Pagina 2 di 3

Re: Chi se ricorda?

Inviato: mer 6 feb 2013, 11:32
da babatriestina
isabella ha scritto:
babatriestina ha scritto:te sa che no me vien in mente? ricordime in privato se xe roba privata..
Come se fa?
se fraca el pulsante pm che vol dir messaggio privato, sotto el avatar

Re: Chi se ricorda?

Inviato: lun 24 giu 2013, 22:09
da mula del Küstenland
Chi se ricorda che in via Timeus, un per de portoni prima de incrociar via Ginnastica, sulla destra andando dal viale verso il Maggiore, ghe iera un porton vecio, me par piturà de grigio... el porton iera sempre verto de giorno e dentro se vedeva un stanza, forse iera una magazin in piano terra, sempre illuminà con un per de lampadine impizade. E dentro la stanza: una gran statua de un crocifisso! coverta de centinaia e centinaia de santini e rosari!!! me ricordo che quando passavo là de picia, me tacavo stretta a mia mama o a mia nona, perché gavevo paura che Gesù iera là sul serio, tutto sanguinante... un vero terror!
poco tempo fa me go ricordà e go prova a zercar el porton: el xè sprangà.
Nisun sa cossa iera? un ex-voto popolare?

Re: Chi se ricorda?

Inviato: lun 24 giu 2013, 22:20
da babatriestina
me ricordo benissimo, ma iera una roba moderna, che gaveva realizzado un , ciamemolo appassionato. El gaveva impinido de scritte dela sua devozion personal. Gnente de uficial e credo gnanca uficialmente colegado con la Chiesa formal.
No credo che podessi eser stado prima dle 1980, per capirse. Po el ga serado.. xe là o nel porton vizin che i ga fato una lavanderia publica? passavo sempre davanti perchè iera sula mia strada per tornar casa e meter la machina in garage co stavo de quele parti

Re: Chi se ricorda?

Inviato: lun 24 giu 2013, 22:40
da Nini Naridola
Anche mi go el dubio se el porton xe quel de la lavanderia o quel de la tratoria vizina che ga l'insegna della Forst.
In efeti el posto iera abastanza lugubre, doveva esser el stesso periodo del "veggente" de Farra d'Isonzo con le aparizioni de la Madona.

Re: Chi se ricorda?

Inviato: mer 3 lug 2013, 9:27
da Nona Picia
Me ricordo anche mi, adesso no xe più, me pareva che el gavessi durà circa fin ala fine dei anni 90, ma forsi me sbaglio. Quel povero Cristo in crose no me piaseva per niente, el me fazeva impression...

Re: Chi se ricorda?

Inviato: gio 4 lug 2013, 16:12
da Nini Naridola
Son passà in via Timeus e ghe go domandà a un botegher là vizin. Un dieci ani fa (forsi qualchedun de più) el bugigatolo col Cristo in crose ga ciapà fogo (o i ghe ga dà!). L'"impresario" che el xe ancora paron del logo, passava ogni sera a spazzolar le cassettine e ingrumar le offerte delle immancabili ed assidue pie donne (anche qualche omo timorato di Dio).
Nela foto da Google maps se vedi la portisina tra i portoni ad arco della trattoria e della lavanderia. Se nota, sora l'architrave el muro ancora fumigà.
cristotimeusrwd.jpg
cristotimeusrwd.jpg (83.99 KiB) Visto 2630 volte

Re:

Inviato: mer 23 ott 2013, 21:32
da molighe el fil
Nona Picia ha scritto:Co iero picia ogni tanto mio papà me li cioleva de Colussi incorso Garibaldi, dove che dopo iera el Lavoratore e l'Universaltecnica.
E de nome Colussi iera una mia compagna de scola che no gaveva niente a che far coi biscotti, ma con frutta e verdura... :-D , sua mama e suo papà gaveva la bancarela in piazza a Roian.
La pasticeria Colussi no iera là dove dopo i Bardelli de Udine gaveva verto el Lavoratore ma iera su un canton de corso Garibaldi con via dele Zudecche, inveze su l'altro canton più in zo iera el bar Aquila.

Re: Chi se ricorda?

Inviato: mer 23 ott 2013, 22:03
da Nini Naridola
Me par de ricordarme che i biscotti Colussi iera anche in piazza Libertà, palazzo Economo o Parisi.

Re: Re:

Inviato: gio 24 ott 2013, 8:41
da Nona Picia
molighe el fil ha scritto:
Nona Picia ha scritto:Co iero picia ogni tanto mio papà me li cioleva de Colussi incorso Garibaldi, dove che dopo iera el Lavoratore e l'Universaltecnica.
E de nome Colussi iera una mia compagna de scola che no gaveva niente a che far coi biscotti, ma con frutta e verdura... :-D , sua mama e suo papà gaveva la bancarela in piazza a Roian.
La pasticeria Colussi no iera là dove dopo i Bardelli de Udine gaveva verto el Lavoratore ma iera su un canton de corso Garibaldi con via dele Zudecche, inveze su l'altro canton più in zo iera el bar Aquila.
Mi go dito corso Garibaldi per indicar la zona.... :-D che sia dove che iera l'igresso del Lavoratore che rivava fina sul canton de via dele Zudecche o proprio sul canton, quel no me ricordo, :lol: ma me ricordo che l'ingresso iera in corso Garibaldi. :-D

Re: Chi se ricorda?

Inviato: gio 24 ott 2013, 10:10
da Ciancele
I mii ricordi xe del 47/48. Là iera l'Edera, el cine Garibaldi e Colussi. Ogni morte del papa mio papà cioleva anca biscoti, ma sopratuto fave. Disi fava. Fava. Magna 'sta rava! :cheezy_298: Che ridade de fioi!

Re: Chi se ricorda?

Inviato: gio 24 ott 2013, 11:12
da sono piccolo ma crescero
Ve ricordè che i biscotti vegniva vendui sfusi, in bidoni metallici de forma cubica con una finestrella in vetro sul covercio per veder dentro cosa che iera?

Me ricordo anche la marca che i gaveva nela lateria soto casa (Del Favero) e el prezo: 28 lire all'etto! Me lo ricordo perché, quando (de rado) mia mama comprava sti biscoti, i Oswego semplici, la domandava "un eto de biscoti de ventoto" e el numero me xe restà.

Re: Chi se ricorda?

Inviato: gio 24 ott 2013, 11:43
da Zigolo
sono piccolo ma crescero ha scritto:Ve ricordè che i biscotti vegniva vendui sfusi, in bidoni metallici de forma cubica con una finestrella in vetro sul covercio per veder dentro cosa che iera?
Se ciamava bandoni. Anche el covercio iera de lata, po', co el botegher li meteva sula scansìa, el cavava el covercio originale e el ghe meteva quel (che mi me ricordo de plastica) con cornise fissa sul bandon e finestra trasparente apribile, me par con una picia susta che lo fazeva star sempre serado.

Re: Chi se ricorda?

Inviato: gio 24 ott 2013, 14:39
da sono piccolo ma crescero
Forsi te ga ragion per el vetro. Gaveria costà tropo e i saria stai tropo fragili, visto che i li ricilava.

Comunque "bandon" mancava nel vocabolario!

Re: Chi se ricorda?

Inviato: gio 24 ott 2013, 15:00
da Zigolo
sono piccolo ma crescero ha scritto:Forsi te ga ragion per el vetro. Gaveria costà tropo e i saria stai tropo fragili, visto che i li ricilava.
Mi me li ricordo de plastica, ma no escludarìa che prima i fussi stai de lata e de vetro.

Me stago sforzando a imaginar la vecia botega dei mi noni e "vedo" che no i iera tuti uguali...

Re: Chi se ricorda?

Inviato: gio 24 ott 2013, 15:05
da sono piccolo ma crescero
E quando se comprava i biscoti sfusi e se li lasava all'aria, dopo un giorno diventavano teneri, fofi. Mia mama, e anche mia sucera, diseva che i xe "rinvegnui". Sicome no trovo la parola con questo significato sul Doria, che ghe dà solo un significato positivo (rinvignir i colori, rinvignir la salata), ve domando se lo dopravi anche voi e, se no, come disevi i biscoti co i diventa teneri se lasai all'aria?

Re: Chi se ricorda?

Inviato: gio 24 ott 2013, 15:13
da Zigolo
Anche mi a "rinvegnù" ghe go sempre dado un significato positivo. Biscoti lassadi al'aria per mi i xe sempre stadi "fofi".

Re: Chi se ricorda?

Inviato: gio 24 ott 2013, 16:20
da babatriestina
"far rinvegnir". Se i deventava moli ( ma po i deventa duri), i iera fofi, ma anche lofi.
Fofo ghe se diseva de una persona, cicciotta e molliccia. Guance fofe...

Re: Chi se ricorda?

Inviato: gio 24 ott 2013, 19:01
da Piereto
Anche mi co iero picio andavo ogni tanto sotocasa a cior i biscoti che i iera mesi nele scatole de lata col vetro de sora. Ciolevo napoletani, ma sicome iera una leteria, ogni giorno ciolevo el late, e me ricordo le fiasche de vetro de un litro col tapo de stagnola mese in de le ceste de tondin de fero. Pol eser dodise fiasche per cesta ?

Re: Chi se ricorda?

Inviato: gio 24 ott 2013, 20:49
da Ciancele
babatriestina ha scritto:"far rinvegnir". Se i deventava moli ( ma po i deventa duri), i iera fofi, ma anche lofi.
Fofo ghe se diseva de una persona, cicciotta e molliccia. Guance fofe...
La fofeta xe una putela cocola, simpatica e no suta.

PS: Go zercà guance nel vocabolarieto e no go trova? SPMC podaria meter come parola nova. ;--D

Re: Chi se ricorda?

Inviato: gio 24 ott 2013, 20:56
da babatriestina
Ciancele ha scritto:
babatriestina ha scritto:

PS: Go zercà guance nel vocabolarieto e no go trova? SPMC podaria meter come parola nova. ;--D
te sa che ganasse no me par corisponder propio perfettamente...