Case dirocade

[sum culex]

Ogni tanto trovo in cità ruderi de case dirocade; de poco o de tanto tempo? Chi lo sa?
Semo a San Giovanni al inizio dela Via San Cilino ghe ne xè una e un'altra al numero 1 de Vicolo dei Roveri.
Xè crolai tuti i teti e tuti i travi xè marzi e me par che qualchedun gabi anche trace de fogo.

Meto per prima la casa de via San Cilino






Ghe xè una impalcadura, ma la devi esser solo per no far crolar pericolosamente tuto: no sembra che i staghi lavorando. Se pol anche notar el cordolo de cemento getado in zima al muro per evitar ulteriori croli e dani anche ala gente che passa là de soto in strada.

[sum culex]

Questa xè la prima casa de Vicolo dei Roveri al numero 1



Oltte la grata del porton



Sburtando l'obietivo oltra le maie dela grata

[sum culex]

Doveva esser una casa colonica con de drio la campagna: Sembra l'andron per l'ingresso dei cari.

[sum culex]

De l'altro lato



Altri "interni"



In fondo sembra un sofito crolà cole grisiole per le malte



La prossima volta zercherò de meter robe più bele e meno tristi.
Ciao
sum culex

[1382-1918]

Per quela de inizio via San Cilino, me ricordo che tanti ani fa, circa 10, i gaveva tipo inaugurado le impalcadure metendoghe un albero in zima, ma dopo no la xe mai stada restaurada.

Inveze su quela de Vicolo dei Roveri 1, gavevo trovado za tempo fa questa pagina:

http://biblioteche.comune.trieste.it/Do ... 78=checked

In fondo a sinistra ghe xe anche el link a un'estrato de mapa del 1822.

[AdlerTS]

Più volte in TV ghe xe stade segnalade al Sindaco case in stado de degrado: la sua risposta xe sempre che con la legge italiana nissun ghe pol impor ristrutturazioni ai privati

[sono piccolo ma crescero]

Comunque sum culex riva a far foto bele anche de robe brute!

[AdlerTS]

Anche queste ... non capisso se i devi costruir qulacossa de novo o meno ?