Brexit

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy. in italiano.
Piereto
eximio
eximio
Messaggi: 2161
Iscritto il: ven 24 set 2010, 19:38

Re: Brexit

Messaggio da Piereto »

Per terminar o cominciar un novo discorso: che Europa volemo?
Tuti i Stati Nazione europei xe stadi abituadi per secoli a far da se per quasi tute le robe, in un regime autarchico. E po i tirava fora el protezionismo per impedir la concorrenza esterna, e cùsì scopiava le guere.
Se se vol l'europa bisogna smantellar i protezionismi interni e soprattutto bisogna rinunciar a delle produzioni interne ai singoli stati. E qua entra in giogo l'economia de mercato. Certe produzioni le risulta essere troppo care in uno Stato e de meno in un altro. E quele più care xe destinade a serar e questo vol dir disoccupai. O se la finisi coi stati nazione che sa far de tuto, o se passa a zone deputade a la produzion interna per tuti i stati e tuto al steso prezo, ma anche paghe uguali per tuti. No se pol produr parmigiano in tuta l'auropa , ma Parma lo produci per tutta europa. Se devi poder decider quanta roba produr, per consumo interno del singolo stato, per consumo de tuti e per la esportazion, e magari affidarlo a zone diverse. Ghe sarà nel tempo dei progressi in certe zone e in te le altre dele recessioni. E qua se inserisi el problema dei profughi , cioè quei interni che scampa da zone che perdi de importanza e i cori come le api sul miel nelle zone produttive. E po ghe xe i profughi extracomuitari in eccesso che no troverà nisun lavor. Mi me domando : riveremo a trovar i politici che sa gestir sta roba?



Avatar utente
babatriestina
Capo postin
Capo postin
Messaggi: 37482
Iscritto il: dom 25 dic 2005, 19:29
Località: Trieste, Borgo Teresiano

Re: Brexit

Messaggio da babatriestina »

Certo, xe de ripensar el Europa... la xe nata dopo la seconda guera e adesso i disi sopratuto per evitar nove guerre fra Francia e Germania. Metendo in comun fero carbon e aciaierie, inveze de farse la guera per ciorsele un co l'altro perchè no le iera tute nel stesso paese.
I stati nazionali xe roba relaticvamente recente, nel complesso dela storia, prima iera dazi, dazi, dazi: ognidun che podeva meteva un dazio, sul pontisel, sul guado.. se te vol pasar cola tua merce per casa mia te devi pozar... e ovio che chi che ciapava gaveva redito de posizion e chi che pagava fazeva po pagar sul prezzo al consumo...
no per gnente i Tedeschi za quela volta ancora prima del far la Germania unida i ga fato el Zollverein union doganale... xe come i prodotti agricoli, al contadin i ghe li paga poco e coi tanti intermediari al consumator ghe costa tanto: i me diseva che le ciliege Vignola, per dir, che o gi go comprado a 9 euro al chilo, s ete se le va a ingrumar direttamente Vignola i te le vendi a 2 euro al chilo.. ma no tuti viagemo e el terziario xe anche sti lavori de trasporto e distribuzion. No podemo vive solod e quel che coltivemo nel orto sotocasa, anche se Maria Teresa gaveva previsto nei regolamente che nel corti dele case del Borgo Teresian ghe stassi un campetto coltivabile.
Made inGermany... savè come che xe nata sta indicazion? almeno cussì la conta i manuali de stroia economica: a fin Otocento i prodotto tedeschi cominciava a farghe la concorenza come qualità a quei inglesi e alora i ga pensado ben, oltremanica, de meter sta scrita per dir Ocio che no xe roba de casa nostra. Solo che i compradori la ga ciapada per indice de qualità :lol:
e cussì anche adesso legemo, almeno mi legio de dove che vien la roba. Per dir, savemo che i vestiti cinesi costa un bianco e un nero anche se ghe paghemo el viagio per rivar dela Cina: perchè dipendi del cambio moneta cinese ( renminbi? xe ancora?)/ euro, che i lavoratori cinesi no ga le protezioni dei nostri, la qualità xe quela che xe, el material xe quel che se.. ben bon: se vestimo tuti coi vestiti dei negozi cinesi? no sempre, perchè vardemo anche ala qualità: no xe dito che el comprador cioghi sempre solo el più bon presso: solo a parità de qualità. E la qualità no la ga tuti. Po xe anche el fenomeno dle lusso: con tuti quei che se ga fato i bori, xe quei che compra roba cara per dir mi posso permeterme.. restando nel abigliamento, Bottega veneta, se gavè visto i prezzi..
Piereto sugerissi de regolamentar la produzion.. ga tentado i sovietici, ma el economia pianificata no so quanto che sia realizzabile con beneficio de tuti. Se pol far o tentar, ma riscia de pegiorar. El Europa ga tentado de far qualcossa dle genere sovenzionando la nostra ( nostra: europea de singoli stati) agricoltura, no so ben come e con quali risultati.. ma me par che i ghe rugna anca per quel.
Mi vedessi un Europa meno regolamentada su tante pignolerie e inveze dei acordi de uniformar tasse, , costi del lavoro.. a mi me va ben presempio che un prodotto sia qualificado " conforme ale norme CEE" anche perchè spero che le sia meno lasche e più affidabili de magari qualche fufignez italian...
i siori che gestissi el Europa dovessi far proposte a riguardo.. so che no xe facile perchè ognidun vol mantegnir quel che ghe fa comodo. Ma se no i se rendi conto che i vien visti solo come regolamentatori e creatori de noe norme inveze che semplificatori no i gaverà sucesso. Per dir una : fissar un tasso de IVA preciso per tuta Europa? sì vol dir ceder un poca de sovranità naziona nel senso de " casa mia fazo quel che e piasi" ma vol anche dir " a casa dei altri me trovo ben perchè gavemo roba precisa e podemo scambiar più facile"


"mi credo che i scrivi sta roba per insempiar la gente" ( La Cittadella)

Avatar utente
babatriestina
Capo postin
Capo postin
Messaggi: 37482
Iscritto il: dom 25 dic 2005, 19:29
Località: Trieste, Borgo Teresiano

Re: Brexit

Messaggio da babatriestina »

per curiosità,riporto de Ansa:
Intanto la petizione per chiedere un nuovo referendum sulla Brexit ha superato il milione e mezzo di firme. Lo si legge sul sito del governo britannico dove sono pubblicate tutte le petizioni che poi vengono sottoposte alla commissione incaricata di valutarle per eventualmente sottoporle al parlamento. Sul sito petition.parliament.uk le firme aumentano di minuto in minuto. Per dare la propria adesione alla proposta basta cliccare su 'sign the petition' e compilare tutti i campi. Naturalmente possono firmare solo i cittadini britannici e i residenti nel Regno Unito. Secondo la mappa pubblicata sul sito, la più alta concentrazione si trova nelle principali città della Gran Bretagna, Londra in testa.

Dal canto suo, la first minister di Edimburgo, Nicola Sturgeon, ha invocato "l'avvio immediato" di negoziati fra l'Ue e la Scozia per "difendere gli interessi" del popolo scozzese, che nel referendum britannico ha votato contro la Brexit a differenza della maggioranza degli elettori del Regno Unito.


"mi credo che i scrivi sta roba per insempiar la gente" ( La Cittadella)

Avatar utente
Elisa
no montar in scagno
no montar in scagno
Messaggi: 3521
Iscritto il: dom 10 feb 2008, 17:27
Località: Argentina

Re: Brexit

Messaggio da Elisa »

...."Ben, ga vinto la Brexit".

Notevole grandiosa loquacità in queste susseguenti utili spiegazioni.
Da qui, ancorata tra i fornelli, mi sono illustrata a puntino.


"Todo lo bueno me ha sido dado"

Ciancele
no montar in scagno
no montar in scagno
Messaggi: 4304
Iscritto il: gio 28 lug 2011, 22:30

Re: Brexit

Messaggio da Ciancele »

La domanda de Son Piccolo Ma Crescerò xe par mi ciara. Tanti ga scrito, ma nisun no ga risposto. Forsi un poco Macondo. Mi no poso gnanca dir cosa che se pensa qua, parchè ognidun ga una opinion diversa. Chi ga ragion? Naturalmente quei che la pensa come mi. SPMC ga domandà: È cambiato qualcosa?
Gnanca mi no rispondo e divago. La question de una moneda sola xe l’invenzion de quei che gaveva clanfa in aritmetica: division e moltiplicazion. La libera circolazion dele persone xe bela, ma qualche volta, anzi tante volte, la rompi. Quela dele merci la ne ga portà pizza, hamburger, döner kebab, cevapcici, sushi, paella. Anca vodka e borst. I inglesi, rusi e spagnoi ga portà inveze robe anca in altri campi. Che no sazia. O forsi sazia, ma no la panza. Tuti i altri i vien solo a scoder. I imigrati. La magior parte xe povara gente che scampa via. Me ricordo che de picio i me portava a veder la gente che magna gelato. Anca noi muleti gavesi volesto magnar una volta un cuciarin de pana e ciculata. I siori ne lasava l’ultimo cuciarin. ‘sta povara gente volesi anxca magnar una tantum un toco de fileto e no solo sempre vardar magnar. Me ricordo nel 1948 in porto al magazin 26 deposito generi alimentari. L’american ga verto col cortelin una scatola de carne, la ga magnada, el ga fato un ruton che no ve conto e l’odor dela carne ne xe rivà intel naso. Po el ga butà via la scatoleta svoda. Purtropo tanti vien qua a far solo libo e i rovina el nome de quei che lavora. Maza, maza, l’è tuto una raza. Far di ogni erba un fascio? Generalizzare? Scegliete voi. Ma xe cusì.
Un fato xe che qua in Europa no gavemo vu più guere. Patufamenti locali, ma no guera. La gente ‘ndava in vacanza. A sinistra xe guera? ‘ndemo a destra. Sicome che no se pol ‘ver tuto, e tuto costa, vardemo quel che costa de meno. Guera o Europa “disunita”? Summa summarum o, par gnoco, unterm Strich. Insoma vardemo la soma soto la strica del totale. Cosa costa de meno? Ve ricordè? Pace armata. Le armi dopo un poco le se rusinizi e te le buti via. Te toca far de novo armi. Mi preferiso un bon parsuto, che se pol usar come clava, ma col parsuto no xe vinzi guere. ‘lora caro armato. Ma caro armato no va ben intel sanduic. Insoma te devi far una sielta. Mi ciogaria el parsuto, ma l’altro, che vendi cari armati, preferisi quei. No stemo dar sempre al colpa a l’omo bianco. L’omo bianco ga dado soldoni e l’omo nero li ga spesi. Ma no in magnar par tuti. I saria bastai forsi per diese de lori. E tuti scontenti. El se ga crompà una Mercedes o do Rolrois. El ga dito che cusì i soldoni xe stai impiegai meio. Almeno una parte iera contenta, quela che se ga crompà qualche machinon.
I inglesi i andarà fora. Tanti disi che i starà pezo. ‘sti tanti xe quei che i vendi ai inglesi sushi ecc. Se la sterlina perdi, el uischi vien a costar meno dela trapa. ‘lora dazi, i altri sora dazi. Ecc. ecc. Uscita irreversibile. L’unica roba irreversibile xe la morte. Mortus est ... Qua, quando che un conta ogi una roba e domani un’altra, se disi: Ieri hai deto questo. E lu rispondi: Cosa vai drio dele monate che go contà ieri. Se convien, i inglesi i torna. E i ciol anca la Rusia e la Cina ne l’euro. Basta che convegni.
Basta anca par mi. Vado a far marenda e leger el giornal sul “Gnocxit”. Sani.



Piereto
eximio
eximio
Messaggi: 2161
Iscritto il: ven 24 set 2010, 19:38

Re: Brexit

Messaggio da Piereto »

i prosimi giorni gaveremo una riunion post brexit ciamada RomParBer , (saria sta meio romparben, ma no xe vignù fora) cioè Renzi Hollande Merkel. Chissà cosa che i partorirà? Conunque i giudici viennesi gà deciso che el voto per posta alle elezioni per el presidente, xe sta controllado sai mal dale comisioni eletorali e che la conta no xe valida. I deciderà nei prossimi giorni se far de novo le elezioni. Qua de noi inveze partirà la raccolta de le firme per l'abrogazion dellart. 75 de la costituzion che ne vieta de far referendum popolari sul accettar o meno la firma del governo su patti internazionali. Cusì forsi tra diese ani poderemo far un referendum quando che no corerà più.



Avatar utente
babatriestina
Capo postin
Capo postin
Messaggi: 37482
Iscritto il: dom 25 dic 2005, 19:29
Località: Trieste, Borgo Teresiano

Re: Brexit

Messaggio da babatriestina »

ma se pol in Italia abrogar un articolo dela Costituzion?
o bisogna far prima una lege che permeti ai referendum abrogativi de riferirse anche ala costituzion, Se no cossa, cambiemo la costituzion a colpi de referendum...?


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 4304
Iscritto il: gio 28 lug 2011, 22:30

Re: Brexit

Messaggio da Ciancele »

babatriestina ha scritto: Ma se pol in Italia abrogar un articolo dela Costituzion?
O bisogna far prima una lege che permeti ai referendum abrogativi de riferirse anche ala costituzion, Se no cossa, cambiemo la costituzion a colpi de referendum...?
Naturalmente la Costituzion no se pol cambiar. Distinguo: No se pol cambiar se el cambio xe a mio favor. Se xe a favor de quei altri se cambia. E come che se cambia! :gnammy4: :incazzato: :marameo47: :vergognati:



Ciancele
no montar in scagno
no montar in scagno
Messaggi: 4304
Iscritto il: gio 28 lug 2011, 22:30

Re: Brexit

Messaggio da Ciancele »

Tuti conosi el proverbio: Tra el dire e il fare ... Ala television i sta disendo che l'Inghiltera ga deciso de lasar l'Europa. Ma i farà veramente? Quien sabe.



Avatar utente
Coce
citadin
citadin
Messaggi: 689
Iscritto il: dom 5 feb 2006, 11:24
Località: Australia

Re: Brexit

Messaggio da Coce »

Ciao a tuti i mii amici de sto Forum. Interessanti i commenti sul sogetto Brexit, aggiungo el mio;
Mi go sempre visto l'Unione Europea come un'ottima filosofia e se gaveva in mente i S.U. d'America, ma purtroppo iera solo che un sogno bel, ma un sogno , in realta' no xe mai stada un'Union con Stati membri su pari piedi, infati la Granbretagna no dovaria mai esser stada amessa perche la se sentiva diferente e la ga domanda' compromessi alle regole, e questo se rifletti nel referendum fatto. per conto mio xe un mal perche el prova ancora una volta che i pensieri e desideri filosofici o Religiosi no se pol ottegnir. PERCHE?
PERCHE NOI LA RAZZA UMANA NO SEMO ANCORA CAPACI DE CONDIVIDER QUESTO MONDO IN ARMONIA, El che vol dir che semo ancora guidai dal nostro Ego , cioe' semo ancora tropo egoisti. Cussi la vedo mi. Saluti a tuti Coce Cesare Colussi


La vita
Piu' che la pendi
Piu' la rendi

Ciancele
no montar in scagno
no montar in scagno
Messaggi: 4304
Iscritto il: gio 28 lug 2011, 22:30

Re: Brexit

Messaggio da Ciancele »

Continuo el mio post contando che ieri sera ala TV tedesca i ga dito che i inglesi i ga volesto ‘ndar fora un par una ragion e un par l’altra. Adeso che i xe fora no i sa quala ragion ga de eser quela bona. Parlar de una magioranza del 52% me par un poco esagerà. Aritmeticalmente parlando xe giusto: 52 xe più dela metà, ma par una magioranza bisognaria gaver almeno un 75 percento. Dir che squasi la metà no ga volesto no xe tanto sbalià. In dialeto se diria che adeso i tira el c.. indrio. Quel che volaria Coce, e no solo Coce, no xe ‘ncora maturo. Chi che confronta l’America con l’Europa dismentiga che in America i parla solo una lingua. In Europa ogni paese ga la sua e tanti no capisi gnanca quela del paese più vizin. Far confronti tra el nord e el sud (Italia) o tra ovest e est (Germania) no xe gnanca giusto. A Trieste de inverno se bati broche, a Napoli se va a bever l’aperitivo in giardin. Nel 1971 iero in Spagna par lavor. Gavemo comincià ale diese de matina. Prima gnente. Mi ale sie (de sera) volevo ‘ndar a casa. I me ga dito de no. Ale diese te podarà ‘ndar e ale undise o mezanote ‘ndemo magnar. A Trieste de istà gaveimo ora de pranzo dele dodise e meza ale tre e meza. A casa ‘ndaimo no prima del oto. Dale tre e meza ale zinque/sie se sudava. I cabibi ne manda pomidori e noi se fazemo el sugheto e noi ghe mandemo parsuto e lori i se fa un sanduic. Do ut des. No vedo problemi. A meno che no se li fazemo noi e cioè: Dà ut ciapo.



Piereto
eximio
eximio
Messaggi: 2161
Iscritto il: ven 24 set 2010, 19:38

Re: Brexit

Messaggio da Piereto »

Son dacordo sia con Coce che con Ciancele. Xe sai dificile far contenti tuti. Quando che i disi che la maggioranza iera del 52% par poco, no so , forsi i voleva un plebiscito tutti favorevoli o tutti contrari, ma alora no se parla più de democrazia. Qualchidun se dimentica che esisti anche un 27% dei elettori che no xe andadi a votar, cioè vol dir che per lori una soluzion valeva l'altra. Quanto alla costituzioni le xe tute modificabili quando che le xe scritte troppo ricche de contenuti, piene de principii, per cui tante robe xe dificili de applicar. Voio dir che la costituzion italiana xe sta za modificada un per de volte e quasi sempre dalla sinistra. Certo xe i tempi del fare all'italiana, cioè xe la storia de sior intento per cui uno mori prima che le robe vadi in porto. Comunque ieri in Spagna i gà fato de novo le elezioni dopo do mesi, e sto colpo ga ciapà più voti i popolari rispeto i socialisti. Tra noi e i spagnoi xe una grande differenza cioè la i torna a votar quando che le maggioranze no se concretizza, da noi in italia quando che no ghe xe una maggioranza, xe el presidente de la repubblica che el scegli, e gavemo visto che belle scelte che el gà fato. El difetto generale dei governi , xe che quel che vien votà fa delle promesse, ma se nol le rispetta, nol finisi in buso e tutti lo dimentica come un inaffidabile malfattore. No el vien rieletto più volte. Più grosse el le spara più la gente ghe credi. Qualchidun ga anche dito che ognidun ze merita el governo che el gà. Alora ghe xe dei popoli più intelligenti e dei popoli più mone :cheezy_298:



Avatar utente
Coce
citadin
citadin
Messaggi: 689
Iscritto il: dom 5 feb 2006, 11:24
Località: Australia

Re: Brexit

Messaggio da Coce »

Hi , I think you are both missing the point. in regard to what I was saying. Ciancele, la magioranza xe el 50% + 1 , e el 52% xe el 2 % piu dela meta' cioe' el 50%, me par che el totale dei votanti iera 27 miloni percio' quel 2% xe el 2% de 27.000000, figurite ti quanti che ga votado per el Brexit.
El mio argomento iera che no semo ancora boni abastanza per condivider el mondo CONDIVIVIDER xe la parola chiave. Infati se vedi subito come pensemo quando se rivolgemo ai Meridionali italiani come Cabibi , no mostremo rispetto per el prossimo , perche se no me sbaglio quando se sprimeva verso una persona come Sciavo o Burico iera considera' offensivo. Mi penso che la prima roba necessaria per viver in pase e armonia in sto mondo Globale xe el rispetto per qualsiasi persona che sia de qualsiasi Razza, Religion , Nazionalita' . Ciao a tuti Coce


La vita
Piu' che la pendi
Piu' la rendi

Ciancele
no montar in scagno
no montar in scagno
Messaggi: 4304
Iscritto il: gio 28 lug 2011, 22:30

Re: Brexit

Messaggio da Ciancele »

Caro Coce, go paura che me son spiegà mal, ma anca mi, forsi con parola diverse, go dito che no semo ‘ncora pronti per una Europa unita. Ogni popolo in Europa xe diverso par lingua, religion, modo de veder. E anca temperatura. Modo de magnar, modo de viver. Un ruta che me spaca i timpani e no’l se scusa, ma el se vergogna se el starnuda. Questo xe solo un esempio. La Rusia se aneti la Crimea e fa guera ala Ucraina. Le sanzioni! Come el 18 novembre 1935. Come va avanti? La guera de Abisinia ga continuà e i rusi continua a beverse el bicer de nero. Xe sempre qualchedun che ga interesi propri a vender. Qualsiasi roba. Anca l’anima. Tanti ani fa i gnochi gaveva proibì l’importazion de parsuto e salame talian. Purtropo el salame furlan vigniva ciamà talian e cusì nisba. Vive la France! I francesi vendeva in Germania parsuto e salame francese. Penso naturalizado: Saint-Danièle ou de Parme. In America gavemo el trasferimento de tecnologia. In Europa no. Almeno no tra l’ovest e l’est. Le robede l’est, specialmente machine, le fa tuto, le lava par tera, le fa cafè, ma no le dà i risultati de quele de l’ovest. Parchè? Parchè l’ovest no pasa a l’est la tecnologia necesaria. Me ricordo che nei ani sesanta no se podeva esportar a l’est el film de polipropilene soto i 38,5 micron. El film de 12,5 micron serviva squasi solo a impacar fete de pan. Sensa el film de 12,5 micron l’est doveva magnar pan duro. In America, domando de coregerme andove che sbalio, i stati federali in miseria ciapa soldi de quei che ga. Più o meno xe quel che se fa qua in Europa. Ma no bisogna dismentigar che l’union americana xe stada fata circa 160 ani fa e se tratava de tacar do tochi. E i ga ‘ncora problemi. In Europa gavemo un mosaico de tochi e se pasadi solo poco più de zinquanta ani. Spetemo ‘lora ancora zento ani e po se discuti.
Ma par tornar al quel famoso do perzento. Mi no go la minima idea de quanta gente doveva dar el voto. I 27 milioni xe tui. De questi 27 milioni circa 14 ga votà par el Brexit e circa 13 milioni contro. Gavemo circa un milion de diferenza. Xe come se una clapa de undise de lori decidesi de far quel che vol la magioranza. Sie vol giogar a carte e zinque balon. De muli zogaimo quel che fa un fa tuti. Ma no credo che vadi ben in politica. ‘deso se capisi par cosa che i vol far un novo referendum. E dopo un novo referendum. Ecc. E cusì pasa el tempo e rivemo a Nadal. Festa par tuti e epifania le feste scova via, ma le feste finisi solo dopo l’asension. Ma subito dopo gavemo le feste de scola. Po comincia de novo la scola e ci rivedremo a Filipi. ‘deso tuti se informa dove che xe ‘sto Filipi. Sicome che tanti gaveva clanfa in storia, durerà prima che i se rivedi. E chi sa dove. Altre discusioni. Basta vardar la televisione scoltar quel che i conta. Zento per un soldo.
Xe un fato che in Europa, e par Europa digo Strasburgo e Bruxelles, no tuto va come che dovesi ‘ndar. Se i stati che solo paga e stati che solo ciapa. Qua se disi che el maestro sona la musica de quel che paga. Quei che i ciapa i vol ciapar, ma i vol che se soni quel che i vol lori. Un poco dificile. Se no te meti el soldin nela machineta, la machineta no sona. L’Inghiltera disi de eser un dei paesi che solo paga e volaria no pagar e tignir el patus par lori. Ma i volaria che la machineta sonasi listeso la musica de lori. Adeso se capisi parchè che i xe stremai (impauriti). Legendo più a fondo go visto parchè el se ciama Regno Unito. Noi disemo soempre e solo Inghiltera. Inveze bisognaria dir Inghiltera, Scozia, Wales e Irlanda del Nord. Ognidun xe par conto suo. Difati i ga anca una squadra de balon (calcio) tuta sua. Ve ricordè dela Sicilia e i separatisti? Ve imaginè una partida internazional Italia contro el teritorio libero o Cortemagiore? El tuto xe sta el famoso colpo in bianco, che saria sbarar una canonada davanti dela prua, ma senza far dani. L’Inghiltera xe stada l’unica o xe la famosa baleta de neve in movimento? Vedaremo.
Se mi digo cabibi, carabù, vis’cia, cinciuncian ecc., vol dir che scrivo nel mio dialeto. No intendo ofender nisun, ma solo cior le espresioni che go imparà de picio. Ti te son de poco più giovine de mi e semo ‘ndai via squasi insieme. No credo che in ‘sti do ani sia cambià tanto. Mi son cresù in ambienti no taliani. Ma più o meno parlaimo el steso dialeto.
Go leto quel che go scrito e me go dà del m... Grafomane, diseva un mio colega mezo triestin (mare de Graz!). Mando o no mando? Me go dito: Ciancele, sera i oci e fraca boton. Fracai.



Piereto
eximio
eximio
Messaggi: 2161
Iscritto il: ven 24 set 2010, 19:38

Re: Brexit

Messaggio da Piereto »

Se me lasè far un esempio musicale sarà sai interessante. Xe 27 de lori ( quei de la UE) che vol sonar e i vol e i devi sonar perchè i xe a curto de bori. I gà trova un che paga , ma per entrar in orchestra bisogna posar per iscriverse e po pagar le tasse, ma insomma se spera de star meio che sonando de soli. Adeso pero ognidun no pol più sonar quel che el vol lu, ma el devi sonar una musica che gà scelto chi che tira fora i bori. Sta musica la saria fata secondo le regole armoniche in modo che tuti vadi d'acordo. E qua semo al punto de ogi. Ognidun ga un ruolo nell'insieme dell'orchestra, un ruolo che però non tien conto de le capacità e che el te ridimensiona, e po ghe xe anche in te la musica un solista che xe de compagnar. Ma chi gà scelto el solista? e perchè se ga scelto un certo tipo de armonia mentre se podeva sonar anche generi musicali diversi ? Volemo sonar tuti in orchestra, ma bisogna variar anche i ruoli, e no che soni le parti soddisfacenti sempre i stesi. Perchè si no qualchidun decidi de molar.
Quanti gruppi orchestrali e complessini se ga sciolto in sti ani ?
Giustamente Ciancele disi che i Usa xe el fruto de la riunion de tanti Stati ma iera stati più o meno tuti agricoli, e quando che i gà fato le scelte dove impiantar le industrie no i gà avudo problemi. Xe una federazione de Stati e ognidun ga la sua costituzion, e ghe xe leggi diversi fra i Stati. El governo federale agisi solo in certe materie.



Avatar utente
Nona Picia
Capo postin
Capo postin
Messaggi: 10949
Iscritto il: ven 20 gen 2006, 15:08
Località: Trieste - Rozzol

Re: Brexit

Messaggio da Nona Picia »

Come che go dito sempre mi, i stati europei no xe pronti per marciar insieme de nisuna parte. Xe tropi individualismi e no se va dacordo su niente. E come che disi Piereto no xe giusto che comandi sempre uno, perdepiù quel'uno che zà una volta ga rovinà l'Europa.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....

Avatar utente
babatriestina
Capo postin
Capo postin
Messaggi: 37482
Iscritto il: dom 25 dic 2005, 19:29
Località: Trieste, Borgo Teresiano

Re: Brexit

Messaggio da babatriestina »

gavemo festegiado- almeno mi, no so voi- la caduta de Muro de Berlin. Gavemo visto la riunificazion dela Germania ( qualchedun a sinistra soto soto pianzeva per la fin dela Germania est ,se legi fra le righe in certi libri de storia orientai a Marx). Gavemo visto rinasser i Paesi del est: mi no so la Polonia o la Slovacchia ma Praga per dir che go visto nel 1980 e dopo del 89 e la xe come rinata.. e i gnochi se ga dado defar. Ma no i ga eleto un cancelier come quel, e no i se anneti tochi de Europa cola scusa dele minoranze etniche come che semai tenta de far qualchedun altro... se i xe bravi, i lavora .. xe come quei che no ghe piasi i primi dela classe... ve confesso che sti ultimi anni son andada assai volentieri in Germania... come che vado altretanto volentieri in Francia.
Xe interessante che le critiche a volte ghe dà la colpa ai euroburocrati de Bruxelles e Strasburgo e altre ala Germania.. e come sempre xe colpa dei altri...

e xe due frasi fatte che me preocupa co l e legio " sovranità popolare" e "poteri forti". Perchè chi che le ripeti e se impignissi la boca spesso e volentieri fa el zogo sia de quei che cola scusa del popolo fa quel che ghe fa comodo e quei che scariga sui poteri forti ( e congiure) quel che xe i loro falimenti. Robe che fazeva le ditature...


"mi credo che i scrivi sta roba per insempiar la gente" ( La Cittadella)

Piereto
eximio
eximio
Messaggi: 2161
Iscritto il: ven 24 set 2010, 19:38

Re: Brexit

Messaggio da Piereto »

Evidentemente xe alcune robe che no se pol taser. Noi popolo elegemo un parlamento europeo (700 e roti rappresentanti) che pero gà un potere consultivo, mentre i omini de la comissione europea non i vien eletti dal popolo , ma xe quei che decidi. Cusì i decidi in maniera strana su robe che ne par marginali, e figurarse cosa che noi fa su quelle segrete economiche. Per esempio la grandezza dei crostacei che no se pol pescar, per cui la nostra storica pezzatura a lori no ghe ve ben. I decidi su le quote de produzion in agricoltura per cui el nostro fabbisogno nazionale de latte noi ne lo lassa coprir co la produzione nostra, ma dovemo comprar de fora. Po ogni volta che se zerca de meter l'etichetta de origine nazionale no ghe va ben. I buta a remengo el nostro oio fazendo inportar 75000 tonelate de oio tunisin come se no bastasi la nostra produzion e quela de greghi e spanioi, per no parlar de l'ordine de taiar i uliveti nostri colpidi da un insetto che secca le piante e impedir che la ricerca vadi avanti per farlo fora. ( la malattia ga cominciado nei USA) . Mi digo podemo perder anche un certo tipo de industria pesante come la Fiat che oramai la xe za andada : sede legale in Olanda e la xe oramai proietada in Usa, ma no podemo lasarse fregar nei settor agricolo che xe el migliore per qualità e produzion in Europa e nianche nell'industria del turismo. Ma i nostri politici xe tuti genuflessi, mentre quando che noi te scolta bisogna doprar altre leve. Noi demo sei miliardi in più alla UE de quei che i ne torna indrio per investimenti. In tuti sti ani el reddito medio che prima de la Ue iera de 28000 euro (go leto i dati istat) sto ano el xe inferiore de 2300 euro. Semo più poveri e in più paghemo più tasse, e el debito nazionale cresi sempre con qualsiasi governo. Mi son per l'europa, ma no per questa.



Avatar utente
Coce
citadin
citadin
Messaggi: 689
Iscritto il: dom 5 feb 2006, 11:24
Località: Australia

Re: Brexit

Messaggio da Coce »

Me dispiasi dirlo ma semo una delusion , tuti pieni de gnagnere e de egoismo Nissun de voi ga menziona ' le grandi religioni e filosofie che xe la base dela nostra civilta'.
quando se analiza i vostri pensieri , se capissi la ragion perche no podemo andar dacordo . Rangeve!!! Ciancele Mi go quasi 87 ani e go lassa'Trieste co gavevo 22. Ciao a Tuti Coce


La vita
Piu' che la pendi
Piu' la rendi

Avatar utente
sono piccolo ma crescero
Cavalier del Forum
Cavalier del Forum
Messaggi: 7556
Iscritto il: ven 11 mag 2007, 14:08
Località: Trieste

Re: Brexit

Messaggio da sono piccolo ma crescero »

Scusa Coce, no go capì ben cosa che te ga deluso. Te secheria spiegarte meio?

Te prego de crederme che no xe polemica la mia, xe proprio voia de capir e magari veder se qualchedun riva a risponder a quel che te intendi. Grazie.


Non sono abbastanza giovane da sapere tutto. (J.M. Barrie - The admirable Crichton)

Torna a “Atualità non triestine”