Ruderi in centro

[sum culex]

Proprio in centro cità, in via del teatro Romano, tra l'anfiteatro e el palazzo del'INAIL go trovà sti ruderi. Dcaordo che no passo spesso de là, ma no li gavevo mai osservai.
Penso che gavessi podù esser una dele vece case che a suo tempo i ga butà zo insieme con tante altre in quela zona, ma questa no i la ga distruta del tuto.
Soto doveva esserghe magazini: el motivo che me sugerisi sta idea xè i archi che se vedi nele foto più avanti.

Eco l'insieme



Muri, archi, porte, finestre: tuto dirocà e in rovina.



Anche posteriormente ai archi che doveva esser in centro dela casa ghe xè un muro.

[sum culex]

Se no crola qualcossa xè un miracolo. Mi ghe son andado rente: no xè nissua transena o protezion, ma cola piova o cola bora de sti giorni no me saria ris'cià de andarge cussì vizin.



I muri xè un poco s'ciopai e i ga 'qualche' sfesa e 'qualche' fessura



Uno dei archi in particolar

[sum culex]

Altre porte e finestre che dà sul 'gnente'



El suporto dove che in origine doveva esser pozà un arco dela volta che sostigiva i piani superiori



Go girà un poco in qua e in là zercando spunti, ma no me son fidà de andar a veder anche là dentro

[sum culex]

L'architrave de sta porta xè spacà e la finestra murada



Sta porta murada ga inveze un architrave de legno un 'poco' marzo e carolà: se no la saria stada murada, probabilmente vigniva zo tuto, anche se me par che poco de altro podeva crolar, a meno che no il la gavessi murada prima che vigni zo quel che adesso de sora no xè più.



In alto, sul fondo posterior dela casa, le 'squadre' (!) de operai se dà alacremente de far. Ma cossa?

[sum culex]

De fronte, sul'altro lato dela strada, in fianco al campanil dela cesa del Rosario xè in ato restauri



Chissà se adesso che i vol far el garas soto el cole de San Giusto e la riqualificazion dela zona col 'Piano di recupero Teatro Romano 2' i cui lavori xè za cominciai (vedi le prossime due foto), i meterà a posto anche sti ruderi.






Al prossimo servizio zercherò de meter anche roba meno disastrada: roba in ste condizioni no saveria se ghe ne xè altra in cità.
ciao
zoomy

[ffdt]

[...] no li gavevo mai osservai [...]

la` indove che adeso i ga fato cuela specie de fontana iera tera e iera un morer (gelso, per talian) ... mi andavo a scola la` visavi` e co' la stagion giusta se fazevimo magnade de more ... ... ...
ben, bon ... le caxe come che le iera prima le ga mostrade sia Adler che babatriestina ... mi, inveze, gavevo meso una foto ciapada un fia' piu` oltra (sempre grazie a 'l libro de sior P.)

là où aujourd'hui on a fait ce type de fontaine, il était un peu de terrain et il y était un "morer" (mûrier, en Français) ... je suis allé à l'école là vis-à-vis et dans la bonne saison nous faisions des ventrées de mûres ... ... ...
eh bien, bon ... les maisons comment elles étaient avant elles sont été montrées par Adler et babatriestina ... moi, cependant, j'avais mis une photo prise un peu plus avant (encore grâce au livre de m. P.)

there where now the did that sort of fountain it was some ground and there was a "morer" (mulberrytree, in English) ... I went to the school in front there and in the right season we where doing bellyfuls of mulberry ... ... ...
well, ok ... the houses as they where before have been shown by both Adler and babatriestina ... me, however, I had put a photo taken somewhat beyond (again thanks to the Mr. P.'s book)

[sum culex]

Macondo ga scrito:

dovessi esser el sito del palazzo de l'INAIL, anca se son sorpreso de sto muraglion imponente (el esisti ancora?).

Sì, el xè sempre là, se lo vedi poco perchè el xè drio del palazzo del'INAIL.
Adler in 'cartoline de Trieste' ga messo due foto de sto muraglion, anche mi ghe ne meto due qua come seguito al link che ga messo ffdt. Penso che possi andar ben essendo roba come che la xè ogi.






ciao
sum culex

[babatriestina]

el muraglion xe vecio, e risali ala costruzion del collegio dei gesuiti del Settecento, anche se imagino che i lo gaverà dirzzado più volte.
i lavori vizin dela cesa del Rosario xe quei de Palzzzo Marenzi, che dovessi vegnir come una piazzetta .
Ste case iera sempre cussì, de quando che i ga scavado el teatro roman e un pochide anni dopo i ga eliminado case vece imagino abandonade intorno. ,solo che adesso che i ghe lavora se nota de più.
qualcossa de simile xe ancora in Zitaveccia, zona Urban, fin che no i gaverà messo tuto a posto, zona via delle Mura.

[macondo]

el muraglion xe vecio, e risali ala costruzion del collegio dei gesuiti del Settecento

Mi son de la opinion che el muraglion dele foto dovessi esser de dopo el 1935. Se vedi ciaramente che el xe 'moderno' e el dovesi esser coevo coi lavori de la bonifica dela zona. E l'imboco dela galeria xe per quel trageto che va fin a metá dela Sandrinelli. Mi go un vaghissimo ricordo de gaverla vista averta intorno al 1950 (quando gavevo un 4 anni) ma no son sicuro se fossi inveze qualcosa che go imaginá.

[babatriestina]

credo che te gabi ragion: sul libro de Ciana xe una foto del 1951 :
la didascalia del medesimo Cian disi:
Il maestoso muraglione sulla via del Teatro romano che sostiene la scarpata .. il muraglione, in pietra viva, ricorda quello di Pirano che sostiebne lo spuntone di rccia sopra la quale è stato costruito il Duomo. A destra si vede anche l'ingresso alla galleria ( già ricovero antiaereo) che sbocca nella galelria Sandrinelli e che continau poi fino in via Pondares.

[AdlerTS]

Non dimentichemose le foto messe qua

[Nona Picia]

Adler in 'cartoline de Trieste' ga messo due foto de sto muraglion, anche mi ghe ne meto due qua come seguito al link che ga messo ffdt. Penso che possi andar ben essendo roba come che la xè ogi.
ciao
sum culex

Come che te vedi, nol se gaveva dimenticà. Scrivo mi perchè ogi sum xe semi orbo causa visita oculistica.

[babatriestina]

credo che te gabi ragion: sul libro de Ciana xe una foto del 1951 :
la didascalia del medesimo Cian disi:
Il maestoso muraglione sulla via del Teatro romano che sostiene la scarpata .. il muraglione, in pietra viva, ricorda quello di Pirano che sostiebne lo spuntone di roccia sopra la quale è stato costruito il Duomo. A destra si vede anche l'ingresso alla galleria ( già ricovero antiaereo) che sbocca nella galelria Sandrinelli e che continua poi fino in via Pondares.

Oggi sul Piccolo ( nova edizion) i riporta che nel 1961 i stava riaverzendo quel braccio. Difatti, lo percorrevo ogni tanto.
A legger el Piccolo, disi come se i lo gavessi fatto nel 1961, ma za nel 1951 Ciana disi che laiera za.