La Tot

Logo indove meter i ricordi e le memorie
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4742
Iscritto il: gio 28 lug 2011, 22:30

La Tot

Messaggio da Ciancele »

Mio nono me contava che ... Mi son el nono che conta.
I me sforza de scriver le mie memoires prima del tempo e narar dele mie gesta ala Tot.
Nella mia santa modestia son orgolioso de poderlo far e dar al mondo notissia. Ma no steve spetar chisa cosa. No impossible missions o 007. Pala e pico, scavar busi per trincee che po no ga servido a nisun. Andè in Google.it e savarè de più. La Todt iera un grupeto fondà del sior Todt, che dopo xe diventà un grupon: Ma lu el gaveva intanto za tirà i crachi. In Germania la Todt gaveva altri compiti, paramilitari. In Italia e a Trieste i reclutava gente per far sopratuto trincee e strade. Anca mi go imparà a riparar strade rovinade de bombe. Bater maza per fa busi per mine. Magnar: magnaremo suf, carote e pomidor. Minestra de fasoi e rave invece de patate. Gavè mai magnà rave? A Mucici gaveimo minestra co’ osi. De chi e de che cosa no go mai savù. Se disi però che la fame xe el miglior cogo. Forsi magnavimo gati, cani o forsi ierimo cannibali. Quien sabe. Ma el primo comandamento diceva: ‘ver la panza piena. Noi gavevimo una regolare paga giornaliera. 50 lire al giorno. ‘sai soldi per quel che se fazeva. Go imparà a scavar col picon, netar cola pala, far busi col strangolin (el pesava quasi più de mi putel). 30 cm a l’ora de buso inte la rocia. A man. Co’ la maza. Mi iero prima a Rucavazo (Rucavazzo), sora Matulie (Mattuglie) a circa diese chilometri de Fiume. I paeseti che adeso xe marine (Icici, Ucici, Mucici) quela volta iera do casete de contadini. Dopo el lavoro andaimo de lori e i ne dava un piato de minestra per diese lire o un chilo di fighi (picoli, ma dolziiiii!!) o un chilo di persighi imbriagoni (dalla polpa di un colore rosso cupo, ma boni) per 30 lire. Gavemo ‘vù l’impresion che i gabi ciapà el permeso de darne de magnar del comando partigian. Altri mii amici i iera qua nei dintorni. Dopo un mese semo stai trasferidi a Sejane, in piena Ciceria. A Sejane iera pasada la SS e la iera deserta. Mi e altri tre che se conoseimo de casa, gavemo ciolto una stala de porchi. Altri dormiva in tel tukul, deto anca cassa de morto. No gaveimo aqua e par sede bevevimo una specie de sbicia fata forsi con ghiande o trapa de casa. In Germania xe un slogan che disi che ‘pena la bira fa bela la sede. Ma noi gaveimo un sedon de caval. Mi son sta co’la Tot dal 17 setembre al 5 dicembre 1944. Chi che andava ale superiori i ciapava la dispensa. Mia mama me ga iscrito a l’Oberdan e cusì son tornà a Trieste, ma invece de ‘ndar a scola son andà a lavorar.
No credo che la Tot a Trieste o in Italia gabi fato robe brute. In Germania forsi iera diferente, parchè intela Tot iera prigionieri de guera che i doveva netar le cità dopo i bombardamenti o costruir le casemate del valo atlantico. No se pol far confronti con la situazion del litorale adriatico. I diceva che i ciol la gente al Tot cusì i li ga soto controlo e no i va dei partigiani. Mi credo che diversi partigiani vigniva a lavorar cola Tot de inverno par no bater zima in tai boschi. De sera intorno al fogo distudà (spento) se cantava le canzoni de casa. Noi semo dela Tot, tuti dela legera, cola pala e col picon, dela matina a sera.
Mandi, se te vol saver qualche roba de più preciso, fa una precisa domanda. Se so, te rispondo.
Tanti saluti de Ciancele, l’eroe dela Tot.


VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Re: La Tot

Messaggio da VetRitter »

Ciancele ha scritto:Se disi però che la fame xe el miglior cogo.
e se parlava de polpete da n'altra parte. :(


Avatar utente
mandi_
eximio
eximio
Messaggi: 2873
Iscritto il: sab 22 mag 2010, 18:47

Re: La Tot

Messaggio da mandi_ »

Te ringrazio tanto Ciancele, savevo che non mi avresti delusa... Te me pari el tipo da no aver problemi nel contar quel che ensoma xe stada la storia.
Dato che nel Forum no xe scrito niente de la Todt, sarà uno dei soliti argomenti spinosi.
Però ala Todt ga lavorà tanta gente, credo per fam sopratuto, a volte perchè obligadi.
Sta fam tremenda de cui per fortuna mia ho solo sentì parlar...
Lavoravano anche donne ala Todt?
Ho visto e fotografato il bunker de Duin e mi ha incuriosito...

Oggi vado de corsa, ma ne risentim presto !
Ciao Mandi


"E’ il tempo che hai perduto per la tua rosa, che ha fatto la tua rosa così importante"

Antoine de Saint-Exupéry
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: La Tot

Messaggio da babatriestina »

Roberto Spazzali ci ha dedicato un libro:
Sotto la Todt
Affari, servizio obbligatorio del lavoro, deportazioni nella zona d'operazioni «Litorale adriatico» …
Di Roberto Spazzali
ISBN-13: 9788886928281
credo di averlo letto in prestito da una biblioteca ( del Carli) parecchi anni fa


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: La Tot

Messaggio da Ciancele »

Bongiorno, Mandi. La question dela Tot pol eser forsi solo per singole persone spinosa. Probabilmente xe el steso problema dela SS. O dei fasisti. Iera certi brutaloni, altri inveze, i idealisti, m... agnifici ragazzi. El zio de mia moglie, clase 1924, el iera nela SS. El contava che i cioleva solo muli de statura atletica. Come nella X Mas, me contava el mio amico american, clase 1926, anca lu nela X Mas. ‘sto mio zio diseva che i mandava la SS là dove che iera sempre più caligo (situazione più difficile). Lui xe sta anca ferido, ma no grave. Un altro mulo dela nostra clapa (compagnia) tedesca, nato nel 1932, contava che lui a 13 ani ga dovesto andar sul fronte, e el contava che i gravi combatimenti iera proprio vizin de Francoforte, Aschaffenburg sul Meno. Là ieri i americani e i combateva per do altissime montagne, tipo Monte Carso de Bolunz. Una volta iera i americani, po i gnochi li sbateva via, po tornava i americani. Ma per sbaterli via i ciamava sempre la SS. E dopo iera anca i altri, i cativi. Ma tuti me diseva che la SS xe stada fondada come truppa elite, no come polizia. Noi ala Tot gavemo sempre fato solo busi de trincea, no par butar drento gente. Ma, come che go dito, poso solo parlar per Trieste e dintorni. No credo che sia stadi volontari, ierimo tuti co’ la cartolina rossa. Iera vita de campo e la sera ierimo stanchi e andaimo subito in paion (a letto). Po iera autunno/inverno. Ale 3/4 del dopopranzo iera za scuro. Forsi d’estate, cole giornade longhe, iera più bruto in campo senza bar e senza TV. Ma no poso dir gnente parchè no iero. El magnar iera anca quel ch’el iera. Ala fine del ’44 iera radighi (difficile) par tuti.


Avatar utente
mandi_
eximio
eximio
Messaggi: 2873
Iscritto il: sab 22 mag 2010, 18:47

Re: La Tot

Messaggio da mandi_ »

Te ricordi de aver visto roba del genere? C'entra co la cartolina rossa ? Cos'era la cartolina rossa?
todt --.jpg
todt --.jpg (83.47 KiB) Visto 3016 volte
Qua me par de capir che te sei sta abbastanza fortunà a andar en Todt, perchè i domandava anca combattenti a difesa della "propria terra",e "nessuno deve rimanere inattivo".


"E’ il tempo che hai perduto per la tua rosa, che ha fatto la tua rosa così importante"

Antoine de Saint-Exupéry
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Re: La Tot

Messaggio da macondo »

Ciancele, dove i ve meteva durante i primi giorni? Mi credo de ricordar de gaver leto de qualche parte che i ve ingrumava nela Caserma de Roian..magari xe la stessa che sara dopo cuela de la Polizia.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: La Tot

Messaggio da Ciancele »

Ala Tot se andava dai 16 ai 60. Mi son del ’27 e go fato el mio 17esimo compleano in otobre in campo. Nel 1944 a Trieste i ga ciamà la clase 1926. Come za dito, el mio amico american iera del ’26, el xe andà al servizio militar. Mi gavevo anca altri amici del 1925 e i me ga contà che a Trieste o te ‘ndavi coi gnochi o coi taliani. Coi gnochi, no esendo gnoco, no te podevi andar nel’esercito, ma in quele compagnie tipo SK (Schutzkommando), SS (Schutzstaffeln), SD (Sicherheitsdienst). El mio amico Ugo (mas’cion) xe ‘ndà nel SD. Un altro mio conosente Ugheto (un metro e cinquanta coi tachi alti, giardin dela stazion) xe andà nele SS (sic!). Se gavemo incontrà dopo la guera e el ga dito che i lo ga ciapà e meso in campo de concentramento, ma el iera inocente. El mio amico american (brindisin de nasita, semi-cabibo) ga optà per l’Italia e el xe ‘ndà a Venesia inte la X Mas. El 17 setembre 1944, iera domenica, se gavemo presentà in stazion, po’l darse che a Roian se gabi presentà qualche altro grupo. Un altro mio amico del 1925 no’l se ga presentà e i xe vignudi a ciorlo a casa. Ale 6 de matina. Lui el iera del X coorte Remo Comisso (Dante, Brunner e Rismondo) e el ghe ga dà un pugno al caposquadra avanguardista. I ga fato barufa, ma i se dava del voi come che ga insegnà Musolini. Quel del SD iera a Klagenfurt, insieme con un cabibo. De lu go imparà a dir: Icche nicchete ferstaine Doiceland. Icchete binne auslendisce. In Germania, nel 1944, i ga ciamà el 1927. Un mio compagno de uficio, nato in agosto, xe sta fato prigioniero soto Nadal nela famosa battaglia dele Ardene (Ardennes). Batù de slorda (fame) el ga fato una crozeta su un toco de carta, senza leger. I ghe ga portà subito un camion de bisteche. El giorno dopo el xe partì per l’Indocina. Volontario nela Legione straniera. Dopo diese ani i lo ga mandà a casa e adeso el ga a gratis la tesera del tran, de tuti i tran, in Francia. Nel 1945 in Germania i ga ciamà anca el 1930, a Trieste el 1927. El 25 aprile dovevo presentarme, ma la guera in Italia iera nel fratempo finida. A Trieste xe finida el 28 de april per ricominciar el 30, quando che Tito ga volesto par forza vignir drento per primo. El resto xe noto. Noi gavevimo i partigiani drio Bolunz. Un colpo (una volta) son ‘ndà a pie a Bolunz. Al Domio me vien incontro un in zibiklo (bicicletta) e el me ziga: Voltite e scampa. Poco dopo go sentì tiri de s’ciopo e de pistole mitragliatrici. Dopo un poco, mi iero nel fratempo za a Valmaura (eco el vantagio de far el mezofondo!), vedo ‘rivar i camion de l’UNPA con feridi a bordo.
In quei famosi quaranta giorni tanti amici de mio fradel i se ga sconto parchè i iera nela Guardia Civil e i partigiani ciapava tuti. Cambiemo discorso.


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Re: La Tot

Messaggio da macondo »

Ciancele, go trovado sta foto del '44 in facebook (grazie Miro) con i muli de la Todt in Stazion. Chisa se te conosi qualchedun o se te rivi a trovarte.

Immagine


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: La Tot

Messaggio da Ciancele »

Ciao Macondo e grassie par la foto. Ma no credo che la sia stada fata el 17 setembre. Quel giorno, una domenica, bel sol, ierimo squasi tuti in braghete curte (pantaloncini corti). Ma iera anca qualchedun anca più vecio. Inte la foto i xe vestidi za de fredo. La devi eser stada fata più tardi. Un altro mio amico australian el iera vizin Trieste. A noi i ne gaveva dito par quatro setimane, ma dopo gavemo scrito a casa che i ne mandi roba più pesante. I mii me ga mandà un per (paio) de braghe longhe de mio papà, i trombini de goma e l’orso. L’orso iera una giaca de pelicia de agnel che mio zio gaveva crompà in qualche porto del Mar Nero e regalà a mio papà. Mi iero in Ciceria (montagne a nord di Fiume), prima a Rucavazo e po a Seiane. Vilagio senza gente. Tuti morti o scampai. Qualche morto el iera ancora nei pozi e no dovevimo bever aqua de pozo. Do litri de sbicia al giorno. Mi go ‘vu fortuna, parchè ierimo in tre muli che se conoseimo, specialmente Silvano, che stava drio casa mia. Lu el iera ale magistrali. El terzo iera un suo compagno de clase (Romano) che conosevo anca mi. Ma el più importante iera, come a tresete, el quarto. ‘sai più vecio de noi, el gaveva za fato el militar. El stava anca lu drio el canton. El xe sta par noi muleti come un fradel più anzian e el ne ga iutà a rangiarse nei primi tempi. Come che go za scrito, el 5 de dicembre son tornà a casa e dopo no go vu più a che far cola Tot. Ma altri i xe restai fina in primavera. Sicome che bambavo (masticavo) za par gnoco e podevo capir quel che i voleva, el nostro grupeto no stava tanto mal. Ma ierimo una minoranza tra i croati. Gaveimo l’impresion che tuti fusi partigiani vignudi a pasar l’inverno in baraca. Par talian se diria: Ho acquisito molte conoscenze della lingua croata. Ma in verità go solo imparà a bestemar meo. ;--D


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: La Tot

Messaggio da babatriestina »

Museo De Henriquez.
So che Sum ga fato le foto e so sicura che el le gaverà fate con più cura de mi, ma intanto questa ghe la dedico a Ciancele

Immagine
xe un pochi de riflessi de vetro...


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: La Tot

Messaggio da Ciancele »

babatriestina ha scritto: Museo De Henriquez.
So che Sum ga fato le foto e so sicura che el le gaverà fate con più cura de mi, ma intanto questa ghe la dedico a Ciancele

Immagine
Baba Triestina, grassie par aver pensado a mi. La pagnota me ricorda quela che ciapavo mi de matina insieme co’la marmelata “cotognata”. OT: (No vol dir fora tema, ma Organisation Todt!) Quela volta, primavera 1945, iera scrito anca sui muri: Za kruh in mir. Co’la pala e col picon spetaremo el ribalton po bon! Esso venne! :cheezy_298:


Torna a “Mio nono me contava che ...”