la "muta" de trieste ...leggenda o realmente esist

[vorwaerts]

Da sempre, in modo scherzoso, si parla della "muta" di Trieste , donnina allegra che si dice vendesse le sue grazie ai soldati anglo-americani.
E' realmente esistita o è un personaggio di fantasia?

[macondo]

La mitica muta la xe esistida e credo che, quando mulo, una sera un amico me la gaveva segnalada a un tavolo dela Trattoria alla Grotta de Cavana

Se ben ricordo la gaveva 'operado' in una dele 'case alegre' de via del Fortino:
https://www.atrieste.eu/Forum3/viewtopic ... tino#32373

Dopo la Legge Merlin la iera diventada indipendente. Credo che la fussi cussi famosa solamente per el fatto che la poveretta iera muta dala nascita

[macondo]

Un'altra figura mitica de quei anni iera el famoso Johnny el bandito. Credo, se la memoria no me tradisi, che originariamente el fazeva parte de un grupo nazionalista (Circolo di Cittavecchia??) che se riuniva nela za menzionada Tratoria Alla Grotta.
Anca lui lo gavevo visto in giro per Trieste ormai sgionfo e alcolizado. Nol iera un Vallanzasca local e el sopranome de 'bandito' lo gaveva ciapado piú per le barufe, le imbriagade e magari qualche furto o trapolez
El xe morto qualche anno fá, ormai dimenticado.

[vorwaerts]

In effetti la "muta" me xe stada indicada un paio d'anni fa da una conoscente che fa la sarta, e che la gaveva come cliente. Mi me pareva strano, ma evidentemente iera vero. Se la xe ancora viva, la devi star dele parti de via S.Michele...

Johnny il Bandito xe quel della "famosa" Banda Johnny?

[babatriestina]

Nei anni '60 ghe ne parlava con aria assai misteriosa e complice i mii compagni de classe, masci ovviamente, noi putele ste robe no dovevimo gnanca imaginar che esisti

[AdlerTS]

La Muta me perdoni el "fora argomento": Johnny jera quel anche dito "de Cavana" , credo. ghe ne gavevimo parlado su TSmia.

[rofizal]

La "Muta" iera famosa, ma no iera l'unica. Xe ricordi ormai lontani, e no go mai avudo certi tipi de "esperienze" (solo una volta se gavemo fermado a ciacolar con una de lore), ma me par che un'altra iera la "Garibaldina", forsi ciamada cusì perché la se vistiva in modo strano. Ripeto che xe ricordi lontani e confusi.

Certo che le iera ben diverse dale mule giovani e bele che se vedi ogi, iera "profesioniste" che a noi muli ne pareva anche "vecie". A parte chi se rivolgeva a lore per abitudine, molti muli gaveva cusì la "prima esperienza", che in genere xe sempre la più dificile e traumatica. No iera i tempi de ogi, dove far sesso xe speso la roba più facile del mondo anche in tenera età, cusì iera un aiuto concreto, ma sicuramente mancava la poesia de l'amor. Xe per questo che molti no ga seguido quela strada, anche se quela "romantica" iera molto più ardua.

[ernesto93]

tanti ani fa, nele osterie de cavana, girava una tizia 'ssai avanti coi ani, super truccada e coi cavèi pituradi de nero. La gaveva 1 mangiadischi dei anni '60 che la meteva sula tòla e sonava de continuo le canzòn dei bersaglieri e altre patriottiche. Ela la beveva, la fumava e la rideva.

Dopo, i me ga dito che quela iera la famosa "bersagliera".

Dela "garibaldina" no go mai sentì parlàr; nei ani ì70 sentivo parlàr de la Muta, de la Bersagliera, e de un altra che dovessi esser ancora viva, che la ga fiòi e che perciò no digo el nome.

[Giulia scorcolana]

Un'altra figura mitica de quei anni iera el famoso Johnny el bandito. Credo, se la memoria no me tradisi, che originariamente el fazeva parte de un grupo nazionalista (Circolo di Cittavecchia??) che se riuniva nela za menzionada Tratoria Alla Grotta.
Anca lui lo gavevo visto in giro per Trieste ormai sgionfo e alcolizado. Nol iera un Vallanzasca local e el sopranome de 'bandito' lo gaveva ciapado piú per le barufe, le imbriagade e magari qualche furto o trapolez
El xe morto qualche anno fá, ormai dimenticado.

Xè vero, lo go conossudo, perché lo conosseva el mio povero papà, nei ultimi ani el girava con un vecio can che iera più stanco de lui, el iera sempre in Cavana, la che iera Bar Rubino.

[Giulia scorcolana]

Le mitiche babe de Cavana.

La muta in Via del Fortino, nel suo apartamento, la gaveva la dona che fazeva acomodar i clienti in sala de aspeto e po' i 'ndava drento a turno come de 'l dotor.

Po' iera la Bersagliera, sul canton de Via del pane, vecia e bruttina povera, ma 'ssai cocola.

La garibaldina, la 'Taliana, Adriana, la Jole, Anita, me le ricordo tute, co iero putela giravo de quele parti con la compagnia che gavevo all'epoca. I ultimi periodi me le ricordo sentade in Bar Rubino che le fumava, beveva, e le se zigava drio de tuto.

[SanGiacomin 72]

Mi personalmente,me ricordo del grande Sabata che ani fa te lo podevi incrosar la dei portici,de Roseta, la "mata " de S.Giacomo che so per certo che ga tirà i crachi tuti e dò.IInveze qualchedun se ricorda per caso de quela siora ciamada,de quel che me ricordo," la contessa" o qualcosa del genere,che la girava tuta conzada la del Tommaseo,la di Speci e anche ai Duchi ?

[babatriestina]

quela siora ciamada,de quel che me ricordo," la contessa" o qualcosa del genere,che la girava tuta conzada la del Tommaseo,la di Speci e anche ai Duchi ?

a mi i me diseva che la iera la fia dela siora Lina, una signora piccola coi cavei rossi molto distinta che vegniva ciolta per aiutar co iera feste o cocktail in famiglie private. I diseva che la mama iera affidabilissima, e la fia un poco cussì.. nele nuvole

[SanGiacomin 72]

Go capido grazie.mi gavevo sentì che la iera vedova de un conte o duca cossa so mi,e che la stava dele parti de cavana o cità vecia e che la iera senza una flica.Ma essendo "de rango" disemo,la se conzava cusì.morta anca ela vero?

[babatriestina]

a sta ora penso de si. Ma dubito assai dela nobiltà...

[oli1939]

Si la gaveva con sè, nei ultimi anni anche la fia, conzada come ela. Mi lavoravo al Lloyd e la vedevo spesso in piazza dela Borsa o in Piazza Unità che la caminava tutta impetida con guanti e capei con le piume. Un giorno me ricordo, che in Piazza della Borsa, verso via Cassa de Risparmio iera i operai che scavava per un lavor de tubi, e quando che la xe passada i ghe ga fiscià e tira drio qualche complimento ridicolo. I diseva che la fossi stada moglie de qualchedun in alto che lavorava in Teatro Verdi e che per questo ela gaveva tuti quei vestiti che pò iera costumi teatrali. Quando che la xè morta no se ga visto più nianche la fia. Ciao, oli 1939.

[spritz_bianco]

Salve a tutti! Son novissimo de questo bel forum che go scoverto oggi per caso....mejo tardi che mai ...dunque la contessa: sarà almeno diexe anni che no la vedo e questo me fa pensar che la sia andada nel "mondo dei più"! Mi me par che ela la stava in quei appartamentini che jera proprietà dell'hotel Savoja! Però me par stranissima una roba: visto che la jera ogetivamente un personagio del color della cità, no ve par strano che el bugiardel no gabi scrito gnanca una riga?...Oddio...forsi la ga scrita e mi no so eh! Ancora salutoni a tutti

[oli1939]

Allora un benvenuto te lo meriti. A proposito qua i la ciama la muta, ma mi vedevo che la parlava con la fia a spasso per el centro. Saluti oli1939.

[babatriestina]

A proposito qua i la ciama la muta, ma mi vedevo che la parlava con la fia a spasso per el centro.
.

pian e ben, Oli e no missiemo: la siora che te vedevi cola fia iera "la contessa" e iera una signora un poco estrosa che amava andar in giro in Piazza vestida de ottocento, con capel e veletta. La "muta" inveze spero ben che no te la gabi conosuda o frequentada, perchè iera.. "una de quele" che bateva zona de Cavana

[oli1939]

Scuseme, stavolta no go leto ben tutto l'argomento. Me ga portà un poco a torzio el post precedente, perchè iera messa la "contessa" sotto el titolo "la muta". Ciao a tuti, Oli. NB.: Comunque nulla sfugge al bravo "alto comando".

[Giulia scorcolana]

Mi personalmente,me ricordo del grande Sabata che ani fa te lo podevi incrosar la dei portici,de Roseta, la "mata " de S.Giacomo che so per certo che ga tirà i crachi tuti e dò.IInveze qualchedun se ricorda per caso de quela siora ciamada,de quel che me ricordo," la contessa" o qualcosa del genere,che la girava tuta conzada la del Tommaseo,la di Speci e anche ai Duchi ?

Ecome no? la iera sempre in giro su e zo pel Corso, in Piaza della Borsa, Tergesteo e paragi. Sempre vestida come nell' otocento, i me gaveva dito che la iera nobile per bon, po' no so se era vero.

E po' iera sempre anche in giro una picia mora conzada in maniera strana che la gaveva una specie de neo nero in fronte, la girava pel borgo teresiano e i ultimi tempi la iera sempre ridota mal e la parlava sola.