Roma no iera solo Tergeste, Aquileja e Istria

[rofizal]

Qunado se parla de l'antica Roma, tuti pensa, per Trieste, a San Giusto, el teatro roman, l'arco de Ricardo, magari qualchedun se ricorda de la villa romana de Aurisina. E poi basta o quasi. Spostandose fora de Trieste, Aquileja xe notissima, ovvio, come pure el teatro roman de Pola.

Gavemo za visto però, parlando dela ciesa de San Canciano a Grignan (topic meso in architettura triestina), come anche sia Grignan che Santa Croce fosi stadi insediamenti romani, probabilmente anche importanti.

Alontanandose da Trieste verso Monfalcon trovemo le conosude terme romane, ma non solo: ghe iera Insulae Clarae, Puciolis, Aquae Gradata. Aquae Gradata per esempio corispondi ala odierna San Canzian, che nisun, senza aver leto niente a proposito, sospeteria sia stada un località abitada dai antichi romani.

Gaveremo ocasion de aprofindir, ma me sembra evidente come lungo le strade romane ghe iera diversi abitati e no solo poche citadine importanti. E molti de questi abitati xe praticamente sconosudi ala magior parte dela gente.

[babatriestina]

forsi xe de distinguer dove che i resti xe monumenti grandi e visibili e che riguarda anche la storia dell'arte, e dove che xe ricordi storici o letterari e al massimo tracce archeologiche, che ga più interesse del punto de vista storico.
In genere comunque xe giusto ricordar che i insediamenti romani , soprattutto del impero in zo, iera composti sia de città ( urbes) che de insediamenti de campagna ( villae) . Col medioevo e la fin del impero roman, soprattutto fora del Italia, le ville romane ( go leto ste robe in diversi libri de storia) xe deventade insicure e xe stade abbandonade, mentre le città ga mantegnudo la popolazion per una maggior sicurezza.

[rofizal]

Specifichemo subito che Insulae Clarae iera proprio la sede dele terme, poste sula picola isola che divideva il Lacus Timavi dal mare aperto. Ma ghe iera anche diverse ville nei dintorni e lungo la costa.

Dele terme gaveva scrito Plinio il Vecchio (de thermis apud insulae clarae) nel suo “Naturalis Historia”, e le esiteva fin da quando i iera arrivadi in queste località, nel 181 a. C..
Nll'XI secolo le vien però abandonade e le va in rovina, la zona se trasforma in palude e ciapa el nome de “Lisert”, nome che podesi eser derivado dal latino "desertum". El monte dei Bagni e el monte Punta sembra do picole coline de calcare e, viste dal mar, le sembra do isoloti. Vicin de lori xe le sorgenti de queste acque termali che odora de zolfo. Xe queste le insulae clarae.

Francesco Nani, Podestà veneto de Monfalcon, nel 1433 fa ricostruir i edifici delle terme zontandoghe una grande vasca; ma, tra il XV ed il XVI secolo, riva Uscocchi e dei Turchi che distrugi tuto, iutadi nela distruzion anche dale guere tra Austria e Venezia.

Nel 1797, xe proprietaria del teren la famiglia monfalconese Mattiassi, che fa costruir un picio edificio con camere da leto e vasche de bagno. Nel 1823 questi edifci pasa in gestion al conte Bortolo Susana che li ingrandisi. Nel 1840 vien istituida una Società per Azioni delle Terme” e vien efetuade nove costruzioni. Le terme godi de una nova giovineza e riva spesso gente dall'estero per cure (reumatismi, malattie ginecologiche, piaghe, malatie nervose ecc.)

El stabilimento vien distruto durante la prima guera mondial e bisogna aspetar el 1939 per rivederle in funzion, quando i principi di Torre e Tasso di Duino, i costituisi la “Società Anonima Terme Romane di Monfalcone” iniziando la ricostruzion. L'inaugurazion avien el 9 maggio 1940, ma subito dopo scopia la seconda guera mondial.

Dele terme ogi resta i corridoi che porta ai camerini, un cortil dove se trova un portelon che porta ai vani soteranei, dove riva le acque termali (probabilmente iera una piscina). Qua soto ghe xe anche tre gallerie.

Semo andadi un poco aoltre al periodo roman, ma me pareva utile per inquadrar el posto, che da località nota e rinomata, xe finida ai giorni nostri nel dimenticatoio.

[rofizal]

forsi xe de distinguer dove che i resti xe monumenti grandi e visibili e che riguarda anche la storia dell'arte, e dove che xe ricordi storici o letterari e al massimo tracce archeologiche, che ga più interesse del punto de vista storico.

El fato che ogi certe località sia ridote a "ricordi storici o letterari e al massimo tracce archeologiche" no vol dir che in passato no iera importanti. Anche Aquileja ogi xe solo l'ombra de quel che iera una volta e pur nisun nega la sua importanza.

E poi chi pol dir che un domani no se trovi altri resti? Anche el teatro romano de Trieste xe rimasto per secoli sepelido dale case.

Ma el discorso se podesi alargar anche a altre parti del mondo. Me vien in mente subito l'Egitto, chisà cosa xe ancora sconto soto le sabie del deserto?

Mi comunque, te dovesi ormai saverlo , me interesa sai de più quel che xe da scoprir (o poco noto) piutosto de quel che apari su tute le cartoline e xe méta dei tour turistici.

[babatriestina]

Per le terme de Monfalcon, gavevimo parlado nela parte final de sto post

[rofizal]

Ma là iera giusto un accenno, con bele foto de Adler, in un discorso che comprendeva Sistiana, Duin, ecc. e no parlva espresamente del periodo roman. Qua invece stemo vardando cosa ghe iera ai tempi de Roma, anche se go meso un accenno a cosa xe rimasto de sti posti nel corso dei secoli successivi.

Pasemo intanto a Aquae Gradatae, cioè a San Canzian d'Isonzo. Ribadindo che a mi me interesa la storia più che "giri turistici", xe da notar che questa Aquae Gradatae, che poi vol dir "logo con scali fluviali", iera un importante porto roman, ala foce dell'Isonzo, relativamente vicin ad Aquileja (12 miglia), ma colegado ala stesa e a Tergeste cola via Gemina. A San Canzian d'Isonzo ogi ghe xe anche un logo che se ciama Grodate e il cui nome dovesi derivar apunto da "Gradatae".

Aquae Gradatae xe diventado famoso anche come logo de martirio. Infatti, el 31 magio del 304, Diocleziano faseva eseguir la decapitazione dei tre fradei Canzio, Canziano e Canzianilla, nobili romani, che ghe darà poi el nome a logo (San Canziano), mentre le tre croci del stemma a loro se riferisi. Asieme a loro iera stado decapitado Proto, e un altro martire conosudo xe San Crisogono, sempre de origine nobile romana e senatore.

La località romana vantava anche una tintoria de porpora (su concessione imperiale) e una fabbrica con fornace per tegole e embrici in cotto.

Quando riva i Unni ad asediar Aquileja, nel 452, i devasta tuto el territorio e i sosta qua per circa tre mesi. In seguito riverà la dominazion longobarda, i Ungheri, ecc.
Nei secoli XI-XIII la zona xe soto el Patriarca de Aquileia, ma nel 1028 Corrado fa el scambio de San Canciano con Muggia, e cusì l'antica Aquae Gradatae pasava soto el vescovo de Trieste, fino al 1420, quando pasa soto Venezia.

Fato sta che la storia de San Canzian d'Isonzo no la xe per niente recente, ma, romani a parte, sembra risalir adiritura ai Celti.

[AdlerTS]

El stabilimento vien distruto durante la prima guera mondial e bisogna aspetar el 1939 per rivederle in funzion, quando i principi di Torre e Tasso di Duino, i costituisi la “Società Anonima Terme Romane di Monfalcone” iniziando la ricostruzion. L'inaugurazion avien el 9 maggio 1940, ma subito dopo scopia la seconda guera mondial.

El Piccolo (de Gorizia) de ieri scrivi che ogni tanto el Duce se fa ancora vivo:

Le Terme romane vantano già una concessione per avviare l’attività curativa: l’ha rilasciata il duce, è solo ”dormiente”. E il Comune, mettendo da parte qualsiasi remora ideologica, intende avvalersene per aggirare le normali procedure previste in questi casi dal ministero della Salute che potrebbero far slittare tutto di una decina d’anni.

[Donau]

Mi a credo ca se fasa on fracon de confoxion:

1) se confonde li ani diti romani co Roma e li romani;
2) se confonde el stado roman co Roma e li romani etneghi;
3) se confonde li çitadini romani del stado roman con li Romani etneghi;
4) se confonde el stile "de li ani diti romani" co Roma e li romani;
5) se condonde le jenti istro-venete e çelto-elirighe co li romani e la çitadinansa romana de taluni de etnea no romana co la romanetà etnega;
6) se confonde le caxe, le strade e le arkitedure de li ani romani a Trieste, ente l'Istria e ente tuta l'Ouropa romana co li romani e Roma ...
7) no confondemo la "Cultura dita Romana" de li ani romani co la Cultura de le varie Aree o Rejoni del Stado roman ke no le gà perdesto le so speçefeghe colturali, le so lenghe, le so tradision ente li ani diti romani anca le xe staste enfloensà da la Cultura Romana ke non la gà çerto scançelà tuto el resto come ca çerti li vuria dar da entendare ...


dixemo ke saria ora de deventar grandi, òmani, adoulti e scuminsiar a ciamar tute le jenti ente le so tere nadurali e storeghe, anca se englobà entel stado roman, col so nome e no ciamarli romani ... de romani etneghi en volta par l'Ouropa ente li ani diti romani a ghin jera asè poki e de çitadini romani de etnea no romana a ghin jera asè de pì e li costitueva sol ke na megnoransa de tuta la popolasion de ogni paexe;

pò cogna dir ke la nostra çeveltà Ouropea no la nàse co Roma e gnanca co la Grega, come ke no gnase co Roma e la romanetà tute le nostre culture, tradision, lej, lengoe, istitusion, ... evc.

Molemoghela de scançelar le jenti de l'Ouropa tuta par metarghe li romani.
Ente le nostre tere veneto-istriani a ghe jera le so jenti endejene-outoctone: istro-elerego-çelto-venete e daspò xe rivasti anca calke roman e calke latin ... ma li xe senpre stasti na megnoransa ... ancà li coloni de Akileja li se gà desfà rento el caldieron etnego de le nostre tere ke no le xe romane ma çelto-istro-venete o istro-furlan-venete.

[AdlerTS]

Jera anche sabato o domenica scorsi sul Piccolo: adesso anche en National Geografic dedica un articolo all'accampamento roman apena rintracciado:

Il più antico castrum romano è stato scoperto non lontano da Trieste da un team di ricercatori italiani: secondo gli studiosi potrebbe essere quello descritto da Tito Livio in uno dei capitoli della sua raccolta Ab Urbe Condita.

articolo completo su

http://www.nationalgeographic.it/popoli ... o-1472588/

[babatriestina]

Ma el monte Grociana xe sora Grozzana?

[sono piccolo ma crescero]

El monte Grociana, in sloven Mala Grocanica, xe andando da Basovizza a Pese, sula destra subito prima del ex motel Val Rosandra.

[Nini Naridola]

Sì, anche mi penso che sia la zona nel triangolo tra Basovizza - San Lorenzo - Pese.
Intanto ve "posto" le foto del "mezzo" con cui xe stadi fatti i rilievi

nel piazal OGS Borgo Grotta anno 2005

DSCN4107.JPG (55.98 KiB) Visto 3290 volte

[Nini Naridola]

Mi, all'OGS, iero omo de mar e un poco de terra ... de aria ghe ne so poco. Comunque me proverò a informarme dai mii colleghi che ga fato i rilievi forse comissionai dalla Protezion civile (che xe generalmente assai gelosa dei dati).
Qua ve mostro anche el nostro prototipo radiocomandado, ma no so che strumentazion gaveva a bordo

DSCN4112.JPG (31.56 KiB) Visto 3290 volte

[Nini Naridola]

Un'altra

DSCN4114.JPG (69.21 KiB) Visto 3289 volte

[babatriestina]

in Germania di accampamento romani, ma molto posteriori, di epoca imperiale, fanno parchi archeologici..

nb le mie cartine del Carso lo indicano già come "Castelliere di Grociana" e indicano pure una traccia di sentiero che ci arriva.

[Nini Naridola]

Con lo staff dirigenziale.
Se pol far i nomi? Ma forse qualchedun xe conossudo

DSCN4120.JPG (83.32 KiB) Visto 3288 volte

[Nini Naridola]

Ancora una

DSCN4121.JPG (55.69 KiB) Visto 3288 volte

[babatriestina]

per quei che voleva serar el OGS come ente inutile, no?

[sono piccolo ma crescero]

No, non volevano, almeno in teoria, chiudere l'OGS come ente inutile, ma metterlo direttamente alle dipendenze del CNR risparmiando un consiglio di amministrazione...

[Nini Naridola]

Eh, in quasi cinquanta anni della mia vita geofisica go visto el ris'cio chiusura almeno 4 volte! E dir che i finanziamenti arivava generalmente da commesse e non da soldi a pioggia dallo Stato!