FELIX GERMANIA

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Paese che vai usanza che trovi.
Nadal xe pasà, e se pasà anca el tempo andove che se porta indrio in negozio i regali. El tempo de el SOS xe pasà. A quando el prosimo? Voi domandarè: SOS? Save our souls? Cosa centra SOS con Nadal? Xe vero che SOS xe un acronimo, ma no de save our souls. SOS xe un acronimo gnoco e vol dir Schlips Oberhemd Socken. Par talian se podaria tradur con “I 3 C”. C.C.C. = Cravata Camisa Calzini. El clasico regalo de Nadal.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Come che go dito, semo in tempo de elezioni: campagna eletorale, che rompi le .... scatole. No go trovado gnente che fazi rima. Con campagna, naturalmente. Tuti se la ciapa co’ l’american, parchè ch’el fa quel ch’el ga promeso prima dele elezioni. Se sa che i altri prometi e no mantien. E ‘sto disgrasià de american mantien. El ga imbroià. No’l ga alba de politica. E anche i omini politici no sa più cosa far. I se lamenta. I disi: se no mantignimo semo porchi, se mantignimo semo ..... I se domanda cosa che i vol ‘sti eletori. I zerca solo barufa.
Qua i mati piansi e i disi che i ga l’impresion che la gente sia stufa e stanca de ‘sto teatro e par quel ‘sai pochi va a votar. Mi no capiso come che se posi no ‘ver fiducia intal governo. I xe cusì boni e cusì cocoli. I se sacrifica par noi e noi semo ingrati.
De l’altra parte i ne ciapa tuti par moni (cretini) e i credi che no se inacorzemo. Veramente i sa che noi se inacorzemo, ma no i ne ga gnanca pal ..... Un argomento che taca xe i profughi. I vien qua, se ghe dà de magnar e bever e i se comporta mal. Xe un che ga ciapà do ani cola condizionale, e el disi che no se pol butarlo fora parchè no’l xe in buso (prigione), parchè che el ga la condizionale. I ialtri, no profughi, che i ciapa una condana de do ani i va drento. E subito. I conta che la costituzion no permeti de sbater via ‘sta gente e adeso i vol far una lege che permetesi el folio de via. Ameto che la preson no xe bel, ma per zerta gente vol dir magnar e bever ogni giorno sensa lavorar. Dove xe posibile una roba compagna? La risposta xe facile: in Germania. I ghe dà soldi per incoragiamento se i va via. Dove xe posibile una roba compagna? La risposta xe facile: in Germania. E podaria far tante altre domande. I disi: Li sbatemo fora. La domanda xe: Ma dove? No se pol lasarli morir de fame e no xe solo un. Xe un mucio e ‘sto mucio costa soldi. Anzi soldoni. I paesi de ‘ndove che i vien i xe contenti che 'sta gente xe fora dele ..... scatole. Adeso i xe dacordo de ciorli indrio, ma i spera che la Germania che daghi soldi in cambio. E par tuto questo dovemo ringrasiar i nostri omini politici, tanto cocoli.
L’ultima: El candidato socialista ga dito ala television ch’el sa che i ga fato sbali e i domanda scusa. Par gnoco se disi: Wo gehobelt wird, da fallen Späne. Che saria: Dove si pialla, si hanno trucioli. Par talian forsi: No xe posibile far una fritaia sensa romper i ovi. El ga dito: Ma bisogna coregere ‘sti sbali. E tuti se domanda parchè che no i coregi.
La colpa xe probabilmente dele scole, che no i fa più tanto latin come prima. Go leto in internet che esisti la parola res publica, che saria che ‘sta roba xe de tuti. La Germania xe una res publica, roba de tuti. E tuti, tuti quei che pol, i ciol più che i pol. Tanto xe de tuti. Un francese ga dito: L’état c’est moi. Saria forsi più giusto dir che l’état semo noi. E i partiti xe nostri servi che dietro un certo compenso i fa che tuti funzioni. Come l’aministrator de una casa che no'l xe el paron, ma solo una specie de portinaio. L’unica roba che funziona xe inveze par quel no se sa par chi votar. Tanti ani fa, almeno otanta, a Trieste, co’ se parlava del bieco ventenio, se sentiva dir che se dovaria impicar el più bon coi budei del più cativo.
Legendo el giornal, no xe paese che no sia diverso. Adeso savè parcosa che se disi mal comune mezo gaudio.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: FELIX GERMANIA

Messaggio da Piereto »

Bravo Ciancele "Lo Stato semo noi", solo che semo noi in uno stato.... pietoso sia perchè ogni giorno che pasa i ne conza mal, sia perchè no savemo o no podemo reagir. Ma anche lo Stato co la esse maiuscola ( quel italian) xe in uno stato pietoso. No se sa più chi che comanda e stemo afogando in un mar de debiti, e in più gavemo un che ogni giorno ne disi che dovemo perdonar. Se vedi che anche lu el gà tanto de farse perdonar, e nol parla mai de giustizia ma solo de misericordia.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: FELIX GERMANIA

Messaggio da Piereto »

Me par de viver tra dei sbalestradi. Ogi i ga dito che gà aumentà l'inflazion (in Italia) grazie anche a la BCE , e par che tuti sia contenti, cioè la cricca dei mas media. Se aumenta l'inflazion vol dir che le robe costa de più, e i gà calcolà che sto anno ocorerà per viver tra i 400 e i 800 euro in più all'anno. Ma chi ne darà sti altri bori ?. Nisun. Vol dir che saremo tuti più poveri. Me par proprio che semo governadi da incoscenti e sciopai de bruto.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: FELIX GERMANIA

Messaggio da Nona Picia »

Te se dimentichi che i ga dito anche che Trieste xe la cità dove che l'inflazion xe più alta de tute....


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Prego i sigg. moderatori di cancellare il mio post precedente e sostiruirlo con il seguente:

Come che go dito, semo in tempo de elezioni: campagna eletorale, che rompi le scatole. No go trovado gnente che fazi rima. Con campagna, naturalmente. Tuti se la ciapa co’ l’american, parchè ch’el fa quel ch’el ga promeso prima dele elezioni. Se sa che i altri prometi e no mantien. E ‘sto disgrasià de american mantien. El ga imbroià. No’l ga alba de politica. E anche i omini politici no sa più cosa far. I se lamenta. I disi: se no mantignimo semo porchi, se mantignimo semo ..... I se domanda cosa che vol ‘sti eletori. I zerca solo barufa.
Qua i mati piansi e i disi che i ga l’impresion che la gente sia stufa e stanca de ‘sto teatro e par quel ‘sai pochi va a votar. Mi no capiso come che se posi no ‘ver fiducia intal governo. I xe cusì boni e cusì cocoli. I se sacrifica par noi e noi semo ingrati.
De l’altra parte i ne ciapa tuti par moni (cretini) e i credi che no se inacorzemo. Veramente i sa che noi se inacorzemo, ma no i ne ga gnanca pal ..... Un argomento che taca xe i profughi. I vien qua, se ghe dà de magnar e bever e i se comporta mal. Xe un che ga ciapà do ani cola condizionale, e el disi che no se pol butarlo fora parchè no’l xe in buso (prigione), parchè che el ga la condizionale. I ialtri, no profughi, che i ciapa una condana de do ani i va drento. E subito. I conta che la costituzion no permeti de sbater via ‘sta gente e adeso i vol far una lege che permetesi el folio de via. Ameto che la preson no xe bel, ma per zerta gente vol dir magnar e bever ogni giorno sensa lavorar. Dove xe posibile una roba compagna? La risposta xe facile: in Germania. I ghe dà soldi per incoragiamento se i va via. Dove xe posibile una roba compagna? La risposta xe facile: in Germania. E podaria far tante altre domande. I disi: Li sbatemo fora. La domanda xe: Ma dove? No se pol lasarli morir de fame e no xe solo un. Xe un mucio e ‘sto mucio costa soldi. Anzi soldoni. I paesi de ‘ndove che i vien i xe contenti che 'sta gente xe fora dele ..... scatole. Adeso i xe dacordo de ciorli indrio, ma i spera che la Germania che daghi soldi in cambio. E par tuto questo dovemo ringrasiar i nostri omini politici, tanto cocoli.
L’ultima: El candidato socialista ga dito ala television ch’el sa che i ga fato sbali e i domanda scusa. Par gnoco se disi: Wo gehobelt wird, da fallen Späne. Che saria: Dove si pialla, si hanno trucioli. Par talian forsi: No xe posibile far una fritaia sensa romper i ovi. El ga dito: Ma bisogna coregere ‘sti sbali. E tuti se domanda parchè che no i coregi.
La colpa xe probabilmente dele scole, che no i fa più tanto latin come prima. Go leto in internet che esisti la parola res publica, che saria che ‘sta roba xe de tuti. La Germania xe una republica, roba de tuti. E tuti, tuti quei che i pol, i ciol più che i pol. Tanto xe de tuti. Un francese ga dito: L’état c’est moi. Saria forsi più giusto dir che l’état semo noi. E i partiti xe nostri servi che dietro un certo compenso i fa che tuti funzioni. Come l’aministrator de una casa no xe el paron, ma solo una specie de portinaio. Tanti ani fa, almeno otanta, a Trieste, co’ se parlava del bieco ventenio, se sentiva dir che se dovaria impicar el più bon coi budei del più cativo.
Legendo el giornal, no xe paese che no sia diverso. Adeso savè parcosa che se disi mal comune mezo gaudio.

Grazie e cordiali saluti.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Piereto ha scritto: Bravo Ciancele "Lo Stato semo noi", solo che semo noi in uno stato.... pietoso sia perchè ogni giorno che pasa i ne conza mal, sia perchè no savemo o no podemo reagir. Ma anche lo Stato co la esse maiuscola ( quel italian) xe in uno stato pietoso. No se sa più chi che comanda e stemo afogando in un mar de debiti, e in più gavemo un che ogni giorno ne disi che dovemo perdonar. Se vedi che anche lu el gà tanto de farse perdonar, e nol parla mai de giustizia ma solo de misericordia.
I se dismentiga de dir a chi e cosa se devi perdonar.

Legendo el mio post me go inacorto che una fase (L’unica roba che funziona xe inveze par quel no se sa par chi votar) no ga senso e difati go pregà de stricarla. No so come xe sparide do parole.

Ve conto l'ultima: Ani fa i deputati in genere i ga dito che i tira tropo curti, che la posizion xe de paragonar ai grosi capi de l'industria e i se ga aumentà i soldi. Adeso i disi che i capi de l'industria, i CEO (Presidenti del consiglio di gestione) i ciapa tropi soldi e i volaria meter un limite. No più de zinquanta volta la paga de un impiegato. Rivemo anca cusì a 2 o 3 milioni a l'ano. Me par che anca in Italia el consiglio di gestione xe a tempo, a contrato. Come i alenadori dele squadre de balon. Par quel i ciapa tanti bori. Scometo che i se aumenta de novo.


Avatar utente
sono piccolo ma crescero
cavalier del forum
cavalier del forum
Messaggi: 8684
Iscritto il: ven 11 mag 2007, 14:08
Località: Trieste

Re: FELIX GERMANIA

Messaggio da sono piccolo ma crescero »

Cambio discorso...

Ciancele, xe vero quel che i disi qua? http://www.repubblica.it/tecnologia/201 ... P2-S1.4-T1

Se sì, sta atento a quel che te scrivi, perché noi 50 milioni de euri no li gavemo, gnanche se impizemo la stampante a colori e la femo lavorar per una setimana... :-D :-D :-D


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

sono piccolo ma crescero ha scritto: Cambio discorso...
Ciancele, xe vero quel che i disi qua? http://www.repubblica.it/tecnologia/201 ... P2-S1.4-T1
Se sì, sta atento a quel che te scrivi, perché noi 50 milioni de euri no li gavemo, gnanche se impizemo la stampante a colori e la femo lavorar per una setimana... :-D :-D :-D
Xe vero fina a un certo punto. I la ga con facebook parchè no'l ga scancelà una roba. Basta scancelar e tuto finisi. Ma le fake news xe una roba diferente. I ga dito che el presidente american, insoma le sue elezioni, xe stade trufade de fake news. I ga paura che anca le elezioni gnoche vegni trufade de fake news (scusa se scrivo cusì pian, ma devo star 'tento co' scrivo fkae). Mi scrivo solo roba copiada de giornai. Un consilio: Scancelè subito quel che scrivo e gavè un pensier de meno. ;--D


Avatar utente
sono piccolo ma crescero
cavalier del forum
cavalier del forum
Messaggi: 8684
Iscritto il: ven 11 mag 2007, 14:08
Località: Trieste

Re: FELIX GERMANIA

Messaggio da sono piccolo ma crescero »

La stampa. in general, fa veder la politica come un incontro de calcio: mi tegno per Trump, mi per la Merkel, mi me piasi Trudeau, e a mi me piasi Renzi ...

Segnalo sto articolo qua
http://www.limesonline.com/cartaceo/il- ... -P3-S3.4-L
sui rapporti tra Italia e Germania. El xe un poco un maton, ma la rivista, LIMES, che lo ga publicà xe una rivista seria e el dà molte notizie che ne pol iutar a farse qualche idea in più. Dopo faremo sempre el tifo per Trump, Merkel o Renzi, ma gaveremo qualche informazion in più.

Ah, se parla anche de Trieste, poco ma se parla.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Fioi, una bona. Qua i fa la giornada dei c....... (pardon, volevo dire una Gay Pride Parade) che dura tre giorni. No xe questa la bona notizia, ma che el comun dà a ‘sti ‘sti ‘sti (scusè, no me vien inamente el termine par triestin) boni putei una sponta de diese mila euro per la sfilata. I ga deciso anca, ma solo par ‘sti tre giorni, de cambiar l’ometto verde del semaforo pedoni con do ometti o do omette rosa che se tien par man. Mano in mano xe la prima fase de l’amore. Ve imaginè de dover traversar la strada e spetè i ometi o le omete rosa? Xe due cità, divise de un fiume, e i sindaci xe gay. I se disi un co’ l’altro: Ti te son de l’altra sponda. E riddderr!! Ridemo anca noi. Par no pianser.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: FELIX GERMANIA

Messaggio da babatriestina »

se vedi che i ga voia de far carneval più volte al anno. Ma anche qua elCoriere della sera no perdi ocasion per contarne de ste coppette. E un mio amico quasi ottantene che mi consideravo vecio scapolo par che se ga deciso a sposarse col suo compagno più giovine. Imagino per questioni legali de eredità..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Quei do no i xe i soli in politica. El problema xe che se ga l'impresion che par far cariera, almeno in qualche setor, se devi eser .....


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Ogi go leto sul giornal che i profughi disi de eser gai, cusì no i li pol scazar indrio, parchè là nel paese de lori i vigniria tratai mal. Esendo gai, par salvarghe la vita no i li manda indrio. ‘lora tuti quei che riva qua i disi de eser gai. Un letor ga scrito sul giornal che no pol eser che tuti xe gai e che bisognaria veder se xe vero. Ma come? Bon, mi savaria come. ma i me scoltasi? :arf2_140:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

Me la devo ciapar o mal comune mezo gaudio? In un paese, no digo qual parchè se no i me condana per gaver trasmeso segreti a l’estero, la posta funziona par modo de dir. Xe vero che le letere xe sempre meno, noi le imbusemo co’ volemo noi e lori i le porta co’ i vol lori. I postini xe in gran parte nati in altri paesi e co’ i ga una letera in man e no i riva a leger l’indirizo, xe caligo. Ma la posta de questo paese, che no conto qual, conta a tuti che bravi che i xe. Chi si loda si imbroda, si usa dire dalle nostre parti. Forsi anca voi gavè qualche paese che no podè contar el nome. Come funziona la posta in questo paese? Che problemi ga i abitanti de questo paese?
No xe né urgente né importante. Xe pintosto un sfogo.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: FELIX GERMANIA

Messaggio da babatriestina »

mah qua i ca cominciado col dir che el postier vegnerà ogni secondo giorno. e difatti xe cussì. Però la posta seria vbien per racomandata, altra posta con poste private...


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8684
Iscritto il: ven 11 mag 2007, 14:08
Località: Trieste

Re: FELIX GERMANIA

Messaggio da sono piccolo ma crescero »

Mio fio un pacheto ghe xe rivà con un mese e mezo de ritardo. A mi l'anno scorso un pacheto ghe ga messo da novembre a marzo.

ALora le aziende se rivolgi ai privati e infatti... no me riva più le bolete dela luce aqua e gas (però i soldi in banca i se li ciol istesso).

Ormai per le poste consegnar la corispondenza xe un costo che no ghe ne pol fregar de meno. Pensa che una volta la notifica dela racomandata fazeva fede: scadeva el 30 i me ga recapità el 31, son ancora in tempo. Deso no xe più cusì: scadeva el 30 e i te ga recapità el 31? .... "Fatti" tui!


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: FELIX GERMANIA

Messaggio da Piereto »

Podemo solo lamentarse perchè chi struca i botoni in tei piani alti no vol cambiar i sistemi farlocchi che ne governa , o forsi noi sa come cambiar sistema (affermazione benevola). Una roba xe sicura, i piani alti continua a risparmiar sui costi e i bori ghe va a lori in scarsela. Una volta esistiva le poste nazionali e le gaveva el monopolio, e le robe ben o mal funzionava, ma aumentando el numero dei disoccupadi se ga ciolto anche gente che no gaveva voia de lavorar, e se ga creado posti nella pubblica amministrazion, appesantindo le strutture con regole perverse. Paradossalmente le poste funzionava meio quando che iera montagne de lettere ogni giorno. Iera sempre qualcosa che andava perso o ritardava ( fisiologia del funzionamento). Esistiva un servizio postale ferroviario efficente e ogni provincia d'italia gaveva la sua stazion ferroviaria (tranne Potenza che ga la stazion ma no riva i binari). Oggi una lettera che mi ghe spediso a BT va prima a Padova e po la torna a Trieste. Le Poste xe diventade un efficente servizio bancario remunerativo per lore , e anche questo servizio funziona cusì e cusì. Bancopostamat impreciso e file enormi ai sportei. La parola d'ordine dei piani alti xe oggi privatizzar o esternalizzare cioè tornar a doprar strutture con pochi schiavetti dipendenti magari profughi perchè i italiani no ga voia de far lavori sottopagadi. E i piani alti continua a far bori. Anche mi me sfogo come Ciancele.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: FELIX GERMANIA

Messaggio da Piereto »

Oggi gavemo una babele de spedizionieri postali e la posta certificata. Semo sommersi da password, Pin e Puk, e presto no dopreremo più la carta moneta, cusì sarà più facile portarne via i bori.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: FELIX GERMANIA

Messaggio da Ciancele »

sono piccolo ma crescero ha scritto: Mio fio un pacheto ghe xe rivà con un mese e mezo de ritardo. A mi l'anno scorso un pacheto ghe ga messo da novembre a marzo.
Spero no sia 'ndà gnente de mal (deperito). :cheezy_298:
sono piccolo ma crescero ha scritto: Ormai per le poste consegnar la corispondenza xe un costo che no ghe ne pol fregar de meno. Pensa che una volta la notifica dela racomandata fazeva fede: scadeva el 30 i me ga recapità el 31, son ancora in tempo. Deso no xe più cusì: scadeva el 30 e i te ga recapità el 31? .... "Fatti" tui!
Mia fia xe nera par questo. No i aceta più el ripristino e i ghe ga dito che xe ela che se devi interesar de ciapar la posta. La ga risposto che bisognaria saver come che se fa a saver che se ciaparà posta. I ghe ga ridù in muso.
Mio fio, in un paese più picio, ciapa la posta (letere) ogni tanto. Par quel el ga una caseta sua e el pasa la sera a veder se se rivà qualcosa.
I pachi inveze no. Però spedizionieri (DHL ecc.)! E onesti! :clapping_213: Go mandà sariese e el strucolo de compleano e i pacheti no i xe stai verti.


Torna a “Atualità non triestine”