Passemo adesso ala costruzion più recente: el Quadrilatero.
Go ciolto un poche de notizie da Internet a sto indirizzo (pagine 111 e seguenti):
http://www.fondazionecesar.it/tx_usereg ... aliane.pdf
El sistema abitativo de Rozzol Melara, se trova al margine orientale del tessuto urbano dela cità, sul versante de una colina con vista verta sula cità e sul mar; infati spesso se senti dir: “Rozzol Melara vedi el mar e el mar vedi Rozzol Melara”
L’area che ocupa el complesso xè de 11 ettari e la xè stada scelta dal comun con un Piano de Zona del 1964, per la realizazion de un quartier de edilizia semi-intensiva; scelta che ghe ga lassà spazio al IACP de richieder sucessivamente de “addensar i edifici”.
El grupo de progetazion, coordinado dal studio de Carlo e Luciano Celli, iera formado da 29 professionisti selezionadi e se avaleva anche dela colaborazion dei locai ordini dei architeti e dei ingegneri: Solo sucessivamente l’architeto fiorentin Guido Ferrara ga colaborà per la sistemazion dele aree verdi.
El progeto xè sta elaborà in più versioni, per stralci tra el 1968 e el 1973 con sucessive varianti che riguardava atrezzature e servizi e che ga portà la costruzion fin al 1982.
L’edificio-quartier costruido xè composto de 648 alloggi ocupai da 1685 persone e ospita un centro civico, un distretto sanitario (N.4) del’ASS, una scola del obligo, un centro parochial e un garage in più piani semiinterado al servizio de tuti i residenti.El complesso gavessi anche dovudo esser dotado de servizi ligai al comercio verzendo 20 punti vendita, ma ogi risulta verti solo pochi, resta el giornalaio, el tabachin, un alimentari, un bar, una farmacia, e l’uficio postal. Altri xè ocupai de associazioni, grupi e cooperative sociali.
El sitema edilizio xè composto da da due edifici multipiano a “L” de diferente altezza affiancai; el tuto xè colegà da passerele aeree e da un sistema de percorsi coverti e servizi coletivi, in modo de formar un quadrilatero (da qua el nome) con una amplissima corte interna che invece de presentarse svoda come gaveria volù le aspettative xè atraversà de un sistema de corridoi pedonali sopraelevadi con al centro una piazza quadrata pensada come centro de agregazion pei abitanti. Xè stada fata una neta separazion del trafico dei auti da quel dei pedoni utilizzando un unico asse viario in diagonale nella corte per raggiunger el garage de due piani.
El progeto relativo al spazi averti mira a rinsaldar i raporti tra i abitanti e segui certi principi guida:
- la realizazion de un spazio verde e una rede de percorsi pedonali
- la realizzazion al’aperto de una pedana teatro che gavessi dovudo esser el posto pei eventi sociali
- la predisposizion de diferenti campi de giogo per fruitori de età diferenti.
Molte aree de sevizi e atrezature xè stade abandonade e ga trovà un ubicazion al’esterno (vedi COOP) e quindi inevitabilmente el complesso se ga impoverido e se ga avvià verso un inizio de degrado fisico e sociale.
Guardar de lontan sto “monumento” provoca sensazioni diferenti rispeto al andarghe lentamente più vizin fin a entrar dentro, rendendo evidente che l’impato visivo “de lontan” xè ben diverso da quel de vizin, purchè no subentri l’abitudine.
Purtropo gran parte de quel che iera previsto come aggregazion dei abitanto no xè mai stado realizado e tantissimi spazi xè svodi e xè ancora in atesa de esser sfrutadi per sto scopo.
Adesso ve mostro come che lo vedo e interpreto mi
Le scole
El lato verso Catinara
[
