Coronavirus

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Coronavirus

Messaggio da Ciancele »

Mi digo sempre che odio le persone che disi che go sbalià e che amo le persone che disi che go sbalià e che me disi come che saria giusto. Qualsiasi roba che fa el governo xe sbaliada, ma - nel caso del corona - nisun disi come che saria giusto. Sicome che el numero dei contagiai xe cresudo tropo, i ga deciso de far el lockdown. In triestin se podaria dir che se tira zo el rolè. De mercoledi fina al 10 de genaio xe tuto serà, anca la porta de casa, de drento. Ga verto solo i negozi che vendi roba de prima necesità: magnar, bever, dotor. Roba che no xe de prima necesità, tipo ristoranti, bar, barbieri, palestre ecc. sera. Metemose un man sul cuor: Cosa pol far ‘sti povari politici? Natale coi tuoi … Stavolta son solo cola putela, dopo sesantasie ani. I sconsilia de gaver visite. Gnente fioi, nipoti, o altri parenti. Dopo el 10 i vardarà come ‘ndar avanti, ma i disi che no se devi sperar che cambi ‘sai. Sabato iera dimostrazion dei Querdenker. Xe dificile tradur. Leteralmente saria pensatori trasversali. In ogni caso disidenti. I ga fato dimostrazion contro le decisioni del governo. I ga proibì, ma i xe vignudi listeso. No xe dimostrazion sensa controdimostrazion. I se ga trovado in piaza. Iera anca la pulia che ga dito: Fioi, o andè volontariamente a casa e rivè suti o ve bagnemo e dovè ‘ndar a casa a cambiarve. I xe ‘ndai suti.
Xe tempi bruti. I sani, che no ga problemi, xe contro queste restrizioni. I Querdenker. I altri, che xe malai o che ga perso parenti a causa del corona, i aceta de star serai in casa e ghe dà la colpa a quei che no voleva star serai.
Domani andaremo a cior ancora qualche roba che ne manca. De magnar gavemo bastanza par do setimane. De bever anca, ma solo aqua. Noi gavemo una canzoneta che spiega cosa che se pol far con aqua. Tuto meno che bever. Aqua solo par cior le pirole. Dopo Nadal se sentiremo.


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

De sera, a che ora i ve sera? se te son solo el giorno de nadal, te pol invitar un altro amico solo a casa per magnar insieme o no, se nol vivi con ti?
te pol andara a fra quatro passi a pie anche senza andar in un negozio? per dir, ciapar aria, .. te pol caminar in un parco? te pol ciapar la machian e andar a caminar in bosco vizin de cità? xe verti i distributori de benzina? e i centri per portar le scovaze ingmbranti?
te digo, perché anoi ste robe più volte no i ne ga lasssado..
mi go visto foto de vilaggi natalizi in Germania, pareva o li ga serai de bruto?


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Coronavirus

Messaggio da sono piccolo ma crescero »

Ciancele ha scritto: lun 14 dic 2020, 18:11 Mi digo sempre che odio le persone che disi che go sbalià e che amo le persone che disi che go sbalià e che me disi come che saria giusto. Qualsiasi roba che fa el governo xe sbaliada, ma - nel caso del corona - nisun disi come che saria giusto.
Se te pol consolar, anche qua xe la stesa roba. Tuti voleria che per Nadal se se possi mover, el governo ga dito al parlamento "Se volè votè voi qualcosa", ma no me par che finora nisun se sia mosso.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

https://ambberlino.esteri.it/ambasciata ... ZeDJUN7oIY qua la situazion tedesca da parte del Ambasciata


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Coronavirus

Messaggio da Ciancele »

I mercatini de nadal, Norimberga, Francoforte, Dresda, ecc. no i vien fati. Pol darse che qualche singolo albereto con lampadine sia impizà, ma gnente mandole e vin brulè. Visite in casa con fina a 5 persone de due nuclei familiari xe permese. Teoricamente no te pol invitar due amici che i sta par conto suo, parchè saria tre nuclei. In ristorante se pol facilmente controlar, ma i xe serai. No credo che i vegni a controlar a casa tua. Basta che nisun te fazi denuncia.
Se sa che le aziende, specialmente quele che devi serar, perdi soldi e par quel i ga fato ‘sto aiuto. El problema xe che se trova sempre qualche astuto che vol profitar. No tuti xe par ‘sto aiuto finanziario. Mi son anca contrario, parchè i regala soldi mii. El governo vedi forsi el problema in modo diverso. El disi che o cusì o colì i soldi li devi dar. O soto forma de aiuto finanziario o soto forma de disocupai. I disocupai non porta soldi al governo (tase!), ma quei che lavora, anca se poco, sì. Par quel mi la vedo come el governo.
Adeso xe anca la vacinazion. Tuti se devi vacinar, ma no se sa con cosa. El vacino no xe ancora omologado. I spera de gaver el permeso entro la fin de l’ano e de cominciar in genaio. Prima però chi che xe a contato, tipo dotori ecc. Mio fio me ga dito che noi veceti, a rischio, i ne vacina dopo el 30 de giugno. Lu ala fine del 2021.
El mio dotor me diseva sempre: Signor Ciancele, una medicina sensa efeti colaterali no la val gnente. In caso del Covid i disi che el principio ativo vien prodoto anca del corpo e par quel no dovaria esere pericolo. La dotoresa dove che va la putela la ga dito che no la xe tanto propensa, ma che ghe toca ‘ndar. Mi credo che i cariga anca un poco la gente.
El putelin, che va ale superiori, el xe za restà a casa. Chi che va ale inferiori devi inveze andar a scola. Ma chi che xe a casa deve studiar un poco. La granda, che fa l’università, la se lamenta che finora no la ga fato gnanca una ora de frequenza e che no la ga mai visto i commilitoni del corso. Tuto home schooling. La meno granda fa le superiori e la xe anca ela a casa.
Noi gavemo fortuna, parchè xe vero che semo ‘sai veci, ma podemo ‘ncora magnar e bever. Mi go ‘ncora più fortuna parchè poso guidar e veramente no go bisogno de aiuto. De domani in avanti sarà verti solo i negozi che vendi roba de prima necesità. La putela me manda fora a cior roba de seconda necesità, ma par noi de prima: petes. Fin che la va tignimo duro. Tignì duro anca voi.


Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Coronavirus

Messaggio da sono piccolo ma crescero »

Pareria che sti vaccini miracolosi i rivi con una fiascheta che ghe ne tien 5 dosi (o forsi 6). Par che in Germania i ga inietado a 9 de lori un fiascheta intiera.

Ve confesso, me spetavo de leger sta notizia, ma in Italia :evil: . Devo concluder che tuto el mondo xe paese.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

qualchedun gaveva messo o citado la scritta Ospedale in emergenza al maggiore. ben bon i l ga cavada, son passada davanti oggi
El tabelon iera sul lato sinistro de sto porton
Immagine
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

e ve sgnalo questo articvolo. un fisico, presidente dei Lincei che ne disi che i dati xe assai fufignez Anche le Rt
https://www.lincei.it/sites/default/fil ... orjZEJLDZU


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Coronavirus

Messaggio da sono piccolo ma crescero »

De come che legio mi l'articolo, me ar de capir che ormai la situazion xe cusì grave che no i riva più a far i conti.

Mi infatti vardo, per lo più, el nmero de gente che xe in ospedal col covid. Penso che sia un dato bastanza oggetivo. In ritardo su tuto el resto de Italia, qualche giorno fa sto dato gaveva comincià a calar anche in region, ma desso el xe tornado a creser, e no xe ben.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

per mi xe grave che no i sa gnanche come che xe. Però nel dubio, meio spaventar la gente.
Adesso po el vaccino: semo la region che ga, in proporzion, la massima percentual de vacinai. e i anuncia fieri che al principio dle estate sarà vacinai el 6ò-70% dei citadini dle anostra region e fin estate el 100% ( se i sarà disponibili a farse vacinar). che bel! disi un. Solo che ogi legio un altro articolo del Piccolo: che ocori due dosi, che el imunità del vacin dura non se sa bene se 6 max 12 mesi, che proteggi dei casi gravi ma non se sa ben se dà imunità, no se sa se preserva del contagio anche se in forma asintomatica e non se sa se i vacinai sarà contagiosi o meno, Insoma, fin che no se sa de più, vacin o meno, stesse regole de adesso, bardai istesso. o che belo che è!


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2934
Iscritto il: ven 24 set 2010, 19:38

Re: Coronavirus

Messaggio da Piereto »

Purtroppo sto virus xe un Rna virus e el cambia , e adeso gaveno za almeno tre varianti locali, e anche el vacino Pfizer, forsi el primo né la storia, el xe costruido co tochi de Rna del virus. Quindi no xe ciaro se el sarà bon per tute le stagioni. Quindi forsi saria mejo dedicarse de più alle cure che za ghe xe, e che le fa efeto se ciolte in anticipo a casa co i te disi che te son positivo o co pochi sintomi che paresi influenzali. Probabilmente co l estate el calerà la sua cariga infettiva, e poi mutando de novo se lo ritroveremo in autunno 2021. Ecco allora che doveremo pensar a una altra strategia sanitaria per tornare al più presto a una vita de normali relazioni.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Coronavirus

Messaggio da Ciancele »

De ogi se se pol mover solo intun ragio de 15 chilometri. L’osmiza più vizina xe a più de 15 chilometri. Ma mi go listeso un fortunon, go brenta! El talian che vendi la mortadela e el Lagrein el xe a 12,500 chilometri. A scola i me contava che la ligna reta xe la distanza più curta tra do punti. Se taio le curve rivo forsi a 12,450.


Piereto
eximio
eximio
Messaggi: 2934
Iscritto il: ven 24 set 2010, 19:38

Re: Coronavirus

Messaggio da Piereto »

🥳 urrà


Piereto
eximio
eximio
Messaggi: 2934
Iscritto il: ven 24 set 2010, 19:38

Re: Coronavirus

Messaggio da Piereto »

Zerco de far una analisi molto semplice.
Allora come che disevo esisti una altra strategia sanitaria diversa da quela che ogi ne imponi le chiusure alternade e totali e cioè : duplicar i posti letto, riverzer o crear novi ospedai e quindi assumer in pianta stabile novi dotori e infermieri e tornar cusì a verzer tuto e questo a prescinder che rivi i vacini o che veni fora una variante 2021 del virus.
El governo attuale inveze no vol assumer ma andar avanti coi precari. Quindi no podemo tornar a una vita normale de relazion, perchè po no xe posti in ospedal per guarir tuti. El risultato xe che seradi come semo se produci sai poco e se vendi ancora meno all'estero, cioè no entra soldi sia ne le scarsele de la gente che ne le casse del fisco e nel fratempo aumenta le spese de la nazion italiana. La famosa facenda dei soldi de ricovero della UE, xe tuti soldi imprestadi , cioè sai pochi a fondo perduto, e sottoposti al vaglio de la comission de bruxelles. Se te sgarri noi te li da più e i vien in casa a dettarte come che se fa a governar un paese come che i vol lori. ( andemo a far la fine de la Grecia). Se ga anche visto che sta UE xe comandada da una comision, personalità non scelte e vagliade dal parlamento europeo e che sottostà ai dettami del libero mercato, e in caso de pericolo ogni componenete de la UE se comporta de novo come una nazion indipendente. E se vedi che za da una trentina de anni el sistema economico mondiale capitalista vacilla.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Coronavirus

Messaggio da Ciancele »

‘sto mostro che xe el Covid bisogna scombaterlo. Qualche giorno fa go sentì par radio che la popolazion xe invitada a mandar foto e programi de come che secondo i ascoltatori se podesi vinzer el Covid. Diversi se lamenta che la Germania deta lege, ma xe anca giusto, parchè noi semo ala vanguardia. No so se gavè mai sentì le parole interazione e sinergia, ma xe qua la soluzion. Testa lustra ga perso la guera parchè el ga proibì de parlar nei spaceti. Qui non si fanno discorsi di politica o di alta strategia. Ma dove se no in betolin? :doh_143:


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

temo che no sarà per petizion popolare che se risolverà el problema. vacino? si, ma...
e no podemo trovarse in betolin a discuter. per cui perdermo anche sta guera?


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

adesso gira questo pupolo, che i me disi che corrispondi a verità e ai consigli ufficiali, xe un poca de malignità, ma no tanta

Immagine


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Coronavirus

Messaggio da Ciancele »

babatriestina ha scritto: mar 19 gen 2021, 11:59 temo che no sarà per petizion popolare che se risolverà el problema. vacino? si, ma...
e no podemo trovarse in betolin a discuter. per cui perdermo anche sta guera?
No xe sta el governo a dir, ma qualchedun dela radio. Speremo che el gabi volesto scherzar.
Quei che xe sul giro de aria i pol vacinarse. Mi go ciapà un invito e neue maschere, più bone. Gavemo savù de dotori che no i sa se i vacina o no. Diversi ga paura dei efeti colaterali, e po no i sa se queste mutazioni mori o se ne frega dei vacini. Insoma se se meti in fila e se speta. Sicome che sul giro de aria xe quei che ga più de otanta ani, pol darse che i mori prima de vacinarse. Cusì o cusì el problema xe risolto. Adeso gavemo el coprifuoco noturno. Mi che de ani vado de note in giro, nei bar o a svaligiar banche, me tocarà a star a casa. Domandarò anca mi l'aiuto finanziario parchè no poso più svaligiar. ;--D


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: Coronavirus

Messaggio da babatriestina »

anche noi coprifuoco, ma devo dir che no me son quasi inacorta. pezo xe no poder bever un cafè al bar.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2934
Iscritto il: ven 24 set 2010, 19:38

Re: Coronavirus

Messaggio da Piereto »

Concordo, manca l'atmosfera del bareto e del cafè bevudo al tavolin. Val più un bicer de dalmato che l'amor mio ? Xe meio star seradi e caminar per strada rente i muri schivando i passanti morindo de fame perchè nisun lavora più, o andar fora dapertuto, ristorante , teatro, scola museo?. Più el tempo passa e el virus continua co le varianti, più aumenta le richieste de libertà.


Torna a “Atualità non triestine”