L'Italia boicota el festival del cinema a Cannes.

[Ursus Canadiensis]

Co' go visto quel'articolo sula CBC, go sospetà subito che ghe fusi stada la zampeta de un certo Cavalier a comandar che l'Italia boicoti el festival de Cannei. Ignota però me jera la ragion. Co' go scoperto che la sola ragion jera, devo dir che son stà un atimo perpleso. I primi... ben non tanto più i primi sicuramente i più ovii pasi verso una società autocratica in Italia. Un altro paseto verso i bei tempi del "Duce el sa, el vedi el comanda tuto," e se no te piasi, pegola; el te sera la boca po' xe finì.

Pareria che xe el ministro dela cultura, Sandro Bondi che el se gab ciolto l'impiego de eser la frusta de Berlusconi. El disi che el film Draquila, che critica el Cavalier per el fato che dopo tuta la publicità de tuto el grande ajuto che el ghe gavaria dado ale vitime del teremoto del'Aquila, ancora 52000 persone dele 120000 che jera stade mese in strada, le xe restade dove che le jera dopo i scosoni, in strada. Secondo lui, sto film xe un'altro comploto dela sinistra comunista de asasinar el caratere de quel tesoro de virtù umana che xe Berlusconi.

Secondo Sandra Guzzanti, la diretrice cum attrice, inveze, el Cavalier ga usado el film semplicemente come propaganda per meter in mostra e per promover la sua amata persona. (Narcisio, Narcisio! Te son morto, xe vero, ma la tua tradizion la xe ancora in vita e vigorosa).

Aparte l'evidente ironia, avaria qualche altro comento in vena più seria mi, ma per adeso laso che voi altri zontè i vostri do soldi de opinioni.

Per quei che legi l'Inglese, ve laso lindirizo internet dela CBC dove che se trova sto articolo.

http://www.cbc.ca/arts/film/story/2010/ ... ml?ref=rss

Arnie

[AdlerTS]

Sul film se pol pensarla come se vol. Sicuro Bondi ghe ga fato gran publicità, anche se el voleva el contrario.