Febbre suina..... (influenza A/H1N1)

[Nona Picia]

Ragazzi, ma nissun de voi ga sentì parlar de sta novità????????

[babatriestina]

su tuti i giornai.. ma finora , tocandose el naso, no riguarda Trieste!

[sum culex]

I disi che xè più a ris'cio i giovini: xè una dele rare volte che son contento de esser vecio!
ciao
sum culex

[sono piccolo ma crescero]

Mah, mi no me preocupo perché ... son un mus

A parte i scherzi, qua bisogna capir quanto xe el pericolo e quanto xe che governi, giornai e ... industrie farmaceutiche preferisi che se parli de questo e no de i soldi che ga magnà le banche.

Quindi no voio dir che no credo che ghe sia pericolo, digo solo che bisogna star a veder. Un poca de difidenza, però, la go, perché fin a l'altroieri no ne parlava nesun e improvisamente se una pandemia (ma che diferenza xe tra pandemia e epidemia? No xe una parola nova che ghe piasi ai giornalisti perché la fa più efeto, come esondazione invece de inondazione e, per tuto quel che no sia teremoti, epcentro invece de centro?)

Comunque, tornando a l'influenza, mi no poso farghe niente, me laverò le man un poche de volte de più, forsi se i me dirà, me meterò la mascherina e dopo no resta che star a spetar.

Però una roba xe strana: perché in Mesico xe morta gente e dopo no xe morto nesun? Per questo finiso come che gavevo comincià. Mah!

[babatriestina]

anche mi, go domande:
-perchè prima tuti ziti e po de colpo, tuti i giornai insieme, riscio enorme?
-perchè in Messico i xe morti e in altri loghi no?
-perchè i ghe disi suina e po legio ogi sul piccolo che i porchi no la ciapa?
-perchè roba che qua no xe fa le prime pagine dei giornai? quanti morti la ga fatto nel mondo? e quanti continua afar, cossa so, la malaria, che no iscrivi una riga?
insomma,a volte go la spiacevole sensazion che le notizie dei giornai sia come una moda.. e comincio a crederghe poco a notizie a volte un poco in contraddizion

anche mi perchè pandemia e no epidemia? pandemia xe più che epidemia? o per l'assonanza col pandemonio? ghe manca i "untori"
e ve rimando ala parte final dela mia firma

[sono piccolo ma crescero]

ghe manca i "untori" e ve rimando ala parte final dela mia firma

Vedi l'ultima parte de sto articolo in francese su Le Monde.

[macondo]

Andará finir come l'aviaria. Anca la doveva morir milioni e dopo un poco no se parlava piú...

[carsolin]

Si e el farmaco per combater la febre del porco xe el steso che doveva far fora la malaria.....


la roba spuza, più de un porcil

[Elisa]

questo lamentevole argomento è, senz' altro, scabroso....e presentato in modi tanto diversi, in certi casi senza chiarezza effettivamente.

Ma io volevo impedire che qualcuno cadda in inganno con e-mail simili a quelle che circolano qui, spediti da ANVISA -Agencia Nacional de Vigilancia Sanitaria-(FALSA???) che danno avviso che: "si è verificato un caso di influenza porcina in tal posto....(in questo caso in Brasile) e cliccare qui per sapere come difendersi".
Mio figlio è si è ritrasmesso la mail che io ho ricevuto, al suo PC che lui considera ben protetto ed ha provato: entrando nel qui sono apparsi dei grossi virus! Opera di menti nefaste che purtoppo esistono!

[AdlerTS]

Savè che ogni anno mori in italia una decine de persone de LEBBRA !
Questo no i 'conta in TV, però, quindi la gente non se preoccupa.

[babatriestina]

Savè che ogni anno mori in italia una decine de persone de LEBBRA !

za i la ciama Morbo di Hansen, però in Italia mi vedo questi dati:
Nuovi casi di Morbo di Hansen in Italia
Anni 1970-1979: 102 nuovi casi (16% immigrati)
Anni 1980-1989: 76 nuovi casi (33% immigrati)
Anni 1990-1999: 112 nuovi casi (69% immigrati)

( fonte;http://dermatologiatropicale.hsanmartino.it/Hansen.htm)
po xe anche questo, che se ripeti pari pari, copiaincolla, in più de un blog
http://medicinaesalute.myblog.it/archiv ... talia.html

e che parla de due casi de lebbra ( no de morte per lebbra!) a Milan fra immigrai


De dove vien i tui dati?

ma che mi sappio ormai la xe raramente mortale.

[AdlerTS]

Son andado a memoria, senza gugolar, e probabilmente go confuso el ciapar la malattia con el morir della malattia. Resta comunque valida la considerazion che se TV e quotidiani cominciassi per una settimana a parlarne de sti dieci caso all'anno (che saria quasi uno al mese), son convinto che te vederia tanti in giro con la mascherina.
Per non sbagliar coi suini, mi sabato andarò de Pepi

[Zigolo]

ma che diferenza xe tra pandemia e epidemia

Il termine epidemia si applica al caso di una malattia che, sviluppatasi in maniera più o meno brusca, colpisce gruppi rilevanti di popolazione per poi attenuarsi più o meno rapidamente dopo aver compiuto il suo corso [...] Quando una epidemia prende una fortissima diffusione, sì da propagarsi , contemporaneamente o successivamente, a diversi paesi, si parla di pandemia. (L. Checcacci, Igiene e Medicina preventiva).

[sono piccolo ma crescero]

Savè che ogni anno mori in italia una decine de persone de LEBBRA !
Questo no i 'conta in TV, però, quindi la gente non se preoccupa.

No xe posibile in quanto la lebra xe stada abolida in Italia ... con decreto del presidente dela republica! No scherzo!

La roba pol parer ridicola, ma la ga una sua "ratio": ala parola lebra asociemo difidenza e disprezo per cui i ga deciso che nei comunicati uficiali se devi ciamarla morbo de Hansen; xe lo steso, ma la parola xe diversa e par che sia un'altra roba. Credo che sia una trentina de anni almeno che la parola xe stada vietada per cui nesun in Italia se ammala de lebra.... Ciaro?

[carsolin]

Aaaaaaaaaaa xe come "operatore ecologico" inveze che "scovazin".

[Nona Picia]

su tuti i giornai.. ma finora , tocandose el naso, no riguarda Trieste!

Sicome xe una roba che praticamente interessa tuti, anche i triestini, go pensà de meter la domanda. Son dacordo che xe la solita storia che prima o dopo finirà in gnente.... ma conoser le varie opinioni no guasta.
La mia opinion xe, magari sbagliada, che qualche casa farmaceutica ga immesso el virus per guadagnar sula pele nostra.

[Elisa]

Andará finir come l'aviaria. Anca la doveva morir milioni e dopo un poco no se parlava piú...

magari! ¡Dios te oiga! ¡Dios te oiga! ¡Dios te oiga! ¡Dios te oiga!

[Elisa]

Influenza A/H1N1. Dichiarazioni mediche autorizzate recenti.

Stiamo entrando in una tappa di "distanziamento sociale" dopo aver superato quella denominta di "isolamento". Ci si dovrà adattare a queste abitudini e non far conto che questo possa finire in un paio di settimane.
Usare l' ingegno e l' attenzione in concentrazioni di persone, ossia stare all' erta per manteneree un discreto distanziamento sociale. Sostenere questo cambiamento di abitudini perchè questa malattia si sosterrà nel tempo......non abbassare la guardia in materia di prevenzione perche nel mondo non si conosce ancora come possa evolversi la sua azione.

Tutto questo simultaneamente alla comunicazione che, se non altro, ammette che diminuiscono le visite!

[babatriestina]

Oggi sul giornale: due casi a Trieste

[serlilian]

Mah. Ogni anno vien fora una influeanz adiversa e ogni tanti anni vien una più forte dele ultime. La "spagnola" ga fato milioni de morti, tra una popolazion za indebolida per le privazioni dela guera, ma anche l'"asiatica" me par che no la scherzava. E, dopo aver fato più o meno morti tra la gente più indebolida per privazioni o per altre malatie...... la passa.
Anche quando xe vignudo fora el AIDS sula base dela perecentuale de aumento dei casi.... pareva che la raza umana se saria estinta nel giro de poche decine de anni. E inveze no xe successo niente.
Giorni fa, a scola de inglese, i ne ga fato veder le notizie dela BBC e quei che vigniva intervistadi iera abastanza scetici. De una parte i diseva che i prevedeva che podessi esserghe 100 mila casi e, visto che mori un ogni 200 infetadi, i se spetava che morissi 500 persone, solo in Gran Bretagna. De l'altra parte un diseva che mori più gente de incidenti stradali.

Qua xe un pochi de link, ma la situazion no xe per niente ciara.
In un raporto i disi che xe un tipo de influenza simile ale solite, poco aggressiva e de l'altro i meti livel de alarme massimo.

http://www.eurosurveillance.org/ViewArt ... leId=19238

Qua xe la mappa dei casi accertadi in Europa, ma no trovo nissun che daghi el numero dei morti (perchè xe tropi e no i ne vol far ciapar tropa paura... o perchè xe tropo pochi per 'sta razza de alarme?)

http://www.ecdc.europa.eu/en/Health_top ... ap_big.jpg

Rettifico, qua i disi anche el numero dei morti in Europa: 4 in Spagna e 29 nel Regno Unito:

http://www.ecdc.europa.eu/en/Health_top ... table.aspx