le scritte misteriose sui muri

[babatriestina]

Savemo che no xe bel scriver sui muri, ma ogni tanto compari scritte abbastanza misteriose. El famoso Robi Cocal sula Diga, e altre.
Adesso legio su Bora.la questa scritta ( riportada col permesso de l'Autor)

Mustaca topone de gomma
Chi xe Mustaca?
perchè topone de gomma?
notar topone cola e finale e gomma con due emme.. una grafia triestina alquanto libera..

qualchedun ga un'ipotesi de interpretazion?

Mi me vien solo in mente questa poesia
Pindolin che pindolava
Mustacin che lo guardava

secondo mia mama iera un gatto che mirava a una luganiga.. ma no se sa mai..

[Bilbo]

forsi ga scrito un "triestin" de "fora"......

[sono piccolo ma crescero]

E se metessimo uno spazio: "Per mus tacà" un mus tacà a qualcossa... poderia eser un soranome "te son un mus tacà al carro, ala fiasca, tacà sul muro..."

Topone: vedo che ga un significato, sul web, del bele mule...

[babatriestina]

insomma, basta zontar un accento e comincia a ciapar significato...

[AdlerTS]

Go smesso de leggerle da parecchio tempo

detesto chi non ga rispetto dei edifici

[babatriestina]

detesto chi non ga rispetto dei edifici

anche mi, anche se devo dir che un muretto de cemento armato che sostien la superstrada come in sto caso no lo considero po tanto un edificio de rispettar.
Me intriga ( ma non nel senso moderno, che lo considera un complimento, nel senso triestin, che me dà fastidio!)assai de più quel disgrazià che continua a scriver triestini tecno virus stragisti su tuti i muri e tuti i bottini dela città. I gaveva becado un, ma le scritte continua: quante che ghe dassi per le man a sti qua!

[Nona Picia]

Gnanche mi no posso soportar chi sporca i muri, li costringeria volentieri a netarli con la lingua, se servissi a qualcossa.....

[sum culex]

quante che ghe dassi per le man a sti qua!

Solo per le man? E ghe le dassi anche in altri posti....(no digo quai) e inoltre ghe faria bever meza fiasca de oio de rizino come nel film de Don Camillo.
ciao
sum culex

[babatriestina]

Chiedo scusa, ma volevo spiegar el motivo per cui go fatto questo post.
gavemo za un per de post sui vandalismi in genere, e se lo go messo in legende dela città , no iera per far la solita deplorazion de quei che scrivi sui muri, ma per domandar se qualchedun gaveva idea del significato de questa particolar scritta rispetto X Mustaca topone di gomma e se qualchedun saveva chi che sia sto Mustaca e perchè i ghe invia /augura/ attribuissi? topone di gomma.
Francamente, una scritta in zona industrial, in una via bastanza disastrada, su un pilastro de cemento armato e anche in bianco no me par proprio un dei pezo vandalismi che ghe sia in giro, ghe xe de ben pezo in centro e citavecia, ma no ghe n'entra gnente col obiettvo del mio post.

[Nona Picia]

te ga ragio, BT,ma te sa, i vandalismi, indiferentemente de dove che i xe, disturba sempre la gente per ben e cussì se se svia dala domanda originale.....