lavandere

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
verul
naufrago
naufrago
Messaggi: 4
Iscritto il: gio 28 giu 2012, 17:21

Re: lavandere

Messaggio da verul »

Care amiche, cari amici,
poco fà gò trovado questo bel sito e gò leto i vostri contributi sul sogeto "Lavandere".
Me son quindi notado e come me xe stado racomandado mando due righe per presentarme.
Son pensionà, gò vissudo all'estero diversi ani e a un certo punto gò deciso de tornar a casa perchè Trieste xe un bel posto dove viver.
Me interessa tuto quel che gà de far cola nostra storia e ogni giorno trovo con piazer qualcossa che no savevo come ogi, legendo i vostri comenti.

Son nato abastanza indrio per ricordarme de mia nona e mia mama che se rompeva la schiena fazendo la lissia curve sull'orna, pozando sule cosce la tavola de lavar, scanalada e cola corniseta per meter el savon quando che le fregava le strazze con tute due le man. Pò ghe dioleva i brazzi, povere.
Me ricordo dele done cole mastele sula testa in via del Lavatoio a San Giacomo, e dela grande "lavanderia per uso comune" che l'ICAM, ai tempi del GMA gaveva costruido per servir le pur moderne nove case del "Vaticano" in Viale Campi Elisi. Ma questi iera zà tempi moderni e dopo pochi ani sarìa aparsa la lavatrice, una vera conquista epocale.

Tornando ai secoli scorsi, vorrìa menzionar che su un vecio pastino le done de Conconello/Ferlugi gaveva organizado una vera e propria lavanderia e stireria a ciel aperto
con tanto de vasca per racoglier l'acqua che tra i lastroni obliqui de masegno filtrava zò per el monte, con un spargher per boirla e per far bronze pei feri de stirar, quei de una volta col forneto.
Un omo col caval portava su dala cità i fagoti con la biancheria sporca dele famiglie abienti, le done lavava e meteva a sugar la roba sule frasche, le la stirava e l'omo riportava tuto per tornar ancora una volta suso con altri fagoti. Questo me gà contà ani fà una signora molto vecia che a quei tempi iera una putelina e ve la dago come che la gò sentida. Forsi qualchedun poderà contarne de più e meio.

Molo de scriver perchè a 'sta ora qualchedun de voi sarà zà stufo de leger.

Son contento de conosserve atraverso questo forum e adesso comincerò a leger anche le altre parti. El picio se presenta per la testa. Saluti a tuti.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: lavandere

Messaggio da babatriestina »

Benrivado, ottimo contributo! :clapping_213:


"mi credo che i scrivi sta roba per insempiar la gente" ( La Cittadella)
Avatar utente
mandi_
eximio
eximio
Messaggi: 2873
Iscritto il: sab 22 mag 2010, 18:47

Re: lavandere

Messaggio da mandi_ »

Scusa se no parlo triestin, ma contèntete perchè infin siamo tutti persone.
Mi è piaciuto molto il tuo post, perchè mi hai fatto ricordare bene l'asse dove le nostre nonne lavavano, e la fatica silenziosa o canterina.
Hai dato una descrizione proprio bella, soprattutto dei luoghi di Trieste . Scommetto che hai fatto ricordare qualcosa anche a quei pu veci de mi ....
Benvenuto !
Mandi


"E’ il tempo che hai perduto per la tua rosa, che ha fatto la tua rosa così importante"

Antoine de Saint-Exupéry
verul
naufrago
naufrago
Messaggi: 4
Iscritto il: gio 28 giu 2012, 17:21

Re: lavandere

Messaggio da verul »

Cara "babatriestina", grazie per le bele parole de benvenuto
Caro "Mandi", grazie anche a te. Scusa se mi sono espresso in dialetto ma la prima impressione che ho avuto di questo sito era sbagliata perchè non ho tenuto conto che qualcuno potesse non comprendere il nostro vernacolo pur amando, come te, la nostra città. Nel tuo caso vedo che te la cavi comunque bene e ti esorto a chiedere spiegazioni se qualche termine non ti sarà noto. Sarò lieto, come chiunque altro penso, di fornirti le delucidazioni del caso per farti apprezzare meglio queste righe.
Non devi pertanto scusarti. Siamo infatti tutti persone e la triestinità, come tutti sanno, è il concentrato di tanti ingredienti etnici che nei secoli hanno contribuito a renderla quella che oggi è: una gustosissima zuppa di verdure miste che il tempo ha frullato amalgamandone i sapori.
Perdonami quindi se continuerò ad esprimermi in triestin usando anche talvolta termini desueti nella speranza che non vadano persi.
Mandi!


Avatar utente
mandi_
eximio
eximio
Messaggi: 2873
Iscritto il: sab 22 mag 2010, 18:47

Re: lavandere

Messaggio da mandi_ »

Caro Verul, femmina sono! :-D ed anca... baba e maridada.
Te prego scrivi en dialet , che capisso mui bien.No devo perdonarte, ma ringraziarte per parlar Triestin.
Trieste xe na cità stupenda e piena de robe interesanti,ma sopratuto fata da gente che me pias e gentile.
Trieste xe acogliente ,crogiolo ,ma anca con na so identità precisa.

Belo el penser de la zuppa mista...giusto per l'ora de zena...

E continua a contar i to ricordi, che xe bel!Sto lavatoio de San Giacomo devo proprio vederlo.

Mandi


"E’ il tempo che hai perduto per la tua rosa, che ha fatto la tua rosa così importante"

Antoine de Saint-Exupéry
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: lavandere

Messaggio da babatriestina »

mandi_ ha scritto:Sto lavatoio de San Giacomo devo proprio vederlo.
intanto accontentati di vederlo nel forum, Trieste de ogi, san Giacomo,


"mi credo che i scrivi sta roba per insempiar la gente" ( La Cittadella)
verul
naufrago
naufrago
Messaggi: 4
Iscritto il: gio 28 giu 2012, 17:21

Re: lavandere

Messaggio da verul »

Brava Babatriestina, bele foto che no gaveria savu trovar de solo perchè no son ancora pratigo de navigar nei meandri de 'sto sito. Grazie
A proposito, ghe xe stada una discussion su via San Marco e le vecie osterie? Se si fame el piazer de dirme dove che devo leger. Son nato a San Giacomo e go tanti ricordi interessanti, almeno per mi che li gò vissui.
E scusa ancora, Mandi, te gavevo ciapà per un mas'ceto e inveze te son 'na "putelute" (se disi cussì?). Grassie per i complimenti ala gente de Trieste. Anca ti te devi esser gentile e sensibile de come che te se esprimi. El mondo xe pien de brave persone.
Ciau


Avatar utente
mandi_
eximio
eximio
Messaggi: 2873
Iscritto il: sab 22 mag 2010, 18:47

Re: lavandere

Messaggio da mandi_ »

Per i collegamenti te devi spetar che i torni de ciacolar de robe importantisime i aministratori. :-D Noi comuni ciacolanti e basta lassem che i fadiga iori.
Me interessa molto argomento osterie vecie.
E no son na" putelòta o matelòta"(cussì se dis da noi), magari!
A presto risentirte!

Mandi (no son gnanca furlana, nè...)


"E’ il tempo che hai perduto per la tua rosa, che ha fatto la tua rosa così importante"

Antoine de Saint-Exupéry
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Re: lavandere

Messaggio da sono piccolo ma crescero »

In effetti me par che le vecie osterie no sia stade tratade mai tanto, almeno come argomento a sé.

Qua e là ghe xe qualcosa.

Mi go trovà un argomento qua https://www.atrieste.eu/Forum3/viewtopic ... rie#p84833

e poi ghe xe tuto un forum sui locai triestini https://www.atrieste.eu/Forum3/viewforum.php?f=36 No'l ga sai argomenti per cui te pol vardarteli un per un o spetar Adler che sa tuto el forum a memoria ;-) e che te trova dove che xe la roba, meio de Google (e no scherzo; no so come che el fa a torvar tuto e a ricordarse dove che xe i vari argomenti tratai).

Se te se fidi de più de Google basta che te clichi qua soto

https://www.google.com/search?q=osteria ... s&sesinv=1

e el te mostra tute le pagine del forum dove che se parla de san Giacomo e de osterie

Però, cambiando zona, mi son andà a star in via Settefontane nel 63. Iera pien de osterie. Te ghe pasavi davanti e te sentivi quel odor tipico, che onestamente no me fazeva voia. Gavemo magnà in un'osteria di fronte a casa mia solo el giorno che gavemo traslocà. Però adesso le xe tute serade. Te trovi pizzerie, kebab, ma dele vece osterie, che viveva credo coi militari, no ghe ne xe, me par gnanche una, o forsi una (stago andando a memoria). E go paura che sia cusì da per tutto. Quela che, in citavecia, iera la mensa dove che andava a magnar mia mama e mio papà nel dopoguera, la ga messo la h davanti e decuplicà i prezi, qualcheduna xe diventada pizzeria, altre paninoteche, altre kebab e qualcheduna xe diventata ... la porta de un box o un negozio de straze.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Re: lavandere

Messaggio da macondo »

Mi gavevo messo un par de ricordi in un vecio topico, che copio per dar el spunto:

"Mi go un cugin che viveva nel ultimo pian de quela casa de via Marco Polo che la finisi con una forma triancolar, tacada al ponte de la ferovia. La sua camereta la iera propio sul canton e la iera proprio stramba con sta forma. E quando el tren vegniva fora dela galeria, el vapor se meteva per la finestra :-D Un bel birichin sto mulo. Una volta el zogava con un fero de stiro sula finestra e el ghe xe svolado zo sul tavolin de la osteria che iera la soto. Meno mal che nissun iera sentado fora..

Mi me ricordo assai ben de quele casete picie, che i ghe diseva 'dei inglesi' (credo), ma che in fati le iera stade costruide a cominciar el secolo.

De l'osteria de Mondo me ricordo che andavo quando gaveria avudo un 15 anni. El vendeva spagnoleti americani sotobanco (Lucky Strike, LM, Pall Mall ecc) a 300 lire el pacheto. Una volta ghe iera un finanzier in borghese che ghe verzeva i cassetini e Mondo fazendome coi oci che andassi via!!! "


verul
naufrago
naufrago
Messaggi: 4
Iscritto il: gio 28 giu 2012, 17:21

Re: lavandere

Messaggio da verul »

Grassie per i riferimenti. Doverìa ciamarli "link" ma ancora no me 'rendo e bato duro, in triestin.
Ani fà go butà zò dò righe ricordando quando, de muleto, andavo a 'scoltar fora dela porta i operai che cantava nele osterie de via San Marco.
Ecole:

VIA SAN MARCO



Squasi tuti ne gà lassà
‘sti buli arsenaloti,
‘sti veci cantierini
Che, alegri e canterini
Per via San Marco i ‘ndava
un tempo ormai passà.

El Venerdì i ciapava
la busta cola paga,
(aconto o quindicina)
E tanti li brusava
pel vin, a tuta spina.

Tornando a casa a pìe
Dal posto de lavor
Ogni sangiacomin
voleva far el sior
ofrindoghe ai amici
un giro de quel bon.

Via Cruzis, in dialeto:
‘na sosta ogni Stazion,
‘na tapa ogni Local.
E ghe ne jera sie,
tra grandi o pici,
dal Ponte de Broleto
su su fin in Piazzal.

Tra una canzoneta
e un quarto de tocai
o un rodolo de limpida,
‘sta sede maledeta
no se ‘studava mai.

Le arie che i cantava
deprima con morbin,
su per la strada ripida
più tristi diventava
più che scoreva el vin.
Dal Mazolin de Fiori
al Omo dela Miniera
a Dona sei Volubile:
calava con i bori
l’umor e anca la sera.

La tratoria del Nonzolo
iera l’ultima tapa.
Con equilibrio instabile
e gambe che fa dondolo
Zò l’ultima trapa.

La Vergine degli Angeli
i cantava pel final
Cercando de star driti,
coi oci persi, imobili
in mezo del local.

“La Vergine degli Angeli
Ci copra del suo Manto
E ci protega vigile
D’Iddio l’Angelo Santo”

Do volte po’ i coristi
doveva dir “Protega”
Ma quei poveri Cristi,
che ormai jera zà cisti,
tirava zò “Botèga,
botèga”come per dir
“A noi tuti ne frega”.

No iera rose e fiori
La vita de operai:
tra spese, Monte e debiti
no ghe restava ‘ssai,
ma al Venerdì de siori
no i rinunziava mai.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: lavandere

Messaggio da babatriestina »

Nel forum Triestemia ghe iera un bellissimo topic sule osterie, con fotografie, e co ghe go domandado al postador ( el mitico K) come che el fazeva, el me diseva che el andava la mattina co ier a poca gente, el cioleva un calicetto, el se guardava intorno, el domandava el permesso.. tuto bel e bon, ma mi no gavessi el coraggio de far... e men che meno de andar de sola per le osterie a beverme un calicetto drio l'altro.. ghe ne go messe un poche de l'esterno, presempio quele de via Sorgente.. co trovo qualcossa se vado ve meterò. Po se ga riguardo a fotografar i aventori, e bisogna star atenti come che se fotografa, magari i diseva de eser sul lavor e el paron ( o la moglie) li vedi in foto nel forum.. 8)


"mi credo che i scrivi sta roba per insempiar la gente" ( La Cittadella)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Re: lavandere

Messaggio da macondo »

macondo ha scritto:Mi gavevo messo un par de ricordi in un vecio topico, che copio per dar el spunto:

"Mi go un cugin che viveva nel ultimo pian de quela casa de via Marco Polo che la finisi con una forma triangolar, tacada al ponte de la ferovia. La sua camereta la iera propio sul canton e la iera proprio stramba con sta forma. E quando el tren [pasava sora del ponte], el vapor se meteva per la finestra :-D Un bel birichin sto mulo. Una volta el zogava con un fero de stiro sula finestra e el ghe xe svolado zo sul tavolin de la osteria che iera la soto. Meno mal che nissun iera sentado fora..

Mi me ricordo assai ben de quele casete picie, che i ghe diseva 'dei inglesi' (credo), ma che in fati le iera stade costruide a cominciar el secolo."
Sul facebook de Paolo Saccari (che ringrazio) go trovado una foto contemporanea de la casa.

http://www.facebook.com/pierpaolo.saccari

Immagine


Torna a “Veci mestieri”