LAUREE

[Ciancele]

Mi go una domanda, e no so dove meterla. Sicome che no c’entra con nisun, la meto soto Attualità non triestine.
Dunque se trata dela laurea. I me ga dito che Italia se fa l’università e l’ultimo ano se fa la tesi. Praticamente l’ultimo ano no se fa gnente, solo la tesi. Qua la laurea xe ciamada Promozion. Quando che uno ga finido l’università, i ghe dà el diploma. Come a scola. Specialmente avocati, comercialisti e ingegneri no i xe dotori, solo diplomai. Se i vol laurearse e ciamarse dotori, i devi far la tesi. Dopo ‘ver finido l’università. Par questo i dotori taliani no i xe consideradi dotori, ma solo diplomai. La tesi xe come un compito in clase, te devi scriver qualche roba soto un titolo. Gavarè leto de un omo politico tedesco ch’el ga dovesto dimeterse parchè el gaveva copià. E adeso i la ga con una baba, dotora e ministra. Sicome che no i sa come darghe contro, i zerca se nela tesi la ga copià. El problema xe che se pol copiar, te devi solo dir de dove e de chi. Par questo a mi me par che i spandi e che in politica xe tuto permeso.
Mi me par de ricordarme che iera anunci sul giornal de gente che se ofriva de bater la tesi. Praticamente i te la scriveva lori drio patus. Difati, per far la tesi te devi prima pasar tuti i esami e alora no se pol dir che uno ga imbroià. La tesi xe importante, ma più importante xe el diploma.
Mi no zerco e no voio barufa. Se qualche forumista credi de volerme dar qualche informazion, lo pol far anca come mesagio privato. Se i aministratori credi che xe meo scancelar, autorizo a scancelar tuto el post. No importa se no savarò e morirò sempio. Grazie par ‘verme scoltà. Ciancele.

[sono piccolo ma crescero]

Le robe xe cambiade de qualche anno

A parte medicina, che xe un discorso a parte, le lauree se dividi in tre passi.

a) laurea triennale (dopo tre anni... ma varda là, chi gaveria mai dito). La se chiudi con una tesi e in Italia chi che ga ciapà sta laurea ga za el titolo de dotor. In realtà sta laurea triennale la val poco da un punto de vista pratico, e per mi ghe xe due sbagli: i doveria valorizzarla de più e no i doveria darghe el titolo de dotor, ma un altro. Per ciaparla bisogna far esami (ogni esame ga un voto) e ala fine una tesi, un articolo di solito no tanto elaborà. Di solito se ghe meti più de tre anni per ciaparla

b) la laurea magistrale, dopo altri due anni, Se fa esami, ogni esame ga un voto e ala fine se fa una tesi, più impegnativa, un vero lavor de ricerca. Se ga el titolo de dotor.

c) Se pol far el dotorato de ricerca. Altri tre anni almeno, ghe pol esser esami o no, se partecipa in pien ale atività de ricerca de un grupo. Ala fine se presenta una tesi che saria una relazion sui risultati del lavor fato nei tre anni. Se vien aprovai o meno, ma senza voto, nel senso che sul diploma el voto no ghe xe (anche se i te dà un giudizio su come che te ga lavorà, ma el resta sconto). Te ga el titolo de "Dottore di ricerca" che sarie equivalente al PhD dei paesi anglosassoni. Questo tiolo val assai poco per trovar lavor, ma el val se te vol far la cariera universitaria (i me disi che all'estero no xe cusì).

A Trieste gavemo due università: l'Università degli Studi dove che se ciapa la laurea triennale e magistrale e dove che se pol ciapar anche el dotorato. Ga tanti corsi de laurea, praticamente per ogni gusto.

Poi ghe xe la SISSA (Scuola Internazionale Superiore di Studi Avanzati) che rilascia, credo, solo PhD in Fisica, Matematica, Neuroscienze e forsi qualcosa altro.

[Ciancele]

Grazie Son Piccolo Ma Crescerò per le tue informazioni. Go paura de no eserme spiegà ben. A mi no me interesa saver cosa che se devi far per gaver la laurea. De qualche ano xe anca qua el bachelor e el master. La question iera e xe la tesi e el bacan che i fa per farghe ritirar el titolo de dotor par via del plagio. Ripeto che se pol copiar, basta dir de dove e de chi. Se te disi no xe plagio e se no te disi xe plagio. Par mi xe de rider. I vol far cine e screditar un ministro ch’el moli. Mi credo, e son sicuro, che el fato dela tesi no ghe importi par gnente. I zerca solo un apiglio. ‘lora la mia domanda iera: Xe vero che in Italia ‘ste tesi le pol vignir fate de qualchedun proprio parchè no le ga l’importanza che ‘sti qua i fa veder? Ripeto che, in Germania, me par de ‘ver leto anunci de gente che fa ‘ste tesi. No voio né nomi né gnente, volarla solo saver xe me ricordo ben o se no esisti del tuto. Se esisti, naturalmente soto man. So che la question xe un poco scabrosa, par questo go dito che se la mia domanda pol dar motivo de barufa, se la pol scancelar.

[babatriestina]

No go alba de voi, ma qua me par che i preferissi far o comprar lauree in università strane.. vedi el Trota el fio de Bossi.
Mi so che me go fatto una fadigazza tremenda per una tesi de matematica, che là poco de copiar se ga.. ovio che go ciolto teoremi de libri za scritti perchè pochi xe quei che inventa teoremi novi, ma li go colegai, go messo tute le dimostrazioni dove che le iera fate ala bona, co messo diverse dimostrazioni geometriche e algebriche del stesso teorema.. go dito che libri che go studiado, e me la go batuda a man su carta per far stampe, perchè coi numeretti in alto e in basso che ghe xe in matematica a un certo livello i me gavessi domandado follie. Me ricordo giorni e giorni cole man indolenzide per scriver quela trentina de pagine o quante che iera. Quindi quei che offri mi penso che se offri de trasformar manoscritti ( se esisti ancora) in testi ben impaginai. O de drizzar testi word mal scritti, insoma un lavoro de dattilografi.
Ma zerto che adesso la gente no copia più a man de libri come una volta o se fa fotocopie; i va su internet, i copiaincolla e fa passar per suo. E xe ben probabile che qualchedun fazi istesso per la tesi.
Xe tanta gente che scrivi articoli su Trieste fati semplicemente copincollando roba che i trova su internet.. perfin articoli del nostro forum

[sono piccolo ma crescero]

Alora devo far un discorso razzista...

Te pol aver tesi sperimentali e compilative. Le prime xe in materie scientifiche, ma anche psicologia. Sule tesi sperimentali, che speso vien fate dentro un grupo de ricerca, xe dificile copiar. Se te fa tesi compilative, te pol copiar, ma no te pol copiar (inglese you can copy, but you may not). Le tesi compilative xe spesso lavor de ingrumar in giro material e meterlo insieme con tui commenti; quindi ala base ghe xe un lavor de copiatura. Quando che te copi, da un punto de vista etico e scientifico, te doveria sempre citar de dove che te ga ciolto le informazioni e ghe xe tuta una serie de regole, che no me ricordo più, per meter la bibliografia.

Dopo so che ghe xe un mercato dele tesi comprade: xe gente che scrivi la tesi per ti, basta che ti te gabi soldi e lori fame.

Né lea tesi mia e de mio fio (scientifiche sperimentali) né quela de mia moglie (ahimé letterata) né quela de mia sorela (geografa) xe stade copiade, anzi la tesi de mia sorela la gavemo trovada, dopo, abbondantemente copiada in un libro (a onor del vero con tanto de citazion, però). Per scriver le tesi semo roti la testa per un anno mi, per 4 mio fio che ghe ne ga scrite due, uno mia moglie e due mia sorella.

Dito questo, la pratica de copiar xe bastanza comune e esisti dei servizi a pagamento che fa la ricerca per saver se una tesi xe copiada o meno.
http://www.compilatio.net/it/

E dopo esisti le università in giro per el mondo (e anche in Italia) dove che te paghi e te ga el titolo. Co iero mulo iera i liberali che voleva cavarghe el valor legale al titolo de studio. E noi se incazzaavimo con lori. Oggi me domando se non saria el caso de cominciar a pensar a una soluzion del genere. No go dito che son favorevole. Digo che me piaseria discuterne, serenamente.

[Ciancele]

Mi credo che se posi serar, parchè no xe che me riguardi o interesi tanto. Ripeto che el problema xe la politica. Per butar zo un, ministro o comunque papavero, i zerca el pel inte l’ovo. Sicome che no i trova o no i ga trovà gnente, i se ga tacà ala tesi. Chi che ga fato la laurea o el diploma, ga dovesto studiar. La tesi vignuda dopo xe, se go capì ben, un compito in clase par far veder che se ga capì la materia. Par far la tesi no se va a scola e imparar qualcosa che i soli diplomai no ga imparà. Se uno no xe dotor, e no i lo pol ciapar par via dela tesi, i va in zerca de fature de alberghi e ristoranti pagade de altri. Insoma metodi non proprio cavalereschi. Uno imbroia se semianalfabeta el crompa un titolo de dotor, ma no so dove che imbroia chi che par far la tesi devi prima far l’esame de diploma e naturalmente pasar.
Praticamente se conferma che i zerca solo barufa per screditar gente che politicamente disturba. Un grazie a Baba Triestina e a Son Piccolo Ma crescerò. Per dirla ala Baba Triestina: Sono un po’ cinico e disincantato.

[sono piccolo ma crescero]

E adeso i la ga con una baba, dotora e ministra. Sicome che no i sa come darghe contro, i zerca se nela tesi la ga copià. El problema xe che se pol copiar, te devi solo dir de dove e de chi.

Ogi la notizia xe anche sui giornai italiani (e la baba, dotora, ministra, xe la ministra ... della pubblica istruzion e la gaveva dito che la se vergognava quando la gaveva savù che un altro colega gaveva copià la tesi)...

http://www.repubblica.it/esteri/2013/02 ... ef=HREC1-9

[mandi_]

Mia figlia si è recentemente laureata (laurea triennale)ed ha quindi presentato un tesi. Mi ha detto che all'università avevano un sistema per appurare qualsiasi tipo di copiatura da elaborati altrui e perciò non si è azzardata a copiare neanche mezza riga. Era tutto di testa sua, in base agli studi e ricerche fatti.
Idem per la imminente tesi finale (ultimi due anni).
Una cosa che si è trascurato di dire è che qui in Italia richiedono anche svariati mesi di tirocinio gratuito, che di fatto è lavoro gratis di cui fruiscono le varie Università.

[sono piccolo ma crescero]

Non dobbiamo dimenticare che da quando si è dottorata ad oggi saranno passati degli anni, non so quanti; anni fa era più difficile individuare copiature; bastava farlo da testi non troppo popolari, per esempio da un'altra tesi di laurea di un'altra università (oggi vengono messe tutte on line, per cui se si vuole, si trova facilmente la frode); fino a pochi anni fa tutti i testi erano solo su carta e bisognava che uno conoscesse la fonte della copiatura per individuarla. Oggi invece, internet ha facilitato la copiatura, ma ha messo anche a disposizione strumenti più potenti di controllo, basta volerli usare.

Ricordo, nel mio piccolo, che due alunne mi presentarono una tesina per l'esame di stato. La leggo... mah, chi avrebbe detto che due ragazze da discoteca avessero su certi temi posizioni da "no global". Vado avanti nella lettura e ad un certo punto trovo un errore di ortografia: "esperenziale" invece che "esperienziale". Già mi sembrava strano che conoscessero la parola. Comunque, Google is your friend, ho cercato la parola con l'errore di ortografia ... ed ho trovato sul web la tesina!

[Ciancele]

Son Piccolo Ma Crescerò ga scrito che la notizia del ritiro del titolo dela baba gnoca xe rivada anca sui giornai vostri. Ripeto che a mi me importa poco. Quel che me disturba xe el modo. Par mi no xe che i xe contro el plagio, la copiatura de testi scriti de altri, ma che i zerca qualsiasi ciodo par discreditar l’altro partito. Lori no ga probabilmente ‘sti problemi, parchè par che no i gabi dotori. Chi la fa l’aspetti, se disi par talian. E difati iera una baba che gaveva bone probabilità, e xe stadi i altri a zercar el pel e trovarlo. Quel che xe bruto che tuti vol eser al comando, a qualsiasi costo. Parchè? Parchè, come diseva i nostri amici del porto, là xe libo.

[sono piccolo ma crescero]

Ecco, Ciancele, la risposta

http://archiviostorico.corriere.it/1996 ... 5454.shtml

[Ciancele]

Sero el topic e penso che gavarè leto che la baba ga dà le dimisioni. Adeso la xe senza un, parchè go leto che par che come pension ghe speti forsi 13mila euro al mese: 26 milioni dele nostre vece lire (pardon: dele vostre). Par che la ciapi anca qualche soldin (se parla de gnanca 186mila euro) per tirar ‘vanti fin che la trova un altro lavor. Credo che anca in Italia esisti dite che dà in afito personal. Adeso, senza laurea e no più tanto giovine, la gavarà però più problemi a trovar lavor.
Una domanda OT: No gavaria costà meno tignirsela?

[Ciancele]

Volevo serar co’ le lauree, ma stamatina go leto sul giornal che un vol controlar se la nova baba, laureada, la ga copià anca ela. Xe un che se ga meso in testa de controlar tuti. Sta gente viene ciamada qua der schwarze Scheriff = Lo sceriffo nero. I se alza la matina, i ciol carta e biro e i va in giro par le strade. I nota tuti quei che parchegia in zona vietata o che i va contro qualche altro divieto. La contravenzion xe sempre giusta, ma no xe afari de lori. I se rompi ... la testa pai altri.

[babatriestina]

voi savessi quante dele nostre foto del forum vedo in giro copiade per internet, e pochi che disi dove che i le ga ciolte.. anzi i le rifila per scancelar el logo.. i diseva che sarà a diffusio del saver, e inveze xe la diffusion del copiar. Passi le foto, che xe quel che xe, ma i se copia anche notizie e storie, spesso senza controlar se xe vero.. E qualchedun fa aposta a scriver bugie , sopratutto per sputanar quei che no ghe piasi, perchè intanto le bugie gira, la gente la ciapa per vere, po vien fora che no, ma intanto i ga leto tuti, po " no xe funo senza arosto".. insoma la version digital de calunniate calunniate qualcosa resterà. Propio per el uso de copiar. Che po in Italia i se ga sempre vantado de copiar.. perchè se xe furbi e se se fa bei cola fadiga dei altri.