Pagina 1 di 10
dove xe?
Inviato: mer 25 apr 2007, 18:40
da Bilbo
tanto xe facile....
Inviato: mer 25 apr 2007, 19:51
da babatriestina
confronterò cole mie foto, ma subito se pol dir che xe un bassorilievo de un dei tanti palazzi pseudorinascimentali ( eclettici) de fin Ottocento!
Inviato: ven 27 apr 2007, 8:23
da babatriestina
go una mezza idea, vedo se stamattina ghe passo davanti,questo ga una caratteristica :
el xe neto!! perchè ghe ne xe de simili, ma molto meno neti:
Inviato: ven 27 apr 2007, 9:13
da Bilbo
ostia no pensavo che fusi cusì dificile, da non aver nisuna risposta.....
Inviato: ven 27 apr 2007, 11:22
da babatriestina
Xe el primo o el secondo de sinistra, de 6 che ghe ne xe !
xe i soli che gabi una placchetta de metallo per fermarli, e i altri xe rovinai,soprattutto in basso, paressi de canoneggiamento dei tedeschi dela seconda guerra, che sparava de pontoni in mar!
lasso de esplicitar ai altri..
dove pol esser un palazzo che i tien ben netado?
Inviato: ven 27 apr 2007, 19:13
da ffdt
ghe ne xe solo do neti che i xe in marina ... cuel de la prefetura e cuel de 'l lloyd
no me paresi che sia la prefetura, ma stago tirando a indovinar
Inviato: ven 27 apr 2007, 19:14
da babatriestina
Inviato: sab 28 apr 2007, 18:34
da sum culex
Xè el bassorilievo a sinistra del secondo porton del municipio
vedi foto
Questo xè un poco fosco perchè xè un particolare ingrandido de quela de prima
ciao
sum culex
P.S. e no ste pensar che go avudo sugerimenti, ghe son rivai de soli mi e nona picia.
Inviato: mar 1 mag 2007, 14:43
da Bilbo
in realtà me aspetavo che vignisi indovinà prima...
co me capiterà qualcosa altro soto man, faremo un'altro quiz....
Inviato: sab 5 mag 2007, 16:11
da babatriestina
Ogi ve propongo mi questa
colonna:
dove la xe?
Inviato: dom 6 mag 2007, 1:26
da ffdt
me da` cone che la fusi de le parti de 'l muxeo de 'l risorgimento ... e no me ricordo come che se ciama cuela stradela che va de piaza oberdan a via fabio severo
Inviato: dom 6 mag 2007, 6:59
da babatriestina
ffdt ha scritto:me da` cone che la fusi de le parti de 'l muxeo de 'l risorgimento ...
esatto! e mi per anni ghe passavo vizin ma no me iero mai accorta de sta colonna, che po la xe romana..
Inviato: lun 7 mag 2007, 0:21
da ffdt
babatriestina ha scritto:[...]no me iero mai accorta de sta colonna[...]
no xe dificile no inacorzerse de cos' che xe de cuele parti ... xe sempre tuto serado e 'po xe tuto sporco che a mi me fazeva senso de andarghe a rente fina de muleto ... xe per via de 'l sporco che go riconosudo el logo ;-D la colona no me ricordo de gaverla mai vista ;-D
Inviato: lun 7 mag 2007, 18:22
da sum culex
Vado avanti col DOVE XE'?
Per combinazion go visto sto volatile. El xè in cità in una via del centro. come aiuto ripeto: via, no piaza.
Chi me sa dir dove?
ciao
sum culex (aka zoom culex, aka zoomy)
Inviato: sab 12 mag 2007, 23:06
da sum culex
Xè un 'altra domanada. Savè dove che xe sta roba? Xe in centro cità e ve domado se individuè el posto.
ciao
zoom culex
Inviato: gio 17 mag 2007, 19:18
da sum culex
Nissun, ma proprio nissun, zerca de butar là qualche idea? Provo a darve un picio sburton.
El volatile xè in una via perpendicolare ale rive tra el corso e via Milano; per adesso no voio meter de più!
Quel setma soto l'arco xè nei dintorni de S.Antonio Novo (come del resto anche el volatile). Co andè a spasso per cità caminè guardando in alto, ma me racomando: ocio a no intoparse!
ciao
sum culex
Inviato: gio 17 mag 2007, 20:20
da babatriestina
no, propio no le me disi gnente... l'aquila me ricordava una ma tuto de un'altra parte , Borgo Giusepin, e quela porta, col monogramma FD che imagino si ale cifre del proprietario, con quele decorazioni e quei fregi xe una dele solite case fin Ottocento che a mi le me par ssai pretenziose ma senza stile. L'aquila xe bela, invece... via Machiavelli? là xe un per de case no mal...
Inviato: gio 17 mag 2007, 22:54
da ffdt
l'acuila no me ricordo de gaverla mai vista ... sara` anca complice 'l fato che la tua machina fotografica la ga un bon zoom e mi no go boni oci ;-D
de cuel'altra caxa i fioreti con cuele robe che ghe vien fora me ricordava i simboli de l'abondanza e me par che ghe ne sia cualcosa su la caxa de la casa de risparmio, pero` no credo che sia cuei ... cuei de la casa de risparmio me par che i sia sai piu` grandi
gnanca 'l fato che la caxa la sia de 'l 1879 no me dixi sai ... go anca imbroiado e zercado in rede se iera cualche dita che xe stada fondada a Trieste in cuel ano ma no go trovado gnente
Inviato: ven 18 mag 2007, 6:57
da babatriestina
per mi la casa no xe de una ditta, ma de un privato batù de bori.
Inviato: ven 18 mag 2007, 14:41
da ffdt
beato lu che 'l xe batu' de bori, ma isteso no so chi che 'l sia stado