Piazza Unità d'Italia

[Ciancele]

PIAZZA UNITÀ
A un mesagio privato rispondo sul forum.
Prima de tuto nel 1945 gavevo diciasete ani e dir che gavevo l’uso dela ragion xe un poco esagerà. Disemo che podaria ricordarme ben de quel che go visto.
L’uno e due magio i se ga sbarà a Trieste tra gnochi e partigiani. Poco anca con el comitato de liberazion. I gnochi gaveva tre loghi: el tribunal in Foro Ulpiano, el Castel de San Giusto e la piazeta in Corso, no me ricordo el nome, tra el Banco de Roma e un negozio, soto San Giusto. Mi go visto la casa, in mezo dela piazeta, piena de busi. I sparava anca sula casa fotografada de Baba Triestina, vizin la cesa, in via Tigor. ‘sta casa la ga, o la gaveva, quatro torete, una par canton. La domina tuto verso marina, via Crociferi. Là iera anca busi. Secondo mi i gnochi no gaveva nisun motivo de sparer in piaza Granda, anca parchè i saria stadi tropo sul giro de aria. Ma a ‘sto mondo xe tuto posibile. Sparatorie xe stade però anca l’8 setembre 1943 tra gnochi e fasisti. Pol darse anca soldai, ma no credo, parchè chi che podeva el ghe la ga dada. Nel 1953, quando che xe stada la dimostrazion a Trieste, mi iero za via e no poso dir gnente. No me ricordo gnanca se go leto su qualche giornal. Probabilmente de no, parchè i giornai taliani no li legevo e i giornai de qua forsi no ga scrito gnente. Guera 15-18? Bisognaria leger de novo I post che xe stadi scriti, ma credo che se podaria scartar. No resta che i partigiani. Ma anca lori no gaveva un motivo particolar par sbarar. Forsi un col pusko (fucile) par morbin, ma no busi compagni.
Spiacente di non essere stato di aiuto, auguro una bella giornata.

[babatriestina]

Mi gavevo letto che iera tedeschi su pontoni in Marina che gaveva sparado verso la piazza. Me pareva de ricordar che gavessi contado qualcossa che se gaveva informado a suo tempo Macondo, ma de sti ultimi tempi poco el bazzica el forum...
zercherò su libri, ma forsi se trova anche zercando in internet...

[babatriestina]

Eco qua, go trovado, su Pupo, Trieste '45:
30 aprile, el parla del insurrezion del CLN:

Nella foschia di una mattina grigia, al largo della città,appare improvvisamente una flotta. Sarà, finalmente, lo sbarco alleato? La voce gira di bocca in bocca , molti accorrono sui moli e trovano i tedeschi. La squadra navale è nient'altro che un insieme di pontoni e naviglio sottile che trasporta soldati in fuga dalle coste istriane. Non sono venuti a bombardare la città, ma cercano semplicemente di raggiungere l'altra sponda dell'Adriatico sfuggendo agli attacchi dell'aviazione alleata, che rende mortali le ultime ore di guerra quando il Fuehrer è già morto e il Reich invaso. Però, a bordo ci sono pur sempre soldati tedeschi e non sacrestani. Così, quando alcuni patrioti ardimentosi aprono il fuoco dalle rive con le mitragliatrici pesanti, la flottiglia risponde a cannonate, scheggiando municipio e prefettura e costringendo gli insorti ad un rapido fugone.

ghe xe anche una piantina che merita, xe apunto i posti che ne cita Ciancele qua de sora, vederò de postarla.

Adesso podemo zercar se xe anche tracce sula Prefettura...

[babatriestina]

Mi gavevo letto che iera tedeschi su pontoni in Marina che gaveva sparado verso la piazza. Me pareva de ricordar che gavessi contado qualcossa che se gaveva informado a suo tempo Macondo, ma de sti ultimi tempi poco el bazzica el forum...
zercherò su libri, ma forsi se trova anche zercando in internet...

e zercando su internet.. trovo el nostro forum

https://www.atrieste.eu/Forum3/viewtopic ... 0&start=20

sum culex ha scritto:
Sul municipio in piaza Unità se trova ancora un segno de un proietile sparà de una de ste navi.
ciao
sum culex
che mi sapio, quei del municpio xe stai sparai nela seconda guerra, de navi tedesche. (solito momento critico 30 aprile- 1 maggio '45). me iera passado per le man pochi giorni fa un libro sul argomento.

e po Larry

Ma Baba, navi di guerra tedeschi che han sparato sul Trieste nel Aprile 1945? Da dove venivano ste navi tedeschi? La guerra era oramai quasi terminata e a mi pareva che tutti i tedeschi furono (quasi tutti), andati fuori dall'Italia. Un po di truppe terrestri rimanevano, ma nave di guerra?
Larry

e Macondo

Larry, a Trieste i tedeschi xe rimasti fino al 29-30 aprile, quando si sono ritirati lassando una piccola guarnigione di circa 1,000 soldati che si arrenderanno il 2-3 maggio alle truppe neozelandesi e jugoslave.
Navi nel porto credo che non c'erano, ma grossi motoscafi armati con cannoncini (che credo se ciamino 'motonavi'). Sono questi che hanno sparato dalle dighe verso la citá il 1-2 maggio 1945....

Le date sono aprosimative. Puo esser un giorno piú o meno.

Solo che el thread iera in prima guerra e perchè qualchedun attribuiva i danni ala prima guerra

[sono piccolo ma crescero]

Da un'indagine del Corriere della Sera è la piazza più bella d'Italia

http://www.corriere.it/la-lettura/15_ag ... 7227.shtml

[babatriestina]

o quanto meno la più cliccata. Davanti a piazza del Campo di Siena

[babatriestina]

ben, grandi segnalazioni del Piccolo: la piazza se ga de novo sollevado.
Che gehsia un drago sotto? cherto xe qualcossa de strano, perchè anche alcune dele mie foto no xe vegnude: file corrupted...
bon, in realtà cussì de lontan no se nota tanto...

però..

( xe tute foto de stamattina)

più che solevada la me par meza rota, come se i la gavessi ciapada a martelade o se ghe fussi pasai sora cari armai ( a proposito, me ga fato a mi o xe passado una aereo de guera stamattina sora?)

[babatriestina]

naturalmente per far effetto, basta meter la machian fotografica quasi per tera





maanca le foto in cui se vedi che nei busi i nostri concitadini ga lassado ciche de sigarette

[Nona Picia]

forsi el sarà za sta messo, l'angelo ferito....

[babatriestina]

sempre gradito, el xe comunque nel post sula fontana dei continenti

[Nona Picia]

te pol forsi spostarlo là?

[babatriestina]

mah, la pol star anche qua... xe sempre piazza, magari meto el link ala cussì se se colega

[Nona Picia]

OK! Grazie!

[Piereto]

Per quanto riguarda le sciopadure in piaza grande gavemo za scrito che la colpa xe de le piere de arenaria tenera e grigia de la cava istriana slovena ciolte solo per el color. Xe colpa del fato che le piere esendo taiade a fil de lama le xe tropo tacade le une a le altre cusì co le se dilata per el caldo e el fredo inveze de moverse un per, le se movi tute e se le trova qualche ostacolo le se fratura. Gavemo anche scrito che le piere no ga el spesor de 20 e pasa centtimetri de quele de una volta, ma 5 centimetri, per cui qualsiasi carico modesto come un per de camion o un palcoscenico, le pol danegiar. Xe infine anche la qualità del sotofondo che esendo realizà con rede metalica elettrosaldada su un leto de calcestruzo, el xe pressochè uniforme mentre una volta i veci masegni i iera lisi de sora e de soto i iera sbozadi con diversi livelli e tuti i posava su un leto de sabia. Insoma no xe ne dio ne santi, ma sta piaza se moverà sempre col bon e col cativo tempo. E sicome nisun vol trovar el colpevole, continueremo a scriver.

[babatriestina]

Grandi annunci tempo fa che le due fontane del palazzo del Lloyd . adesso Regione- gavessi ricominciado a funzionar come fontane.
Un per de giorni fa articolo sul Piccolo: i soldi ghe xe , el autorfizzazion a nche, ma no se ga mosso gnente, Interrogazion a chi di dovere.. e per adesso tuto fermo

[babatriestina]

i devi gaver fato i lavori coi piedi..
se ga alzado de novo la pavimentazion!



foto de stamattina

[Piereto]

Semo a le solite. Ogni ano a cambio de stagion la se verzi : xe una piaza ballerina. Coi la ripavimentava mi ancora lavoravo e ogni matina pasavo de la, e iero come un diretor dei lavori. Sora del la tera e macerie de de reimpiego i ga fato un bel strato de calcestruzo armado de rede metallica in più gettate vista la superficie. Solo che i se gà dimentigà che no se fa una gettata unica ma ghe vol dei giunti o busi per la dilatazion termica.Se suddividi el tuto come per una scacchierra In più sora sto bel strato i ga messo un foglio de plastica per impedir che l'umido del teren affiorassi o che lacqua de la piova andasi in profondità. El risultato xe che el tuto no respira. Ogi legio dei terremoti, ma xe più giusto parlar de spinte de l'aqua de mar sul fango sottostante la piazza, fango de un spesor de una ventina de metri. Tuti i palazi intorno ga fondazioni su isole, fate co tronchi de legno e po sora le piere de fondazion, quindi i xe omogenei ma con spazi svodi per i cambiamenti de presion del fango. La piaza xe inveze un tuto unico e la spinta devi sfogarse in qualche modo. No servi aver meso i masegni posadi su la sabia e anche tacadi a fil, se la parte sottostante xe una grande e unica piattaforma. Xe el clasico lavor fato mal. Se moverà sempre.

[sono piccolo ma crescero]

A mi me par strano che tuto sto disio vegni fora per la dilatazion termica, anche perché no semo in estate con 40 gradi all'ombra rispeto a un inverno con 10 soto zero.

Penso proprio che se doveria andar a zercar altre cause.

[babatriestina]

in mancanza de altro, el drago de soto che se movi descrivi ben la situazion.

Comunque, anche mi diria "robe fate cacao". Ma no essendo un tecnico e men che meno ingegner, no so valutar. No so se la colpa xe del architetto ( se i se occupa dei detagli tecnici) o de chi che ga realizzado i lavori.

[sum culex]

Sparagnar tropo sule oferte dele aste, senza controlar cossa che le ofri, no se sa mai cosa che pol suceder.
Adesso, e le volte passade per i guasti del setsso motivo, vedemo che i controli sui progeti no xè stai conformi ale esigenze, o no xè stai fati de persone suficentemente competenti sule situezioni de quel teren che xè soto la piaza.
Perchè col vecio giardin, o coi masegni bei grossi che iera prima ste robe no sucedeva?
Sparagna. speragna e te pagherà dopo più del dopio de prima; sopratuto se i ghe fa far el progeto a chi che no sa con precision cossa che xè soto el lavor che i i ga de far.
ciao
sum culex