TURCHIA

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4742
Iscritto il: gio 28 lug 2011, 22:30

TURCHIA

Messaggio da Ciancele »

Se dà fastidio scancelè. No moro se no so. Xe la question dei turchi. El mato disi che no’l farà una roba se no se ghe permeti ai turchi de vignir in Europa senza el visto. Anca mi ghe dago ragion, parchè no capiso parchè che no se voli lasarli vignir anca senza visto. Ma forsi, come che digo sempre mi, el problema xe un altro. Se i vignisi a Trieste solo par ‘ndar a Bolunz a rampigar o sula strada del vino per farse l’otavo de Teran o a Trieste par magnar una de crodighin de quel che savemo (par chi che no sa: Pepi s’ciavo :roflmao_155: :36_1_51:), no saria gnente de mal. Ma dopo ghe piasi tanto che no i vol più ‘ndar via. E xe questo che fa paura. Secondo gogle la Turchia ga 75 milioni de abitanti. Xe solo quei in Turchia o anca quei fora? La mia domanda: Se i tira via el visto, quanti abitanti gavarà la Turchia tre giorni dopo?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: TURCHIA

Messaggio da babatriestina »

A magnar porzina i Turch no dovessi vegnir assai, se i xe boni musulmani. E tanti xe za , in Germania. Tanti anni fa ancora , andando zo per le Jugo( iera ancora) verso la Turchia vedevimo tante machine targade D che andava zo.. no iera cruchi iera i Gastarbeiter turchi che andava a casa in vacanza...

la Turchia xe in posizion strategica e sta fazendo zogheti.. disemo anche un poco de ricattini... se no me dè quel che domando, ve scarigo tuti i profughi che viene de noi. Se ne dè.. domando ancora e se no... etc etc.. xe la mia impression...


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: TURCHIA

Messaggio da Piereto »

Erdogan xe un furbon, e xe come che te disi anche ti, el tira fora tuta una serie de ricati nei confronti dei europei per aver man libera de far quel che el vol : el ritorno dell'impero ottoman egemonico sul vicino oriente. Al diavolo Iraniani, Sauditi , Israele, Americani e Russi. Ghe piasi far el paron. Come Ataturk ga fato coi Armeni e greghi de anatolia, cusì el tenta coi Curdi e co la Siria de Assad. E l'Europa continua a vender armi frigoriferi e porsche e corerghe drio ai petrodollari, e ......a tininirse per i prossimi venti ani milioni de profughi, che no xe turchi ma sempre de quela fede religiosa.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

Sarò breve, contava quel che cominciava de Adamo e Eva.
Prima se diseva: Meo soli che male acompagnati. Dopo la guera xe vignù fora che no se pol star soli. O con un o con l’altro. Un iera America, l’altro iera la Rusia. El nostro Jozip se ga trovà a sto bivio. El se gavarà domandà: Cosa fazo? Penso che el gabi leto una poesiola de un ignoto poeta (o noto forse a pochi iniziati) che diseva tra l’altro: ... se ti va con Tito bel no ti gvadagni neč e ti ciapi piade. E cusì el se ga meso con l’America. Par mal che la vadi, el se ga dito, meo quel che pezo.
Anca i turchi ga la sielta: O America o Cina (o Rusia). Par poder giudicar ben bisognaria veder quanti döner kebab xe in Cina o in Rusia. Del moto che poco xe sempre più de gnente, se podaria dirghe: Cici, no ‘sta spander. Contentite de l’onesto. E anca del disonesto, se se vol. Ma no ocori calar le braghe.
Se el mato xe masochista, ‘fari sui. Noi un pensier de meno.
Penso che anca i cinesi i vada a scola e i impari che conquiste teritoriali no xe più de moda. I japonesi ga conquistà mezo mondo con l’eletronica, machine e sushi. I rusi con vodka, boršč e soljanka. I cinesi con una zaia de roba made in China. No ocori mandar soldai. Se el mondo ga soldi, el compra roba. No el xe sensa patus no crompa neč. Par quel credo che pa’l momento a nisun ghe interesi una guera, granda, mondial. Mi almeno la vedo cus


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

Rivolta in Turchia
Qualchedun se ga stufà del mato e el ga zercà de butarlo zo. Devo che el rompeva. Qualche ano fa iera le elezioni e el mato ga dito che quel no devi vignir eleto. Insoma bisognava domandar el suo permeso per votar par un. Mi go scrito al governo disendo che la roba più semplice, par no far barufa dopo, iera de far votar i turchi inveze dei gnochi. No capiso parchè dopo gavemo dovesto votar noi. Po el xe vignù un per de volte in Germania far discorsi ai turchi disendo che i devi votar par lu. I più veci se ricorda forsi dele adunate oceaniche in Piaza Venezia. A Roma, no a Trieste. No’l ghe la ga fata e el mato fa arestar una zaia de gente e vol gaver de novo la condana a morte. No so, forsi xe la data de ogi che a mi, vecio veceto, me fa ricordar zerte robe: 20 luglio 1944, l’atentato a Hitler. Un mucio de lori xe stai arestai e i li ga impicai. Lui* podeva far impicar la gente parchè lu el iera ditator. El turco inveze xe democratico, liberale e chi sa cosa ‘ncora e el ga adeso la posibilità de dimostrarlo, de dimostrarse magnaanime nei confronto dei altri. Inveze de fucilarli, negarli o impicarli, el podaria farghe scriver (a man, senza copia-incolla) 100 volte Non devo fare sommosse. Cusì xe tuti contenti: el turco cola punizion e i turchi che no ocori che i pindoli. Cosa ve par?
* Se go scrito Lui maiuscolo no xe per apologia, ma parchè la prima parola de una frase se scrivi sempre maiuscola. :36_11_6:


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: TURCHIA

Messaggio da Nona Picia »

Ciancele ha scritto:Rivolta in Turchia
Q. El turco inveze xe democratico, liberale e chi sa cosa ‘ncora e el ga adeso la posibilità de dimostrarlo, de dimostrarse magnaanime nei confronto dei altri. Inveze de fucilarli, negarli o impicarli, el podaria farghe scriver (a man, senza copia-incolla) 100 volte Non devo fare sommosse. Cusì xe tuti contenti: el turco cola punizion e i turchi che no ocori che i pindoli. Cosa ve par?
* Se go scrito Lui maiuscolo no xe per apologia, ma parchè la prima parola de una frase se scrivi sempre maiuscola. :36_11_6:
Ti te disi che el turco xe democratico, sicuramente te se ne intendi più de mi.....ma mi me par che el ghe somiglia de più a un ditator hitlerian....


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

Nona Picia ha scritto: ..... Ti te disi che el turco xe democratico, sicuramente te se ne intendi più de mi.....ma mi me par che el ghe somiglia de più a un ditator hitlerian....
Nona Picia, se vedi che te son un de quei che credi a tuto quel che conto. El democratico iera ironico. Go ripetù quel che el disi lu de eser. El se ga dismentigà de dir che el xe anca sparagnin, parchè ieri sul giornal i diseva che se el meti tuti in preson bisogna che el ghe daghi de magnar e dormir e lu no ga tanti soldi. El domanda la pena de morte par sparagnar, pa’l bene dela patria.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: TURCHIA

Messaggio da Nona Picia »

Eh zà ! Chissà se funzioneria...a gente come lui i soldi per el popolo ghe manca sempre e comunque....purché lori possifar la bela vita!
.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Piereto
eximio
eximio
Messaggi: 2935
Iscritto il: ven 24 set 2010, 19:38

Re: TURCHIA

Messaggio da Piereto »

Stemo a veder quanto che Erdogan el dura. Cerco che i turchi gà dei bei problemi : come conciliar la laicità e la libertà de pensiero e una economia de mercato con i precetti islamici, i vari imam affamadi de gloria, e lu gran pascià.. Ataturk, el pare della patria, gaveva risolto in parte el problema. Liberarse de la vecia classe dirigente e far fora i imam, e eliminar i contrasti interni dovudi dalle minoranze. Eliminar i Armeni., copar un pochi de Curdi, e butar fora i Greghi dall'anatolia. Grande dittator con tanti morti sulla coscenza, un bel pare. Certo come che i turchi xe mesi adeso mai più i entra nella UE, e no so ancora per quanto che i resta ne la NATO. La Merkel inveze li volesi subito dentro ne la UE perchè altrimenti no la sa come far co 7,5 milioni de turchi che la gà in casa. Se po cresi i atentati , e la superproduzion tedesca comincia a no tirar più tanto perchè America e Cina se meti d'acordo, e se ghe zontemo el debito colossale de la deutsche bank che i tenta de sconder, alora forsi la UE se disfa. Finalmente se riverà a far l'europa federale, che poi iera l'idea iniziale dei primi anni 50. Stemo proprio e veder.


Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: TURCHIA

Messaggio da sono piccolo ma crescero »

Piereto ha scritto:... no so ancora per quanto che i resta ne la NATO...
Fin che i controlla l'ingresso e l'uscita del Mar Nero sta tranquilo che i ghe laserà far quel che i vol e i se li tegnerà boni.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

Nona Picia ha scritto: ..... El turco inveze xe democratico, liberale e chi sa cosa ‘ncora e el ga adeso la posibilità de dimostrarlo, de dimostrarse magnaanime nei confronto dei altri. Inveze de fucilarli, negarli o impicarli, el podaria farghe scriver (a man, senza copia-incolla) 100 volte Non devo fare sommosse. Cusì xe tuti contenti: el turco cola punizion e i turchi che no ocori che i pindoli. Cosa ve par?
Ti te disi che el turco xe democratico, sicuramente te se ne intendi più de mi.....ma mi me par che el ghe somiglia de più a un ditator hitlerian.... [/quote]

Nona Picia, scusa se me misio nei afari tui. Ma mi son fato cusì. Go ‘pena magnà. Domanda: Ciancele, cosa te pol gaver magnà? Te ga ragion. Go magnà una fetina de manzo, no granda, sa, la gaveva meno de 30 deca. Compagnada de patatine frite (le famose barchete: pommes belgiques) e de do bisi. Un bicerin (col manigo) de Lagrein e una baleta (pintosto un balon) de gelato con le more de graia. Dela mia graia. E co’ go la panza piena penso a quei che no la ga piena. E go pensado a ti. Ara che el mato ga fato causa per calunia e ofesa a giornalisti che ga dito la stesa roba come ti. I dovarà farghe el proceso. Te te imagini se el mato domanda par ti l’estradizion? I disi che le presoni là no xe bele, e che no vien a trovarte el prete che te porta la Setimana Enimistica o el Picolo. Forsi qualche Picolo vecio, de l’altro ano. Nona Picia, go ‘pena finì de lecar la scudela del gelato. Chi che xe là drento no leca gnente e devi far guera a bacoli e pantigane. Adeso te capisi parchè che mi go dito che el xe democratico, liberale e teceta e teceta. Cusì no’l me pol far causa par ofesa. Al masimo par falso in ati o falsa deposizion. Credime ch’el mato no xe cativo, el xe bon. El xe bon, bon, bon. Solo che noi no lo capimo.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: TURCHIA

Messaggio da Nona Picia »

Te ga ragion Ciancele, el xe bon, el xe bon, anche se novtre volte.... :lol:


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Piereto
eximio
eximio
Messaggi: 2935
Iscritto il: ven 24 set 2010, 19:38

Re: TURCHIA

Messaggio da Piereto »

Stemo a veder cosa che naserà. Se vinzi Trump, e se prima noi lo copa, el gà dito che i USA penserà de più a se stessi, a migliorar i Usa al loro interno e che no se pol crederghe ai musulmani e che l'isis va eliminada. No xe la prima volta che i Usa se disimpegna da una politica espansionistica. Certo a Trump no ghe pol andar che in te la Nato ghe sia i turchi no più laici ma che segui la sharia. El passaggio del bosforo e i Dardanelli xe regoladi da un acordo internazionale de Montraux del 1936 che tien sai a la sovranità turca e poco alla libertà de transito per i stretti. Ricordo che anche el passaggio de Suez xe regolado da un accordo del 1885 ma che nel frattempo xe stada le guerra de 1956 per Suez e oggi i ga costruì un doppio canal, e che quela xe la prima fonte de guadagno per l'Egitto. Resta de veder se una società laica e industriosa, penso ai stabilimenti de la Fiat in turchia e tuta una serie de stabilimenti tessili ligadi all'europa no zerchi , ma sta volta per ben, de far fora el novo pascia Erdogan sostenudo da le masse de pastori della Turchia arcaica.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

Me dispiasi che ‘sta volta no poso condivider la tua opinion. El problema xe che nisun no vol perder l’ocasion per romper. Dopo zento ani far rimproveri ai turchi no ga scopo, come che no gavaria scopo, dopo dozento ani, zigarghe ai americani par quel che i ghe ga fato ai indiani. Qua se disi che tuti ga qualche morto in cantina, che saria che chi sa quando i ga fato i porchi. Chi è sensa pecato ... Bel saria se ogi i lasasi la gente viver. El ruso con la Crimea e l’Ucraina. Me par de gaver leto che in Siria el ruso tien per una parte e i americani par l’altra e tuti ga paura che ala fine no i farà scombater i altri, i provarà vignir al direto cimento. Noi gavemo qua uficialmente tre milioni e mezo de turchi. In verità sarà forsi pintosto zinque milioni. I conta che se i profughi trova lavor, i paga i contributi e cusì se ga soldi par la pension. El problema xe che anca i profughi diventa veci e ciapa la pension. ‘lora se ga bisogno de profughi freschi. Forsi par questo i fa tante picole guere. I tratati xe fati par romperli, ga dito una volta un. Pensa al pato de no beligeranza tra Hitler e la Rusia. E po come xe ‘ndà a finir? I francesi i la ga ‘ncora ogi coi gnochi parchè ‘sti cativi inveze de sfondar la linea Maginot i la girada via Olanda e Belgio. No fair play, i ga dito. Urce! I turchi controla i Dardaneli. Par mi no i controla un tubo. Se i rusi i vol in do giorni i xe sula riviera turca. I turchi ga rioplani che no xe a l’alteza e no go mai visto la potente flota turca del Mar Nero. La Turchia fa de air bag con l’oriente, come Tito prima. Una specie de tera di nisuno. Ve ricordè de Cuba e le basi ruse? Co’ i americani se ga meso a tosir, el ruso xe scampà. Se el fusi cusì forte come che el disi, no’l saria scampà. Insoma se sponzi, ma no sul serio. Par quel digo che tuti, chi più e chi meno, i rompi. Ripeto che se i fa vignir la Turchia ne l’unione europea scampa tuti e el mato gavarà problemi de trovar el quarto pal tresete. Poso sbaliar, ma no credo. La Rusia xe granda, ma no ga tanti abitanti e cusì no la ga soldai par ocupar 4 o 5 milioni de chilometri quadrati. I do o tre fronti dela seconda guera ga rovinà la Germania. Hitler docet, se podaria dir.
No go capido la question dela Merkel e i 7 milioni de turchi. Adeso la ga 7 milioni. Se le frontiere xe verte, la gavarà quatordise. Se no la sa cosa far con 7, la savarà ‘ncora meno con 14.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

Anch’io penso che il signor Erdogan sia un colpo di fortuna per la Turchia. Per il suo popolo vorrebbe molti posti di lavoro sicuri, benessere e l’impero ottomano. Ecco il motivo del suo desiderio di entraredell’Unione Europea. Se la Turchia fa parte dell’EU escono dal paese sicuramente almeno 30 milioni di persone. Tutti naturalmente con doppio passaporto. In questo modo i posti di lavoro rimasti potrebbero essere sufficienti per il resto della popolazione. Per il caso che ciò non fosse, ha introdotto la pena di morte. Correzioni necessarie sono quindi sempre possibili. Anche l’impero ottomano è stato ripristinato. Paesi stranieri con quota turca preponderante. Quasi una conquista.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: TURCHIA

Messaggio da babatriestina »

Ciancele ha scritto:. Se la Turchia fa parte dell’EU
me par ssai poco probabile, fin che ghe xe lu...


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

babatriestina ha scritto:
Ciancele ha scritto:. Se la Turchia fa parte dell’EU
me par ssai poco probabile, fin che ghe xe lu...
Ciao e bongiorno. No credo che sia lu el problema, pintosto el come. E el scopo. Che no xe quel de sentirse europeo, ma de ciapar bori. L'Europa no pol solo dar. Bisogna che qualchedun porti i bori e do o tre i porta tropi pochi. Forsi i se stufarà anca lori un giorno. Bela giornada. Anca qua un poco de sol.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

PASSAPORTO DOPPIO
La questione dei due passaporti mi rammenta di quando ero giovane. Settant’anni fa noi pimpanti teenager avevamo quasi tutti la ragazza. Un padre severo faceva però la guardia ad esse che non potevano uscire la sera. Noi avevamo allora una seconda ragazza di riserva. Tipicamente triestino: Mi go una mula vecia ... O, come mi dicevano i miei amici inglesi, for rainy days. Allo stesso modo certe persone hanno due passaporti. Agente segreti ne hanno addirittura tre o quattro. Di volta in volta si usa il passaporto adatto.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: TURCHIA

Messaggio da babatriestina »

è permesso in tutti gli stati avere la doppia cittadinanza? come funziona se uno ha un passaporto EU ed uno non-EU?


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: TURCHIA

Messaggio da Ciancele »

babatriestina ha scritto: È permesso in tutti gli stati avere la doppia cittadinanza? come funziona se uno ha un passaporto EU ed uno non-EU?
No so, ma qua xe permeso. Nela EU convien forsi girar col pasaporto EU e a l'estero col pasaporto estero. Ma qua i parla tanto de integrazion e do pasaporti xe prova che l'integrazion no funziona. Opinion xe che se un no sta più in un dato paese, el devi interesarse del paese dove che el vivi. No xe dito che'l devi dimenticar el suo paese, solo no votar qua e là.


Torna a “Atualità non triestine”