La demolizion delle caserme in via Cumano / Rozzol

[AdlerTS]

Parlando della ex caserma de piaza Doberdan , go scrito

Resta el fatto che a fine 800 la caserma risultava vetusta ed insufficiente per posti letto. Xe de notar che la legge austriaca prevedeva che l'alloggiamento delle truppe iera responsabilità dei Comuni e non de un ministero a Vienna.

A sto punto, dopo diversi anni spesi a trovar un sito funzionale per la costruzion de nove caserme, nel 1902 vien per la prima volta proposto de utilizzar i fondi Wildi, la zona cioè dove sorgerà in seguito le caserme de via Rosetti. L'acquisto del fondo iera un azzardo, perché el trasloco non iera stado avvallado da Vienna, ma el Comun se ga esposto anche perché fortemente interesado al riutilizzo in chiave edilizia dell'enorme spazio da riqualificar nell'area della Caserma vecia, dove se pensa subito de realizzar el palazzo de Giustizia.
Nel 1909 Vienna approva el progetto definitivo della caserma nova a Rozzol che permetteva lo sgombero della vecia. Finalmente i lavori in via Rosetti inizia nel 1912, per interromperse allo scoppio della guerra, per esser poi completadi dai italiani a fine anni '20.

Bon, ste caserme non servi più, cussì i vol far condomini novi

Questo xe l'ingresso del quel che iera conossudo come circolo sotouficiali

[AdlerTS]

El fatto xe che per de dentro xe un po' diversa



Per le note storiche, prima del ribalton el progetto originale iera stado affidado alla Union Bau Gesellschaft Vienna

[AdlerTS]

questo xe el lato verso l'ippodromo



Se nomina spesso i fondi Wildi: savevi che Wildi iera paron delle cave a Nabresina ( Aurisina ) ?

[AdlerTS]

Dall'esterno



Le caserme iera stade inaugurade nel 1926 alla presenza de Vittorio Emanuele III.

[AdlerTS]

A sto punto sposto qua le foto che gavevo messo su "Rozzol":

el comun vol far una nova centrale dei vigili urbani:

[AdlerTS]

Sembra che dalla distruzion dei veci edifici i voj salvar solo questa targa:

[macondo]

No so se ste foto le xe meio qua o le dovessi andar con el thread de Rozzol
Comunque xe le famose caserme che qua le ghe disi "nove". Dovessi esser verso la prima metá dei 30. Se vedi anca el vecio campo dela Triestina, dove che adesso ghe xe la Fiera. Foto veramente interesante




E naturalmente la version gigante per chi che ghe piasi veder i detagli!!!

https://www.atrieste.eu/FotoMacondo/casermelge.jpg

[AdlerTS]

Ocio che quele in via Rossetti le xe ancora la, quele per adesso non i le tocca.

[Nona Picia]

Sempre ogi go leto che sembra che la caserma de via Rossetti sia sula strada dela dismissione. No xe rivadi i 200 militari che i spetava.

[Golfoblu]

Anche le caserme in cità ai nostri giorni, va ripensade. De 50 / 60 anni in qua i cambiamenti xe stadi tanti e tali che anche la caserma Rossetti ga perso la sua finalità.

[babatriestina]

qualchedun parla de trasformarle in "polo scolastico" concentrando in una caserma parecchi istituti superiori triestini, nel caso de via Rossetti andassi ben, perchè ghe xe za vizin Petrarca e Galilei. Una specie de "campus", el prezzo saria perder la scola vizin casa..

[ffdt]

[...]No xe rivadi i 200 militari[...]

sentivo in t'una pizeria la` a rente un do militari che parlava tra de lori e i dixeva che i fondi de la difexa i ghe sta andando a i carabinieri e no a 'l exercito perche` oramai l'arma ga fato esperienza de misioni a 'l estero e i xe boni de far tuto cuel che fa 'l exercito e anca cualcosa de piu` e cusi` a 'l exercito no i ghe da piu` bori e i xe in recesion

irea un discorso verosimile

ciau

Franco

[AdlerTS]

Sempre ogi go leto che sembra che la caserma de via Rossetti sia sula strada dela dismissione. No xe rivadi i 200 militari che i spetava.

Do note storiche sul reggimento:

El 1° reggimento S. Giusto vien considerado erede del reggimento Fleury creado da Carlo Emmanuele I Duca di Savoia nel 1624. Ga cambiado diversi nomi a seconda del nome del proprietario della milizia, fino al 1839, anno in cui diventa reggimento SAR (Sua Altezza Reale) e nel 1859 entra a far parte della brigata Re, che partecipa a tutte e due le guerre mondiali e vien sciolta nel 1943 a seguito dell'armistizio. Sulle ceneri della disciolta brigata, nel 1975, nassi el 1° battaglion motorizzato S. Giusto che eredita dalla prima la bandiera, el color delle mostrine ed el color rosso della cravatta tipico dei militari dei Savoia.
Nel 1992 el battaglion vien promosso a reggimento.
La Bandiera di Guerra del reggimento se fregia de un Ordine Militare d'Italia, due Medaglie d'Argento ed una de Bronzo al Valor Militare, la festa del Corpo xe al 30 ottobre, con riferimento ai avvenimenti della Conca di Alano del 1918.

Curiosamente, non go mai capido come sia rimasto sullo Scudo l'aquila bicipite nera.

[AdlerTS]

Curiosamente, non go mai capido come sia rimasto sullo Scudo l'aquila bicipite nera.

Eccolo

http://www.esercito.difesa.it/root/unit ... _arald.jpg

[refolo]

Adler?

xe storia non se pol cavar via anche se non esisti piu'.

Scusa, me go' dimentica' de dir che, un fac-simil xe stado rilassa' come carta d'identita a Cesare Battisti! nel 1914.....
Nominava i viaggi pei giornalisti, libretto 1035....., de drio ghe iera un simile de la galline bicipite con la scritta:- Sottoscrivete il Prestito di guerra, sottoscrizioni assumo le Banche Locali tutto xe scritto su un giornal della terza Armata ciamado""La TRADOTTA" se te trovi anche tramite el tuo grande amico Mario chel savera' de ste robe,ncerca el numero 36 del 4 Novembre 1978 rilassa' dal PICCOLO ILLUSTRATO!

xe intitola' Novembre 1918 GUERRA E PACE!, la mia cugina me lo ga' manda' per mio nipote chel xe nato nel Novembre 1978!
con le date semo tutti de famiglia come ciamar la tombola!

Maria aka Refolo

[AdlerTS]

Pian pianin vien su el cemento armato sul sito dove sorgerà la caserma dei Urbani

[Nona Picia]

Xe deciso: el battaglion S.-Giusto no esisterà più dalla fine de marzo e la caserma andarà in disuso (futura rovina totale) in quel periodo. E sembra che anche el Piemonte Cavalleria con giugno possi sparir, ma ancora no xe certo.
Certo xe che anche in quela zonz xe forti interessi edilizi. Chi vinzerà?

[babatriestina]

Caserme in città no me ga mai piasso.
E adesso no xe più de difender " i sacri confini dela Patria" de l'eventuale invasion ( russa?) che podeva vegnir de est, come che qualchedun diseva.
quindi gnente de strano sto smantellamento, riportado come sempre nela solita forma de piagnisteo "anca questo i ghe cava a Trieste".
Per l'utilizzo, speremo che no i fazzi come la Pescheria che prima i ga fato e po i sta ancora pensando per cossa doprar, a suo tempo se parlava de polo scolastico, visto che la saria tacada vizin de Petrarca e Galilei, una specie de campus per tante scole secondarie triestine. Mi l'idea de tuti i studenti dele secondarie concentrai in un solo posto me fa strano, xe el oposto dela scola de quartier, ma le sinergie, le economie di scala.. bla bla..., e ve imaginè che massa de motorini al ora de apertura e de chiusura?

[sono piccolo ma crescero]

Mi l'idea de tuti i studenti dele secondarie concentrai in un solo posto me fa strano, xe el oposto dela scola de quartier, ma le sinergie, le economie di scala.. bla bla..., e ve imaginè che massa de motorini al ora de apertura e de chiusura?

Però saria sai comodo pei profesori su più scole e, in poco tempo, un preside solo.

[babatriestina]

per l'idea de scola, sria un'occasion più unica che rara poder far una scola con giardin, "campus",palestre, una gran biblioteca unica con una gran sala de lettura ( ottima a anche per la socializzazion) insoma una roba all'americana inveze de quel che xe.
Ma za i costruttori ga cominciado a meter le man avanti (el Piccolo de oggi) che manca case, che se podessi costruir, cussì i butassi zo tuto, e po tante tante case moderne, con un fiadin de giardinetto condominial fra una e l'altra.. e adio verde!).. gavè presente l'area de san Vito? ogni villa con parco butada zo xe deventada 5 o 6 condomini con un poca de erba e un per de cedri intorno ( no so perchè, ma doveva esser de moda un periodo i cedri, che se ghe ne trova tanti in giro nei giardini condominiali.)