Metto una vecia foto dell'incrocio de via giulia -piazza Volontari Giuliani co la rotonda provisoria, perchè i ga finalmente deciso de farla stabile. 480.000 euri me par una bella cifra , ma i tira via anche le vece sine del tran, ma non so se i intervien anche su tubi e cavi e gas. Forsi no perchè la piazza volontari xe stada messa sotosora all'epoca della circonvallazion ferroviaria.
L'altra foto xe quela della rotonda nova che i farà a Sistiana (incrocio tre noci) anche qua 1.280.000 euri. Forsi ghe sarà qualche tubo de la canalizzazion, ma me par una somma eccessiva nianche cie i fazessi i cordoli ei marciapie de bronzo dorado. Se pensè che per meter posto el tripcovich ghe vol 2.500.000 e qua se tira fora la metà per una strada che ga za un incrocio ben regolado scorrevole e senza semafori. Qua i soldi xe della Regione.

sì mi no go capido perché far una rotonda co xe za una rotonda..

Comunque adeso le rotonde xe de moda e, efetivamente, in certi casi le risolvi i problemi dei incroci.

Quel che no rivo a capir xe perché, come che i ga fato al quadrivio di Opicina, i devi far in mezo una colineta, bela de veder, ma che no te lasa veder chi che sta girando. Te pol veder solo un pochetin a sinistra.

Una rotonda i la ga giustada: quela tra via Forlanini, Via Marchesetti, che prima se doveva girar al contrario, e iera sempre file.

Ocio che a Trieste, eh sì i triestini xe fati cusì, che ne xe ancora una "sbagliada". In Greta, tra via Venzone, via Aquileia, via Santi, via Gemona e via Gradisca ghe xe una bela rotonda... solo che ga la precedenza chi che entra e no chi che gira che vien sempre de sinistra rispeto a chi che entra. Se mai pasè per de là, stè atenti.

e ga cambiado anche,. ma xe più logico, la rotonda de Cattinara verso el ospedal. E ocio! go visto domenica scorsa oltreconfin - no me ricordo se iera Slovenia o za Croazia... un per de lori che credendo de vignir de destra tranquillamente ga taiado la strada a quei che iera za in rotonda

Finora in largo Osoppo no xe stadi incidenti, ma essendo una rotonda alla vecia maniera in fatto de precedenze,saria ora de refarla.