Sventato attacco terroristico per abbattere aerei a Londra

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy. in italiano.
Avatar utente
babatriestina
Capo postin
Capo postin
Messaggi: 37657
Iscritto il: dom 25 dic 2005, 19:29
Località: Trieste, Borgo Teresiano

Sventato attacco terroristico per abbattere aerei a Londra

Messaggio da babatriestina »

Macondo e Larry, contene tuto!
Volemo la version dei nostri corrispondenti speciai in Regno Unito!


Avatar utente
macondo
notabile
notabile
Messaggi: 2663
Iscritto il: dom 25 dic 2005, 18:54
Località: London, UK

Messaggio da macondo »

In ste prime ore se sa relativamente poco. Par che i voleva far saltar in volo 10 aerei usando i bagagli a mano per portar l'esplosivo a bordo. Finora i ga arrestado 21 persone che za le iera soto sorvelianza per diverse setimane.
Risultado: completo caos nei aeroporti con voli canceladi, ritardi enormi propio nel periodo dele vacanze. Polizia armada in tute le stazioni importanti, aeroporti ecc. Qualche elicotero che svola, bagagli a mano proibidi...se pol portar sull'areo solamente el taquin, pasaporto, bilieti, ociai e ciave (gnanca un libro!!!!!).

Mi ve digo, che piu vecio divento, piu scetico son. No volesi sbaiar ma go paura che anche se un risc'io ghe fossi, adeso i lo staria esagerando per varie ragioni...


Avatar utente
Coce
citadin
citadin
Messaggi: 689
Iscritto il: dom 5 feb 2006, 11:24
Località: Australia

Misure di sicurezza

Messaggio da Coce »

Mi no biasimo le forze dell'ordine per cior le misure de prevenzion, che Dio ne iuti se dovaria suceder qualche disgrazia, stemo vivendo in tempi
bruti, pieni de odio, volemo viver normalmente, ma semo veramente in guera. No so andove che andaremo a finir, almeno che' no rivemo a compromessi per conviver in armonia e pase.Ciao Coce :-)


La vita
Piu' che la pendi
Piu' la rendi
Avatar utente
Nona Picia
Capo postin
Capo postin
Messaggi: 10953
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

In sti tempi pieni de cativeria e odio, se pensa sempre al pezo e se finirà per aver paura de andar fora dela porta de casa. Speremo che prima o dopo cambi qualcossa, possibilmente prima, però. E comunque spero che el zervel dela gente cominci presto a ragionar nel modo giusto.
Ciao ciao


Avatar utente
Bilbo
Site Admin
Messaggi: 2256
Iscritto il: dom 25 dic 2005, 20:51
Località: Trieste

Messaggio da Bilbo »

i li ga fermadi in tempo.
ma pensè che i governi no savesi za de stoproblema de prima e che, fiuuu li gavemo ciapai per un pel....

no no siori, i mati saveva za tuto, ma i ga spetà per far risaltar la notizia in tuto el mondo.....

e questo come per tante altre robe.

penseghe un atimo, perchè no separla più de aviaria? che la sia sparida de colpo? o forsi la xe sempre stada, e magari i la ga utilizada solo per "nasconder" qualcosa altro?


Bye '73 de Roby.-
Avatar utente
babatriestina
Capo postin
Capo postin
Messaggi: 37657
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Bilbo ha scritto: penseghe un atimo, perchè no separla più de aviaria? che la sia sparida de colpo? o forsi la xe sempre stada, e magari i la ga utilizada solo per "nasconder" qualcosa altro?
per mi, no se parla più perchè no xe novità e perchè i ga altre robe de impignir i giornai. Co no iera de meo, i tirava fora l'aviaria.


Avatar utente
Larry
ixolan
ixolan
Messaggi: 480
Iscritto il: lun 2 gen 2006, 18:39
Località: Nord-Ovest Inghilterra

Messaggio da Larry »

:( :( Mi gavevo prepara un post per aggiungere a quel di MJacondo ma mi xe venu problemi con il PC e quando go prova impostarlo no mi lasciava e mii falliva la linea ogni 2 minuti cussi go dovu lasciarlo morire. Pero, occi anche sull'Olanda. Un aereo dall United Airlines (Americana) in vola da Amsterdam a l'India ha dovuto ritornare ad Amsterdam ed era scortata da un paio di caccia olandese. Si sono arrestati 12 passeggeri che erano abordo. Spero che i controlli italiani a Fiumicina oggidi sono abbastanza severi come quegli a Londra e Manchester perche se non sbaglio ci sono voli anche da li per l'America. E con la mia esperienza negli aeroporti italiani, nei controlli, ci mancava tanto ma tanto. Quante volte leggendo la cartella "Un bagaglio soltanto a mano nella cabina" ho visto donne che andavano abordo con 4-5 -6 sacci grandi di plastica in man, per non dire degli uomini con do o tre zaini.
Larry (l'agnello che preferisce controlli severi che un morte facile)


Auld acquaintance should ne'er be forgot
For the sake of auld lang's syne

Torna a “Atualità non triestine”