Ciancele ha scritto:Ogi go leto che piazeta Trauner xe una nova strada. Vol dir che ai mii tempi no la esisteva. Grazie.

Piazeta xe piazeta e no i la ga fata nova, e po la xe colegada con via dei Capitelli da via Trauner. Inveze no ga nome el slargo che se ga formado sul lato verso el basso dela piazetta , perchè devi esser vignuda zo una casa un per de decenni fa e xe tuto averto e solegiado, e in più soto le le do case romane scavade, soto vetro ma senza spiegazioni

comunque

de domenica no i lavora, ma i giorni prima sì... ogni giorno se vedi un particolar novo, adesso xe una specie de strada fra un edificio e l'altro

Baba Triestina, bongiorno e grazie. Come che te vedi incomincio i mii post sempre con le parole: Ai mii tempi.
Dunque, ai mii tempi, andaimo par via Sporcavila, via Crosada e rivaimo in Riborgo. Sempre driti o squasi e rivaimo in Corso e in Aquedoto. In Riborgo rivaimo anca par via del Trionfo, via S. Silvestro (?), piazeta, Santa Maria Magiore e Corso.
L’altra strada iera via dele Mura, ma poco, pintosto via Felice Venesian, via Cavana e piaza Granda.
No me ricordo se son mai pasà par via Pozo di Crosada e par questo anca mai pasà par via e piaza Trauner. Mai sentide prima.
Casa Trauner dovaria eser squasi sul canton de piazeta Barbacan e quela volta iera una casa un poco malandada. Forsi iera la casa andove che iera una botega magnativa.
Grazie a Gogle go trovà una cartina e ‘deso capiso un poco de più. Ma poco de più parchè zitavecia iera serada e in quei pochi giorni che stavo a Trieste tra zimitero, Pepi (te sa qual) e Bolunz restava poco tempo. E anca poco interese, par via de ..... vedi sopra.

Paralela de via del Mura iera e xe via dei Capiteli - che te conosserà se no altro per fama per le sue betole e osterie. In alto de sta via poco prima dela zona che te disi, via del Trionfo, via san Silvestr,o xe una stradina che se ciamava forsi e se ciama adesso via Trauner che portava e porta a una specie de campielo serado fra alte case: quela xe Corte Trauner o Piazeta Trauner e se Leopoldo I nel Seicento voleva serarghe i ebrei la doveva eser là de un bel poco d e tempo...
però quel che ve stago mostrando mi no xe in corte Trauner, xe semai per capirse sora dela zona Riborgo, anzi sora de via Crosada. Qualchedun pensa a una strada che portava verso el arco de Ricardo.

agiornamento a oggi, ma i scava un poco oltre..
se vedi come due ingressi...

Statuetta ritrovata nei recenti scavi ( non dicono quali con precisione) e in restauro attualmente

veramente interessante

marzo scorso, le strade romane mettendo una tubatura in via della cattedrale vicino all'edicola della Madonna. Aperto e chiuso, ma la foto gira da mesi come se fosse ancora aperto

babatriestina ha scritto: ↑gio 21 set 2017, 18:13 agiornamento a oggi, ma i scava un poco oltre..
se vedi come due ingressi...

da allora tutto è abbandonato. C'è un cartello " fine lavori" riferito alle'state 2017, ma non pensavo che volesse dire " in questa data molliamo tutto e chi s'è visto s'è visto"

Mi credevo de saver tuto sula piazeta Santa Lucia e inveze par che me sbalio.
Scomincemo de l’incrocio piaza Cornelia Romana, via Vitoria Colona e via Gaspara Stampa.
OT: Go leto che ste do iera poetese. Vitoria Colona iera forsi più conosuda par via che la se ciamava Colonna. Gaspara Stampa iera venesiana.
Andando zo par via Crociferi sula destra xe el giardin del vescovo. In està andaimo a cior corneti par far la fionda e ciapaimo luciole par regalarghele ale mule. Subito dopo la guera i ga fato una granda casa e no so quanto che restà del giardin. Dopo viene el lumaro do (numero civico 2) con una strazariol (cenciaiuolo / robivecchi?) e un calif (calzolaio). Dopo xe el giardin dela betola (ala Mormorazion? forsi me confondo e no me ricordo ben el nome. L’ultima volta che iero a Trieste me par che iera una specie de cinciuncian), un’altra betola (anca famosa quela volta e no me ricordo el nome)e l’entrata del giardin. La casa del vescovo e el canton de via Cavana. Sula sinistra el lumaro zinque e girando el canton el lumaro 3, l’osteria ai Veneti, el lumaro 1 e la lateria pinguentina. Po vien le scale che porta in piaza Cornelia Romana. Semo in piazeta. De l’altra parte dele scale iera un carboner, una casa, un tabachin, una paneteria, una casa e una betola. Ma semo za in via Santi Martiri. Sula sinistra dela piazeta xe la cesa e la fontana. Prima dela guera diversi de lori ‘ndava a cior aqua e sopratuto aqua pai cavai. Me par de ricordarme che drio la fontana iera qualche albero, dunque anca un giardin. Dopo incominciava la via Santi Martiri e el de drio del museo. Dove i ga scavà e trovà roba romana? O go capì mal?
El tempo pasa e la memoria tante volte tradisi, tra sogno, desiderio e realtà. Nela mia memoria de putel, ma veramente putel, gavevo forsi oto o diese ani, go una specie de arco come quel de Ricardo, ma solo el davanti, sul canton de via Cavana con via Felice Venesian (Venezian). Andando in Cavana, sula sinistra iera el cine Stela, più tardi una specie de bar, el tabachin el el canton con via Fortino e sula destra un negozio de manifature, che me par che no esisti più. Vedevo anca tochi de fero che tigniva l’arco. Xe vero o me insogno? Sto ricordo o come che lo volè ciamar e el xe de prima dela guera. Dopo la guera o no’l iera più o no ghe fazevo caso parchè in Cavana iera la torefazion andove che ‘ndaimo a farse el cafè e a bambar cola casiera. Un bon toco (una ragazza carina e simpatica). Go una foto fata de mio fradel, el fotografo dela familia, de mi, ela e el mio amico Kurt che la sbranava coi oci. 1952/1953?

Ciancele ha scritto: ↑mer 9 ott 2019, 8:47 Mi credevo de saver tuto sula piazeta Santa Lucia e inveze par che me sbalio.

Alora, se te vardi qua https://www.google.com/maps/@45.6469021 ... 6656?hl=it a sinistra xe el muro de sant Antonio Vecio, più avanti (basta far clic col mouse sula strada) te va in piazzetta santa Lucia. Se te strasini el mouse te se pol vardar intorno. L'antica mormorazione no esisti più, de anni.

sono piccolo ma crescero ha scritto: ↑mer 9 ott 2019, 10:19

Ciancele ha scritto: ↑mer 9 ott 2019, 8:47 Mi credevo de saver tuto sula piazeta Santa Lucia e inveze par che me sbalio.

Alora, se te vardi qua https://www.google.com/maps/@45.6469021 ... 6656?hl=it a sinistra xe el muro de sant Antonio Vecio, più avanti (basta far clic col mouse sula strada) te va in piazzetta santa Lucia. Se te strasini el mouse te se pol vardar intorno. L'antica mormorazione no esisti più, de anni.

Grazie Son Piccolo Ma Crescerò, ma no xe la risposta ala mia domanda: Dove i ga scavà roba romana? Ala Mormorazion son sta in giardin una o do volte, ma no me ricordo più parchè. Sicuro no par l'otavo. No iera mia abitudine. L'ultima volta che iero a Trieste (2010) me par che iera qualche cosa de asiatico. Conoso 'sai ben la zona parchè al 2 stava zio Nito e ala lateria i muli iera dela mia età. El fradel più grando mio compagno de banco a l'università Giancarleto. E mi iero nonzolo in cesa.

El post parla de tanti scavi, e quindi rispondo I ga scavado roba romana un poco dapertuto. basta ch e i verzi un poco soto el asfalto per far un buso, e vien fora roba. Via del teatro romano, via Crosada, drio del arcivescovado, via dela catedral.. ogni post scrivi indove che xe stado trovado. Xe sei pagine de post...
El osterie de piazeta s Lucia, mi me ricordo co iera el Parangal, no xe più de anni.

Ricopio i posti:

1 Piazza Barbacan e drio via Crosada de piazza Barbacan no se vedi gnante de via Corsada do anni che i ga interotto, tuto coverto de teli e giarina

2 sotto un negozio ( la drogheria) di Cavana, verso lo sbocco dove si trovava l'antica Porta Cavana, di cui sono state trovate le basi sotto l'attuale manto stradale, si sono trovati dei resti che sono rimasti visibili grazie ad una copertura trasparente ( soto due negozi, ma no se vedi assai)

3 via dei Cavazzeni ( scavdo e fato el albergo, no se vedi più gnente)

4 xe al canton de via Capitelli con via Crosada: in un canton de una casa rifatta i ga messo in mostra drio le lastre un per de piere scolpide romane, ( el frantoio dle oio e la strada romana soto)

5 via delle mura, sotto piazzetta Trauner, altri scavi, i xe coverti senza spiegazioni.

6 via del pozzo di Crosada, adesso xe un boscheto de piante selvadighe

7 in piazzetta santa Lucia, dietro Palazzo Vicco - Arcivescovado soto del garas novo

8 tubatura in via della cattedrale vicino all'edicola della Madonna- verto e serado, strada romana

Ah no go messo foto, ma anche co i rimeteva i tubi del gas in zona via Tiepolo-Bramante i ga trovado soto strade romane

Devo far una premessa:sto capitolo xe un pochetin caotico, perchè anche se riguarda sempre quel che i ga trovado scavando e restaurando in Zitavecia, xe punti diferenti e anche momenti diferenti, roba che se vedeva, che dopo i ga coverto.. me sa che doveremeo riordinarle dele pagine wiki per gaverle divise logo per logo.
ben bon.
Xe un per de pagine prima che go messo le foto del piazeta santa Lucia ( drio dela Curia, di fronte de s Antonio vecio) dove che scavando per un garas i gaveva trovado strada e case romane. I tochi amovibili i li gaverà serai in qualche deposito e el resto i lo ga lassado soto dle garage, mosaici inclusi. Sabato iera possibile visitar col FAI. Eco qua
la strada romana



altro se vedi oltre finestrelle


questa xe la parte coi pavimenti a mosaico

passando due giorni fa guardavo lo stato dei terrazzamenti di Crosada

( oltre i vetri, pieni di scritte sopra.. ) e poi un cartello

Almeno questo fa un cenno, ma precisa

• che ci sono resti romani
  che sono terrazzamenti per sostenere la domus di piazza barbacan
  sta domus tutti ne parlano ma in piazza Barbacan non un cenno di dove hanno scavato
  i resti sono credo almeno in parte esposti al piccolo antiquarium di via Donota, che però è chiuso
  poi si parla di un pozzo seicentesco. quale? dove? pozzi in zona non si vedono. Quello del nome di via del pozzo di Crosada?

qualche tempo fa un articolo del Piccolo- che purtroppo non ho salvato- scriveva che i fondi per sistemate l'area di crosada galoppano verso la destinazione.
Cloppete cloppete, a me sembra tutto fermo tuttora e campa caval che appunto l'erba cresce sugli scavi

babatriestina ha scritto: ↑gio 28 lug 2022, 15:22 qualche tempo fa un articolo del Piccolo- che purtroppo non ho salvato- scriveva che i fondi per sistemate l'area di crosada galoppano verso la destinazione.
Cloppete cloppete, a me sembra tutto fermo tuttora e campa caval che appunto l'erba cresce sugli scavi

Baba, quante volte che no go fato quele strade. Vedo là ombreloni. Xe un ristorante? Che via xe? Mi la via Capiteli la conosevo per motivi diversi dei ristoranti. Case cusì ben piturade no esisteva quela volta. El nostro amico dele strade romane conta che una strada andava via San Michele, Via Bramante e via de l'Istria. No xe de meraviliarse se in via Bramante i trova roba romana. Grazie per tute le foto e le informazioni.

In basso xe via Crosada, un dei lati xe tuto crolado e de l'altro xe ristorantini: un grego e un de roba de mar. Quel col giardineto xe un altro in androna del Olio. Via dei Capiteli xe quela che vien su a man sinistra