Mio nono

Logo indove meter i ricordi e le memorie
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Lugara
ixolan
ixolan
Messaggi: 396
Iscritto il: sab 26 mag 2007, 10:01
Località: Trieste - San Giovanni

Mio nono

Messaggio da Lugara »

Eco mio nono (quel nono "famoso" che me ga lassado tuti quei libri e quele note e che conossè ormai ben)
a San Stino di Livenza el luglio 1918: el xe quel con de sora l'asterisco:
Immagine
Un per de mesi dopo el se gaveva ciapado el tifo e per lui la guera
xe finida cussì, in ospedal.
Ecolo qua ciapado de più vizin, el 13 giugno 1918:
Immagine


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

In che corpo el jera ?


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Re: Mio nono

Messaggio da ffdt »

Lugara ha scritto:[...]per lui la guera xe finida cussì, in ospedal.[...]
gnanca tropo mal, se poso dir ... el se la ga cavada ben o 'l ga avesto conseguenze?


Avatar utente
Lugara
ixolan
ixolan
Messaggi: 396
Iscritto il: sab 26 mag 2007, 10:01
Località: Trieste - San Giovanni

Messaggio da Lugara »

AdlerTS ha scritto:In che corpo el jera ?
No te lo saveria dir, devo chiederghe a mio papà se el se ricorda, scusime.


Avatar utente
Lugara
ixolan
ixolan
Messaggi: 396
Iscritto il: sab 26 mag 2007, 10:01
Località: Trieste - San Giovanni

Re: Mio nono

Messaggio da Lugara »

ffdt ha scritto:
Lugara ha scritto:[...]per lui la guera xe finida cussì, in ospedal.[...]
gnanca tropo mal, se poso dir ... el se la ga cavada ben o 'l ga avesto conseguenze?
Nissuna conseguenza, el xe morto de cancro nel '72 a 77 anni.
Go de qualche parte alcune foto del'ospedal dove el iera ricoverado, 'pena che rivo ve le posterò.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Lugara ha scritto:No te lo saveria dir, devo chiederghe a mio papà se el se ricorda, scusime.
Se gaveva spada e caval un semplice fante non el jera de sicuro.


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Me go 'rubado' due foto de un sito de colezionisti:
http://www.blitzkriegmilitaria-forum.com

I ga messo ste foto de un 'gagá' triestin per far veder come l'esperienza dela guera trasformava sti poveri muli. Oservé l'espresion stanca e triste de sto mulo in divisa, cussi diferente del mulon elegante e spavaldo. Chissá cossa el gaverá pasado...
Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

macondo ha scritto:. Chissá cossa el gaverá pasado...
me contava papà: alenamenti su e zo con zaino pesante, butarse per tera, po rialzarse de colpo... caminar.. Habt Acht ( At-tenti!).. fame, fame, fame, i rubava le rave dei campi dei contadini , e papà fin quela volta gaveva sempre odiado le rave..
el tifo lo ga ciapado anca lu, el 29 luglio 1918 in ospedal a Klagenfurt, : con 40 de febre, nudo, i ghe ga fato far tre piani de scale per rivar ala docia freda e disinfezion.. ma anca lu se ga ben guarido, el xe arivado in convalescenza al 15 agosto a Trieste, ma dopo el xe ripartido per Graz.. e no ga avudo conseguenze. Come so ste date? go trovado un bigliettin de nota de papà fra le sue carte co le go messe a posto dopo la sua morte..
i malai, prigionieri e austroungarici tuti insieme ( papà diseva: mi i prigionieri me li spetavo come quei del Aida..) no iera disinfettanti boni, solo un che i ghe dava con sbrufadori..
quel che no se vedi ben nela foto xe le cosidette fasse dele gambe, che me par che gaveva anche i italiani, e che no stava mai a posto, cussì almeno me par de gaver leto in un libro de memorie


Avatar utente
Lugara
ixolan
ixolan
Messaggi: 396
Iscritto il: sab 26 mag 2007, 10:01
Località: Trieste - San Giovanni

Messaggio da Lugara »

AdlerTS ha scritto:Se gaveva spada e caval un semplice fante non el jera de sicuro.
Darìa no so cossa per poder aver quela sciabola essendo apasionada de armi bianche, ma che sapio mi la xe sparida za prima che nasso purtropo... 'Pena che rivo a saver te dirò, Adler.

Bele e molto significative quele due foto, Macondo!

Noi, al giorno de ogi, no podemo nianca imaginarse quel che ga passado i poveri muli dela Grande Guera e le notizie che go mi le xe de "seconda man" visto che nono xe morto quando gavevo solo sei anni...


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Lugara ha scritto:
AdlerTS ha scritto:Se gaveva spada e caval un semplice fante non el jera de sicuro.
Darìa no so cossa per poder aver quela sciabola essendo apasionada de armi bianche, ma che sapio mi la xe sparida za prima che nasso purtropo... 'Pena che rivo a saver te dirò, Adler
Credo de aver za scrito da qualche parte che doveria tajarghe le man a mio nono per aver regalado a un rigatier sciabola ed elmetto de suo nono, Zugführer della militärischen Polizei classe 1876. Li ga salvadi fino a metà dei anni 70 e dopo ga dito "a chi te vol che ghe interessi sto veciume" :?


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

AdlerTS ha scritto: e dopo ga dito "a chi te vol che ghe interessi sto veciume" :?
Va a cucar quel link che go messo qua sora e te vederá che prezi che i paga i colezionisti per "sto veciume" :shock:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

De mi, iera in sofitta la baionetta (credo quela che iera dita "el taiamerda") dela prima guerra mondial. Almeno do volte ne xe arivai i ladri in sufita, e dir che la porta dele sufite iera serada a ciave che gaveva el aministrator e i inquilini, e la sufita gaveva una vecia seradura .. i ga verto la prima, no so come, e i ga spacado la seconda... per fortuna el grosso dela roba importante gavevo za tirado zo in casa!
La seconda volta go fato anche denuncia in questura contro ignoti.. in realtà me go rabiado sopratutto co i ga rubado una grande fotografia incornisade dei noni con papà de picio, fata in montagna al Moistrocca, cola data e i fiori secchi ingrumai messi sora in cornise ( circa 1910..). Dela sparizion del baionetta no me go acorto fin che no go svodado la sufita.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Questo non xe mio bisnono, ma una foto rubada su internet: la sua montura doveva però esser stada cussì
Allegati
zugsfuhrer.jpg


Avatar utente
Lvxts
naufrago
naufrago
Messaggi: 3
Iscritto il: dom 4 nov 2007, 14:52
Località: Gradisca d'Isonzo

Messaggio da Lvxts »

babatriestina ha scritto:De mi, iera in sofitta la baionetta (credo quela che iera dita "el taiamerda") dela prima guerra mondial.
:?: :?:

Chi savessi dirme el perchè de "taiamerda"? no gaveva el fil?
quala iera poi? del Manlicher?


duralex
vilegiante
vilegiante
Messaggi: 64
Iscritto il: lun 10 dic 2007, 12:08

Messaggio da duralex »

Pecato che no so postar, se no ve fazessi vedere una foto de mio nono, fata a Roma dueo tre ani prima dela guera, in alta uniforme de general de Corpo d'Armata. Veramente iera soldato semplice, ma quela volta i gaveva stivai, botoni d'oro, coleti alti, che pareva tuti l'Arciduca d'Austria. Mio nono iera nel Geni Aereostieri, che saria stati quei che fazeva i baloni frenadi, perchè de profession iera sarto. A Caporetto, fu uno dei ultimi a lassar il fronte con mezi normali e senza sbandarse (che tanti i li ga fusilai ai ponti come disertori). Mia nona, inveze, da Trieste iera sfolada a Genova, ma no go mai capì perchè no la xe restada a casa sua. Tanto adesso no posso più chiederghe.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

duralex ha scritto:Pecato che no so postar, se no ve fazessi vedere una foto .
qua xe come postar el foto sul forum :-D


Avatar utente
Lugara
ixolan
ixolan
Messaggi: 396
Iscritto il: sab 26 mag 2007, 10:01
Località: Trieste - San Giovanni

Messaggio da Lugara »

duralex ha scritto:Pecato che no so postar, se no ve fazessi vedere una foto de mio nono, fata a Roma dueo tre ani prima dela guera, in alta uniforme de general de Corpo d'Armata. Veramente iera soldato semplice, ma quela volta i gaveva stivai, botoni d'oro, coleti alti, che pareva tuti l'Arciduca d'Austria. Mio nono iera nel Geni Aereostieri, che saria stati quei che fazeva i baloni frenadi, perchè de profession iera sarto. A Caporetto, fu uno dei ultimi a lassar il fronte con mezi normali e senza sbandarse (che tanti i li ga fusilai ai ponti come disertori). Mia nona, inveze, da Trieste iera sfolada a Genova, ma no go mai capì perchè no la xe restada a casa sua. Tanto adesso no posso più chiederghe.
Legi dove te ga dito Babats e mi intanto speto la foto, son curiosa de vederla.
Ciau Duralex!


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

semo in due :-)


Mal no far, paura no gaver.
duralex
vilegiante
vilegiante
Messaggi: 64
Iscritto il: lun 10 dic 2007, 12:08

Messaggio da duralex »

Go trovado una foto de mio nono che CUSI BALONI con i comilitoni in divisa. Una emozion che no ve digo! Dopo Caporeto i lo ga mandà in fanteria, mi credo, perchè el racontava che un giorno el iera come in avanscoperta in un paesin del Vento, dove che già iera passai i arditi. Se avicina ad un vecieto che el stava sentà su una carega e ghe parla. Quel muto. Ghe parla ancora, e quel niente. Lo toca e el vecieto cadi a tera. I ghe gaveva taja la gola, forsi per no farlo zigar co i xe arivadi i arditi. Povero vecieto, ma povero anche mio nono, che el iera solo un sarto.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Le assurdità de quela roba assurda che xe la guera :?


Mal no far, paura no gaver.

Torna a “Mio nono me contava che ...”