Ogi in Corso, vedo che el negozio Vanità sera, el xe in alto quasi Piazza Goldoni, vizin del androna dela banca ex cassa de risparmio adesso Unicredit

con voi da 40 anni ( e mi no ghe go mai comprado gnente in 40 anni), ma.. chi se ricorda che negozio iera prima???

Veramente sto negozio xe là da 40 anni?
Opur esisti da 40 anni ma i gaveva un'altra sede?

Se xe la seconda opzion, alora no so se iera proprio qua, ma me par che ghe iera un negozio de vestiti de sposa.

Se inveze sto Vanità el iera veramente là de 40 anni, quel precedente no posso gaverlo visto.

babatriestina ha scritto:chi se ricorda che negozio iera prima???

Cartoleria Glessich?

No, forsi Glessich iera un atimo più zò.

Zigolo ha scritto:

babatriestina ha scritto:chi se ricorda che negozio iera prima???

Cartoleria Glessich?

.

per mi, iera propio Glessich!!!

Son passà ieri pel corso (nevigarà ) e dirìa che Glessich iera quel più zò, dove che desso xe scrito OUTLET.

Anche perché Glessich iera sai più grande de Vanità.

istesso me par de ricordar che el negozio de Glessich iera rientrante.. almeno i ultimi tempi, e assai tacado dela libreria delle Paoline, che no ciolevo libri ma andavo a leger de picia i consigli sui film.
Per chi che no sa o no se ricorda, ghe iera un pannel esposto , con lettere de plastica che elencava tutti i film in programmazion a Trieste, col giudizio moral ecclesiastico: se andava dei film T ( per tutti. cartoni animati o poco più), po vegniva credo i A ( adulti) e i AR ( i adulti con riserva, e fin là li andavo a veder tutti),e po iera i film E esclusi che no vedevo, anche perchè spesso i iera vietadi ai minori. Un film per esser E no iera dito che fossi sempre roba osé, ma podeva esser "tesi contrarie alla morale della Chiesa"
E mi giurassi che sto pannel iera rente de Glessich.

El negozio dele monighe iera prima in via Rossini; mi andavo là a nolegiar qualche film in 16 mm col sonoro otico per far qualche proiezion a casa per alcuni amici e parenti: tempi passai; go comincià che gavevo 16 ani.
No me ricordo più per cossa, xè passà tropo tempo, ma go sempre in mente che ogni tanto ciolevo pel fioco la moniga che iera adeta a sto incarico.
ciao
sum culex

Se non ricordo male doveva essere un negozio di abiti da sposa anche molto belli, mi ricordo che mi fermavo da bambino ad ammirare quelli che pensavo fossero abiti da regine.

gitriolo ha scritto:Se non ricordo male doveva essere un negozio di abiti da sposa anche molto belli, mi ricordo che mi fermavo da bambino ad ammirare quelli che pensavo fossero abiti da regine.

gli abiti da sposa erano appunto da Vanità. Che poi, col tempo, avevo visto che gli abito normali un po' elegantini non costavano neanche poi tanto, a mio parere. Io volevo sapere comunque chi si ricordava della cartoleria Glessich!

Me ricordo dela cartoleria Glessich e me incantavo a guardar le vetrine e el mio maestro voleva i quaderni con l'eticheta retangolare che i venteva solo la.
Smolars gaveva i quaderni con le etichete curve soto e sora.
Me ricordo anche dela fabrica Glessich che iera in via Ginnastica sul canton con via Paduina.
De quel che me ricordo la doveva eser 'sai vecia, la iera fata con piere no smaltade scuride del tempo e grande finestre con inferiade

El mio ultimo ano de scola ascola xe sta el 1944. Mi compravo de solito de Smolars (vizin del vescovo?), vizin dove che stavo mi e andavo ala Nazario Sauro, do ani al Carli. Ma go comprà anca diversa roba de Glessich. Smolars me par che no esisti più. Glesich no me ga più interesà. Saluti e bon fine setimana a tuti.

Smolars, per Ciancele che xe fora Trieste, se ga trasferido de anni un poco più in là, via Roma prima dele Poste e xe frequentatissimo perchè ga roba atual anche per ufici, trovo de lori quel che i vari Buffetti etc no ga..

Grazie, Baba Triestina, e bon fine setimana.

Per Ciancele: no me ricordo un Smolars vizin al Vescovado; me par che là iera el negozio de canceleria ecc. "Facau".
Smolars, per conto mio, xe la boutique de la carta. Mi preferiso andar per es. da TecnoService in via Caccia (in Barriera): là trovo material per disegno e pitura. Ultimamente me serviva, per rilegar un quaderneto de fotocopie, dei cartoncini colorati: là i me ga costà 1/5 de quei de Smolars (stessa roba!). Mi de mulo, per praticità, andavo de Muran (via Ghega angolo via Commerciale): iera assai cocole le tre signore (sorelle?).

Muran xe ancora, trasferido in via Reti, ma xe picio e no ga più tuto quel che i gaveva una volta. Ma i elastici che volevo mi e che de Buffetti no i gaveva li go trovai de Smolars. Là compravo anche i album per tacar le fotografie co le stampavo

Nini Naridola, te ga ragion. Iera FACAU. Ma xe pasai squasi setanta ani e me go dismentigà. Saluti.

Grazie dei saluti, Ciancele e te aviso che doman la Triestina gioga a Pergine Valsugana la prima partida del campionato de serie D. No so se sarò solecito nell'informar suòl risultato perchè vado a Venezia a veder la Regata storica.

Facau esisti ancora.
Xe un grando capanon in via Caboto dove i vendi canceleria e robe per scola sia al ingrosso che al minuto.
I ga anche mobili per uficio e i publica un catalogo per vender cola posta

OT: Nini Naridola, fa una bela gita e divertite. Propio ieri serai ga fato due film con sfondo Venezia. Sopratuto el Canal. Te auguro anca bel tempo. Saluti.

Nini Naridola ha scritto: vado a Venezia a veder la Regata storica.

e.. te ne meterà un per de foto???