10 giugno 1944

Logo indove meter i ricordi e le memorie
Regole del forum
Collegamenti al regolamento del forum in varie lingue ed alle norme sulla privacy in italiano.
refolo

anniversario

Messaggio da refolo »

Scusa babatriestina........

Oggi anniversario del bombardamento del 10 giugno 1944...

sta Maria qua' iera iera col gastro enterite.......al rifugio de via Ponderes!

Maria aka Refolo


refolo

10 giugno 1944

Messaggio da refolo »

Cara Betta
non volevo offenderte, ma siccome semo de anni differenti, go' trova' l'opportunita' de far memoria al 10 Giugno 1944....ti te se ricordi de una roba mi me fazo un promemoria de un'altra.

Storia!!!!!!!!!!!!! figli miei, gavemo domanda' e scritto el perche' bisogna ricordar?
se pol perdonar, ma mai dimenticar.

stamattina, el mio vecio me ga' domanda' se me ricordo? lui iera in prigionia, mi quasi in braghe de nonno solo 9 anni....mamma se me ricordo! come se se pol dimenticar. Le robe belle resta quelle, ma le brutte xe un continuo domandarse el perche'!

Xe passa' per noi ma vivo per altri, comunque le date xe restade quelle che nessun le podera' cancellar!
Maria aka Refolo


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: 10 giugno 1944

Messaggio da babatriestina »

refolo ha scritto:Cara Betta
non volevo offenderte, ma siccome semo de anni differenti, go' trova' l'opportunita' de far memoria al 10 Giugno 1944....ti te se ricordi de una roba mi me fazo un promemoria de un'altra.
ognidun se ricorda le robe sue :-D , ma quel che go postado no xe che me ricordo, go leto sul Piccolo , go visto una foto che no gavevo mai visto e go pensà che qualchedun ( :wink: ) ghe podessi interessar... :-D
( se posso, comunque preferisso ricordar robe bele più che le brutte)


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Mi el 10 giugno 44 gavevo 3 anni e stando a quel che diseva mia mama, iero con mio fradel che ghe ne gaveva 1 e altri fioi de la casa, in giardin a guardar quel che sucedeva, senza capir niente e i genitori in ansia ne xe vignudi a cior per portarne in cantina al sicuro. De sta roba mi no go nessun ricordo, tranne che per una minestra de pasta e fasoi che i ne gaveva dà per pranzo e che a mi no me piaseva.
ciao ciao :( :(


refolo

10 giugno 1944

Messaggio da refolo »

Betta,

mi pensavo che iera stado cancella', dopo che son stada ammonida de dimenticar la WW II mondiale per non offender altre persone!

Beh! da come vedo mi' nianche la storia moderna non val piu' niente.
Solo rimarchi, biasimi, e punti de domanda.

Lasso passar perche' come disi Larry; Tomorrow is; the one day following the present day.
Maria aka Refolo


Avatar utente
Larry
ixolan
ixolan
Messaggi: 480
Iscritto il: lun 2 gen 2006, 18:39
Località: Nord-Ovest Inghilterra

Messaggio da Larry »

:( :( Il 10 di giugno '44, mi jero giu nei dintorni di Londra imparando guidare un carro armato di ricognizione. E ancora cadeva le bombe su Londra, ma questa volta non dagli aerei, ma quei maledetti piccoli non guidati che noi ciamavimo 'Doodle-bugs'. E questo ancora dopo quasi cinque anni che cadeva sempre bombe sulla citta di Londra. Son sta piu di due mesi laggiu, son stato soffiato fuori da un camion che imparavo guidare, (non proprio il 10/6), e go visto 80 compatrioti annientati quando uno di quelle maledetti bombe ha caduto sul campo sportivo quando facevamo lo "Sports Day" del reggimento "Welsh Guards". Per fortuna son rimasto illeso.
Larry :( :(


Auld acquaintance should ne'er be forgot
For the sake of auld lang's syne
Avatar utente
Coce
Ixolan
Ixolan
Messaggi: 689
Iscritto il: dom 5 feb 2006, 11:24
Località: Australia

Bombardamenti

Messaggio da Coce »

Mi gavevo 14 anni e gavevo comincia a lavorar de pochi mesi, mia Mama me gaveva meso a lavorar de Jute, dove che ela lavorava de tanti ani.
Come che se faceva tuti i giorni corevimo in rifugio, mi me go trova' in un rifugio para-schege in Ponziana, e come che save' la le bombe le xe vegnude a profusion, per fortuna me la go cavada ben. Ma mi penso sempre al'eroismo de mia Mama che senza curarse de le bombe la xe corsa fino in via del'Istria proprio passa' el Burlo Garofalo per anda cior mia sorela che la gaveva 8 ani ,e che la iera dele Monighe. Ela la voleva star con la sua picia.
Ciao Coce :-)


La vita
Piu' che la pendi
Piu' la rendi
refolo

10 giugno 1944

Messaggio da refolo »

Piu' (fredda,) de mia mamma non xe sta' nessun,

mio papa' che urlava, ela la me ga' coverto con un scial, ma la xe restada a casa a magnarse la pastasuta, la prima dopo tanti mesi che non ghe iera carne, e dopo porta' un pocheto a mio papa, perche' mi gavevo la gastrite. La zigava....verso el ciel, ande' a remen.....gavemo fame.
Ma co la ga' visto che ste pirole vegniva zo come la piova e una verso l'ospedal, la finestra delle scale iera proprio difronte. la ga' cambia' idea.
Ne separava solo la via Vidali.


Maria aka Refolo


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Mi ve digo solo che mia mama stava in via Beccaria, con nona, el che vol dir a pochi passi dela sede dei Gnochi in Piazza Oberdan, dele caserme installade al Dante, del tribunal e dela Kleine Berlin. Comodo per rivar ai rifugi antiaerei de via Fabio Severo, ma in zona ovviamente obiettivo militar.
Ela no me parlava de un giorno preciso, ma la me diseva che de note la vegniva spessissimo sveiada dele sirene de alarme, de solito volta ela e nona coreva in rifugio, altre volte la iera fatalista, la restava in casa e la se meteva a scovar la cusina.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Xe due o tre foto del bombardamento esposte in galleria tergesteo, all'altezza del bar. Se passè deghe un cuc.


Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

AdlerTS ha scritto:Xe due o tre foto del bombardamento esposte in galleria tergesteo, all'altezza del bar. Se passè deghe un cuc.
10 giugno 1944: mi me ricordo! Quel giorno ierimo con tuti i altri inquilini in porton e a un certo punto un fortissimo botto e la casa ga tremà come per un teremoto: iera cascada una bomba 20/30 metri via dela casa sula via Buonarroti, el buso bel grande xè rimasto là per tantissimi ani. A destra un poco più su, un'altra bomba ga colpì una vileta distrugendola e xè morti tuti. Mia mama, incredibile come che me ricordo, gavavo 5 ani, la fazeva zogar tuti i fio del casa..... Quel stesso giorno pocio prima un grapolo de 12 bombe ga distruto la cesa de via Rossetti mazando un frate (o due) che iera andà in cesa, fora del rifugio del convento per cior candele, perchè logicamente macava la luce. I ga bombardà la cesa per sbaglio: l'obietivo iera la casa de l'altra parte dela via Chiadino dove che iera el comando tedesco.
No go prove, xè solo ricordi e notizie che me ga contado a suo tempo mio papà.
ciao
sum culex


refolo

10 Giugno 1944

Messaggio da refolo »

Gavevo za scritto, anzi Larry me ga risposto con do' scuse. I ga' sbaglia'
de centrar el Target perche' i lavorava sui aerei col sistema Imperiale le misure iera a yarda non a metro.....ma lassemo perder.

Solo, diseme se xe stado cava' o rimesso le mattonelle nove o cossa chei ga' fatto? altrimenti a sinistra subito taca' la congiunzion della galleria de Via Ponderes ghe devi esser ancora la mia firma e quella de Nivea-Carletto.....mii amichetti, un della UMPA el ne zigava, ma la gente ghe ga' risposto.....lasse' in pase sti fioluzzi chei noi capissi cossa che succedi. Due settimane dopo per el mio 9 compleanno el xe vegnu' a casa mia a portarne tre scartosseti de diavolini! un per ognid'un.

PS. E per Sum...el PRETE SE CIAMAVA VERNER, con lui, morti i fioi dell'asilo.

Maria aka Refolo


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Dimenticavo: le foto in Tergesteo xe ciapade da Cattinara.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Gavè visto el Piccolo de ieri ? i cerca testimoni de quei giorni per scriver un libro !


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Go trovado l'articolo: i cerca più nel dettaglio el muleto, fio de un militar del Unpa, che quel 10.06 xe stado ricoverado al Maggiore e anche i cerca el nome del muleto morto in via della Pietà, nonché el nome dell'omo morto el 31 gennaio 44 durante el primo bombardamento sul territorio provinciale.

Se gavè idea, iutemoli :wink:


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Go visto in libreria do volumi che pol interessar sul tema e che me sento de consigliar:

"Il terrore viene dal cielo" , edizioni Italo Svevo, ricco de foto sui bombardamenti della II guera (non solo quel de sto topic);

La ristampa de un libro del 1987, "Il Vallo Adriatico" de Leone Veronese jr.:


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

sum culex ha scritto:Quel stesso giorno pocio prima un grapolo de 12 bombe ga distruto la cesa de via Rossetti mazando un frate (o due) che iera andà in cesa, fora del rifugio del convento per cior candele, perchè logicamente macava la luce.
Dal Piccolo del 15.06.1944:

Dalle bare volanti sono state lanciate tre bombe sopra la bella chiesa che lo sforzo concorde pure di tante anime aveva eretto; e l'hanno ridotta in polvere[...] quando le ondate dei bombardieri già volteggiavan sopra la città, i Padri Francescani esortarono i fedeli che si attardavanonella chiesa a cercare riparo; e gli ultimi ad abbandonare il tempio furono loro [...] i buoni padri morirono presso la loro chiesa, [...] negli occhi l'estrema immagine di quel volto divino che subiva anch'esso, nell'istante medesimo, l'atroce barbaro insulto.
Dalle macerie traevano le salme dei padri Fortunato Vander e Sinisio Rampanelli, di Fra Pio Miorandini e Fra Michele Bait. [...] Accanto ai morti, sei feriti.


Mal no far, paura no gaver.
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Go visto solo ogi 'sto topic.
Qualche anno fa go visto a Kleine Berlin una grande mostra sui bombardamenti. Veramente impressionante quel che i ga fato dela nostra povera cità. Ma del resto, la iera un grosso obietivo militar, col porto, i cantieri, la raffineria Aquila, la ferovia per el centro Europa... e el bombardamento dele case serviva per abassar el morale dela popolazion.


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

purtroppo in quel momento appartegnivimo ala Germania e savemo cossa che i ga fato sule cità dela Germania.. diria anzi che in confronto la ne xe andada quasi ben. Ancora nei anni 70 go visto città come Colonia ancora in ricostruzion, per no dir de Dresda che zerte robe come la catedral i la ga ricostruida solo dopo el 1989. Iera fatto propio col scopo de abbatter la popolazion, sperando che la se sollevi contro i governanti. E el bombardamento de Zara? quel ga avudo le spiegazioni politiche più varie, visto che a Zara no iera grandi industrie.. ma no dimentichemo chi che gaveva cominciado con Coventry..


"mi credo che i scrivi sta roba per insempiar la gente" ( La Cittadella)
Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Papà gaveva un modo tuto suo de contar le robe. :lol: El diseva che i inglesi no gaveva tanti soldi de butar via, alora i stava più atenti de centrar i obiettivi. I americani inveze, che, oltra a esser pien de bori, secondo lui no iera tanto boni de centrar un obietivo, i beveva una botiglia de whisky, i la butava fora del finestrin... e i fazeva i "bombardamenti a tappeto". :lol:


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]

Torna a “Mio nono me contava che ...”