Zona archeologica de Punta Sotil

dei omini preistorici, i castellieri, fin ala Tergeste romana, inclusa
Regole del forum
Collegamenti al regolamento del forum in varie lingue ed alle norme sulla privacy in italiano.
ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Zona archeologica de Punta Sotil

Messaggio da ffdt »

Finalmente rivo a trovar un poco de tempo e de trancuilita` per ripropor un discorso che gavevimo za fato su TriesteMia :-) ... cuel de la zona archeologica subacuea de punta sotil.

Iera nato tuto de un mesagio de Delio che 'l rportava un articolo de Il Piccolo de 'l 3 Agosto 2005 indove che i parlava, a punto, de sti resti che i xe soto acua tra punta soltil e Lazareto ... proprio la` indove che la gente la va a far el bagno :-)

Gaveva zontado cualcosa anca Servolo, relativamente a i resti de Stramare e cusi` me iera vignuda la curioxita` de informarme de piu`, anche perche` de mulo, dixemo tra 'l 1983 e 'l 1988, andavo speso a 'l bagno a Lazareto e i muli che iera abituéé de quei posti i contava de una strada soto acqua proprio a Punta Sotil.

Mi no iero mai andado a vardar e anche quei che i iera andadi no xe che i gaveva gavudo tuta sta ecitazion archeologica: la domanda iera "chi sa indove che la menava" e 'po bon. Quela volta le mule le iera sai piu` interesanti ;-) ;-D

A dir el vero la diferenza tra cuela volta e adeso xe che se ga alzado l'eta` de le mule interesanti ;-D de mulo le me piaxeva tra i 15 e i 22 ani, adeso soto de i 35 no le vedo gnanca ;-D ;-D ;-D ;-D ... ma no xe de cuesto che ve volevo parlar ;-)

Sta la roba de la "strada in te 'l mar" a mi la me iera restada in testa e ogni tanto me vigniva quela de butar una telecamera soto acqua per veder cos' che ghe iera. La notizia che Delio ga riportado la me ga fato capir che anche a altri ghe iera vignuda quela idea e cusi` go zercado un poco in te 'l Internet e ghe ne iera nato un tema interesante che ve torno a propor.

No sara` el steso dicorso che iera vignudo fora su TriesteMia perche` cuela volta iera una roba xvilupada su 'l campo, e man man che andavimo avanti a parlarghene se zontava spunti "vivi" ... mi adeso ve conto de cos' che gavevo trovado e cuindi xe solo che ricordi ;-) ... sempre che cualche d'un no voli aprofondir ;-)

Comuncue spachero` 'l discorso in tochetini per no gaver pagine tropo piene de roba :-)

Ciau

Franco
Ultima modifica di ffdt il sab 30 set 2006, 14:17, modificato 3 volte in totale.


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Zercando un poco in te 'l Internet se trova diverse robe, ma xe material sparso un poco cua e un poco la` e no xe organizado. Adiritura ghe xe robe che se le trova solo che in te la cache de Google, perche` i siti indove che le iera publicade no i xe piu` ativi.

Comuncue che sia, la prima notizia che go trovado xe stada la copia cache de http://ambiente.triesteincontra.it/wwf/ ... mode=topic archiviada de Google indove che no solo i contava de 'l progeto "Muja Turistica", ma anca i gaveva zontado la "Carta della costa muggesana con gli elementi sottomarini naturalistici e archeologici di pregio". No ocori che ande` a zercar el sito (che me par che 'l sia studado) perche` la carta la ve xe cuesta qua (e se vole` vardarla in te le sue dimensioni reali basta che ghe frache` per de sora co' 'l sorzo):

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Comuncue, iera la meta` de agosto de 'l 2005, go imbragado la familia e, za che iera de andar a 'l bagno, semo andai proprio a Punta Sotil. Efetivamente ghe xe robe strane la` de soto e cusi` el giorno drio semo andai a comprar maschere per vardar soto accua (no roba de sub profesionisti) e una machineta fotografica stagna de 'l tipo" dopra e buta". Per cuei che ghe interesa la machina la xe de la Kodak (cuela volta mi no gavevo trovado altre) i conta che la guanta fin a 15 metri soto accua e la fa fotografie per 10 euri e cualcosa.

Bele no diria, pero` che sia fotgrafie fate soto accua no se pol meter in dubio ;-) ;-D

E adeso ve conto de cuel che go visto e de le idee che me son fato, dixendo ciaro subito che mi no son archeologo de profesion, che no son sub de profesion, che no son naturalista de profesion, che no son geologo de profesion e che no go mai studiado per nisuna de ste robe e compagno (no go studiado) gnanca per capir le lingue antiche.

Ve digo un tanto percio` che nisun el me salti indoso dixendo che mi no go titoli per parlar. Xe vero: no li go. Pero` go do oci e un zervel e mi conto de cuel che go visto mi per come che 'l me ga parso a mi. Gnente che gabi voia de eser uficial.

Se a cualchedun ghe salta el tic de dirme che xbalio, basta che el vadi soto accua a vardar co' i sui oci e a pensar co' la sua testa. :-)

E dopo sti "disclaimer" andemo avanti ... ma in t'un altro mesagio, che se no sto cua el diventa tropo longo. ;-D ;-D ;-D

Ciau

Franco


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Devo dirve che dopo gaver fato tute le 27 foto de 'l rulin in un solo giorno gavemo decixo de andar a comprarse anche le pine per nudar meio e semo tornadi un'altra volta. Ogni volta semo stadi in accua per ore, un tiro de matina e un altro tiro de dopopranzo ... e me son becado do volte una meza solada ;-D ;-D ... come dir una solada intiera ciapada a rate ;-D

E dopo semo tornadi ancora perche` in do giorni semo rivadi a vardar si e no meta` de cuel che ghe xe. E senza gnanca far nisun tipo de ricerca: gavemo vardado e basta, come i turisti ;-)

Comuncue go zercado ancora in te 'l Internet e go visto che el posto el xe stado za vixitado de un saco de lori tra cui, me ga parso de capir, "Italia Nostra, Lega Ambiente, la Società di Studi Nettuno, Il Comitato SOS Muggia e il WWF". In te 'l 2003 i ga anca fato un incontro publico (el 25 genaio) co' 'l titolo "Quanto vale la costa di Muggia? La parola agli esperti" e i ga publicado anca un documento (in formato pdf).

I conta che 'l logo el xe sai interesante sia per cuel che val per le bestie che ghe vivi, sia per le piante, sia per el fondo che per le opere romane antiche.

Che ghe sia opere romane antiche lo dixi lori, no mi. Mi go visto robe che ve mostrero` fra poco, ma de cua a dir che le ga fate i antichi romani per mi xe un salto che no me sento de far. No me basta dir "e chi te vol che le gabi fate" per dir che i xe stadi lori. Ma lori i xe esperti e i se ciol la responsabilita` de cuel che i conta e mi ve digo che lori i lo ga contado ;-D

Se varde` in te la carta che go meso prima, podere` veder che ghe xe tre tipi de fotografie: la "piataforma somersa", el "molo romano" e 'l "ambiente natural".

Ghe xe anche cuei che i dixi che de moli romani ghe ne xe do, e per mi ghe xe anche cualcosa altro, pero` andemo con ordine. :-)

Per prima roba parlemo de la "piataforma somersa". In te 'l sito de la societa` Nettuno i conta che i blochi de arenaria che xe soto accua no i xe opera fata de 'l omo ma solo che un capricio de la natura. Mi no discuto che i sia bravi, pero` per mi ghe se sia cuel che cuel. E adeso ve mostro perche`.

Come prima roba eco una foto de indove che no se capisi gnente, trane che se no xe bela giornada e la luce giusta, gnente sporco e la marea bona (visto che cua semo su fondai basi), soto accua no se capisi un tubo e se ghe pol pasar vizin de cualuncue roba senza gnanca inacorzerse de ela (come sempre per gaver la foto granda basta che ghe frache` per de sora co' 'l sorzo):

Immagine

El resto a la prosima.

Ciau

Franco


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Go de dirve che le foto le xe stade fate su rulin chimico, tirade su co' 'l scaner e che le xe tute ritocade in te la luminoxita`, perche` per come che me le ga dade el fotografo le iera un mal de panza che no se capiva gnente. Per fortuna che go rivado un poco a refarle ;-) ma 'l scaner el stava morindo e di fati se vedi ogni tanto righe colorade che no c'entra gnente ;-D

Alora, nudando la` de soto mi go visto tre tipi de fondo: sabia, sasi e sabia con soto i sasi. Go scavado un poco con un tubo longo 59 cm (xe cuel che go trovado a caxa ;-D ) e in certi punti go trovado solo che sabia ma in certi altri soto de 'l primo vel de sabieta ghe iera piere. Naturalmente no son andado per 59 cm soto de la sabia ... gavero` rivado a 'ndar a la granda per 30 cm. Piu` in soto no so cos' che sia.

La zona de la sabia la xe piu` o meno fata cusi` (e per gaver la foto granda basta che ghe frache` per de sora co' 'l sorzo):

Immagine

Se varde` ben, cuel gropeto che se vedi in te 'l cuadrante in baso a sinistra de la foto (ma verso el centro) el xe una bala de alighe che la se moveva co' la corente. E ghe ne iera tante: un poco come che i mostra in te 'l vecio west co' i cespugli che rodola in te 'l dexerto. No ve fazo 'l ingrandimento, perche` no se vedi ben come a eser la`: cuesto perche` la machina la go tignuda tropo lontan, perche` l'aliga la se moveva e perche` la corente la stava alzando la sabia. Anche mi, nudando, go alzado sabia e no me go inacorto, cusi` la foto la xe vignuda malamente e anca a ingrandir no se capisi un tubo ;-D

A sinistra xe cuel altro tipo de alighe che le xe come l'erba de 'l pra, co' le foie strete: cueste le vivi in grupo ... tipo aiole.

E 'l resto fra un poco.

Ciau


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

La zona de la sabia con soto i sasi la xe fata cusi` (e de novo per gaver la foto granda basta che ghe frache` per de sora co' 'l sorzo):

Immagine

No per tuto ghe xe le alighe: cua se vedi meio cuele co' le foie longhe e strete che ve dixevo prima. In certi punti xe solo che sabieta senza piante, pero` no se riva a scavar perche` ghe xe le piere per de soto. Basteria scovar un poco per vederle, e mi lo go fato co' la man, pero` dopo iera cusi` tanta sabia in te l'accua che no se podeva piu` far foto. Una volta tornada in tera la sabia no se vedeva piu` che ghe iera i sasi. ;-D ;-D ;-D

Adeso ve meto ancora una e 'po molo per un poco che xe ora de pranzo ;-D.

Ciau

Franco


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

La zona de i sasi, inveze, la xe cuesta (anca cua pode` veder la foto piu` in grando ma no ve digo piu` come che se fa ;-D ;-D ;-D):

Immagine

No steve a spetar che no ghe sia nisun altra forma de saso: ve go meso sta foto cua solo per far veder che che indove che xe sasi ghe ne xe tanti ... se a cualche d'un ghe ocoreva una prova ;-D ;-D ;-D ;-D

Un pochi i xe fati in modo asolutamente iregolar, come che xe anche i sasi che se trova in pra (a mi i me ricordava cuei de 'l Carso, anche se cua soto par che sia tuto arenaria e no calcare), pero` ghe ne xe altri che i xe piu` regolari.

Cualche d'un, secondo mi, anche *tropo* regolar pe' i mii gusti. Ma cuesti li vedemo la prosima volta.

Ciau

Franco


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Bon ... go pranzado in furia :-) e adeso eco cua ... nudando a un certo punto go trovado sti sasi fati cusi`. E gnanca in t'un punto solo. I xe un capricio de la natura o i xe cuel che resta de scalini? No so, perche` per capir un poco meio ghe voleria alzarli e vardar cos' che ghe xe per de soto.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Adeso rivemo finalmente la` indove che ve gavevo promeso: la "piataforma somersa". A vardar de la carta la xe proprio davanti de Punta Sotil. No xe una roba certa, pero` se ande` in acua proprio zo de la punta (la` de la curva, indove che xe cuel tochetin de erba indove che la gente la se distira co' i sugamani) la trove` subito.

Vado a memoria, ma me par che se la trova anche fazendo coincider i do riferimenti che ghe xe. Un xe una picia coloneta de cemento che la spunta de un bloco (de 'l steso tipo de cemento) plozcado proprio in zima de la punta (se ande` la` la trove` de sicuro). Cuel altro el xe un obelisco piturado de bianco meso in te 'l giardin de 'l bagno a pagamento de punta sotil: alto e groso che 'l xe, xe imposibile no vederlo.

Bon: voi ande` in accua e ve mete` co' sti do un davanti de 'l altro (in linea) e vedere` che trovere` la piataforma. Magari no subito, perche` 'l obelisco el xe cusi` largo che la coloneta la ghe sta dentro tre volte (anche vista de lontan) pero` groso modo sta roba la xe la`. C'o xe alta marea la sara` soto de un metro e mezo circa (co' le onde se pol andar de 'l metro a i do metri) ma co' la xe basa no xe piu` de 1 metro ... in certi punti anca de meno.

Cuesta xe la "strada" che ve dixevo che contava i muli. Adeso de sta roba cuei de la Nettuno i dixi che no la ga fata nisun ma che la xe un particolar tipo de fenomeno de erosion ciamado "piattaforme costiere" o "terrazzi di abrasione" e che se trova anche in Tasmania e anca che i sasi de sta "piataforma" i ga "le stesse caratteristiche" e che i xe "posizionati allo stesso modo delle rocce che affiorano lungo la strada retrostante". Mi no son andado a vardar le piere drio de la strada cuindi no ve poso far paragoni ... per zonta adeso i sta fazendo orori de scavi in piu` de un punto e cuindi me sa che podemo dimenticarse per sempre che in cuela zona ghe sia mai stade cuele conformazioni de piere. Caxo mai se cualchedun de i foto-naturalisti i ga voia de andar in zerca i podesi zontar ;-)

Comuncue (sempre cuei de la Nettuno) i scrivi anca che ghe ne xe per 15 etari intorno de punta sotil (soto accua) e che se ghe ne trova a capei fin a Duin: me fa strano che mi no me son mai inacorto de lori, e me fa strano anca che ghe sia la stesa conformazion de piere sia in zona de arenaria (Muja e dintorni) sia in zona de calcare (intorno de Duin) ma torno a dir che no son un esperto.

Xe chi che li ciama "corsi di arenaria" e un personagio sai valido che iera su TriesteMia ma che dopo no 'l xe piu` vignudo in sti forum (peca') el gaveva anca meso una foto ciapada de la rivista "BorgoLauro" ... mi me la iero salvada e ve la meto anca ela:

Immagine

Mi go zercado indove che xe el logo de sta foto e no lo go trovado ... se cualchedun el lo trova per favor che 'l me lo dixi, anche mandandome e-mail privatamente :-) grazie :-)


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Comuncue circa la natura de ste piere soto acua i gavera` ragion lori de sicuro, ma a mi no me convinzi gnanca un poco. Varde` voi e feve la vostra opinion, tignindo conto che no go fato foto co' 'l truco e gnanca con particolari inclinazioni ne' ombre per far veder cuel che no xe. Decide` voi se ve par che sta "piataforma" la sia compagna de i sasi che ve go mostrado fin deso.

La prima foto xe sta roba vista de fianco, de la parte indove che la xe piu` alta. De l'altra parte xe come se la gavesi cedudo un poco ... la xe un poco insabiada.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

La seconda foto mostra el steso grupo de sasi ma un poco piu` in la`. Ve ricorde` de 'l tubo de aluminio che ve gavevo contado prima? Bon: el xe la`, incastrado tra i sasi per far veder cuanto grosi che i xe ... ricordeve che 'l ga 59 cm e che, esendo incastrado, no se lo vedi tuta la sua longheza ;-D :

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Altra angolazion ... steso logo, steso tubo e pie de un che vardava ;-)

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Anche cuesto xe cuel steso posto ... una strada secondo cualchedun, un capricio de la natura secondo altri. Mi, dopo de gaver girado bastanza ore la` de soto, me son fato l'idea che no sia ne' 'l un ne' 'l altro ma che posi eser el pavimento de una antica zona portual che adeso la xe soto acua ... un poco come se 'l molo S. Carlo (per voi "Audace" ;-D) el finiria 1 metro soto acua, tanto per dar l'idea :-) ... fra 1000 ani nisun se ricordasi piu` che Maria Terexa la ga fato meter salixi e i se domandasi cos' che xe cuele piere la` mese in cuela strana maniera ... ma ripeto de novo che no son esperto e no go titoli per dir cuel che digo :-)

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Visto ancora de un'altra angolazion, a mi me par che sia come el bordo rovinado ... e me digo che 'l xe cusi` per via che xe pasado tanto tempo senza che nisun ghe fazi manutenzion ;-) ;-D ...

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Pero` go anca de dir che in sto particolar de 'l bordo "roto" anche a mi me par semplici sasi butadi la senza che voli dir gnente ... solo che resta el fato che xe sasi sai sai ma sai regolari .... e sai diversi de cuei che ve go mostrado in te la foto poco prima, cuela indove che iera el fondo co' le piere

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

E, comuncue, se ghe fico el pie per de sora alora torno subito a pensar che iera un pavimento. Lo ga fato i romani? E chi ga dito ... cosa che solo che lori i saveva far pavimenti o i gaveva el permeso de farli? Certo xe che no ga de eser facile de darghe una data a una roba cusi` ... no se pol miga andar a trovar l'eta` de le piere e sperar che sia cuela de cuando che i le ga mese insieme ;-D ;-D ;-D ;-D ;-D ;-D ... sempre che no gabi ragion cuei de la Nettuno.

Bon, come che sia, mi ero la` in pie co' l'accua che me rivava la` de le mudande ma co' la maschera indoso e co' 'l tubo in boca, piegado in do co' la testa tociada soto accua che me fotografavo i pie ... gaveva de eser un spetacolo ... ;-D ;-D ;-D ;-D ;-D ;-D ;-D

Eco l'opera d'arte:

Immagine

Ben, bon ... se vedemo a la prosima.

Ciau

Franco
Ultima modifica di ffdt il dom 3 set 2006, 18:49, modificato 1 volta in totale.


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Ve meto ancora tre foto per spiegar meio la mia perplesita`. In cuesta se vedi sempre sto posto, la piataforma, vista de un'angoladura de indove che anche a mi la me par solo che una serie de sasi e basta. Pero` vardando el bordo in te la parte in baso de la foto pareria inveze che sia blochi taiadi tipo salixi:

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Sempre la stesa superfice vista ancora in t'un altro modo. Ricordemose che el tubo de aluminio, doprado anche cua come riferimento, el xe longo 59 cm. Diria che el spesor de i sasi roti el pol eser tra i 5 e i 10 cm. e cuel de i sasi per de soto el pol eser intorno a i 25 cm. E a mi me par de novo piastrele poxade sora de una baxe piu` dura, piutosto che no sasi e basta ... ma devo anche ricordar de novo che no son un esperto in nisun de i rami che ocoreria per poder a gaver un'opinion ben fondada.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Ve zonto ancora una che la xe ciapada sempre su cuel toco in t'un punto particolarmente magagnado.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Bon, basta piataforma per sto giro ;-D anche perche` no go piu` foto de poder meter.

Ve mostro inveze cuei pieroni che per mi poderia eser indove che i dixi de gaver trovado un molo roman. Se xe cuel xe de dir che el xe sai ma sai mal ridoto: sti pieroni i xe tuti imberlai e anca butadi un poco per de cua e un poco per de la`. Xe anca de dir che in cuel punto xe corente e c'o xe onde no xe gnente che le atenui, perche` sti sasi i xe proprio in zima de la punta. Per chi che varda de tera vero el mar i xe un poco piu` a destra de la piataforma, per cuei che i varda la costa stando in xmoio i xe a sinistra.

Se vole` trovarli xe facile. In tera, proprio la` de la curva, ghe xe una scala che la vien zo de la porta de 'l bagno a pagamento. No stago parlando de la scala de 'l ponte che traversa la strada subito drio de la curva (verso el lazareto), ma de una scala de piera (scalini larghi) de la parte verso Muja.

Tanto per eser piu` precixo, se rive` de Muja e vole` parchegiar in te 'l bagno a pagamento dove` andar su a sinistra per una stradela prima de la curva de punta sotil. C'o se andai su per de la` de la` a 20 metri ghe xe 'l porton de 'l bagno. A cuel punto ve gire` verso el mar e, fati pochi pasi, trovere` la scala che ve digo. Ande` zo per de la`, traverse` la strada senza farve butar soto, scavalche` el guard rail e trovere` solo che scoi indove che no xe per gnente facile de trovar un posto per distirarse: andando in accua in cuel posto e nudando per 10 o 20 metri verso fora trovere` i pieroni.

Li trovere` meio se xe ciaro, se no xe sporco e se xe basa marea, perche` cuesti i xe piu` in fondo de la piataforma. O dio ... mediamente piu` in fondo, perche` esendo mesi per traverso ghe ne xe cualchedun indove che se pol star in pie e gaver la testa fora de l'accua anche esendo al largo.

Ecove cua un asagio:

Immagine


Torna a “De la preistoria a la Trieste romana”