Rion del Re e Scala Bonghi

[sum culex]

Altra foto d'epoca ... jera za l'edicola !!!

Ma no iera zà più le sine del tran, ma i fili dela filovia che andava un tochetin più avanti per poder girar; un tochetin de strada verto solo aposta per quel, e la via Revotella finiva qua. El tran no girava: iera el 'manovratore' che spostava de una parte al'altra le manize per la guida; e sui tran più veci quei senza carei, el girava anche el trolley.
ciao
sum culex

[Nini Naridola]

In fondo a via Revoltella, dove che girava la filovia, all'inizio de via S.Pasquale, sora el muraglion, iera una cocola tratoria con giardineto. Come la se ciamava? Me par che cominciava colla "K".

[molighe el fil]

La via d'Angeli, che tuti ciamava stradon, la finiva ala altezza dela casa dove stava siora Ieti e suo marì Contento.
La strada iera stropada da tante casupole che xe stade butade zo per slongar el stradon e tacarlo ala via Revoltella.
La via Revoltella finiva dove iera l'ultima casa de l'ICAM.
Là cominciava la strada de Rozol che gaveva a sinistra una montagnola piena de sasi e frasche.
Durante la guera el Comun gaveva scavado un canale che cominciava davanti l'osteria de Klun e con un comio finiva davanti el giardin dela osteria che iera poco più su.
Questo canal largo tre metri e fondo due e meso iera sta coverto con ponti de legno e tera.
Questo iera el rifugio più vizin, ma tuti andava nela galeria del treno vizin la stazion de Rozol.
Prima dela filovia al posto del tram iera l'autobus che gaveva el capolinea sul giro tra la via Revoltella e la via d'Angeli.

In una fotografia xe una casa con el porton in mezo e finestre in parte.
Quela iera la casa dei Pertot (quei dela botega de fodre de via ginastica) e no de Nereo Rocco come che xe scrito.
Le finestre xe stade fate dopo la guera e al posto dele finestre iera porte e dentro iera una pescheria co i banchi de piera

[Nini Naridola]

Grazie! Iera proprio de Klun. Andavo, durante l'austerity da Roian fin là e ritorno.

[molighe el fil]

Klun iera dirinpeto el casoto de vetro cimento per spetar el tram e dopo la guera el sior Klun, che el se ciamava ancora Coloni, gaveva fato un dancing sula teraza sora l'osteria.
Se ben ricordo se ciamava "DANCING ALL'EVEREST"
Nel dancing podeva andar a balar solo mas'ci americani e inglesi, inveze le mule iera tute triestine.
No me ricordo come se ciamava l'osteria con giardineto che iera in strada de Rozol dove adesso scominzia la via San Pasqual.
Co me vegnerà in amente scriverù un post

[sum culex]

No me ricordo come se ciamava l'osteria con giardineto che iera in strada de Rozol dove adesso scominzia la via San Pasqual.
Co me vegnerà in amente scriverù un post

Quela che iera in strada de Rozzol sul incrocio cola via Grimani, se ben me ricordo, iera l'osteria de Cante, dove che adesso xè una casa nova.
In via D'Angeli iera l'osteria de Jeti, trasformada in seguito in un ristorante; ogi no esisti più gnete.
In via del'Eremo ala confluenza de via Fra Pace da Vedano iera un'altra osteria con giardin, ma no me ricordo el nome; anche questa no esisti più.
Iera tute mete dele passegiate domenicali nele estrema (estrema quela volta) periferia dela cità.
Zonto ancora una roba: in quela de Klun andavo con mia zia a veder 60 ani fa per TV 'Lascia o radoppia' con Mike; quela volta a casa no se gaveva el televisor.
ciao
sum culex

[molighe el fil]

Xe giusto che in strada de Rozzol iera l'osteria de Cante con el giardin davanti, ma no me ricordo come se ciamava l'osteria sora el muralion de strada de Rozzol dove adeso comincia la via San Pasquale.
In via del'Eremo un poco più su de via Fra Pace, dove xe el slargo, iera l'osteria ala Tapa.
L'osteria de Jeti la ga cambià el nome in 5 sagi.
Nei ani sesanta, gavevo la television a casa, ma 'ndavo a vederla in lateria DOLWA (dolci e wafer) de Renato, perche la vegniva una mula che adeso xe mia molie da 51 ani

[molighe el fil]

Adeso me vien in amente che l'osteria sora el muralion dove adeso se incontra la via Revoltella, la via SAn Pasqual e la via Forlanini, se ciamava PINCIN.

In Valle de Rozzol, in via Veruda, iera un altra osteria Klun, no so se i iera parenti de quei de via Revoltella

El cognome Klun (Coloni soto el fasismo^ iera sai comun a Rozzol

Fin quando no i ga fato el palazo del ACI, la via Veruda rivava fin davanti la Fiera e quando i ga stropà el primo toco i ga verto una nova strada dala via Cumano

[Ciancele]

Nei ani sesanta, gavevo la television a casa, ma 'ndavo a vederla in lateria DOLWA (dolci e wafer) de Renato, perche la vegniva una mula che adeso xe mia molie da 51 ani

Molighe el fil, cos' che no se fa pa' le mule. Mi go conosù anca la mia (54 ani, 60 tuti insieme) in betola. Tutta composta con i genitori ed il cagnolino.

[molighe el fil]

Mia molie xe nata in via Vidacovich e mi in scala Bonghi dove semo restai fin che se gavemo sposà, ma la colpa de tuto xe stà Mike Bongiorno.
La go conosuda al bar Dolwa (che esisti ancora ma no se ciama più cusì) e go aprofondì la conosenza ala Valletta un poco più in zo.
Semo nati a dozento metri un de l'altro e no se gavevimo mai visto.

[Nona Picia]

Nei ani sesanta, gavevo la television a casa, ma 'ndavo a vederla in lateria DOLWA (dolci e wafer) de Renato, perche la vegniva una mula che adeso xe mia molie da 51 ani

Molighe el fil, cos' che no se fa pa' le mule. Mi go conosù anca la mia (54 ani, 60 tuti insieme) in betola. Tutta composta con i genitori ed il cagnolino.

Ciancele, pensa che mi conosso mio marì de 67 anni e pur savendo che peste che el iera, lo go sposà lo stesso...

[Ciancele]

Nei ani sesanta, gavevo la television a casa, ma 'ndavo a vederla in lateria DOLWA (dolci e wafer) de Renato, perche la vegniva una mula che adeso xe mia molie da 51 ani

Molighe el fil, cos' che no se fa pa' le mule. Mi go conosù anca la mia (54 ani, 60 tuti insieme) in betola. Tutta composta con i genitori ed il cagnolino.

Ciancele, pensa che mi conosso mio marì de 67 anni e pur savendo che peste che el iera, lo go sposà lo stesso...

Nona Picia, "iera" xe pasato. Dopo no più. De 'lora cocolo de basarlo, vero?

[Ciancele]

Nei ani sesanta, gavevo la television a casa, ma 'ndavo a vederla in lateria DOLWA (dolci e wafer) de Renato, perche la vegniva una mula che adeso xe mia molie da 51 ani

Mi go conosù anca la mia (54 ani, 60 tuti insieme) in betola. Tutta composta con i genitori ed il cagnolino. [/quote]

Ciancele, pensa che mi conosso mio marì de 67 anni e pur savendo che peste che el iera, lo go sposà lo stesso... [/quote]
Nona Picia, "iera" xe pasato. Dopo no più. De 'lora cocolo de basarlo, vero? [/quote]
Go zontà, ma xe sparì, che el mio amico american ga conosù la sua putela a quatordise ani. Ela gaveva dodise. Nata in America, la se lo ga portà drio come sposo di guera. Xe la più bela roba conoserse de pici. Par gnoco se disi: Sandkastenliebe. El Sandkasten xe ex recinto co'la sabia nei giardini dove che i pici zoga col seceto (secchiello) e le forme. Sii contenta che tanti te invidia!

[macondo]

Qua de noi disemo puppy love

[Zigolo]

In Valle de Rozzol, in via Veruda, iera un altra osteria

E là vizin, in via Rietti, ghe iera un'altra osteria, che fazeva zerti sughi che te vigniva le bave...

Fin el 1973 la iera de sicuro, po no so.

[Nona Picia]

Nona Picia, "iera" xe pasato. Dopo no più. De 'lora cocolo de basarlo, vero?

Peste el iera e peste el xe restà...dispeti el fa sempre, pena che el trova l'ocasion!

[molighe el fil]

Ecco l'aspetto originale da una cartolina stampata nel 1939



e il dettaglio ingrandito



nel medaion a destra iera el fascio, in quel a sinistra lo stema sabaudo (che adeso xe sconto dall'edera - se esisti ancora). Sulla destra dell'alabarda iera scrito ANNO VI (dell'era fascista), anche quel gratà via.
La qualità della cartolina no xe un gran che, ma nella vasca sotto el leon me par de veder terra (ma no piante).

Sta foto qua inveze xe del vintinove, la ga za el fassio in mezo ma manca i do stemi in parte.
No iera gnanche el marciapie.
La foto xe pezo dela cartolina del trentanove ma go solo quela

[molighe el fil]

Ieri go visto sul picolo che un altro mulo del stradon (via d'Angeli) no xe più.
Dino Zaccardi iera ale medie con mi.
La ultima volta che lo go incontrà, xe sta pochi mesi fa a un funeral dela molie de un altro dela clapa.
Ormai semo tuti oltra i setantazinque e nisun vol far barufa per el turno

[Ciancele]

Molighe el fil, me dispiasi par ti. Xe de ani che no legio più i anunci. Par chi, se i xe tuti za morti. Mi co' vado ai raduni son sempre solo (1927). El mio amico più giovine ga diese ani meno di mi. Mi digo sempre: No ste sburtar che no xe furia.

[danilo43]

Un brutto colpo, per me apprendere in questo modo la notizia della scomparsa di Dino Zaccardi.
Non ci vedevamo da qualche anno. Ma è proprio il geometra Dino Z. che abitava a Muggia? Non credo, purtroppo, si tratti di omonimia.