per cominciar el battistero:
ecove una cartolina dei anni '50 che mostra un battistero moderno, el dovesi esser vizin de uno dei ingressi laterali, ma le porte xe sempre serade e mi che son parochiana de quela cesa fin dela nascita no lo go mai visto del vivo. El fonte battesimale dovessi esser su disegno de Nobile
Po xe la legenda del marciapie sfortunado: lo riporta Halupca Veronese sul suo libro, disendo che el toco de marciapie de fianco dela cesa, lato via Ponchielli, porta pegola: difatti xe anca el lato che xe i busi ( del maggio '45) nela targa sul muro
Ma l'origine no se sa, però mio papà diseva che quel che porta pegola no xe tuto el fianco, ma el canton del marciapie angolo via Ponchielli, via S Lazzaro rente dela cesa, difatti mi per ani no ghe go mai messo pie, ma smontavo del marciapie in quel canton. Che sia stado qualche piera dei copi vegnuda zo ani anorum fa?
adesso, secondo la teoria de papà, el problema no se ponessi più perchè no xe più distinzion de marciapie, ma mi là passo sempre un poco per largo, no se sa mai...
