La demolizion delle caserme in via Cumano / Rozzol

[Nona Picia]

A parte che sarìa un delitto butar zò el palazzo dove che xe el circolo ufficiali, go anche leto che el campus sarìa stà fato solo se restava un toco de caserma per i allievi volontari, ma dato che questo no xe più previsto, niente campus.
In quanto ale case che manca, con tute le case svode che xe in giro, no vedo come che le possi mancar.

[babatriestina]

In quanto ale case che manca, con tute le case svode che xe in giro, no vedo come che le possi mancar.

sì, ma no se guadagna come fazendole nove!

[Nona Picia]

Pian pianin vien su el cemento armato sul sito dove sorgerà la caserma dei Urbani

Ogi i disi sul bugiardello che i la vori dovessi finir nel settembre 2009.......

[sum culex]

Dal Piccolo de lunedì 04-02-08 - solo el titolo del'articolo

Casrma via Rossetti, dal 1° aprile vuota e senza custodi.
Via il San Giusto, non rimarrà nessuno a sorvegliare e i tempi del reecupero si annunciano lunghissimi: il pericolo del degrado

E te pareva!!!
No i podessi farghe far ogni tanto un giro a qualche patuglia dele forze del'ordine, sia che sia vigili, carabinieri o polizia quando che i passa de quele parti ? No che servissi al cento per cento, ma forsi qualche vandalo, sia che sia muleria o altro, podessi rinunciar per paura de esser becado (va ben che i xè incoscienti e m....), ma meio un de meno che gnente. E se se aprpria abusivi extracomunitari, barboni e cussì avanti? Come i li buta fora? Proprio ultimamente gavemo inteso qualcossa de simile.
ciao
sum culex

[rofizal]

Per merito de Adler, vista la mia asenza dal forum scopro ogi sto topic.
Visto che stago in zona e che "mugugno" costantentemente tra mi e mi su ste decisioni, devo scriver almeno do parole. Che no xe sicuro de gradimento per ste decisioni.

Poso dir che la clase politica, quasi senza ecezioni, fa schifo?
Me ricordo ancora l'abatimento, completamente inutile salvo per quei pochi che ghe mancava al postegio soto casa, dela casa dei ferovieri de viale Miramar? Senza permesi adiritura, ma ghe xe mai stado un proceso, qualche condana? Figuremose...

No parlemo poi de quel obrobrio de Rozzol Melara, me scuso con chi ghe abita, ma me ricorda solo i quartieri popolari de un comunismo ormai pasado e dimenticado. Dove el darghe la casa a chi gaveva bisogno, posibilmente con poca spesa, gaveva la priorità su ragioni estetiche e de vivibilità. Ma a Trieste? Una cità in continua riduzion de abitanti, con un mucio de case sfite? Xe questo el modo de risolver i problemi?

L'unico progeto valido me par quel de recupero de citavecia, fato con rispeto sia per la cità che per i sui abitanti. Pecà solo che me par le abitazioni costi un mucio, ma adeso molti torna in cità abandonando vile e vilete de l'altopiano, meno sicure viste i tempi. Cusì compratori penso no sia mancadi.

Ma con l'eliminazione dele caserme se sta tornando ai tempi pegiori. Sfrutamento edilizio, interesi economici de ogni genere e a scapito dela nostra cità. Gavè visto che oribili xe le case (o edifici) che sta sorgendo là de l'ipodromo? E a cosa i servi , vista sempre la riduzion de abitanti? E poi xe za una zona intasada de trafico e con asoluta mancanza de postegi, e poi consideremo, sempre per i postegi, la vicinanza de l'ipodromo e de l'atuale fiera che, anche se la vignirà spostada, resterà sempre un qualcosa che necesiterà de posti auto.

Poi adeso i parla dele caserme de via Rossetti... maledeti! I vol proprio intasar e rovinar l'intera zona? Come se pol pensar de far un polo scolastico senza strade e senza postegi? Migliaia de muli e mule, per no parlar dei profesori, che se reca ogni giorno a scola e che ogi utiliza motorini, moto e auto, se no li porta i genitori, sempre in auto. E se i volesi utilizar i mezi publici? Ma le linee che pasa de là xe le stese che servi la zona de Rozol Melara e l'Ospedal, in genere stracolme de gente, forsi le più usade de tuta la cità (vedi linea 11), anche se forsi la gente sta usando de meno i mezi publici, visto i loro lati negativi (lenteza, superafolamento, insicureza, ecc).

Insoma, a perte che se un domani dovesi vignir de novo la necesità de costruir caserme (purtropo i tempi no prometi niente de bon), cosa i fa? Altre costruzioni e altre spese? A parte questo, insoma, i podeva crear postegi e zone verdi, magari con qualche palestra scolastica, che me par no ghe ne sia poi tante, o qualche picolo impianto sportivo o centro de ricreazion e ritrovo zonale (quest'ultima xe solo un'idea), ma sempre con tanti postegi. Sicuro no nove oribili case, che sembra aglomerati de periferia. O i prevedi che tute le famiglie sia destinade a scioglierse e che ognidun vadi a viver de solo?

Basta coi scherzi. El centro cità xe svodo, o quasi. Xe concepibile che una cità picia e senza posibilità de espansion come Trieste posi gaver un centro cità disabitado? Con oribili edifici caserma ad uso abitativo ai suoi margini, senza postegi e con un trafico de spostamento quotidiano intasado al masimo? Senza posibilità de metropolitana e trasporti veloci, non dimentichemolo. E senza postegi in centro, ormai nianca per le do riode. Qual xe el progeto urbanistico de Trieste? Come se pensa de risolver i problemi de vivibilità?

Xe triste dir ma, se fosi giovine, scamperia subito da Trieste, perché con queste "guide" (e no ghe ne vedo de migliori) el futuro me par sai nero.

PS: ve ricordè anche che i gaveva proposto el dopio senso de marcia in via Rossetti, con eliminazion de migliaia de posti auto? Ma cosa ga in testa certa gente?

[Nona Picia]

Xe triste dir ma, se fosi giovine, scamperia subito da Trieste, perché con queste "guide" (e no ghe ne vedo de migliori) el futuro me par sai nero

Son dacordo conti su quasi tuto, ma te son proprio sicuro che andando via de TS te andassi a star meio, dato le tue previsioni sul futuro?

[rofizal]

ma te son proprio sicuro che andando via de TS te andassi a star meio, dato le tue previsioni sul futuro?

Purtropo no... e questo xe el triste.

[AdlerTS]

La caserma de via Revoltella cressi ...



Nel frattempo una agenzia ASCA informa che:

''Lo Stato deve fare i suoi interessi e non puo' regalare a regioni, comuni e province il patrimonio delle caserme che se dimesso e' in grado di valorizzare vaste aree del nostro territorio''. Lo ha affermato il sottosegretario alla Difesa Guido Crosetto a conclusione di una ricognizione presso le caserme in dismissione della regione. Crosetto era accompagnato dal presidente Renzo Tondo.

''In Friuli ci sono numerose caserme, ma ci sono regioni - ha aggiunto - come la Lombardia che hanno un patrimonio nettamente superiore. Solamente quello che esiste nel comune di Milano - ha precisato - vale dal punto di vista del realizzo 8-10 volte di tutto il patrimonio che c'e' qui in Friuli''.

''Ci sono aree enormi all'interno di alcune citta' e allo Stato piu' che recuperare risorse preme mettere questo patrimonio immobiliare al servizio di qualche progetto. Se volessimo solo vendere daremmo i nostri immobili ai privati che offrono certamente di piu'. Cerchiamo invece di coinvolgere gli enti locali dicendo loro di acquistare e ristrutturare in maniera da incentivare lo sviluppo dei territori. A Trieste ad esempio - ha spiegato Crosetto - c'e' la caserma Vittorio Emanuele che e' situata in un'area bellissima di 10 ettari quasi nel centro della citta'. Ora mi chiedo: quando mai un sindaco trovera' un'area cosi' da poter sfruttare? Tra l'altro il sindaco di Trieste ha intenzione proprio la' di creare un campus scolastico. In questa maniera risolviamo un problema del Comune senza sottrarre risorse allo Stato''.

''Basta far dormire i soldati in camere di trenta anni fa'', ha continuato Crosetto: ''Abbiamo un patrimonio di centinaia di piccole casermette sino ad arrivare a quelle grandi, che dobbiamo o dismetterlo e alienarlo oppure valorizzare e metterlo a norma, proprio in maniera che i militari, che ci passano in caserma non piu' un anno come tempo fa ma addirittura per certi tutta la vita, abbiano il giusto ambiente''.

[rofizal]

A Trieste ad esempio - ha spiegato Crosetto - c'e' la caserma Vittorio Emanuele che e' situata in un'area bellissima di 10 ettari quasi nel centro della citta'. Ora mi chiedo: quando mai un sindaco trovera' un'area cosi' da poter sfruttare? Tra l'altro il sindaco di Trieste ha intenzione proprio la' di creare un campus scolastico.

Pol eser che i edifici dela caserma posi diventar aule senza molte ristruturazioni, quindi con poca spesa. Questo podesi eser un lato positivo.
Ma se no se risolvi i problemi del trafico e del postegio... insoma ghe vol pensar a tuto. Se i lo ga fato va ben, ma co vedo el picolo "rozol melara" che sta sorgendo davanti a l'ipodromo me vien qualche dubio...

Secondo mi, ma xe un'idea personale, una zona de musei, con relativi parchegi per auto e coriere, saria una bona idea. Poi farla qua o là poco importa, basta che se curi tuti i aspeti. Ma me par che el lato "cultura" non sia sai curado, anche se pol eser sai utile per el turismo.

Tra l'altro sentivo dir proprio in sti giorni che al Vilagio del Pescatore, dove i ga trovado i dinosauri, xe tuto abandonado da anni. Muleti (e forsi no solo muleti) se ga portado via tochi de fossili preziosi, nisun scava invece più seriamente. Da altre parti, dove i ga robe meno importanti, i se ga za organizado per visite e publicizado turisticamente, da noi... lasemo perder....

Poco me interesa se dipendi da comun, provincia, region o stato, i fati resta. (e la baia de Sistiana docet)

[AdlerTS]

ara che roba !

[sono piccolo ma crescero]

ara che roba !

Anche mi, quando go visto sto traliccio son restà perplesso, ma ... spetemo che i lo finisi e dopo decideremo, opur critichemo diretamente el disegno che xe sul tabelon dei lavori.

[babatriestina]

la go vista anche mi del bus, ma no gavevo capido se i stava costruindo o demolindo: cossa dovessi vegnir fora?

[Nona Picia]

Anche mi me pioasessi saver cossa che sarà quei ferri! Mi credevo che i fossi posai là, inveze go visto in seguito che i xe fissai ne muro....Chissà cossa che saltewrà fora.....per adesso par un incubo!

[babatriestina]

savè, mi dopo che go visto a Parigi, in pieno centro el tanto osannato Centre Beaubourg o Centre Pompidou ( detto anche el Pompidoueum)

no digo più gnente
Nol xe in costruzion, el xe propio cussì! la cosidetta arte bruta ( con una t sola), che lassa in evidenza i elementi costruttivi

[AdlerTS]

Sembra che dalla distruzion dei veci edifici i voj salvar solo questa targa:

Sul il Tuono n. 17 i pubblica una foto dell'archivio Giorgio Galazzi, della quale rubo solamente questo particolare dettaglio



diria che la piera xe la stessa, ma i "scudetti" xe ben diversi

[AdlerTS]

No so se ste foto le xe meio qua o le dovessi andar con el thread de Rozzol

stesso dubbio

[AdlerTS]

Una bela cartolina dell'ingresso della caserma de via Rossetti (grazie a SPMC )

[babatriestina]

Far e disfar xe anche un lavor: sfogliando le pagine online dei fondi dela Fototeca civica, me go trovado quel che iera prima dela caserma:
la zona

e una cesetta che no go capido se i l a ga inglobada nele caserma o se i l ga butada zo..