10 giugno 1944

Logo indove meter i ricordi e le memorie
Regole del forum
Collegamenti al regolamento del forum in varie lingue ed alle norme sulla privacy in italiano.
molighe el fil
ixolan
ixolan
Messaggi: 232
Iscritto il: ven 2 ago 2013, 21:59
Località: Trieste - quasi San Giovanni

Re:

Messaggio da molighe el fil »

sum culex ha scritto:
AdlerTS ha scritto:Xe due o tre foto del bombardamento esposte in galleria tergesteo, all'altezza del bar. Se passè deghe un cuc.
10 giugno 1944: mi me ricordo! Quel giorno ierimo con tuti i altri inquilini in porton e a un certo punto un fortissimo botto e la casa ga tremà come per un teremoto: iera cascada una bomba 20/30 metri via dela casa sula via Buonarroti, el buso bel grande xè rimasto là per tantissimi ani. A destra un poco più su, un'altra bomba ga colpì una vileta distrugendola e xè morti tuti. Mia mama, incredibile come che me ricordo, gavavo 5 ani, la fazeva zogar tuti i fio del casa..... Quel stesso giorno pocio prima un grapolo de 12 bombe ga distruto la cesa de via Rossetti mazando un frate (o due) che iera andà in cesa, fora del rifugio del convento per cior candele, perchè logicamente macava la luce. I ga bombardà la cesa per sbaglio: l'obietivo iera la casa de l'altra parte dela via Chiadino dove che iera el comando tedesco.
No go prove, xè solo ricordi e notizie che me ga contado a suo tempo mio papà.
ciao
sum culex
Nel giugno del 44 no gavevo gnanche oto ani e andavo in seconda elementare.
La mia scola che iera la Gaspardis de via Donadoni iera stada ocupada dai tedeschi come ospedal militar.
Cusì me tocava andar a scola in via Giotto e le mie sorele, una più granda e una più picia de mi le andava a scola dele Canosiane in via Settefontane la andove adeso xe la fiera (le Canosiane adeso xe in via Rossetti).
Quando fis'ciava l'alarme el maestro ne diseva de andar a casa ogni dun per conto suo.
Mi andavo de mio papà che gaveva la botega de marangon in via Buonarroti dirimpeto la palazina dele Ancele dela Carità.
De la andavimo a pie per via Rossetti fin scala Bonghi.
De quel che me ricordo vizin la strada che gavevimo fato xe stade bombardade la cesa de via Rossetti, la casa de via Alfieri canton via Canova (botega magnativa de Bertogna), la casa de via Canova canton via Istituto (drogheria), la vila Modiano (dove dopo i ga fato el Petrarca) e altre che adeso no me ricordo ben.
Se i me gavesi tignudo a scola gaveria ris'cia de meno.

Le Ancele dela Carità ghe gaveva subito ordinà a mio papa una cassa de luso tuta intaiada per padre Fortunato Vender e altre due sbrise per i altri due frati che iera morti col bombardamento dela cesa


Avatar utente
TergesteUrbsFidelissima
naufrago
naufrago
Messaggi: 3
Iscritto il: mer 21 ago 2013, 11:58
Località: Triest

Re: 10 giugno 1944

Messaggio da TergesteUrbsFidelissima »

I mii bisnoni i abitava in Via San Michele,e mia nona che al'epoca gaveva 12-13 ani me ga contà che quando i xe tornai dal rifugio la casa no iera più,iera Otobre,e per de più iera el giorno de compleanno de mia bisnona.


SERVUS

Torna a “Mio nono me contava che ...”