Pice costruzioni per uso publico, diria quasi de antiquariato.
Una volta ghe ne iera diverse, ogi no ghe ne xè, ciamemole reliti, rimaste quasi nissuna.
Go trovà un vecio orinatoio publico solo per omini: ghe ne iera più de qualchedun in giro e penso che questo fato cussì che ve mostro sia proprio l'ultimo rimasto. Iera solo per omini e per le done no ghe ne iera: se vedi che o in cità girava solo mas'ceti o che i pensava che le feminuce gaveva le suste più bone.
Seconda picia costruzion xè un vecio chiosco de quei che iera ala fermata del tram (e digo tram, no coriera o filovia). Anche questi se no sbaglio xè tuti sparidi sostituidi da quei moderni de vetro e aluminio, a diferenza de quel de prima che no xè sta sostituì de gnente. (o andemo in bar che de domenica xè quasi tuti serai o se compremo un panolon! )
Trieste de ieri
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
- babatriestina
- senator
- Messaggi: 41324
- Iscritto il: dom 25 dic 2005, 19:29
- Località: Trieste, Borgo Teresiano
Stavo per postar anca mi el gabiotto in vetrocemento, anca mi go quel de Barcola, me par che un altro xe prima dei Cimiteri, al incrocio de via Baiamonti circa.
Per el Vespasiano ( questo xe el nome corretto classico: pecunia non olet! i soldi no spuzza ga dito el imperator), pol esser anche un propio vizin del giardinetto de Barcola... ma no go mai avudo la forza de avicinarme, per la spuzza che se senti in giro a un bon raggio de distanza!
le signore no xe più dure de susta, soprattuto dopo una certa età, e diria che se dovessi protestar presso i uffici per le Pari Opportunità!!
Per el Vespasiano ( questo xe el nome corretto classico: pecunia non olet! i soldi no spuzza ga dito el imperator), pol esser anche un propio vizin del giardinetto de Barcola... ma no go mai avudo la forza de avicinarme, per la spuzza che se senti in giro a un bon raggio de distanza!
le signore no xe più dure de susta, soprattuto dopo una certa età, e diria che se dovessi protestar presso i uffici per le Pari Opportunità!!
- Nona Picia
- cavalier del forum
- Messaggi: 10977
- Iscritto il: ven 20 gen 2006, 15:08
- Località: Trieste - Rozzol
- sum culex
- no montar in scagno
- Messaggi: 5945
- Iscritto il: ven 20 gen 2006, 15:45
- Località: Trieste - Rozzol
El 'vespasiano' xè esatamente quel che xè a Barcola al capolinea del 6.babatriestina ha scritto:Stavo per postar anca mi el gabiotto in vetrocemento, anca mi go quel de Barcola, me par che un altro xe prima dei Cimiteri, al incrocio de via Baiamonti circa.
Per el Vespasiano ( questo xe el nome corretto classico: pecunia non olet! i soldi no spuzza ga dito el imperator), pol esser anche un propio vizin del giardinetto de Barcola... ma no go mai avudo la forza de avicinarme, per la spuzza che se senti in giro a un bon raggio de distanza!
le signore no xe più dure de susta, soprattuto dopo una certa età, e diria che se dovessi protestar presso i uffici per le Pari Opportunità!!
E anche se pecunia non olet' ma quel cesso sì, tempo fa me xè stà giogoforza entraghe dentro: stranamente el iera bastanza ben tignudo e neto, forsi perchè pochi, sopratuto i giovini vandali, no lo conossi. Beh, per l'olezzo evito i comenti se no me taca de novo a scolar el naso e lagrimar i oci, ciò non toglie che per 'mia' fortuna e ghe xè e el xè anche e gratis. Quel altro chimico (no xè un laureato, sempre e solo un gabineto) che xè in pineta el xè inveze a pagamento, ma idoneo anche al'uso femminile!
ciao
sum culex