Veci "quadrilateri"

[sum culex]

El grande complesso de Melara xè conossudo, tra l'altro, come el 'quadrilatero', ma in cità ghe ne xè altri che podemo ciamar "quadrìilateri": el cosideto Vaticano in via del'Istria e quel complesso, che no so come che se ciama, in piaza Foraggi. Anche un poco più zò, in viale D'Annunzio, xè un grande cortil che podessi esser assimilado a quel dei altri dò, ma i portoni de acesso in fero xè serai e luchetai e no go podù andarghe dentro.

Questo xè el "Vaticano": la faciata che dà sula via del'Istria, restaurà de poco.



I ga lassado la vecia scrita 'ICAM' (Istituto comunale abitazioni minime) che pò xè diventato IACP (Istituto autonomo case popolari) e adesso ATER.



L'arco col andron de ingresso al cortil interno

[sum culex]

Entremo nel andron per aceder al grande cortil quadrangolare interno



Soto el passagio ghe xè un feral (vedi anche 'ferai') piutosto importante



Eco el cortil interno tuto ben piturado

[sum culex]

Un particolare dela decorazion che xè torno le finestre de tute le scale



Uscimo verso la via del'Istria

[sum culex]

Questo inveze xè el "quadrilatero" de piazza Foraggi



L'esterno xè bastanza in ordine



La parte central dela faciata cole piere a vista

[sum culex]

L'ingresso che dà sula via Ghirlandaio



Nel andron, sia a destra che a sinistra, xè l'ingresso dele scale de acesso ai apartamenti

[sum culex]

Semo entrai da piazza Foraggi: de fronte xè l'arco del passagio verso la via Ghirlandaio



Me son voltà: questo xè el passagio verso piazza Foraggi; piutosto mal ridoto o se preferì mal tignù; el gavessi urgente bisogno de una man de pitura!



Anche le faciate interne dele case xà parechio malandade

[sum culex]

Solo una dele tante faciate, chissà perchè, xè stada restaurada. O i ga vendù e i condomini ga fato meter a posto o ghe abita un colo grosso o un suo parente ?!?!



Tute le altre faciate xè in disarmo



Un ultimo particolar de quela che una volta gaveria podudo esser una bela decorazion, purtropo lassada andar a re...ngo come tuto el resto



Se sentimo presto con qualche altro 'servizio' (no fraintender, grazie)
ciao
zoom culex

[macondo]

Belisimo servizio, zoom, come sempre

I ga fatto veramente un bel lavor con le fazade del vaticano. No so se la memoria me fa i soliti scherzi, ma questo complesso credo che i lo ciamava anca Stalingrado nei anni 50

Assai bel veder, tutto piturado, co le alabarde ben in vista, ma me domando come sará i quartieri per dentro. El fatto stesso che li definisi 'case minime' me fa pensar a dei cameroni senza bagno e servizi con pochisime comoditá.

Qualchedun xe mai stado dentro?

[AdlerTS]

Efetivamente i ga fato un bel restauro in Vaticano. Mio nono abitava la dentro de picio, proverò a domandarghe se el me conta qualcossa.
Anche perché co de muleto el me diseva "son nato in Vaticano" pensavo de esser nipote del Papa

[Nona Picia]

Belisimo servizio, zoom, come sempre

I ga fatto veramente un bel lavor con le fazade del vaticano. No so se la memoria me fa i soliti scherzi, ma questo complesso credo che i lo ciamava anca Stalingrado nei anni 50

Assai bel veder, tutto piturado, co le alabarde ben in vista, ma me domando come sará i quartieri per dentro. El fatto stesso che li definisi 'case minime' me fa pensar a dei cameroni senza bagno e servizi con pochisime comoditá.

Qualchedun xe mai stado dentro?

Una mia zia ga abità là una 50 anni fa, del quartie me ricordo poco, so che el coridoio me pareva streto e la cusina, color maron o almeno cussì me la ricordo, no me piaseva per niente, le stanze però no le go viste.

[Nona Picia]

Efetivamente i ga fato un bel restauro in Vaticano. Mio nono abitava la dentro de picio, proverò a domandarghe se el me conta qualcossa.
Anche perché co de muleto el me diseva "son nato in Vaticano" pensavo de esser nipote del Papa

[Tirabaralla]

Mi go un uadrilatero del cuor ^_^
No gavevo idea che un posto simile se podessi ciamar cussì.

[AdlerTS]

El grande complesso de Melara xè conossudo, tra l'altro, come el 'quadrilatero', ma in cità ghe ne xè altri che podemo ciamar "quadrìilateri": el cosideto Vaticano in via del'Istria e quel complesso, che no so come che se ciama, in piaza Foraggi.

Presso le case del Vaticano stasera piccola sfilata de signore oltre i "anta" in abiti retrò, credo primi 900. Me par verso le 19.30.

[serlilian]

Nel Vaticano no so, ma una mia zia stava nele case del ICAM in Pendice Scoglieto, soto l'Università.

Iera camera e cusina, con un picio gabineto, dove no iera posto nianche per un lavandin minuscolo. I se lavava in scafa o in cadin. E pensar che iera la casa dove stava i sui suoceri, con un fio grando, quel che dopo ga sposà mia zia. E per un periodo, dopo sposadi, el suocero ga vivudo con lori. La moglie iera za morta.

Xe robe che noi, ogigiorno, no podemo nianche imaginarse.

Do giovini, apena sposai, che dormi nela stessa camera col papà de lui.

[Nona Picia]

Una volta iera cussì.... e chissà, forsi i iera anche più felici de noi ogi che no se ocupemo più de nissun!

[babatriestina]

Un dettaglio che par esserghe scampado a Zoomy, al Vaticano restaurado: al ingresso, doveva esserghe una immaginetta votiva, forsi.. comunque paressi che i ga messo una nova madonna de dimensioni un poco ridotte:

[AdlerTS]

Mio nono abitava la dentro de picio, proverò a domandarghe se el me conta qualcossa.

In generale mio nono non ama parlar della sua infanzia, ma l'altro giorno el me contava dei bombardamenti delle seconda guerra: el me ga dito che el Vaticano jera un bersaglio perché l'ultimo pian (o parte de esso) jera stado sfollado dai occupanti ed adibido a contraerea

[sum culex]

In zona Campi Elisi ghe xè due quadrilateri (ciamadi anche 'vaticani'), mi go ciolto in considerazion uno solo dei due: quel delimitado da Viale Campi Elisi, Via Coletti, Via Schiapparelli e via Morgagni.Xe grande un complesso bastanza malandà, cosa che lo rendi ancora più triste de quel che in realtà el saria se el fussi tignù più in ordine.
Go volù, data l'impression che el me ga fato, far le foto con una luce 'triste' e go scielto le ore quasi del imbrunir, anche per aver più atenuadi i contrasti tra le zone in ombra e quele iluminade dal sol.

L'ingresso in viale Campi Elisi

[sum culex]

Le scalete de acesso al cortil



I archi dal interno

[sum culex]

I due ingressi da via Schiapparelli






Le faciate rivolte ferso el cortilsenza elementi architetonici, ma tute lisse e monotone