Altri quiz sul dove xè'?

[babatriestina]

Mentre che ste stroligando sull'iscrizion de Sum, ve propongo un'altra, se la vedi meio de quando che i ga ripitturado el edificio:

e le domande xe:
1 Dove la xe?
e fin qua, basta trovarla, ma la seconda domanda che no so gnanca mi, o forsi go letto de qualche parte, xe
2 Cossa la rappresenta?

perchè xe un bassorilievo piuttosto inusual.. una coppia ligada al pal con un che ghe impizza el fogo de sotto. A mi me vien in mente solo el finale dela Norma..
e anche per mi xe un poco misterioso de quando che la xe.. e perchè un volessi meterse una roba simile sul porton?

[sum culex]

Per la domanda 1 go provà a guardar nel mio archivio, ma no go trovà nissun bassorilievo come quel del tuo quiz: quindi no go idea.
Per la domanda 2: se no te sa ti, chi te pensi che possi saver?
ciao
sum culex

[sum culex]

Dove go trovà sta targa? Bisogna zercarla in alto!



Speto una risposta che vista l'iscrizion no dovessi esser ecessivamente dificile.
ciao
sum culex

Come al solito babaTS ga individuà immediatamnente de cossa che se trata. Dacordo che in sto periodo xè tuti in ferie o al bagno, ma no go avù nissun altro riscontro. Ve dago perciò la risposta: la targa xè sula faciata dela cesa dela Beata Vergine del Rosario in piazza Piccola.



ciao
sum culex

[sum culex]

Restando in tema de 'targhe' ve propongo un'altra. Anche per questa so che babaTS la conossi sicuramente, dato che anche ela la la ga za fotografada; de conseguenza la domanda:dove la xè?, xè rivolta ai altri; comunque xè sempre ben gradido anche un Suo intervento!



A destra e a sinistra de sta targa xè diverse altre decoraazioni, che in mancanza de risdposte ve mostrerò come aiuto.
ciao
sum culex

[babatriestina]

la domanda:dove la xè?, xè rivolta ai altri; comunque xè sempre ben gradido anche un Suo intervento!

in effetti.. ecco, quel che me ga colpido de sta targa xe la data 1914, cioè anteguerra, che la ga un'aria cussì squadrada che un disessi xe roba che voleva imitar i antichi romani e quindi un poco dopo..
e per el mio quiz, visto che par che nissun fazzi proposte:
xe in via Timeus 4, la casa con alcune statue sula facciata:



xe de un stile un poco mismas, con ste statue ricorda quasi palazzo Gopcevich, le finestre xe in stile rinascimento lombardo, quindi la casa par dela fin del Ottocento.
ma per el bassorilievo, sul Zubin Borgo franceschino no trovo gnente, e inveze xe qualcossa su Trieste nascosta, ve riporto xe la scheda n 58 :
Il bassorilievo dell'Inquisizione
Sopra il portone di via Timeus n 6 [sic] un tempo via delle acqua n 14 campeggia un bel bassorilievo opera di Antonio Bianchi da Follina. Assai curioso ci appare il tema: l'inquisizione! si notano infatti due condannati al rogo, evidentemente eretici, un carnefice intento ad accendere il fuoco della stipa ed una serie di personaggi tra i quali giudici togati dell'Ordine dei gesuiti. Non è noto il committente di questo lavoro ma corre voce che si trattasse di un massone proprietario della casa [..]
Ecco, adesso mi concordo senza dubbio che sia due condannai al rogo, ma el resto me lassa pensar che sia un fiadin de fantasia: per cominciar riguardemo el bassorilievo:

a mi me par che se un volessi ciaparsela col Inquisizion andassi a metterli in abito medieval e no roman, per cominciar. Po basta saver che l'inquisizion iera in man dei frati Domenicani e al massimo francescani, e i gesuiti no ga avudo gnente de far - anche perchè l'inquisizion xe ben anterior ala creazion controriformistica dei gesuiti. L'idea de rappresentar po i gesuiti come giudici togati in costume roman me par ancora più tirada per i cavei.. e po perchè un se dovessi meter sta roba sula porta?
mi guardo le figure e digo:
xe una coppia sul rogo, omo e donna, ela vestida e lu mezzo nudo e i se guarda fra de lori, come se i fussi innamorai: a sinistra xe un sior con un turbante che paressi el capo de tutta sta roba, el guarda con aria perplessa tegnindose el mento: drio de lui, una donna con abito ottocentesco e aria triste, vizin de lui un sior colla barba con aria de sacerdote vagamente disapprovante: tuto intorno, soprattutto a destra, personaggi togadi più o meno ispirai dei rilievi romani del ara pacis de Augusto, un cole braghe rimboccade al zenocio tipo zuava: per mi xe un episodio de qualche libro, romanzo, opera, a mi me vien in mente Norma: Norma e Pollione sul rogo ( qual cor tradisti-qual cor perdesti.... ah troppo tardi t'ho conosciuta- sublime donna - io t'ho perduta) el sior col turbante xe el pagan Oroveso e quela drio Adalgisa.. ma son sicura che ghe podessi esser qualche altra coppia romanzada simile. E po, se i voleva ciaparsela col Inquisizion, no saria stada messa qualche allusion al cristianesimo, una crose? insomma, per mi troppo neoclassico per una roba medieval..

[sum culex]

Orpo de baco, no spessissimo, ma passo ogni tanto per via Timeus. Se vedi che perdo colpi, ma sta casa no la go mai osservada; pasienza: sarà l'età
ciao
sum culex

[babatriestina]

Novo quiz semplice: xe solo un dettaglio, ma el posto xe abbastanza famoso.

Dove el xe?

[sum culex]

Dove el xe?

No go idea dove che el sia, ma de una roba son asolutamente sicuro: a casa mia no'l xè
ciao
sum culex

[babatriestina]

Perchè casa tua dovessi esser un posto famoso?
ve digo che xe in in interno.. de un local..

[mandi_]

No xe casa mia ! Sicura anca mi!

[Nona Picia]

Perchè casa tua dovessi esser un posto famoso?
ve digo che xe in in interno.. de un local..

E chi te disi che casa nostra no sia un posto famoso? ?????

[Elisa]

E chi te disi che casa nostra no sia un posto famoso? ?????

Ma sì, certo che è famoso! Dal momento che noi siamo, che la donna è...
La Regina della Casa
sebbene la regina da guardare e non toccare non puo vantarsi certo di essere tuttofare

[babatriestina]

Novo quiz semplice: xe solo un dettaglio, ma el posto xe abbastanza famoso.

Dove el xe?

a sta ora no lo ga riconossudo nisun?
e dir che el xe in forum...

[1382-1918]

Che sia al Caffè San Marco? Me lo suggerisi più che altro i colori.

[babatriestina]

Che sia al Caffè San Marco? Me lo suggerisi più che altro i colori.

ovvio! sia i colori che el stile!
e nel frattempo gavevo messo proprio tante e se vedeva anche questo dettaglio

[sum culex]

Restando in tema de 'targhe' ve propongo un'altra. Anche per questa so che babaTS la conossi sicuramente, dato che anche ela la la ga za fotografada; de conseguenza la domanda:dove la xè?, xè rivolta ai altri; comunque xè sempre ben gradido anche un Suo intervento!



A destra e a sinistra de sta targa xè diverse altre decoraazioni, che in mancanza de risdposte ve mostrerò come aiuto.
ciao
sum culex

Xè passà più de un mese, ma nissun ga dito dove che xè
Ve meto altri due particolari che xè sula stessa casa

La testa de un'aquila



Un toco de un pergolo in ultimo pian



Basterà a darve l'indicazion dela via?
ciao
sum culex

[sum culex]

Per cambiar sogeto propongo un'alabarda. Son convinto che la ga vista tuti, triestini e anche foresti, ma no saveria quanti che la ga notada.
Chi me sa dir dve che la go fotografada?



Resto in trepida atesa
ciao
sum culex

[babatriestina]

Basterà a darve l'indicazion dela via?
ciao
sum culex

mi son fora concorso, ve go za dito che quel che me pareva strano xe la data,c he el stile par più tardo... cpmunque ve digo che el architetto xe Frandoli e che la parte central xe questa..


Zonto che sia mi che Zoomy no gavemo ancora messo la parte bassa, el pianteren, che secondo mi xe la parte più caratteristica de quela casa
Per l'alabarda, credo de saver, perchè ghe xe al Circolo dela Stampa una foto in cui se vedi tre alabarde in prospettiva e questa me par che sia una delle tre.. se no no ghe gavessi badado..

[babatriestina]

me correggio xe due...

[sum culex]

Basterà a darve l'indicazion dela via?
ciao
sum culex

mi son fora concorso, ve go za dito che quel che me pareva strano xe la data,c he el stile par più tardo... cpmunque ve digo che el architetto xe Frandoli e che la parte central xe questa..


Zonto che sia mi che Zoomy no gavemo ancora messo la parte bassa, el pianteren, che secondo mi xe la parte più caratteristica de quela casa
Per l'alabarda, credo de saver, perchè ghe xe al Circolo dela Stampa una foto in cui se vedi tre alabarde in prospettiva e questa me par che sia una delle tre.. se no no ghe gavessi badado..

Per completar i pupoli relativi a sta casa ve meto altre foto

I mascheroni






Una dele due aquile completa