Tornando al magazzin vini: nei prossimi giorni vegnerà messi tre plastici in piaza grande per un "referendum" che deciderà la sorte del magazin. Tuti e tre disegni xe fati da un architetto fiorentin e l'idea xe quela de un edificio che stacchi dal resto, tipo (parola del sindaco) el dirigibile de vetro de Graz (che non me piasi).
Tra l'altro, i tre plastici xe fatti IN CINA perché i ga dito che non i trovava nissun de più vizin a farli cussì ben ( o cussì a bon prezzo ).

Se qualchidun passa per la piazza podessi anche farghe do click

Xe una bela abitudine quela de zogar al ribasso!
Cussì se dopo le robe va mal, xe sempre colpa dei altri.
Ciao ciao

PS: Ma noi no gavemo architetti in grado de far progetti per la ns città?

AdlerTS ha scritto:Tornando al magazzin vini: nei prossimi giorni vegnerà messi tre plastici in piaza grande per un "referendum" che deciderà la sorte del magazin.

per la democrazia: oggi sul Piccolo xe scritto che la CRT ga za scelto uno dei tre, ara caso, quel più alto. Anca se no so se i conossi ben el italian, perchè riposto le parole de Ugo Soragni direttore [..]dei Beni culturali:
"lo sviluppo del Magazzini vini in altezza con nuove strutture sembra essere la soluzione più interessante. Lo sviluppo longitudinale, infatti ben si addice..." ora Longitudinale in italian vol dir nel senso dela lunghezza, per cui prima disi in altezza e po in longhezza; in realtà par che sia in altezza, insomma, i buta zo la Piscina che cavava la vista al mar e i fa un novo edificio, sarà aciaio e vetro, ma sempre in altezza, più o meno al suo posto. Adesso che i fazzi anche qualcossa al posto della piscina e semo boni, ciau vista mar!
E el sarà un palacongressi, cussì ghe ne gaveremo due, o la Marittima no sarà più per i congressi?
e cussì se i ne mostrerà, poeremo solo che veder, ma nissun ne domanderà la nostra opinion. Come i progetti che iera una decina de anni fa per la Marina, i li ga esposti, sbandierai e po no i ga fato gnente. Intanto i costruissi e i costruttori come sempre gaverà bela vita.

( a proposito, la CRT se fa bela de gaver rimesso a posto el ex ospedal militar per l'Università, coem xe coi lavori?)

Per l'ospedal i xe apena ala fase progetuale

AdlerTS ha scritto: l'idea per el magazin vini xe quela de un edificio che stacchi dal resto, tipo (parola del sindaco) el dirigibile de vetro de Graz (che non me piasi).

Per chi che non lo ga mai visto: el xe enorme (non el me stava nel campo della macchina fotografica) e non c'entra niente con quel che xe intorno (vedi casa nel riflesso dei speci). Ciameme retrogrado, ma non me piasi.

AdlerTS ha scritto:
Ciameme retrogrado, ma non me piasi.

Anche mi son retrograda ...che obrobrio...el pol star ben solo che a Parigi dove che i fa colezion

Ma dove xe posizionà sto dirigibile un poco strano? Certo che se nol centra per niente con quel che xe intorno, xe capibile perchè che el ghe piasi al sindaco.
Ciao ciao

Nell'Innere Stadt, a do passi dal fiume e in mezo ai edifici storici.

babatriestina ha scritto:[...]vedi i 3 progetti del magazzin vini, forsi te xe sfuggida la discussion, prima i prometti che bontà loro i ne farà veder i progetti, po i fa quel che i vol lori e che i ne farà veder DOPO i progetti, incluso quel che i ga za scelto!)[...]

se no me xbalio el magazin el xe de proprieta` de le coop ...e fin che un el xe paron el fa cuel che 'l vol ... capiso che a 'l sindaco cuel magazin el ghe urta ma me par che se la sua dificolta` la xe cuesta el gavesi de andar de 'l psicanalista ;-D ;-D ;-D se la caxa la xe de un altro decidi cuel altro cosa far de ela.

babatriestina ha scritto:[...]ognidun de noi ne fazessi una descrizion de quela che el vedessi come la Trieste ideale, perchè solo savendo dove che se vol andar se pol decider la strada[...]

me par una bela roba, pero` credo che se ognidun decidesi de cosa far de bon in picio in te 'l ambiente indove che 'l xe, se podesi far un'onda piu` longa che no andando a dir cos' che se volesi per i masimi sistemi ;-D e che se tuti i cominciasi a far un poco no fusimo cua a parlar de che bela che fusi la nostra trieste ideale ma de che bela che xe la nostra trieste reale

pero` xe anca vero che existi i "think tank" cuindi fora co' i progeti ... mi, tanto per dir una, un per de ani fa gavevo studiado per come far a far film de animazion co' 'l computer ... solo che per un lungometragio ocoreva un 80 persone per un ano ... tropa gente per tropo tempo ... cuindi xe de trovar altro ... certo che pero` trieste come hollywood no me dispiaxesi

ciau ciau


Franco

ffdt ha scritto: se no me xbalio el magazin el xe de proprieta` de le coop ...e fin che un el xe paron el fa cuel che 'l vol ... capiso che a 'l sindaco cuel magazin el ghe urta ma me par che se la sua dificolta` la xe cuesta el gavesi de andar de 'l psicanalista ;-D ;-D ;-D se la caxa la xe de un altro decidi cuel altro cosa far de ela.
ciau ciau

Franco

El magazin vini no xe più dele COOP. El xe sta comprà dala fondazion CRT che ga intenzion de trasformarlo in qualcossa de utile per la cità... lori gavessi intenzion de far un centro congressi, el sindaco volessi far un centro benessere con sauna e robe simili... e comunque de proposte se ghe ne ga sentide tante.
Per quanto riguarda la ristruturazion ghe xe ste 3 proposte de progeto per rimeterlo a novo anche se no se sa esatamente per cossa sarà utilizado.

qua xe le foto del magazzin vini
https://www.atrieste.eu/Forum3/viewtopic.php?t=756 e su https://www.atrieste.eu/Forum3/viewtopic ... b71488eb0a
xe la discussion sula situazion futura. Ve zonto anca una foto del magazzin scoverto, un per de anni fa
Me ricordo che co i lo ga recintado iera sai discussioni sil Piccolo per la colonia de gati che lo gaveva colonizzado.

In un tendon sule rive xe esposti i novi progetti per el magazino vini. Ieri per tele4 i ga dito. Mi me ga parso che in un dei progetti el magazin sia tuto de vetro, ma noi gaveva dito chew i muri del vecio magazin xe intocabili?
Ciao ciao

cenerentola82 ha scritto:[...]no xe più dele COOP. El xe sta comprà dala fondazion CRT[...]

uh la` la` .. ... son restado indrio ... ... grassie

comuncue resta el fato che no 'l xe de 'l sindaco e che ga de decider chi che xe 'l paron ... che se no xe cusi` alora aprofito anca mi e vado subito a decider mi cosa far a caxa de 'l sindaco ;-D

Nona Picia ha scritto:In un tendon sule rive xe esposti i novi progetti per el magazino vini. Ieri per tele4 i ga dito. Mi me ga parso che in un dei progetti el magazin sia tuto de vetro, ma noi gaveva dito chew i muri del vecio magazin xe intocabili?
Ciao ciao

De vetro saria el pian de sora.

Ieri go visto ben i modellini, due ga el vetro solo de sora, uno xe TUTTO ricoperto de vetro. Mi no so qual che i ga scelto, ma co sum posterà la foto,
forsi vederè anche voi.
Ciao ciao

ffdt ha scritto: comuncue resta el fato che no 'l xe de 'l sindaco e che ga de decider chi che xe 'l paron ... che se no xe cusi` alora aprofito anca mi e vado subito a decider mi cosa far a caxa de 'l sindaco ;-D

La fondazion li ga ciolti per regalarli ala cità e benchè i abi l'ultima parola credo che discussioni con le istituzioni su cossa far, ghe xe e ghe sarà ancora per arivar a una decision condivisa.
Da quel che go capido i tre progeti i vignirà sotoposti a una specie de consulatazion popolare per decider qual sceglier. A mi onestamente me fa schifo tuti 3. Tropo moderni e no i c'entra gnente col contesto dele rive.

cenerentola82 ha scritto: Da quel che go capido i tre progeti i vignirà sotoposti a una specie de consulatazion popolare per decider qual sceglier.

...e te ghe credi?
Te prego, almeno ti, no sta deluderme.

snif ha scritto:

cenerentola82 ha scritto: Da quel che go capido i tre progeti i vignirà sotoposti a una specie de consulatazion popolare per decider qual sceglier.

...e te ghe credi?
Te prego, almeno ti, no sta deluderme.

No xe che cambia 'sai tra i 3. Se fossi per mi nissun dei 3. Anche se i fa sceglier no xe 'sai cossa sceglier. Fondamentalmente xe 3 varianti del stesso progeto: un paralelepipedo de vetro sora del magazin atuale.
Pol anche esser che i domandi de sceglier no go ben capido come, (forsi coi sms al picolo?) ma nela sostanza un val l'altro. Un poco come i 3 nomi per l'autorità portuale: Monassi, Monassi o Monassi?
I xe stadi atenti a come ristruturar la pescheria, a come ristruturar rena vecia col progeto Urban, a come ristruturar el porto vecio, i te controla de che color te cambi i seramenti dele finestre a casa e se se vedi el casson del'aria condizionata de meter in pergolo e dopo i volessi meter un enorme bloco de vetro sule rive... No i ga nissun senso estetico e sopratuto me domando se l'architeto toscan che ga inventà sta roba xe mai vignudo a veder il contesto dove l' "opera" 'ndassi inserida. Vignirà fora qualcossa de pezo de piaza Goldoni.
E comunque no i dassi de sceglier cossa farghe dentro.

Mi savevo che la votazion doveva esser nel stesso punto dove i vien esposti.

attenta a come che te parli, cenerentola!
qua a Trieste, gavemo un assessor che se ga autodefinì "un esteta"
senza far nomi.... Bucci