Barriera e dintorni: via Foschiatti

[babatriestina]

su gentile richiesta, per l'illustrazion della zona de Barriera e dintorni, un giro in via Foschiatti.
Vie un poco particolari, perchè le xe preesistenti all'apertura dell'asse che va dela Stazion-via Carducci- Barriera - viale D'Annunzio-Piazza Foraggi, e le fa parte de stradine secondarie fra la vecia Barriera e quel che nel Ottocento iera el novo Ospedal. Vie no tutte dritte, no sempre a angolo retto, per cui a mi me nassi spesso, co voio ciapar la via più diretta.. de trovarme spiazzada!
le conserva ancora casette ottocentesche abbastanza modeste, ma in cambio le dà ancora de una sensazion de quartier a misura umana..
ben, la via xe fotografada ieri, domenica sera,q uindi i negozi no iera verti, poche macchine girava e in barriera se vedeva piuttosto abitanti provenienti un poco de dapertutto..
semo nel slargo de Barriera, restituido ai pedoni dove che una volta passava tante auto in sto punto e iera dificile traversar

la targa della strada, che ne ricorda el vecio nome e le piccole fabrichette de una volta

de una parte, bati duro el calzaturificio Donda

[babatriestina]

di fronte, una drogheria come quele de una volta, un baretto e un negozio moderno de casalinghi e detersivi

davanti del bar, su una macchina, un cocal

la strada incomincia, con una leggera curva

[babatriestina]

la casa de sinistra, bassa

a destra, una delle attrazioni della strada, el ristorante cinese da Liù ( che per mi Liù xe un personaggio del opera Turandot..)
abbastanza quotado fra i ristoranti cinesi, mi ghe son stada una volta e me go trovado benin

alla sera i incomincia a impizzar le lanterne rosse

[babatriestina]

Butemo l'ocio, anzi l'obiettivo, verso l'interno

Di fronte, una casa d'angolo con un localin, però serado

bel anche el pergoletto de ferro battudo incurvado

la casa di fronte, de canton, che mostra che picia e bassa che la xe, su una via della fonderia. Case cussì se incontra ancora in zona Barriera.

[babatriestina]

Poco oltre una pizzeria, de cui ve riporto el menù lato gastronomia, che iera averto de domenica, per far veder el adattamento dela cusina:

arancini siciliani, schiacciata catanese, e in mezzo.. una lubianska!
semo quasi alla fin dela via, e guardemo anche le casette de l'altra parte del marciapie

una bassa tanto xe vero che el negozio se ciama Lilliput
la casa dopo, alta e strenta, me ga fatto pensar a quelle de Amsterdam
la via sbocca verso la piazza del Ospedal, con una farmacia sul canton

[babatriestina]

le ultime case ga bei portoni a arco de piera

particolar

torno indrio, verso barriera e vizin de una bella boutique e caretta, che però ieri iera serada e no se vedeva gnente, trovo un porton de un'associazion per alcoolisti in trattamento

[babatriestina]

alla fin, quasi tornai in Barriera, xe una lavanderia pubblica, quelle moderne, no più le vece..

la lavatrici

le asciugatrici

( in una cussì son andada anche mi co me se gaveva roto la vecia lavatrice.. le xe comode, no care per carighi consistenti, con l'asciugatrice, volendo se se porta el detersivo de casa, se no el xe in vendita in distributor)
Eco, tuta qua via Foschiatti

[macondo]

Grazie Betta per el bel reportage. Mi son nato al numero 6 de quel che iera via del Solitario. No xe cambiado niente, a parte che quei locai iera ai miei tempi dele osterie tradizionali. No credo de sbagliar nel afermar che iera la via de Trieste con piú osterie de tute

[1382-1918]

Me vien in mente che de picio, all'inizio de sta via, verso Barriera, vedevo sempre un negozio che me saveva de vecio, e che el vendeva quele calcolatrici col rulin de carta che i usava nei boteghini. E co el negozio ga serado, jera le vetrine tute carighe de polvere.

E in via Foschiatti ghe jera (o xe ancora?) un negozio de targhe in metallo e plastica.

de una parte, bati duro el calzaturificio Donda

Come curiosità me vien in mente che go visto su un giornal del 1916, una pubblicità del negozio de scarpe "Dondler", con la stessa D arricciada.

E proprio là davanti del negozio de scarpe, sul canton, ghe jera dei cessi pubblici sotterranei, che xe stadi eliminadi quando che i ga rinovado la piaza.

[babatriestina]

Come curiosità me vien in mente che go visto su un giornal del 1916, una pubblicità del negozio de scarpe "Dondler", con la stessa D arricciada.

,in fondo della pagina, ma el negozio iera in Piazza dela Borsa. mi leggevo come Dorndorf..

E proprio là davanti del negozio de scarpe, sul canton, ghe jera dei cessi pubblici sotterranei, che xe stadi eliminadi quando che i ga rinovado la piaza.

me par de ricordar, ma credo che no ghe go mai messo piede dentro..

[babatriestina]

Me taco qua, perchè xe tacado del sbocco de via Foschiatti verso el ospedal, ma oggi me ga colpido sta madonnina messa cussì nel muro:

me dirè, che novità, xe la solita madonna dela salute, e anche sotto la cassettina per le elemosine no xe più.. ma.. gavevi mai visto per strada una version su tela? e la me par bastanza vecia, la xe sotto vetro..
chissà se prima o dopo qualchedun no la frega.. xe nato cussì a un madonnina vizin dela farmacia in alto de via Ginnastica, me diseva la farmacista che ghe lavorava..

[Bilbo]

E in via Foschiatti ghe jera (o xe ancora?) un negozio de targhe in metallo e plastica.

NO ghe xe più de ani quel negozio, deso al suo posto ghe xe un bar.-