TRASPORTI IN ZITA'

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

sum culex ha scritto:
LELA ha scritto:
serlilian ha scritto: Go finì le superiori nel '67.
Bonasera serlilian, se te gà finido le superiori nel '67, alora le gavemo finide lo steso ano
Orpo! Sè ancora putele: mi le go finide nel '57. :'-(
ciao
sum culex
:shock: Ben, putele de una volta! Go sessanta anni! :lol:


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

sono piccolo ma crescero ha scritto:
LELA ha scritto:ma anca de là son dovuda 'ndar via a causa del "benzene" contignudo in te le cole;
Una volta co se andava del caligher se sentiva sto bon profumo gradevole de cola, che adeso no se senti più ... per fortuna, perché el bon profumo iera del benzene, ... cancerogeno :evil:
Bon profumo? A mi no 'l me ga mai piasso. Xe quel che nasa i muli poveri per drogarse?


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

serlilian ha scritto:
sum culex ha scritto: Orpo! Sè ancora putele: mi le go finide nel '57. :'-(
:shock: Ben, putele de una volta! Go sessanta anni! :lol:
Mi no! Ghe ne go solo 14, ma de lustri però, come che go za dito de un'altra parte. Xè un numero più picio e me pareria de esser più giovine anche se purtropo più giovine no me sento!
ciao
sum culex


Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

sono piccolo ma crescero ha scritto:
LELA ha scritto:ma anca de là son dovuda 'ndar via a causa del "benzene" contignudo in te le cole;
Una volta co se andava del caligher se sentiva sto bon profumo gradevole de cola, che adeso no se senti più ... per fortuna, perché el bon profumo iera del benzene, ... cancerogeno :evil:
E pensa ti che, cò son 'ndada in viagio de noze (che se ve conto con chi e come che 'son 'ndada ve metè a sghignazar) e jero zà incinta del mio primo fìo, cò se fermavimo a far rifornimento me fazevo bagnar el fazoleto de benzina par poderlo tignir soto el naso (come quei poveri muleti in Russia che i se "sballa" co' la cola o co' la benzina, se vedi che no' jero zà più alergica. Inoltre 'n'altra roba strana (e questo xe suceso tute tre le volte) me vigniva no' solo voja de sentir l'odor dela naftalina - difati ziravo sempre co' 'n'a baleta in scarsela - ma adiritura de magnarla: qualche volta no' resistevo ala tentazion e par no' magnarla proprio cusì a balete - come se la fusi stada un bonbon - mastigavo 'na goma americana fin quando no' la gaveva perso tuto el savor e po' la involtizavo 'torno 'stà baleta de naftalina e dopo gaverla lasada cusì par un fià la tiravo via e tornavo a mastigarla e la gaveva ciapà el savor de naftalina.
"Che schifo!" te pensarà, ma credo che forsi poderìa eser stado dovudo a qualche componente dela naftalina che in gravidanza me mancava, come - no' sò se te gà mai visto - quei fioi che i grata el muro e se lo magna (mi ghe ne gò conosudo diversi) probabilmente parché ghe manca el calcio, anca se no sò cosa ch'el gabi de far co' la calzina forsi, visto el nome la contien anca el calcio.

Ciau ciau, sempre con simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

serlilian ha scritto:
sum culex ha scritto:
LELA ha scritto: :shock: Bonasera serlilian, se te gà finido le superiori nel '67, alora le gavemo finide lo steso ano
Orpo! Sè ancora putele: mi le go finide nel '57. :'-(
ciao
sum culex
Ben, putele de una volta! Go sessanta anni! :lol:
Bonasera Sum, no' state a ratristar e gnanca "piantar el muso" dai, che no' te son miga vecio! E anca se te sarìa vecio te lo sarìa solo che anagraficamente, parchè co'tute le robe che 'ncora te fà come te podarìa eser vecio? :roll: :wink:
E po', gnanca mi no' son oramai de "primo pelo"!!!

Ciau ciau, sempre con simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Messaggio da LELA »

TRASPORTI IN ZITA’

… Le stale jera in tanti loghi e par che la più vecia jera quela in corte del porton rente la torefazion “El maşinin” in Barriera, un’altra jera in Via Palladio, altre a Rojan, qualcheduna a Servola, ‘naltra in via del Veltro e diverse ghe ne jera a SanGiacomo.
In via Pollaiuolo e tuto ‘torno jera pien de stale, “le corti” le portava nomi e soranomi dei paroni e cusì ‘ndava par tuta la zità. Ala matina i se alzava bonora e dopo averghe dà ‘na “frutada” ai cavai i controlava se “el parecio” jera completo, i tacava le bestie davanti ‘l caro e i partiva: chi par el “molo Spusa” chi par el Porto Novo o davanti el cafè “Tommaseo e chi che no’ gaveva “noli” (noleggi) zà ordinai l’andava in Piaza.
Ogni tanto i se meteva d’acordo par la “gara”, che la consisteva nel trovarse in piaza Garibaldi guidando i cavai stando in pìe sul caro, chi che rivava prima in Piaza ordinariamente beveva un quarto de vin che chi che gaveva perso doveva pagar, Sicome noli pronti nò jera tuti i zorni i andava in cafè e spetando ‘l lavor i ciacolava dei tempi del’Austria o dela guera, qualchedun parlava e cantava ala riversa. Tuti i gaveva un soranome anca se qualchedun se rabiava , come par esempio “Bruno Mastrusabacoli” che no’l voleva eser ciamà cusì. De solito ‘stò “Bruno Mastrusabacoli” lavorava par el Lloyd, parché bişogna saver che fin a zirca zinquant’ani fà el Lloyd faşeva tacar le sue navi al’hangar n. 5 del Porto Vecio, tanto che i ghe dişeva l’Hangar Lloyd e cusì, co’ la sua cubia de cavai ‘l andava soto bordo dele navi pasegeri ora par carigar i stramasi e portarli ala “Lavanderia Triestina” che la jera in via Giulia subito drìo el capolinia dela 29, ora par portarli de novo soto bordo. Coreva in ziro la voşe che ‘nà volta i ghe gaveva meso sul caro tropi stramasi e, in piaza Goldoni, davanti de “Bosco” el jera cascà lù co’ mezi stramasi sora ‘l tendon dela botega e cusì el gaveva interoto el trafico par più de qualche ora fin che i gà meso a posto.
Ghe iera de ‘stì cuceri pitosto sufistizi, ma i gaveva anca rajon parchè i fachini butava la merze come ch’ei la butava. Un zerto “Severin” el trovava sempre de dir co’ ‘stì fachini e l’indrizava de par lù la merze dopo che lori la gaveva stivada: i lo ciamava “Velen”. El gaveva un vice, “Bandeta” che ‘l jera un ometo picio de statura, bon come un toco de pan, sempre in capel e jacheton de pele, el se lasava dir tuto de tuti, par rider i ghe dişeva ch’l jera moroşo de “Maria sporca”. Berto de Roian el gaveva la stala in via Apiari; “Africa” e “Penel” jera do fradei che de cognome i se ciamava Sterle e i gaveva la stala sul canton de viale Ippodromo e via Settefontane. “Bruno Mastrusabacoli” i lo ciamava cusì parché tanto che ‘l spetava che i fachini ghe carighi el caro l’andava a zercar ste bestie par mastrusarle; “Bandeta” el portava sempre le başete longhe, “Africa” i lo ciamava cusì, parchè finida la guera parlava sempre de ‘stò continente. Chi che gaveva i più bei staloni del Porto Vecio jera un zero “Prack”, el lavorava şquaşi esclusivamente par la dita “Krebs che gaveva un magazin de cafè crudo prima in via Valdirivo sul canton con via Filzi e dopo in via Rossini vişavì el “Palazzo Carciotti”, jera un piazer veder ‘stì staloni grosi grosi con quela speze de bardature de oton sempre lustre.Fra i cucer vien ricordado ‘ncora “Andrea Picio”, ciamà anca “Eşule”, nato a Dignano d’Istria, ch’el portava boti de olive dal Porto Vecio in t’un magazin de via Valdirivo.
“Gò caro morto” voleva dir de ‘ver lasà el caro fermo e sensa bestie fin ch’el vigniva şvodà e impignì de novo. Tante volte se sentiva un caval al troto zirar par el Porto Vecio: jera Africa” che sora de “Yumbo” sensa sela el andava a cior un caro morto.

Immagine

Cari tiradi de cavai in via Carducci (1951)

Immagine

Locandina de un'ofizina de carozerìe e maniscalco.
(Fine)

Ciau ciau, sempre con tanta simpatia, Lela.


Il vero "giusto" è colui che si sente sempre per metà colpevole dei misfatti altrui!
Kissovitz
Naufrago
Naufrago
Messaggi: 18
Iscritto il: sab 18 mar 2017, 15:19

Re: TRASPORTI IN ZITA'

Messaggio da Kissovitz »

Buongiorno, molto bello questo topic. Sarei curiosa di sapere qualcosa del mestiere dei miei avi triestini, li riporto come risultano nei documenti del censo:
- bisnonno era "sensale di cavalli", in famiglia e' stato tramandato che avesse delle carrozze ma forse più banalmente vendeva i cavalli o faceva l'intermediario nella vendita
- prozii: uno era "scalpellino" (forse marmista? Incisore?) , l'altro "fabbro" ma questo è un mestiere molto chiaro.

Grazie


Torna a “Veci mestieri”