo tutte le battaglie. ben, sarà un romanzo, ma un abattaglia imperdibile per Pompeo come Filippi guarda caso xe stada decisa del cedimento del ala che tegniva Labieno...

babatriestina ha scritto: ↑lun 18 mar 2019, 6:29 Dovessi esser una festa del tricolor.
https://it.wikipedia.org/wiki/Anniversa ... d%27Italia

Grazie. Una curiosità: chi saveva alzi la man!

iera qualcossa sti giorni sui giornai e su facebook, ma xe una festa poco nota

Sarà una festa dell'ultima ora tirada fora per ricordarghe a qualchidun l'unità d'Italia.

Noi se ricordemo solo che le feste co gavevimo vacanza de scola noi co ierimo fioi

Giusto, e ghe ne iera qulchiduna de più de ogi.

Mi de marzo so solo el 19: San Giusepe. El giorno iera importante parchè iera la Milano-San Remo, la festa nele osmize a San Giusepe (Mocò, a nord-ovest di Bolunz). De politica a scola go imparà solo el 23, in piaza San Sepolcro. A scola zigaimo: Saluto al Duce. A noi! E po iera el solito che continuava, par via dela rima: Slabe ribe pečerne zjvel Nabergoj!
El 17 i lo devi gaver inventà dopo la guera, co’ mi no ‘ndavo più a scola.
Piereto ga ragion. Una volta iera più feste. E per far più festa, se fazeva lipe (si marinava la scuola). Mi me vergogno de dir che no go mai fato lipe. Ma no iera gnanca bisogno. Matematica e tedesco gavevo lodevole. In francese anca. A scola spavavo e legevo el Guerin Sportivo che me dava el mio amico Giorgio. No digo el cognome e par quale squadra zogava balon, parchè tanti lo conosi forsi. Un bon mulo.