Stamattina go provado a far un giro de ste parti, che per mi
xe assai nove. Go lassado
la machina al cimitero de Caresana, me go calado zo nela valle dele Noghere, go ciapado
la strada a sud dei laghetti, po son andada su per el bosco Vignano e de là son tornada sua Caresana per l'asfalto. Bel giro, ma mi ai laghetti no
ghe son rivada!! o meo, savevo dove che i iera, ma a quel altezza iera tuto recintado o de proprietà private o altro: esisti un sentiero libero per rivar ai laghetti?????
comunque, go zercado
sul monte d'oro el castellier e el forte, e tuto quel che go trovado , ma no volevo insister perchè
la mia meta iera.. i laghetti!!
,
xe un toco de muraglion me sa
del forte:
Tranne un per de sentieri ciolti a ocio, el grosso
del sentiero
xe segnado come n 1, che saria
la via
del crinal
del mar, e che
xe anche inserida nel Sentiero Italia, che ze quela combinazion de sentieri che comnicia a Lazzaretto, po fa tute le Alpi , po i Appennini e no so se riva anche nele isole: ogni tanto
xe qualche alpinista che fa sto trekking. El toco po muggesan in parte ga anche el nome precedente de passeggiata Paola Rizzi:
ma de quele parti i sentieri
xe in comun con
la Vertikala dei Sloveni, altro trekking lungo le alture, col segnal biancoblu: in geenre
xe sentieri più pici e più selvadighi e forsi per questo anche più suggestivi dele solite mulattiere carsoline: