Rion del Re e Scala Bonghi

[sum culex]

Se gavemo informà!
Go parlà con mia cugina che xè vignuda a star qua in autuno del 1928 e con un'altra siora che xè vignuda qua nel '35 e che abita qua ancora adesso:
Nela vascheta soto el leon xè sempre stada tera e de acqua o fontanele nissun se ricorda. Forsi (xè una mia ipotesi) el progeto original , mai realizà, poderia esser sta de far una fontanela: in efeti de come che xè messo l'insieme dà proprio quel'impression.
ciao
sum culex

[ffdt]

grazie ... adeso fusi de veder el progeto, tanto per finir el giro

[AdlerTS]

Domandighe a ste do siore cossa che jera sull'ovale a destra della scala visavì i negozi

[Nona Picia]

Domandighe a ste do siore cossa che jera sull'ovale a destra della scala visavì i negozi

Finalmente dopo diverse "indagini" xe saltà fora che nell'ovale iera el fascio, che xe sta gratà via co ga cambia le robe.

[AdlerTS]

Sospettavo ... grazie per la conferma

[MisterKappa]

Ecco l'aspetto originale da una cartolina stampata nel 1939



e il dettaglio ingrandito



nel medaion a destra iera el fascio, in quel a sinistra lo stema sabaudo (che adeso xe sconto dall'edera - se esisti ancora). Sulla destra dell'alabarda iera scrito ANNO VI (dell'era fascista), anche quel gratà via.
La qualità della cartolina no xe un gran che, ma nella vasca sotto el leon me par de veder terra (ma no piante).

[AdlerTS]

Grazie Kappa

Novità de sta settimana, i sta montando subito davanti al leon do "corrimani" de acciaio per la sicurezza de chi vol traversar la strada. Forse Sum riva a darghe un click.

[babatriestina]

bel dela cartolina, anca el caretto coi gelati.
(Ocio che mi, dele prime foto, alcune imageshack ne ga tirado un bidon, che no le se verzi e el disi 404 image not found... temo che sarà de ripostar o provar un altro host.)

[Nona Picia]

Grazie Kappa

Novità de sta settimana, i sta montando subito davanti al leon do "corrimani" de acciaio per la sicurezza de chi vol traversar la strada. Forse Sum riva a darghe un click.

La novità xe che sembra che tuto a un trato el muro del giardin sora la cabina telefonica e lungo le scalete de sinistra andando su, xe diventà pericolante e cussì i ga messo delle travi de legno che sostegni la parte e i ga circondà la zona del marciapiede coi corrimani, fazendo un pasagio per i pedoni che vol andar ala fermata del'autobus e serando anche la scaleta de sinistra.

[Nona Picia]

nel medaion a destra iera el fascio, in quel a sinistra lo stema sabaudo (che adeso xe sconto dall'edera - se esisti ancora). Sulla destra dell'alabarda iera scrito ANNO VI (dell'era fascista), anche quel gratà via.
La qualità della cartolina no xe un gran che, ma nella vasca sotto el leon me par de veder terra (ma no piante).

Go controlà l'altro medaion (quel de sinistra) e anche lo stemma sabaudo xe sta gratà via.

[sum culex]

Grazie Kappa

Novità de sta settimana, i sta montando subito davanti al leon do "corrimani" de acciaio per la sicurezza de chi vol traversar la strada. Forse Sum riva a darghe un click.

Eco 'i' click!
Za diverse volte ve go dito: se co' e me comoda ogni vostro desiderio per mi xè un ordine!
Ecove le foto dele ringhiere e le transene messe al inizio de Scala Bonghi e i travi de sostegno per tignir sù el muro 'pericolante'.
Le foto xè quel che xè: le lassa un poco a desiderar, ma sti giorni no iera sol e se spetavo la risposta saria vignuda tropo in ritardo.

Le ringhiere pel passagio pedonale






I travi de sostegno

[sum culex]

In questa se nota de più el muro spostado verso destra: osservè quel tubo che una volta iera verticale e ve renderè conto de quanto che el muraglion se ga spostado. Me ga tocà far due foto più de vizin e zontarle insieme e purtropo un fià la zonta se vedi; gavevo tentà de farghene una sola più de lontan ma per farla son andà un poco sula cregiata e no ga mancà sai, anzi sai poco, che un auto me tiri soto: perdoneme, ma go subito rinuncià.



Le transene che impedisi el pasagio dei pedoni soto el muro. Qualche bela anima un per de giorni fa gaveva zà pensà de far dani: le ga spostade e scavezade, ma subito i le ga rimesse a poto.



Dove che se vedi la malta più ciara xè dove che xè stada tapada la sfesa.

[sum culex]

La forza dela natura: come che una pianta, in sto caso l'albero de giuda (Cercis siliquastrum) cressù in una sfesa del muro, ga rivà a spacarlo e a spostarlo per farghe posto al'ingrossarse del suo tronco.



Più in particolare: con tuto che el xè stà taià tante volte, e se vedi, no ga servì: el buta sempre fora.



ciao
sum culex

[AdlerTS]

Completo come sempre

[dcobau]

solo una domanda, quela via xe via D'Angeli or via Sinico?

saluti

Dave

[Nona Picia]

La via D'Angeli xe la prima strada che incrocia Scala Bonghi e la via Sinico xe la seconda . In altra zona, no so dirte quala, mi no son brava col pc, xe dele foto de via D'Angeli che gavemo fato co ga nevigà, se te vol te pol guardarle.

[AdlerTS]

Per le foto con la neve, te disevi queste qua ?

Per chiarezza, la posizion (tks to google) xe questa:

[Nona Picia]

Più o meno iera un per de quelefoto, no tute. Solo che pensavo che sum gavessi messo de più foto de via d'Angeli.

[AdlerTS]

Sum, Nona Picia, cossa i sta fazendo la de fianco che i ga sventrado el muro ? Una casa nova ?

[sono piccolo ma crescero]

Me son sempre domandà chi che iera Ruggero Bonghi che i ghe ga dedicà la scala più longa de Trieste. Ogi me son ricordà de vardar e sicome "Google is your friend" e Wikipedia anche go scoperto che nel 1874 el iera ministro dela publica istruzion: Maria Stella Gelmini insoma .

A onor del vero forsi el iera de un livel culturale più alto, ma se volè saverghene de più http://it.wikipedia.org/wiki/Ruggero_Bonghi.