WEBCAM PONTON

[Ciancele]

No so dove meter e meto qua. Zerco un volontario che me spieghi una roba.
Vardando el webcam del ponton se vedi a sinistra in alto un triangolo isoscele, che par bianco. Xe una cesa o cosa xe? Un poco più a destra xe come un campanil. No sarà la cesa dele monighe? Più in soto xe una riga de case grandi, ma no le par tanto nove. Riva in su. Che via xe? El problema xe che anca de giovine ‘ndavo raramente de quele parti e no le go mai viste de l’alto.
Un grazie in anticipo.

[babatriestina]

sexe quel che vedo mi, el campanil in alto a sinistra xe quel dela cesa de Piazzale Rosmini, che xe alto, Soto xe quele case in riva che dovessiesser sora de piazza della Valle.. no rivo a identificar el triangolo bianco che te disi..

[Ciancele]

In alto a sinistra, a circa 2,5-3 cm del bordo, xe qualcosa de bianco come un triangolo. La cesa de Piaza Rosmini no me la ricordo. I la ga fata che mi iero za via. Ma no xe escluso che el campanil sia a punta e bianco o in ogni caso de color ciaro. A cinque centimetri de sinistra xe una roba come un campanil, no moderno. Tipo Santa Maria del Guato. E circa un centimetro soto ‘sti do campanili xe una riga de case, no tropo moderne. Go zercà de trovar con Google visto de l’alto, ma xe tropo lontan de San Giusto. Forsi vardando del molo San Carlo se podaria capir, ma mi no rivo a veder. Podaria eser la fontana de San Giusto, ma no credo.
No so.

[sono piccolo ma crescero]

Tanto per parlar dela stesa roba



Quela punta che xe più a sinistra me pareria quasi un'antenna o un traliccio. Tralicci no me par che ghe ne sia ma sora del Seminario, in via Besenghi, me par de ricordarme che ghe xe un'antenna che trasmetti Radio Nuova Trieste, la radio dela diocesi e probabilmente anche telequattro che xe stada butada fora dela fiera e adeso me par che la sia in qualche local in affitto in seminario. Senò un'antenna me par che iera anche in Sanza. Opur no xe un traliccio e xe altro.

[EDIT}A meno che no sia qualcosa che cuca de più lontan, feriera, zona industrial, ....[/EDIT]

Triangoli mi qua no vedo.

[Ciancele]

Tanto per parlar dela stesa roba



Quela punta che xe più a sinistra me pareria quasi un'antenna o un traliccio. Tralicci no me par che ghe ne sia ma sora del Seminario, in via Besenghi, me par de ricordarme che ghe xe un'antenna che trasmetti Radio Nuova Trieste, la radio dela diocesi e probabilmente anche telequattro che xe stada butada fora dela fiera e adeso me par che la sia in qualche local in affitto in seminario. Senò un'antenna me par che iera anche in Sanza. Opur no xe un traliccio e xe altro.

[EDIT}A meno che no sia qualcosa che cuca de più lontan, feriera, zona industrial, ....[/EDIT]

Triangoli mi qua no vedo.

Grazie pal pupolo. El triangolo xe la punta più a sinistra. Un centimetro soto 'sta punta xe una fila de case color rosa o roso e un centimetro ancora più soto un'alta fila. Par riva in su. Che via podaria eser? Quando i le ga fate? Dopo la guera i ga fato una granda casa in via Galeria, ma la via Galeria xe paralela ala via San Michele. In Google no se vedi ben. O qualchedun sa consiliar come vardar?

[babatriestina]

per mi le case xe queste:
in
le case de questa foto

che corispondi circa a via Tigor, via san Vito...perchè via Galleria no ga case nove..

[babatriestina]

una panoramica che mostra la prospettiva de via della Valle e le case

[Ciancele]

Baba mia, te me fa ‘ndra indrio de 65 ani. Come che go dito, dopo la guera in via Galeria i ga fato una casa sola, alta. Qualche ano dopo la iera za un poco sporcheta, come prima. Sul marciapie carta de giornal coi spini pai gati. La via Galeria la finiva in una piazeta che se rivava de via dela Vale e de là (iera una piazeta con una fontanela in mezo?) partiva la via Cereria, che portava in via Tigor, e una stradeta che finiva in via San Michele, andove che xe la ceseta. La foto che te ga fato veder devi eser de case più nove in via San Vito. Go l’impresion che nela veduta aerea le case col teto bianco sia stade fate dopo el 1953. La cesa de piaza Rosmini no esisteva, iera tuto campagneta. Me par de gaver za contà che a Sant’Andrea me go perso e go dovesto domandar a uno dove che son. La via Lochi no esisteva e la via Santa Giustina la finiva in via Franca. A mi me interesava quela fila de case, saver in che via che le xe. Ma no xe né urgente né importante.

[babatriestina]

credo che sia via Tigor bassa. Perchè in principio no la ze retilinea e la fa un pochi de ghirigori. Quele col teto bianco dovessi esser le case liberty de via Tigor che gavemo in forum penso nele pagine sul Liberty. La stadeta che riva in via san Michele là dela ceseta xe el altro toco de vis Cereria, Conosso la zona perchè in via Cereria stava la sorela più vecia de mia nona e qualche volta andavimo de lori. Speta che passi la piova e te fazo un reportage fotografico più preciso
La casa grande a sinistra cole 4 torette xe quela casa che se vedi un poco de dapertuto del basso e che go come idea che sia stada in origine dei Armeni.. e po là in mezo xe un giardineto, che i lo ciama de vi Cereria, abastanza incolto, che xe ani che i discuti se cementificare far perchegi ma me par che i ga deciso de no. Forsi go foto de un per de anni fa, ma devo zercarle

[Ciancele]

Credo che sia via Tigor bassa. Perchè in principio no la ze retilinea e la fa un pochi de ghirigori. Quele col teto bianco dovessi esser le case liberty de via Tigor che gavemo in forum penso nele pagine sul Liberty. La stradeta che riva in via san Michele là dela ceseta xe el altro toco de via Cereria, Conosso la zona perchè in via Cereria stava la sorela più vecia de mia nona e qualche volta andavimo de lori. Speta che passi la piova e te fazo un reportage fotografico più preciso.
La casa grande a sinistra cole 4 torette xe quela casa che se vedi un poco de dapertuto del basso e che go come idea che sia stada in origine dei Armeni.. e po là in mezo xe un giardineto, che i lo ciama de vi Cereria, abastanza incolto, che xe ani che i discuti se cementificare far perchegi ma me par che i ga deciso de no. Forsi go foto de un per de anni fa, ma devo zercarle.

In via Galeria stava un mio compagno de clase dele elementari e in via Cereria un amico de mio fradel e mi fazevo de fatorin e 'ndavo speso a casa sua. Co' te rivi de via Cereria in via Tigor, a destra xe una scaleta che porta al quadrilatero con le 4 torete. Là stava un altro compagno de clase. Mi parlo dela via Tigor dopo via San Vito. Quela volta rivava la via Ciamician, andove che iera le monighe. La via dele monighe (via Bellosguardo?) rivava in via Franca. Dove che finiva la via Ciamician iera un grando giardin, che se vedeva anca dele case sula sinistra de via III Armata. Solo là iera posto par far case. Nele ultime visite a Trieste no son più 'ndà de quele parti e par questo no so più gnente. Grazie par le informazioni. Ma no xe urgente.

[Ciancele]

Bongiorno a tuti. E specialmente a chi che me darà una informazion. La matina vardo el panorama dela piaza de l’università verso el mar. Ogi xe sol. De qualche giorno in qua me acorzo che vardando drito xe una macia de verde e subito dopo una casa alta. Tacade, verso destra, altre do case. E davanti dela prima, verso el mar, una macia de verde e una casa alta. Pol darse che ‘sta casa alta sia una grataciel a Campo Marzio. Se vedi vardando del ponton de l’Ursus verso la lanterna. Cosa xe ‘ste tre case? I le gavarà fate sicuramente dopo el 1953. Verde me ricordo solo via Batisti e el giardin publico. La via Giulia ga alberi? O nel fratempo i ga fato boscheti anca in cità?

[sono piccolo ma crescero]

Dime se go imbrocà le robe che te interesa



1) xe una zona verde tra vicolo dell'edera e via cologna
2) xe el giardin publico
3) per mi xe el Grattacielo de via Battisti (quel che ga(veva?) soto el cinema grattacielo
4) per mi xe el grattacielo de campo Marzio

Se no go intivà la roba che te interesa, metemo una foto con sora una griglia come a bataglia navale e se spieghemo meio.

[sono piccolo ma crescero]

Eco, se no go intivà le robe che te interesa, ... gioghemo a bataglia navale...

[Ciancele]

Dime se go imbrocà le robe che te interesa



1) xe una zona verde tra vicolo dell'edera e via cologna
2) xe el giardin publico
3) per mi xe el Grattacielo de via Battisti (quel che ga(veva?) soto el cinema grattacielo
4) per mi xe el grattacielo de campo Marzio

Se no go intivà la roba che te interesa, metemo una foto con sora una griglia come a bataglia navale e se spieghemo meio.

Grazie, Son Piccolo Ma Crescerò. Intivasti. Sì, intivasti.
3): Verso destra, squasi in ligna direta, xe altre do case grandi. Cosa xe?
Via Batisti la xe longa. Dove circa xe 'sto grataciel? No me ricordo de 'verlo visto sesanta ani fa. Ma forsi quela volta, come adeso, no vardavo in alto, ma par tera. Come quei che zerca soldi.
Grazie.

[sono piccolo ma crescero]

In questa foto ( fa' clic sora al link per vederla e tien in amente che la xe girada de 120° in senso antiorario),

https://www.google.it/maps/@45.6486181, ... !1e3?hl=it

te doveria veder in primo pian el gratacielo de via Battisti 10.

Drio te vedi la torre Vriz, in via san Francesco. Se te strasini l'immagine in modo da scoverzer quel che no te vedi a sinistra, te vedi un poco più in alto, el gratacielo de canton tra via Carducci e via Milano.

Ma no so se sti ultimi xe quei che te intendi ti.

Per i standard de Francoforte xe, probabilmente, gratacieli pici, ma co sufia la bora, chi che sta nei ultimi piani voleria che i fusi più pici ancora...

[babatriestina]

dovessimo gaver un topic tuto dedicado ai grattacieli de Trieste...