Viale XX Settembre - II° parte

[babatriestina]

una volta, no tanti anni fa, in sta zona iera tante panchine, adesso me par de gaverghene contade tre, che cava posti ale macchine, po, chi va a sentarse là? qualche veceto col baston, e col can , magari

su un muro de una casa se riva a legger traccia de una vecia scritta Via dell'Acquedotto Notar no viale e no Aquedoto semplice

su una casa ghe xe questa targa, che conta una storia a mi del tutto ignota:

[babatriestina]

a man destra andando in su, ghe xe un per de scalette che va verso via Crispi e el Orto Botanico, più o meno qua finiva anche la fiera de san Nicolò quando che la iera al massimo della grandezza

in qualche punto, xe anche qualche terrazza che dà sul viale, e sotto un garas

questa xe la salitina che i voleva far el garas interrado


la galleria, cossa xe, un vecio rifugio antiaereo?

[babatriestina]

un bel porton, con una decorazion a cigni affrontai

e sora ghirlande rinascimentali, con in mezzo, un per parte.. do cagnetti!

po xe la casa coi telamoni che ve ga ben mostrado Zoomy, mi devo dir come dir, con tute ste teste.. me sento come osservada...

[babatriestina]

ecola di fronte


a destra inveze xe casa Marin, del scultor Marin, quel che fazeva monumenti funebri, el Leon de Casa Vianello.. insoma un dei più apprezzai scultori a caval del secolo

SumCulex diseva che la ghe pareva, almeno per el porton, un poco israelitica.. ovvio, visto che la xe fatta in colaborazion de Ruggero e Arduini Berlam, i due architetti che ga fatto el tempio israelitico de Trieste!!!
el porton, col motivo a onde nel timpano. stesso motivo , fa notar anche i libri, sarà ripreso dei stessi architetti in alcune ringhiere sora la Scala dei Giganti
( motivi simili a mi me ricorda anche palazzi veneziani, ma no go ben presente el riferimento)

certo, un qualcossa de oriental

[babatriestina]

però le do teste femminili affrontade le xe propio liberty!

e sto tabelon? me dirè cossa, el scondi la vista, ma a mi el me ricorda i tempi che in tuto el Viale ghe iera sti tabelloni per la pubblicità, e i ghe metteva i placcati dei film proiettai nei tanti cinema triestini
adesso ghe ne xe pien al alto del Viale, ma no ghe xe pubblicità de cinema.

Rivemo a Piazza Volontari Giuliani, che i se lamenta che la xe tanto degradada, mi go visto de pezo..

[babatriestina]

le panchine xe dignitose

un bel acero a foie frastagliade

e sui aceri comincia i colori autunnali

[babatriestina]

Su de un albero vedo dei frutti che pica come nose.. azzardo un nome: Paulownia? (qua ghe volessi Bibi..)

di fronte, la palazzina adesso dela Marina, ma mi no ghe go mai visto nissun andare dentro e fora.. la xe molto bela se vista de via Giulia, quasi sospesa sora el suo terrazzo

a fianco, nel terrazzo pensile un albero de cachi xe pien de foie e frutti

[babatriestina]

Comincia el ultimo tratto, el più dimenticado.. el me par più strento e le macchine lo occupa sempre più

fin a impedir de passar in mezzo, ma questo mi me ricordo che anni fa iera za più in basso

semO Propio alla fin, sora del caos de macchine se vedi cava Faccanoni e i mastodonti dei edifici del Giulia

[babatriestina]

ai lati ghe xe case moderne o anni trenta, squadrade come queste con tanti pergoli

ma se trova anche dele robette liberty che per mi xe stade una scoperta: gavè presente Benco che ghe fazeva drio ai fiori sule facciate?
pecà che la xe un poco degradada

e purtroppo come che nassi assai speso a Trieste, el porton vero e proprio xe stado fatto novo butando via el vecio che podeva esser bel

[babatriestina]

qualchedun inveze el porton lo ga salvado

el dettaglio dei ghirigori della decorazion a nastro

in questa casa, inveze, me par che i ga fatto un misiòt de tuti i stili:


le decorazioni sul legno del porton xe liberty, el arco xe ispirado al stile rinascimento fiorentino, le colonnette xe neorinascimentali e i ga trovado anche el modo de meterghe una statua soto del pergolo!

[babatriestina]

una scaletta in su a man destra

e una casa che propio vol far el perfetto stile dorico:

podemo notar la decorazion a formelle e triglifi ( i quadrati con le tre scanalature) che come che se devi sotto ga le "gocce", e in mezzo el "bucranio"- cranio de bue- inghirlandado, come nelle opere romane e nel neoclassico del centro città

[babatriestina]

e semo arivai finalmente ai scalini finali, de cui impossibile dar una foto in prospettiva, perchè le machine ghe riva fin sotto

ai lati, dei sedili de piera, per el cittadin ottocnetesco che arivava fin la e se sentava a mirar el paesaggio, o magari a far marenda
[

[babatriestina]

ecco la base dove che iera una volta i lampioni, se vedi el buso

dele scalette, se giremo indrio

e subito oltre ne aspetta un'altra scaletta, ma xe per arivar al Giulia

[babatriestina]

questa foto dovessi aver la stessa prospettiva de quela vecia cartolina che se vedeva Villa Orientale e che no rivo a ritrovar nel forum

e questa xe attualmente via Bonomo

verso via Pindemonte , dove che ghe xe altre case fra el Liberty e el Secession ( veder el topic sul Liberty, architetto Fonda)

e qua se concludi el Viale, e comincia el Giulia..

[babatriestina]

a destra inveze xe casa Marin, del scultor Marin, quel che fazeva monumenti funebri, el Leon de Casa Vianello.. insoma un dei più apprezzai scultori a caval del secolo

SumCulex diseva che la ghe pareva, almeno per el porton, un poco israelitica.. ovvio, visto che la xe fatta in colaborazion de Ruggero e Arduini Berlam, i due architetti che ga fatto el tempio israelitico de Trieste!!!
el porton, col motivo a onde nel timpano. stesso motivo , fa notar anche i libri, sarà ripreso dei stessi architetti in alcune ringhiere sora la Scala dei Giganti


certo, un qualcossa de oriental

ecco la ringhiera de Scala dei Giganti, coeva e lassada andar arremengo, tanto el Sindaco de mesi prometti una riqualificazion

[AdlerTS]

Legio sul Piccolo, riportado dal 6 giugno 1961

Secondo il nuovo Piano regolatore, anche piazza Volontari Giuliani cambierà volto, creando di faccia una strada di scorrimento, con l’abbattimento
delle scuole Kandler e Suvich e la sparizione di via Pilone.

non savevo gnanche che esistessi via Pilone

[babatriestina]

Gnanca mi, e a legger ste memorie de 50 anni fa, quante case che i voleva butar zo per crear piazzette nove. Mi alora no savevo..

[molighe el fil]

questa foto dovessi aver la stessa prospettiva de quela vecia cartolina che se vedeva Villa Orientale e che no rivo a ritrovar nel forum

e questa xe attualmente via Bonomo

verso via Pindemonte , dove che ghe xe altre case fra el Liberty e el Secession ( veder el topic sul Liberty, architetto Fonda)

e qua se concludi el Viale, e comincia el Giulia..

I scalini ala fine del'Acquedoto se i più longhi che sia a Trieste fati in un toco solo.
La casa Liberty de Fonda in via Pindemonte sul canton con via Bonomo la xe stada restaurada sto ano e i ga perfin meso sul teto le due pigne che mancava.
Le par picole, ma quanto una xe cascada zo del teto, la ga fato un buso sul asfalto.
Saria de fotografarla adeso prima che la trovi i writers

[babatriestina]

La casa Liberty de Fonda in via Pindemonte sul canton con via Bonomo la xe stada restaurada sto ano e i ga perfin meso sul teto le due pigne che mancava.
Le par picole, ma quanto una xe cascada zo del teto, la ga fato un buso sul asfalto.
Saria de fotografarla adeso prima che la trovi i writers

In sto forum xe tanta roba... ecola anche nela version restaurada. Te vol che no ghe sia za passada? za un anno fa...