Pasqua e sue tradizioni

[babatriestina]

mi no generalizassi: ognidun ga le sue opinioni e i sui motivi per gaverle, e mi le rispetto, pur che lori gabi altretanto rispeto per le mie.

[Nona Picia]

Anche mi rispetto i credi e le opinioni de tuti, no gavemo el dirito de giudicar nissun.
Però un pensier me lo son fato: in sto mondo dove tuto "devi" esser facile, la religion de qualsiasi tipo xe un ostacolo che se tenta de evitar, forsi anche perchè certe robe che ne vien dite pol no esser adeguade ai tempi de ogi,
visto e considerado che nei tempi che furono, la religion oltre che guida spirituale, iera anche guida per la vita e la salute e l'igiene. E no parlo de altro perchè no xe el caso.

[Larry]

Adler, Nona Picia, anche me mi ricordo delle ovi di Pasqua nel lontano giovinezza mia. Pero erano sempre ovi sodi colorati perche gavevimo galline ma non soldi. Pero, ogni tanto un ovo di cioccolato appariva per noi fioi. Ma in GB non mi ricordo del coniglio. Questo e qualcosa novo per noi. Ma cosa ga il coniglio con Pasqua? Pero, un bon regalo per Pasqua e venuta oggi quando il Presidente dell'Iran ha liberato i prigioneri Marines e marinai inglesi come, ha detto egli, un Mussulmano, un dono di Pasqua per gli inglesi. Cussi, si vede, che anche i Mussulmani pensano dalla Pasqua. E quando jero militare, mi ricordo che ogni Pasqua dovevamo fare una gtrande parata e andar tutti in cesa alla Domenica Pasqua. Mi son sposato nella Domenica Pasqua nel 1951 in Trieste a Servola e poi ogni anno dopo, c'erano sempre delle rame delle olive in casa nostra per non dire delle ovi sodi colorati. Oramai e morta la mia moglie e non ci son piu. Ne le rame delle olive ne le ovi sodi. E neanche in cesa non mi vaddo.
Larry.

[babatriestina]

Ma in GB non mi ricordo del coniglio. Questo e qualcosa novo per noi. Ma cosa ga il coniglio con Pasqua?

Per esser esatti, doveria esser un lepre, no un coniglio. E no xe un uso italian o specialmente cattolico, ma centroeuropeo. Ma voi no gavè el detto Mato come un leprotto de marzo? che xe quel che xe anche in Alice in Wonderland. Penso che sia più o meno quel .

[refolo]

Go' ditto e preditto che stago in un soborgo, dove ghe xe :
Cavai da allevamento
Vignetti da far impression all'Europa.
El famoso giogo del Cricket, che gavemo le CENERI!
un sobborgo chel sta crescendo, se non altro coi sui negozi Europei anche Aldi xe riva' da mi! che trovo alquanto prolifico, compro tutto anche l'aspirapolvere!

Ma sto anno dopo tante fastidiose promesse, gavemo avuto un Venerdi' Santo come che se devi!
Niente contro altre religioni, ma chei se le tegni per lori almeno gavemo la nostra.
Non se tratta d'esser basabanchi ma quel che xe stado prescritto e imparado da pici, se sentimo almeno vicin alle nostre tradizioni!

El Nostro Archivescovo, xe d'accordo de assimilar sia el Cattolicesimo-col Ortodosso! i sta parlando de metter a posto sta situazion. Fin dei conti gavemo una semplice interferenza, non de dramattizar.

Go' un albero d'olivo in fronte della mia casa, quando lo' go' semina' el paron de sta grande distribuzion de piante e fiori, el me ga' dito chei lo vendi specialmente per le sudette Vigne: ripara dal vento e tien via un certo numero de insetti che xe contro le Vigne.

Go' porta sti rametti in Ciesa, e assieme alle Palme, el prete ga ringrazia' perche' el rito delle ceneri non xe altro che la brusada delle palme dell'anno prima.'L'anno dopo vien marca' sulla fronte dei fedeli!

non me interesso de ripercussioni? ma se ghe xe qualched'un che obieziona......carissimi Triestini se' de vedute estranee.
Ciao e Bona Pasqua a tutti...

Maria aka Refolo

[babatriestina]

me permetto de ricordarte che le Ceneri iera quasi 40 giorni fa, el primo giorno de quaresima, come che diseva la Cittadella in latin macheronico "memento omo che pulveris est e in pulvere revertèribus".
Sto anno casca insieme la do Pasque cattolica e ortodossa ( no go mai capido perchè qualche volta sì e la piùparte no ), stasera i Greghi fa la procession del Venerdì santo fora dela loro cesa, lori porta in procession el Epitafios, che rappresenta la tomba de Cristo.
Una volta al venerdì santo se fazeva la visita a 7 cese e i 7 sepolcri, ma adesso gnanche le cese no fa più el sepolcro... no resta che far i ovi rossi e i dolci de Pasqua, che per aprezzarli no ocori esser de cesa

[ffdt]

a san vincenzo i ga fato 'l sepolcro e xe stada la prima volta che lo go visto in vita mia ... forsi no dovesi dirlo e pur xe cusi` ... i lo ga fato la` de 'l altar de la navata sinistra ... per conto mio el xe anca sai stilizado ma pur sempre 'l xe 'l sepolcro ... se vole` andar lo trove` de sicuro

per la cronaca fusi de fotografarlo ma no me par el caxo ... ghe xe za dentro el santisimo

[babatriestina]

a san vincenzo i ga fato 'l sepolcro e xe stada la prima volta che lo go visto in vita mia ... forsi no dovesi dirlo e pur xe cusi` ... i lo ga fato la` de 'l altar de la navata sinistra ... per conto mio el xe anca sai stilizado ma pur sempre 'l xe 'l sepolcro ... se vole` andar lo trove` de sicuro

per la cronaca fusi de fotografarlo ma no me par el caxo ... ghe xe za dentro el santisimo

dopo le 3 del dopopranzo el santissimo no xe più e te lo pol fotografar, c he ormai sta deventando una rarità.Magari senza flash, per no disturbar.. A s Antonio novo i gaveva un grando,praticamente rocce e la piera del sepolcro, imagino un fondal tipo teatral cole tre crose.. e inveze oggi vedo ancora, tuti coverti de tele i tochi del presepio che xe in restauro.
per Adler: soto la Defonta, cola solita commistion de trono e crose, iera veri soldai in divisa austroungarica che "montava la guardia" al Sepolcro.
ghe ne gavevimo parlado l'anno scorso qua:
https://www.atrieste.eu/Forum3/viewtopic ... 67&start=0
( metemo insieme le discussioni?)

[AdlerTS]

no go mai capido perchè qualche volta sì e la piùparte no

Parlando con parole semplici, quela cattolica xe la prima domenica dopo la prima luna piena dopo el primo giorno de primavera. Saria de veder qual che xe el mecanismo Ortodosso.

Per l'ovo inveze se disi che a Maria Maddalena i ghe gabbi dito che la risurrezion de Cristo jera probabile come che un ovo diventi rosso. Mentre i parlava, però, l'ovo ga cambiado color
Non me ricordo con chi jera sto dialogo, però.

[babatriestina]

no go mai capido perchè qualche volta sì e la piùparte no

Parlando con parole semplici, quela cattolica xe la prima domenica dopo la prima luna piena dopo el primo giorno de primavera. Saria de veder qual che xe el mecanismo Ortodosso.

Per l'ovo inveze se disi che a Maria Maddalena i ghe gabbi dito che la risurrezion de Cristo jera probabile come che un ovo diventi rosso. Mentre i parlava, però, l'ovo ga cambiado color
Non me ricordo con chi jera sto dialogo, però.

el mecanismo ortodosso dovessi esser istesso, ma i ortodossi ga ancora el calendario giulian inveze che el gregorian, ma alora dovessi esser sempre diferente, per quel no me bati che ogni tanto coincidi...
per l'ovo, curiosa la referenza ala Maddalena ( tradizion apocrifa, ovviamente..), che po doveva esser la prima a vederlo, anche se la lo gaveva ciapado per un giardinier..

[ffdt]

[...]dopo le 3 del dopopranzo el santissimo no xe più[...]

i lo ga cavado solo che durante la mesa solene, sta sera ... go spetado che finisi tuto e dopo go fato la foto, ma no gavevo 'l cavaleto e le me xe vignude tute mose ... sta cua me par la meno pezo

pero` vardela cusi` in picio e no ste clicarghe per de sora perche` c'o la ingrandi` vede` che oror che la xe

[ffdt]

[...]metemo insieme le discussioni?)

fato

[refolo]

Ben prima de tutto credo che Pasqua se scrivi con la ""Q"" e non con la C
ma lassemo perder, Betta! non me go' spiega' e ti non te sa' che le Ceneri del Cricket....el Giogo del famoso pandolo, la LADY CLARK! de Sunbury dove stago mi' la ga' brusa' sta balla e un per de pichetti.....difficile a spiegar allora i ciama ""SUNBURY THE PLACE OF THE ASHES"" niente da far con la Pasqua.
Comunque sta lavada de oci, xe una tradizion el nostro mercato sonava alle 11 del venerdi' Santo per fermarse un minuto. Eventualmente per rispetto lavarse i oci!.
Non me soffermo a spiegar niente.....cioe' chi che credi o no'!
Go' appena visto per television, e...peraltro all'ora de pranzo come sempre, i Filippini, chei se fa' meter in Crose come Gesu' Cristo! Stesse
misure stessi ciodi, stessi dolori ecc. ciamemoli come che vole' ma xe fede!
"" ghe xe un verso dove disi ""THROUGH HIM I CAN DO ALL THINGS""
PHIL 4-1
mi non iporto quel che leggio ma quel che go' impara'. Durante la Pasqua, vien dimostra' altre robette relative sia alle tradizioni-sia alle consueti disturbi religiosi!
Per mi' personalmente xe un giorno carissimo sia per tradizion sia perche' mio papa' iera nato el giorno de Pasqua. Gavemo sempre ricorda' con due ....non digo compleanni , ma un nato l'altro morto!
Gavemo, finalmente ricupera' un pochetto de nostra tradizion in barba a quei che non credi-che non ghe interessa-i se cava via delle nostre tradizioni!
Una roba solo voio aggiunger, tra tutte le ripercussioni de sta donna che non sa' zilch! la mia povera picia, pianzendo la xe vegnuda a casa disendome nonna; ""A SCOLA I VOL FAR LA FESTA IN PIGIAMA"" ve immagine'? non la xe Cattolica, i genitori xe Protestanti, ma tutto per Dio ga' un limite. Come te metti una picia de 8 anni in pigiama d'avanti maestri-muloni-e chi sa' chi altri?...........mi go' avudo una discussion con la mamma e la me' ga' da' ragion. Tegnuda a casa con scusa d'influenza!

""BONA PASQUA A TUTTI""

Maria aka Refolo (P.S. Grazie delle belle foto)

[babatriestina]

Ben prima de tutto credo che Pasqua se scrivi con la ""Q"" e non con la C

questo xe per el nostro Ober Admin, che ghe ga dichiarado guerra ala lettera q

[refolo]

Mi non so' chi chel xe, chel vadi a farse un pisolin, mi me tegno la mia lingua tradizioni , e non vado per cambiamenti?

De gente come lu' ne gavemo a bizeffe per tutto el mondo! saria ora chei lassi in pase la nostra cultura .....""E LINGUA".

Maria aka refolo

[sum culex]

Un GRANDE AUGURIO DE BONA PASQUA a tuti i amici del forum da sum culex e nonapicia con una semplice e modesta foto fata l'altro ieri de un ramo de ciliegio fiorì in un giardin vizin de casa mia



BONI OVI!!!!

sum culex e nona picia

[Tirabaralla]

Passate una felice Pasqua

[refolo]

BONI OVI

(me xe vegnu' i brividi a veder la primavera da voi, noi andemo verso l'Inverno)
Per Sum......oltre chel tuo rametto del ciliegio, co go' verto stamattina la televisione, sulla stazion Italiana? la prima parola iera ""A TRIESTE""
solo che parlava una Giapponese de Tokio, in Italian perfetto, i sta allestindo un ristorante Italian per el pranzo Pasquale.........solo a Tokio ne xe 3000, i ga' fatto una via dove i vendi prodotti importai con una strada precisa de Milano, un negozio identico come a Firenze ecc. Domani telefono alla stazion e domandero quando che sara' le seconda parte, curiosa de saver cossa chei mettera' de Trieste......(in piu' i sta portanto in mostra tutte le pitture Italiane esposte fin alla fine de Giugno. ) I xe innamorai dell'Italia........
ciao a tutti.

Maria aka Refolo

[ffdt]

iero a la veglia de pascua e in ultimo i ne ga dado cuesto come augurio anca per cuei che no i iera la` ... auguri a tuti

[refolo]

Bellissimo Franco!

la' go' fatto la mia prima comunion!

Maria aka Refolo